السؤال الخزعبلي في ظل الهبل اللي احنا فيه :...

[Travel Secrets]

السؤال الخزعبلي في ظل الهبل اللي احنا فيه : اشتري دولار و لا أبيع الدولار ؟!!
طبعا سؤال صعب و الشعب المصري لسه في حالة صدمه من عدم استقرار سعر صرف الدولار بين يوم و ليله , طيب احنا كمسافرين بنتشعلق في رضا ربنا , و عاوزين نتلم على كام دولار علشان نعرف نسافر , لو معايا دولار أبيعه و لا اشتري دولارات دلوقتي و لا أعمل ايه !!
انا مش بتكلم على التجار أو اللي داخلين الموضوع بهدف الربح , أنا كلامي حاليا على المسافرين فقط , نصيحتي حاليا لو معاك دولار حافظ عليه شويه علشان رحلتك القادمة و متبيعوش لأن الأوضاع غير مستقره و احتمال يزيد مره تانيه و فيه احتمال لو بعته دلوقتي تشتريه بعد كده بالغالي , و لو أنت مسافر اليومين دول و محتاج دولار فده أحسن وقت تشتري فيه دولارات علشان تستفيد بفرق السعر الرهيب اللي نزل خلال يوم واحد.
انت عارف يعني ايه الدولار ينزل أكتر من 4 جنيه في يوم واحد , يعني لو كنت حتشتري ألف دولار أمبارح ب 18 الف جنيه , النهارده حتشتريهم ب 14 الف بس , يعني وفرت 4 الاف جنيه ( تمن رحله لباريس ) , و الله أعلم ممكن ينزل بكره كمان اد ايه !!
الفكره كلها حاليا ان الموضوع عرض و طلب, و دلوقتي الطلب على الدولار قل علشان القرارات الجديده اللي تم اتخذها, و كل اللي كانوا داخلين الموضوع استثمار و معاهم قرشين و شايفين أن الدولار كل يوم بيزيد جنيه و عاوزين يكسبوا من الزياده المجنونه اليوميه, دلوقتي كلهم بيبعوا و بخساره كمان !!
حاليا السؤال الأهم : طيب الدولار نزل هل الأسعار عموما حتنزل !!! هل البنوك حتزود حدود السحب و الشراء على بطاقات الائتمان !!! هل حيكون الدولار متوفر لو عاوزين نشتريه بالأسعار دي من شركات الصرافة !!!
By: Bahaa
#يا_مجنون_يا_دولار #travelsecrets

 

[Tamer Ali]

ملاحظة : انت لما تيجي تبيع دولار هيشتروه منك ب 14 انما لو حبيت تشترى كمية من اي صرافة هيقولك 18 الهبوط وهمى عبارة عن خدعه نظرية ستنتهى بالفنكوش خلال ايام .

 

[Ahmed Aréf]

والفكرة هنجيبه ونشتريه منين اصلا؟!

 

[عمرو شريف]

الحد الاءتماني للكروت نزل تاني اعتبارا من امس

 

[HodHod ELbaz]

Mohamed

 

[Soha El Nassag]

Eman Mohamed Aly

 

[Sameh Salah]

ب 13 كمان دلوقتى بس بيع بس ولو فكرت تشترى حيقولك 17 !! فية حورات ولعب بيحصل !!

 

[Nada Samaha]

Kareem Kamal

 

[محمد عبد الخالق]

Kareem Elshater

 

[Nada Ahmad Hassaan]

Wafaa Hassan

 

[Mahmoud Awd]

انا شايف ان لو الحكومة عملت شويه اجراءات لضبط الانفاق الحكومى وتخفيض السلع اللى بيتم استيرادها زي ما اعلنت الغرفة التجارية انهارده مع عمل طرح عدة عطاءات دولارية من البنك المركزي ده هيأدي ان السعر يهدي أكتر واللى كان معاه ال ولا اتنين بيضارب فيهم هيبيعهم عشان هيخاف من الخساره فهيقلل شوية من سعرة على فترات قريبة الفترة الجاية...لكن...تجار العمله الكبار واللي شافوا مواقف مماثلة زي دي قبل كده انا شايف في رايي انهم هيحاولوا يشتروا دولارات ويخزنوا اكبر كمية ممكنة وهيتبعوا مع الحكومة سياسية النفس الطويل ساعتها بس هنعرف الدولار ممكن يوصل لفين ويستقر على ايه....الانخفاض الرهيب ده جاي من الخوف من الخسارة من كام واحد حوش كام الف وسط الهوجة ولبسهم التقيل لسه اعد بيمخمخ بمزاج عالى ومستنى يشوف اخر الحكومة ايه في اجراءات الاصلاح وعلى اساسها هيبدأ يتصرف

 

[Waseem Adel]

Shady Zaki

 

[Muhammed Amer]

المشكله ان سعر الصرف قل نتيجه الاموال اللي تم ضخها فى البنك المركزي بس ممكن بعد وقت قليل يرجع تاني ودي احتماليه كبيرة لو شفنا فشل الحكومه في التحكم بالسوق مستمر ومعتمدين ع قرشين كل شويه من بره !!

 

[Sofia Gibrel]

ولسة حاينزل تاني في خلال إسبوع او 10 أيام

 

[Hanan S. Berzi]

كل دة فنكوش اللي معاه ما يبيعيش واللي عايز يشتري بس يستني للاسبوع الجاي هينزل تاني شهر ويطلع فريرة

 

[Ahmed Samy]

بغض النظر اني شايف الموضوع ده من وجهة نظر تانية خالص بس انا عايز اسال هو الدولار بيتباع فين انا لفيت على صرافات كتير ومفيش حد بيبيع دولار والكلام ده بقاله اكتر من شهر معايا

 

[Ahmed Wazeer Bahnsawy]

لا لحظة واحدة 4 الاف جنيه تمن رحلة لباريس ؟ ازاي ده ؟

 

[Mohamed Khaled]

Mabrooooook mfesh limit delwa2ty

 

[Mohammed Mohammed]

الدولار بقا بجنيه مش هي اقصه الموضوع هتجيبو منين

 

[Soha Abd Elshakour]

انا شايفة انك تشيل البوست ده حاليا احسن