#نقطه_مهمه_للتوضيح بالنسبه للناس الي معجبهمش...

[Ali Fakree Eldin ElSallabi]

#نقطه_مهمه_للتوضيح
بالنسبه للناس الي معجبهمش البوست بتاع اسبانيا وقعدو ايعلقو وخششولي فيها الغلط والصح ومش عارف شنو ودارو موضوع مصخط كبير علي قصه ويسحابوني انتهزي علي الناس الي متعرفش اتسافر
انا حكيت القصه من منطلق اني ديما نحكي في قصص السفر بتاعي واي حد قاعد في القروب من سنتين يعرف انا وين مسافر وشن شايف ونحكي في واقع صاير بالفعل
والناس الي صار معاهم الموقف انا منتهزش عليهم بقدر ما واجعني جهلهم وعدم معرفتهم بواقع البلاد الي هما سافرولها
والي مستغرب ان في ليبين ميعرفوش ان الدينار الليبي مستحيل اتصرفه في اسبانيا
انحب انقوله ان في ليبين تحرشو بواحد راجل في بريطانيا
وفي ليبي حجز تذكره طيران لمالطا في 2013 من غير مياخذ تاشيره ويسحاب مالطا مزالت برا الشنجن area وردو من مطار بنينا وبامكانكم سؤال اي موظف ترحيل عن هذه الواقعه الشهيره
وفي ليبين اعزقو بنت من الدور الثاني في تونس
وفي ليبين خطفو طياره وعدو بيها مالطا
وكان بنحكيلكم ع العار الي انديرو فيه #نحنا الليبين في الداخل والخارج نقعد نحكيلكم للصبح
الي مسافرش ومشافش الليبين برا ليبيا الرجاء يسكت ولا ميعلقش علي حاجه هوا حضرته مش فاهمها ومش شايفها
والي مش عاجبه القروب ياريت يطلع
بس انك تقذفني وتتهمني بالباطل انا منتقبلش منك الشي هذا مهما كنت نعشق القروب واعضاءه
البوست محيته عشان منخشش معاهم في نقاشات عقيمه

وللعلم ان تاشيره الشنجن في 2013 2012 في ليبيا يقدر اي انسان عادي ايديرها و ب150 فقط لا غير
والي خذاها في الوقت هذكي يعرف كويس ان كلامي صح

#عاش_الترافلرز_للابد
#سامحوني_ع_الاطاله
#قروبنا_مبني_علي_الاحترام_اولا_واخرا_وغير_المحترمين_لايوجد

 

[Furat Assadeg Eghribil]

هذا حالنا للاسف المواضيع ياخدن منحى اخر بكل

 

[Tato Benkato]

فعلا كانت ساهلة ان ناخذوها في 2013 نذكر مخذتش مني اسبوع

 

[Hanod El Hammle]

الليبين ماعرفتهم 100‎%‎ الا بعد 2011

 

[Safa Albdre]

صاح انا مانفهمش في سفر بحكم اني مش مجربة ومهمة حد حكلي مش ح توصلي لعند نجرب بس نحترم اللي مجرب وشايف وعنده خبره لان سافر واجد وتعرض لكم موقف وتعلم منهن
لكن نحن ليبين عندنا عقدة اسمها ماحد يفهم خير مني و عقده اخرى يفشك علينا لو ياخذو المعلومة بروح رياضية احسنلهم ويستفيدو ليش يبحتو في الجانب الاخر ونواية الانسان وربي يصلح الحال ويهدي العباد ان شاءالله

 

[Minah Sallak]

خساره شفته البوست لكن ماقريتيش

 

[Hanyoa Alwarfly]

خليك واثق من نفسك وانت تحكي في الواقع والليبين يديروا في عار اكثر من هكي انا عمري ماسافرت لكن نشوف فيهم عن النت واغلب اللي حكيت عليه سامعه بيه وفي حاجات خصوصا ع سناب عار اخره واجده خصوصا اللي عندهم سيارات يخالفوا في السرعه والعياط بدون سبب وشتم الناس بغض النظر ان هم مايفهموش في لغتنا والله في موقف عمري ماننسا ومشكله موقف بايخ عائله ليبيه في تركيا داروا اروحهم يشحتوا معروفين الليبين بالعار
ماتحرقش دمك ع فاضي اللي مش عاجبه ايفوت المنشور او يلغي القروب من عنده

 

[Asia Mohameed]

انا وحدة من الناس اللي متابعاتك من البداية ونحب مواضيعك اللي تحكي فيهم لاني نستفيد منهم في حاجات تحكي فيهم انا مارة بيها وفي حاجات لا والانسان ديما يتعلم لاخر يوم في عمره مش معنى ان انا نحكي علي موضوع او حاجة شفتها يعني نتهزاء لا انا هكي ننصح في الناس باش ميتكررش الغلط
ربي يوفقك وخيي ولازم اصلا اي بوست ياخد منحنى تاني

 

[Asma Belrawin]

تي نحن في بلادنا ومش طايقين بعضنا وهذا واقع نحن شعب صعب في التعامل والكل يظهر اخلاقيات المثالية

 

[سبأ بلقيس]

نحن الشعب الذى ابهر العالم
بس شينه لقطة انت لما حد ينزل قصه يخش حد يقعد يعقب على تصروفاته ويفسر فى نيته يعنى يقدر ما يعلقش لو ما عجبه الموضوع او يوصل فكرته بطريقه اقل حده .

