C
Couple Travel
:: مسافر ::
صلاة الجمعة في الهند
الهند فيها مسلمين كتير جدا ... و الآذان بتاع أي صلاه بتسمعه عادي و انت ماشي في الشارع ... و برضوا في جزء من المسلمين سنة و جزء تاني شيعه و كل مجموعة و ليها جوامعها.
بما ان عدد الجوامع ممكن يكون مبيغطيش الكثافه السكانيه في بعض المناطق ف بيعملوا صلاة الجمعة مرتين ... ايوا مرتين ... تخلص صلاة الجمعة و يبتدي واحده كمان بعدها عشان العدد.
على الرغم من انه جامع بتاع مسلمين سنة إلا انك من اول ما بتدخل الجامع لحد ما بتخرج بتلاقي اختلافات كتير.
اولا الناس كلها بلا استثناء لابسه طواقي صلاه .. ما عدا احنا .... الطواقي دي موجوده في الجامع و بيرجعوها مكانها و هما خارجين.
ثانيا الخطبه كلها طبعا بالهندي ف انت مش فاهم حاجه .. الامام بيقرا من ورقه و واضح اكنهم كلمتين ثابتين و بياخدوا اقل من ٥ دقايق.
الدعاء بيكون بالعربي و برضوا دعاء ثابت بآداء ثابت ما بين الامام و المصلين بيردوا وراه كلام محدد في اوقات محدده و احنا بنقول امين بس.
و انت واقف بقى للصلاه الناس كلها واقفه صف مظبوط بس مفيش حاجه اسمها رجلك تلمس رجل اللي جنبك .. كل واحد مع نفسه.
اول ما الامام بيقرا الفتحه و انت لسه هتنطلق و تقول امين بصوت عالي هتتفاجأ ان كل الجامع ساكت و محدش بيقول حاجه.
#سافر
#الهند
#بلدالعجايب
الهند فيها مسلمين كتير جدا ... و الآذان بتاع أي صلاه بتسمعه عادي و انت ماشي في الشارع ... و برضوا في جزء من المسلمين سنة و جزء تاني شيعه و كل مجموعة و ليها جوامعها.
بما ان عدد الجوامع ممكن يكون مبيغطيش الكثافه السكانيه في بعض المناطق ف بيعملوا صلاة الجمعة مرتين ... ايوا مرتين ... تخلص صلاة الجمعة و يبتدي واحده كمان بعدها عشان العدد.
على الرغم من انه جامع بتاع مسلمين سنة إلا انك من اول ما بتدخل الجامع لحد ما بتخرج بتلاقي اختلافات كتير.
اولا الناس كلها بلا استثناء لابسه طواقي صلاه .. ما عدا احنا .... الطواقي دي موجوده في الجامع و بيرجعوها مكانها و هما خارجين.
ثانيا الخطبه كلها طبعا بالهندي ف انت مش فاهم حاجه .. الامام بيقرا من ورقه و واضح اكنهم كلمتين ثابتين و بياخدوا اقل من ٥ دقايق.
الدعاء بيكون بالعربي و برضوا دعاء ثابت بآداء ثابت ما بين الامام و المصلين بيردوا وراه كلام محدد في اوقات محدده و احنا بنقول امين بس.
و انت واقف بقى للصلاه الناس كلها واقفه صف مظبوط بس مفيش حاجه اسمها رجلك تلمس رجل اللي جنبك .. كل واحد مع نفسه.
اول ما الامام بيقرا الفتحه و انت لسه هتنطلق و تقول امين بصوت عالي هتتفاجأ ان كل الجامع ساكت و محدش بيقول حاجه.
#سافر
#الهند
#بلدالعجايب