لو رحتو روسيا أوعو يفوتكم المطعم دا ...بيعمل...

[Sinorita Speranza]

لو رحتو روسيا أوعو يفوتكم المطعم دا ...بيعمل اما جورجي و هو أصلا بيت قديم تحس انك دخلت القرن ١٦ و عندهم بقي حاجة جميلة جدا انك ممكن تطبخ أكلك بنفسك اللي بتطلبه بتقف معاك شيف تعلمك ازاي تعمله ..تجربة جميلة تستحق وقتك ... علي فكرة الأسعار في المطعم دا رخيصة جدااااااااا و او انت من محبي الواين اوعي يفوتك واين جورجيا اقدم واين في العالم ... المطعم في وش كراون بلازا

 

[Amir Gamal]

العنوان فضلا او اللوكيشن

 

[Señoría Waél]

م

 

[عمرو الشافعي]

رسول الله صلى الله عليه وسلم قال: "لعن الله الخمر، وشاربها ، وساقيها ، وبائعها ، ومبتاعها ، وعاصرها ، ومعتصرها ، وحاملها ، والمحمولة إليه ، وآكل ثمنها.

 

[Luna Omar]

دا فى موسكو؟

 

[Hesham Nabih Mahdy]

خشبوري الله فكرتيني بذكريات جميله عمري ما هنساها في جورجيا

 

[Ahmed Ramdan]

انا مصري معي دعو روسيا عوز اشتغال هناك ممكن حد يسعدني

 

[Ayman Alex Elwehidy]

انا أسف اني هعلق علي البوست يا جماعه بس متهايالي ان كل واحد حر في تصرفاته طالما مبيحبرش حد علي اتباعه . وبعدين ده جروب سفر وفِي معانا اخوه أقباط فمينفعش نقول حرام وحلال ونحكم علي الناس لان مفيش حد ليه وصايه علي حد . وفِي الاخر ربنا هو الي بيحاسب الانسان . دي وجهه نظري وربنا يهدي الجميع

 

[عمرو الشافعي]

وانا بردو حر في تصرفاتي اني انصح اي حد ومحدش ليه وصاية عليا انه يمنع نصحي لمجرد انه مش مسلم او ضايقه حديث النبي . وكان نفسي توجه كلامك وتقول وتفتكر بردو ان معاك اخوة مسلمين وانه مفيش داعي للترويج او ذكر الخمرة ف البوست

 

[Ayman Alex Elwehidy]

استاذ عمرو علي فكره انا مسلم . ومحدش اضايق عن الحديث النبوي . والبوست عن مطعم وبتقول الي بيحب الوين . لكن ملوش علاقه بالحرام والحلال . وعلي فكره انا مقلتلتش ان حد ليه وصايه علي حضرتك ولا علي حد . وزي مقولت في بدايه كلامي كل واحد حر في تصرفاته . بس كل حديث وليه مكانه وده راي شخص أسف للاطاله .

 

[عمرو الشافعي]

عامة انا حولت الامر برمته للأدمن وهو يقرر

 

[Ayman Alex Elwehidy]

Bahaa Aldeen Farouk

 

[Bahaa Aldeen Farouk]

معلش اسمحولي أتدخل استاذ عمرو الشبكاوي طبعا شكرا على النصيحه و شكرا على التذكير و اتمنى منك تعمل بوست خاص نساعد أعضاء الجروب مثلا على اختيار المطاعم الحلال في السفر و بكده حتفيدهم أكتر و أنا ممكن أساعدك في بوست زي ده لو حبيت مع العلم أني فعلا عامل أكتر من بوست خاص بالموضوع ده بالذات
استاذه Sinorita Speranza أشكرك جدا على البوست و على التجربه و من حقك طبعا تنصحي أي حد بأي حاجه شايفاها مناسبه من خلال وجهة نظرك سواء بتجربه أو غيرها مريتي بيها خلال السفر, و أطمني أعضاء الجروب كلهم كبار و فاهمين كويس ايه المناسب ليهم و ايه الغير مناسب

 

[Luna Omar]

انا قرءت البوست و حقيقى ماركزتش فى موضوع الواين لانه لا يهمنى و لا دا إللى هيخلينى اغير إللى مقتنعه به و لا البوست دا إللى هياثر على حد!! دا يبقى غلبان اوى لو البوست هو إللى هياثر عليه!!!!..مافى كتير بيقولوا ان المخدرات مسموحة فى هولندا !!!انصحوا بعض انبوكس ..

 

[عمرو الشافعي]

شكرا استاذ Bahaa Bahaa Aldeen Farouk ادارة محترمة ومتفهمة وان شاء الله اعمل بوست تاريخي ودسم جدا ويبقي مرجع بكل المطاعم اللي بتقدم اكل حلال في بلاد كتير منها اللي زرتها واشكر حضرتك مرة تانية

 

[Moustafa Mohamed Abd Allah]

فعلاً الجروب ده مفيد و الاعضاء اللي فيه و الادمنز محترمين Bahaa Aldeen Farouk
و شكرا عمرو الشبكاوي على النصيحة

 

[Taher Derbala]

والله كنت عارف انى هانزل على التعليقات الاقى تعليقات مالهاش اى علاقه بالبوست
البوست عن مطعم وقالت اللى بيحب يشرب واين هيلاقى هناك واين حلو
ده مش جروب دين يعنى وماينفعش حد يدخل يعلق على بوست حد تانى اللى كاتبه ويقول انا حر اقول اللى انا عايزه بصراحه انا لو منها كنت مسحت التعليقات وقفلتها وريحت دماغى