Mercato Di ViaSannio
ده اسم السوق المفتوح و موقعه سهل اوي حتركب المترو و حتنزل في محطه سان جيوفاني اول ما تطلع من المحطه حتلاقي شارع علي شمالك تدخل فيه تمشي دقيقه حتلاقي الناس فارشه علي الرصيف السوق ده بيفتح من الساعه 9 الصبح لحد الساعه 1 الظهر و السوق ده فيه بتوع شنط حريمي كثير جدا و بصراحه خامات كويسه جدا و أسعار حلوه جدا من 10 الي 15 يورو و الشنطه و برضه في السوق فيه تي شيرتات من 3 الي 5 يورو و فيه بنطلونات و سويت شيرت و جاكيت و ملابس نسائيه كثير ، يعني حتلاقي كل اللي في نفسك بس احترس من النشاليين السوف ده زحمه شويتين و النشاليين في روما ايه مانجه بجد.
Ovis store
ده سلسله من محلات الملابس منتشره جدا في روما و تعتبر من ارخص الماركات الموجوده و بصراحه المحل ده له 15 فرع انا شخصيا زرت يمكن 4 فروع له و المحل ده ليه فروع قريبه جدا من محطات المترو ، المحل يعتبر عالم فيه ملابس الأطفال و الرجال و السيدات و شنط و كل حاجه و فعلا أسعار في الأرض يمكن قريبه جدا من أسعار أسواق الشوارع و من الفرع السهله اللي ممكن تروحها هو فرع في وش محطه مترو باربيني و فرع تاني في وش محطه مترو فيتوريوايمانيول ( ده فره كبير اوي ) و في فرع بعيد شويه جنب محطه مترو ليثيوسياستو و في فرع بقي في محطه القطار نفسها اللي اسمها ترميني و ده للأطفال فقط و ادي موقع المحل و شويه أسعار لبس فيهwww.ovs.it/en
ندخل علي الاوتيلات مول ، اشهرهم هو :mcarthurglen Outlet Mall
و ده بقي مول كبير جدا موجود منه فروع في معظم الدول الاوروبيه و طبعا المول ده مليان ماركات كثيره جدا و فيها اسعار بجد حلوه جدا يعني مثلا تي شيرت نايك ب 12 يورو و سويت شيرت نايك ب 19 يورو و في ماركت زي رالف لوران ، اتش ان ام ، اديداس ، مانجو ، نايك ،
و ده يتراح عن طريق الشاتيل باص بتاع المول اللي بيتحرك من فدام محطه ترميني ب 4 يورو
و ادي الموقع علشان مواعيد الشتيل باص و اسماء المحلات اللي جوه www.mcarthurglen.com/it/castel-romano-designer-outlet/en
و طبعا بقي روما مليانه محلات م
