السلام عليكم يا تراڤليين <3 حابه نستشيركم في...

[Nada Almnafy]

السلام عليكم يا تراڤليين <3
حابه نستشيركم في موضوع ، إن شاء الله مفكره الفتره الجاية نمشي لمالطا عشان نأخذ كورس لغه ، فـ لو سمحتوا أي شخص عنده معلومات على مالطا مايبخلش عليا ، من ناحية المصاريف و معاهد اللغه واسعارهن و الجو العام لمالطا يعني مُريحه ليا كبنت ومسافره بروحي ولا لا ؟ و شكراً

 

[Ali Fakree Eldin ElSallabi]

والله حضرتك انا عديلتها كسياحه اكثر من 12 مره وكانت قمه في المتعه من عده نواحي بس كدرلسه ممكن تلقي حد ايفيدك في الموضوع هذا عشان الفكره حتختلف من زياره لسياحه

 

[ام طه]

مالطا الحياة فيها غالية وخصوصا بالنسبة لنا نحن الليبيين بعد انهيار الدنيار الليبي بس الحياة فيها ساهلة بحكم صغر حجمها وتواجد الكثير من الليبيين فيها يعني مش حتحسي بالغربة وموفقة ان شاء الله

 

[Amani Elwerfaly]

من ناحيه السياحه انقنها تهبل بكلللل ومريييحه قعدت فيها خمس ايام عشان ترانزيت وماتمنيتش يكملن بس كاعيش فيها غاليه شويه هذي ف 2012عديت مالا توا شن حتكون وان شاء الله بالتوفيق

 

[Agdora Alagebi]

مالطا غاليه توا ننصحك باوكرانيا

 

[Asia Mohameed]

توا انا بنسألك انتي حصلتي تأشيرة ولا بتقدمي عليها لان انا مشكلتي في التأشيرة

 

[Nonna Mokasabi]

كلميني على الخاص يا اختي توا نحكيلها عليها بكل تفاصيلها.