C
Couple Travel
:: مسافر ::
الشطه في كل شيء
الأكل من اهم التجارب و المتع اللي في الهند اللي مش ممكن تنساها و لو قدرت تتحمل الشطه الموضوع هيقلب معاك بإدمان.
مبدأيا الشطه هناك أسلوب حياه موجوده في كل شيء .. حتى البسكوت بيتعمل بالشطه.
لو معندكش دافع الاستكشاف انك تجرب حاجات عمرك ما شفتها ولا هتشوفها تاني يبقى انت مسافرتش اصلا.
خلينا نفرق بين نوعين من الأكل ... الأكل البيتي المطبوخ و ده صعب تلاقيه في مطاعم الهند نفسها لازم من ناس عايشين في البلد ... خضار مطبوخ بقى كتير مليان شطه و لونه احمر بس مش زي اكلنا خالص .. ده غير ان عندهم كمية طرق مختلفه للرز مش طبيعيه.
اكل المطاعم بقى متعه تانيه خالص و مش صعب اوي انك تلاقي اكل حلال عشان في مسلمين كتير.
المطاعم في الهند عندهم نظام محدد في الاكل .. يعني مينفعش ينزلك الاكل كله مره واحده حتى لو طلبت كده .. هيرفض
لازم يبتدي بالمقبلات ... شوربه يعني ..... لأ خالص
المقبلات هناك نص فرخه تندوري مشويه
و يفضل متابعك اول ما تخلص يدخل عليك بباقي الاكل اللي احسن حاجه فيه البيرياني و فراخ تكا او فراخ بالمسالا.
بعد اما تخلص بقى ممكن تحلي و تقوم دافع اقل من ٥٠ جنيه مصري.
المطاعم الهندي في مصر بتقدم نفس اسامي الاكل بس مش نفس الجوده ولازم تحلفلهم انك عاوز الاكل حراء عشان يبقى الطعم قريب للاكل الهندي الاصلي.
#سافر
#الهند
#بلدالعجايب
#الاكل
الأكل من اهم التجارب و المتع اللي في الهند اللي مش ممكن تنساها و لو قدرت تتحمل الشطه الموضوع هيقلب معاك بإدمان.
مبدأيا الشطه هناك أسلوب حياه موجوده في كل شيء .. حتى البسكوت بيتعمل بالشطه.
لو معندكش دافع الاستكشاف انك تجرب حاجات عمرك ما شفتها ولا هتشوفها تاني يبقى انت مسافرتش اصلا.
خلينا نفرق بين نوعين من الأكل ... الأكل البيتي المطبوخ و ده صعب تلاقيه في مطاعم الهند نفسها لازم من ناس عايشين في البلد ... خضار مطبوخ بقى كتير مليان شطه و لونه احمر بس مش زي اكلنا خالص .. ده غير ان عندهم كمية طرق مختلفه للرز مش طبيعيه.
اكل المطاعم بقى متعه تانيه خالص و مش صعب اوي انك تلاقي اكل حلال عشان في مسلمين كتير.
المطاعم في الهند عندهم نظام محدد في الاكل .. يعني مينفعش ينزلك الاكل كله مره واحده حتى لو طلبت كده .. هيرفض
لازم يبتدي بالمقبلات ... شوربه يعني ..... لأ خالص
المقبلات هناك نص فرخه تندوري مشويه
و يفضل متابعك اول ما تخلص يدخل عليك بباقي الاكل اللي احسن حاجه فيه البيرياني و فراخ تكا او فراخ بالمسالا.
بعد اما تخلص بقى ممكن تحلي و تقوم دافع اقل من ٥٠ جنيه مصري.
المطاعم الهندي في مصر بتقدم نفس اسامي الاكل بس مش نفس الجوده ولازم تحلفلهم انك عاوز الاكل حراء عشان يبقى الطعم قريب للاكل الهندي الاصلي.
#سافر
#الهند
#بلدالعجايب
#الاكل