C
Couple Travel
:: مسافر ::
مكنة الإنبهار
و انت خارج من بيتك عشان تسافر و بمجرد ما بيقرب ميعاد الطيارة مكنة الإنبهار بتشتغل .. الواحد بيلاقي عنده استعداد جبار للانبهار.
طب و بيبقى عامل ازاي ده !!!
عنين مبحلقه .. فم لا يكل و لا يمل من الابتسام .. قشعريرة في البدن .. الخ الخ الخ
يعني هي الدنيا مبهره اوي كده برا ؟
اه مبهره اوي كده .. ده غير ان اي حاجه عاديه بتشوفها برضوا مبهره ... حاجه كده زي حزلقوم ستايل "ايه ده !!!!!!! فاظه".
طب انبهارات كده زي ايه ؟
* تعامل موظفين المطار معاك و ابتسامتهم و ترحيبهم بيك "مع ان ده العادي .. بس مش عندنا"
* الهوا النضيف المنعش اللي بيملى جسمك "ده بقى لا يمكن تلاقيه عندنا"
* الالتزام القوي باشارات المرور .. خاصة في باريس
* مفيش حاجه اسمها عماله زايده .. او واحد بيشتغل و مالوش لازمه .. كل حاجه بتستخدم فيها التكنولوجيا و ساعد نفسك بنفسك .. احنا كنا اصلا بندور على الناس اللي بتشتغل و مش لاقينهم ... محطات المترو مفيهاش موظفين .. حاجه كده أد هايبر و فيها موظف امن واحد و ٣ كاشير بس
* ازازة ال كوكاكولا في ايطاليا فيها كمية صودا تكفي كل مصانع ال كوكاكولا في مصر
* النضافه طبعا في كل حاجه و كل حته
* المواصلات العامه كلها رائعه زي المترو و الاوتوبيس و غيره
* الناس في باريس بيلمعوا .. كلهم معديين على مراكز تجميل قبل ما ينزلوا الصبح .. شياكه و نضافه و اهتمام
* عدد الكلاب اللي ماشيه في الشارع في برشلونة نفس عدد الناس .. و الكلاب كلها بتروح للكوافير
* المترو في برشلونة بيوصل بالثانية و بيبقى في شاشه بتقولك هيوصل امتى
* كل الناس اللي في برشلونة بيمارسوا الرياضة في الشارع طول اليوم
* كل منطقه او حي في جواها منطقه كبيره مفتوحه لممارسة الرياضة بانواعها
* في التزام جبار بالطوابير .. الناس تقريبا في اوروبا بيعبدوا الطابور
* الشوارع ضيقه جدا .. بس مفيش حاجه اسمها زحمه
* في باعه جائلين و ناس فارشه في الشارع زي عندنا .. بس كلهم منزوع منهم التناحه و الغتاته
و غيره و غيره و غيره
طبعا كل يوم بيعدي عليك معدل انبهارك بيقل .. بتبقى اتعودت و كده يعني ...... بس الحمدلله اول ما بترجع مصر بتتصدم و الحلم بيخلص و بتصفر عداد الانبهار و بتستنى السفريه اللي بعدها عشان تشغل مكنة الإنبهار من جديد.
#سافر
#اوروبا
#Travel
#Couple_Travel
و انت خارج من بيتك عشان تسافر و بمجرد ما بيقرب ميعاد الطيارة مكنة الإنبهار بتشتغل .. الواحد بيلاقي عنده استعداد جبار للانبهار.
طب و بيبقى عامل ازاي ده !!!
عنين مبحلقه .. فم لا يكل و لا يمل من الابتسام .. قشعريرة في البدن .. الخ الخ الخ
يعني هي الدنيا مبهره اوي كده برا ؟
اه مبهره اوي كده .. ده غير ان اي حاجه عاديه بتشوفها برضوا مبهره ... حاجه كده زي حزلقوم ستايل "ايه ده !!!!!!! فاظه".
طب انبهارات كده زي ايه ؟
* تعامل موظفين المطار معاك و ابتسامتهم و ترحيبهم بيك "مع ان ده العادي .. بس مش عندنا"
* الهوا النضيف المنعش اللي بيملى جسمك "ده بقى لا يمكن تلاقيه عندنا"
* الالتزام القوي باشارات المرور .. خاصة في باريس
* مفيش حاجه اسمها عماله زايده .. او واحد بيشتغل و مالوش لازمه .. كل حاجه بتستخدم فيها التكنولوجيا و ساعد نفسك بنفسك .. احنا كنا اصلا بندور على الناس اللي بتشتغل و مش لاقينهم ... محطات المترو مفيهاش موظفين .. حاجه كده أد هايبر و فيها موظف امن واحد و ٣ كاشير بس
* ازازة ال كوكاكولا في ايطاليا فيها كمية صودا تكفي كل مصانع ال كوكاكولا في مصر
* النضافه طبعا في كل حاجه و كل حته
* المواصلات العامه كلها رائعه زي المترو و الاوتوبيس و غيره
* الناس في باريس بيلمعوا .. كلهم معديين على مراكز تجميل قبل ما ينزلوا الصبح .. شياكه و نضافه و اهتمام
* عدد الكلاب اللي ماشيه في الشارع في برشلونة نفس عدد الناس .. و الكلاب كلها بتروح للكوافير
* المترو في برشلونة بيوصل بالثانية و بيبقى في شاشه بتقولك هيوصل امتى
* كل الناس اللي في برشلونة بيمارسوا الرياضة في الشارع طول اليوم
* كل منطقه او حي في جواها منطقه كبيره مفتوحه لممارسة الرياضة بانواعها
* في التزام جبار بالطوابير .. الناس تقريبا في اوروبا بيعبدوا الطابور
* الشوارع ضيقه جدا .. بس مفيش حاجه اسمها زحمه
* في باعه جائلين و ناس فارشه في الشارع زي عندنا .. بس كلهم منزوع منهم التناحه و الغتاته
و غيره و غيره و غيره
طبعا كل يوم بيعدي عليك معدل انبهارك بيقل .. بتبقى اتعودت و كده يعني ...... بس الحمدلله اول ما بترجع مصر بتتصدم و الحلم بيخلص و بتصفر عداد الانبهار و بتستنى السفريه اللي بعدها عشان تشغل مكنة الإنبهار من جديد.
#سافر
#اوروبا
#Travel
#Couple_Travel