 

[OmranOo Abdelgalil]

مش لازم تفسريا عليوه
الوقت اللي تبي تفسر فيه تصرفاتك للغير كفيل انك تحجز فيه تذكرة لمكان تمشي اتهيج فيه
فوتهم راهو كان درتلهم رس مال تحصل فيهم

 

[Kämîlíã Ál Àšplÿ]

ما شفتش البوست بس الحق ف السفر بالذات دايما في مواقفةتتعلم منهن و تشوف العجب و تتعرف ع ناس من كل مكان و تشوف اطباع واجد غير انك تشوف تفكير الناس كيف.. بالعربي #تشوف_الزين_والشين

و عادي انا اي بوست نزله ف اي مكان ينطولي انك تفشكي عشان قاعده برا و انا والله البوست كله ما يحكي ع نفسي تصير عادي تحمل و ع قول صالح الابيض #سفر_ما_سفر_ما_مادورش

 

[فاطمة الفاخرى]

معليش وسع بالك ودائماً إحتسب المعلومة اللى تكتبها أجر
وبالتأكيد مش الكل حيعجبه اللى تكتبه وحتلاقى اللى يثنى على كلامك واللى حيذمك بأدب
لأن الناس أطباع مختلفه منهم حسود ومنهم ودود
بس اللى يتجاوز حدوده ألغيه وخلى القروب زى ماتعودنا عليه

 

[Fatma O Elsallak]

انا مشفتش البوست الأول ...لكن نحب نوضح أن القروب أكثر من محترم وانا شخصيا استفدت منا وفي معلومات واجد تعلمتهن للأول مرة ...تحياتي☺

 

[Eman Younis]

انا ما شفت البوست اللي على اسبانيا والحمدلله لي ما شفته لأني كنت حنتعقد اكثر منك
القروب يختص في نشر المعلومات عن السفر والسياحة والسفر والسياحة مش بس فنادق وبحر وسوق وغيره ..راهو حتى هو مواقف فالشارع فالمكان اللي انت سافرتله وعلى ضوء الحاجات اللي يشوفوها صغيره ف تحكم عالدوله والشعب والمكان اللي انت مشيتله وتقدر تفتح طريق لغيرك بمعلومه صغيره انت تقول فيها خويا علي سوا انت سوا اللي يحكولنا على العالم الخارجي ... هدي بالك زي ما في ناس تنقد في ناس اتسجل بالورقه والقلم في كلامكم ونصائحكم وتجاربكم .. ربي يعينك

 

[Karmen Mirenshy]

انا متابعة منشوراتك مع ان مالياش فترة طويلة في القروب ☺ ولكن الكلام الي تقول فيه واااااعق واكتر من واقع اليبيين سامحني فيها الكلمة مدايرين العار برا حتى مع اني منسافرش ولكن حقيقة مانقدروش ننكروها استمر اخي ومتعدلش على السلبيات

 

[علي أجويلي]

خاطري نقراه المنشور

 

[Abla El-Bakoush]

النفسيات موجودة فى كل مكان وين ماتمشى تلقاهم واحسن حل لهم التجاهل ثم التجاهل بس مش هضا موضوعنا انا نبى البوست بالله عليك نزله فاتنى وماشفته فى حتى الفضوليين اللى نقولو عليهم قصقاصين زى حالتى انا توا ههههههههه

 

[Amal Hmeidat]

اني سفرت وشوفتهم وانصدمت رغم ان نعرفهم كويس لكن وين شوفتهم انصدمت لكن مع هذا قاعدين ارحم من شعوب تانيه لاتعرف الرحمة وشعبنا راقي في جنب شعوب اخري ...

 

[Ninar Naser]

الحمدلله اني ماشفتش البوست مش ناقصني بغدد
وكلامك واقعي ميه فالميه انا ماسافرتش واجد بس الكم سفره اللي سافرتهن هذن شفت فيهن فضايح من ليبيين عار معرعر! من المطار الى مواقف اخرى فالشوارع وغيره! اصلا نحنه الليبيين ديما هك عايشين دور الضحيه ومصدقين ارواحنا انه نحنه طيبين وينضحك علينا! مش معناها الكل غلط والكل يدير هك بس فينا للاسف شكيلات اعوذ بالله وواضح اعتقد من الوضع للي نحنه فيه واللي كناااا فيه!