Y
Yasmin Elkafafy
:: مسافر ::
البوست دا هنقلكم فيه خبره صغيره كدا اخدتها لما طلعت كاترين مرتين ..
اول مرة طلعت كاترين.. كنت طالعه مع ناس كتيير جدا وهيصه وزحمه وبتنجان ووبصراحه منبسطتش ورجعت تعبانه وفضلت اكتر من اسبوع باخد ادوية ومش بتحرك تمام .
انا هاعملكم مقارنه كدا بين اللى عملته اول مرة واللى عملته تانى مرة وهكتب شوية نصايح تحت كدا للى طالعين..
اول حاجة السنه اللى فاتت كان معايا اخواتى كنا جايبين اكل كتييير جدا ولبس كتيير جدا جدا جدا..
اول ما وصلنا خليج فيورد باى بما اننا كنا باصات كتير فا قعدنا نص ساعه بس وبعدين مشينا وملحقتش اتصور هنا كتير..
طبعا مقعدناش فى كامب تقدر تسميها كافتيرا بدوية كدا وكان فى اوضتين للمنظمين اللى واحد منهم لما لاقانى انا واخواتى متبدهلين مش عارفين نغير هدونا ادانا المفتاح نلبس فيها كتر خيره..
طلعنا الجبل كنا كتيير كل الاورجانيزر سبقونا الحمدلله .. وكأنهم طالعين فى مارثون مش هاممهم الناس اللى معاهم..
اول نص ساعه طلوع الجبل جالى نزيف من الضغط والحمدلله وقف ..
لما وصلنا قمه الجبل ملقناش مكان نقعد فيه من الزحمه دا غير ان كل استراحه كنا بنريح فيها يجي نص او ربع ساعه ونبدأ من اول وجديد
وانا تحت قبل ما اطلع الجبل كنت لابسه 5 بناطيل و4 شرابات وكوتشي زى بتوع الهيب هوب كدا وكنت لابسه اكتر من 4 بلوفرات و3 جواكت وواخدة 3 بطاطين من بتوع المطار كلهم لابساهم قبل ما اطلع وكان فى ناس جنبي ماشين بنص كم.. محدش قالى ملبسهمش كلهم مرة واحدة..
طلعت الجبل كان فى تلج .. مكناش عارفين ناخد صورة واحدة لوحدينا من الزحمه .. ملقتش حد من الاورجانيزر يصورنى بالكاميرات اتصورت على موبيل الناس واخدتها بعدين وكانت زي الزفت طبعا فى منزلتهاش.
وانا نازلة من الجبل نسيت موبيلى وغير ان ضاع منى حاجات كتير وغير انى كنت شايله شنطتين واحدة للاكل وواحدة فيها هدوم احتياطى برضوا..
من كتر الاكل كنت محتاجه ادخل الحمام ومعرفتش طبعا من كتر الهدوم دا غير ان مفيش حمامات فوق هى عشه ومتقفله وبيديلك مناديل..
كون بقا ان فوق كان فى دوشه ولا كأننا فى سوق الجمعه وحاجات كتير كدا.. حلفت يومها ما اطلع الرحله دى تانى.....
المرة دى بقا 1-1-2016
اتعلمت حاجات كتير من اللى قبليها انى اولا مطلعش مع اخواتى لانى الصغيره فا هيطلعوا عيني .. وطلعت مع اصحابي الرجاله تمام..
وكنا باصين..بس لان كل الباصات التانيه راحوا يوم 31 قال ايه علشان يحضروا شروق 2016 من فوق الجبل..
والرحلات دى على قد ما كل الشركات كانت فرحانه جدا بالعدد المهول اللى طلع معاهم لكن نسيوا حاجة الاهم من العدد ان الناس ترجع مبسوطه وللاسف كان الفيد بالك من ناس كتير زى الزفت..
لما روحنا خليج فيورد باى قعدت شوية حلوين اتصورت كتير
بعدين اول ما روحنا الكامب فى بنات دخلت الاوض نامت علشان تقدر تكمل الرحله ..
اكلنا وشربنا ورقصنا وهيصنا واتصورنا والدنيا كانت بيس..
