رحله البالون او المنضاط في الاقصر لو عايز تعمل...

[Moutaz Mohamed]

رحله البالون او المنضاط في الاقصر
لو عايز تعمل رحله جديده في حياتك و مغامره عمرك ما تنساها في حياتك فانا ارشحلك رحله البالون والي بتشتهر بيها محافظه الاقصر و الرحله ده بالرغم انها غاليه طبعا بس احنا كجروب هنقولك ازاي تيجيبها بارخص سعر ممكن.
الرحله ديه مبدئيا بتبتدي من الساعه 5 الفجر و طبعا لازم تكون لابس تقيل جدا عشان حضرتك بتطلع فوق السحاب بحوالي من 500 ل 1500 قدم يعني مش عايزك تخاف من الارتفاع عشان الرحله ديه بتكون متامنه كويس فمفيش خوف.
من خلال الرحله ديه هتشوف الاقصر و الاثار و الخضره و مناظر طبيعيه مش متخيلين انها في مصر بس علي ضمنتي انك لو طلعتها هتكررها تاني.
الرحله ديه بتاخد حوالي من ساعه الي ساعه و ربع من ساعه ركوبك داخل الصندوق الخاص بالبلون و الي بيتسع من 15 الي 20 فرد داخلها.
نيجي لسعر
لو انت مع شركه سياحه فتدفع 300 جنيه بالتمام
طيب لو انت عايز اقل سعر ليها
ببساطه ممكن تتفق مع اي واحد بتاع عربيه حنطور انه يعدي عليك من الفجر عشان يخدك الرحله ديه و هو بيتفق مع صاحب البالون و ديه سعرها هيكون من 200 الي 215 جنيه لفرد شامله الحنطور بس اتفق معاه علي كل حاجه و الاسعار قبل اما يركبك و لو زود عن الاسعار ديه سيبه و شوف غيره

 

[Moutaz Mohamed]

بالظبط كده

 

[Manosh Helaly]

Wawww

 

[Faten Tawfiq]

شكلها حلوة اوووووى

 

[Islam Soliman]

I did it

 

[Manosh Helaly]

Lamyaa Selim