واحنا طالعين الجبل الاورجانيزر قالنا منلبس لبس كتير وكل شوية نبتدى نتقل حاجة فى حاجة
انا طبعا لبس برضوت ال5 بناطيل و4 شرابات بس برضوا متدفتش..
واخدت شنطه على ضهرى فيها جاكيت وبلوفر صوف لبسته اول ما كنت بحس بالبرد..
اول ما نزلت من الباص كانت درجه الحراره 1 مئويه وابتدينا كلنا اطرافنا تتجمد..
انا فعلا كان اى حد بيطلب منى اربطله حاجة على وشه شال او سكارف مكنتش بتكسف سواء ولد او بنت ودى الفكره ان محدش هيفكر يتكلم عليا ولا يقول دى بتعمل كذا زى الرحلات الباقيه ما كان بيحصل فيها
الاكل اللى اخدته معايا 4 شيكولاتات .. واحدة سنيكر ومارس وجلاكسي فلوتس وكادبرى علشان اول اتنين دول يدونا طاقه والباقين انا قولت احتياطى ومخدتش اكل معايا.. وازاة مايه صغيره ..
كان معايا شنطه كروس صغيره فيها الموبيل والهاندفرى والفلوي والبطاقه ومنايل وباوبانك لو ملاحظين مقلعتهاش
دى علشان لا قدر الله لو جرالى حاجة يعرفوا انا مين وعنوانى فين..
ابتدييييييييت اطلع الجبل وكان معايا سماعات بيتس وشغلنا اغانى عاليه كا حماس..
وهوب اول استراحه اغمى عليا .. من البرد منخيرى معرفتش اخد نفسي لانى اتحريت فا قلعت الاسكراف ..
الفكره بقا من اصحاب الرجاله.. انهم مسبونيش فوقونى وفضلوا جنبي وقالولى مش هنسيبك ونطلع ..
طبعا انا كنت كل دا بسأل هو فين اللى مطلع الرحله سايبنا وطلع هو الاول ..لقيت صوت جاى من ورا بيقول هو فين ياسمين الكفافى .. ايه دا اغمى عليها وابتدى يسيحلى .. بقا بصوت عالى هووب لقيت نفسي بطلع..
اصحابي الرجاله تانى مرة فضلوا ماسكينى ومردتوش يطلعوا ويسبونى وفى بعض الاوقات كانوا بيشدونى واوقات تانيه كنت بتحمس معاهم..
اتصورت فووق كتيير جدا.. اول ما وصلنا كان قبل الشروق اجرنا بطاطين ومرتبه نقعد عليها واتغطينا واتفرجنا على الشروق ودا بالنسبالى كانت احسن حاجة حصلتلى
وبعدين سيبتهم وقعدت لوحدى 5 دفايق افكر فى اللى فات واللى حثلى واللى اتعلمته واللى خسرته والناس اللى انا عاوزاهم جنبي والناس اللى انا هاخرجهم من حياتى الخ.. ودول على فكره اهم 5 دقايق فى الرحله لو معملتش دا يبقا ملهاش اى 300 لازمه الرحله من اصله
الجو فعلا كان صعب كان معانا حاجات كتير نتصور بيها الا انى سمعت انه وصلت لى -10 فا انك تتكلم اصلا فوق دا لوحدة معاناه... بس انا كا ياسمين انبسطت
نزول الجبل كان سهل .. ساعتين تقريبا .. كنت هركب جمل بس قولت ملهاش لازمه تكسير ضهر على الفاضى ..
الحاجات بقا اللى المفروض الناس اللى مسافرة كاترين تعملها..
1- اولا متخدوش اكل كتيير ولا حاجة خلى فلوسك معاك فى الاستراحات قضيها اى سناكس واما توصل الكامب اتغدى هناك وممكن تبقا تشترى كام شيكولاتيه وانت طالع الجبل..
2- الموضوع مش بكتره الهدوم انت ممكن تلبس جاكيت واحد مخصص للهاكينج هيلخص معناه شيل الهدوم ودا ممكن تعمله اوردر من امازون..
3- الشراب بتاع الهايكنج برضوا دا بيتباع صوف وتخين وبيحميك لو حتى قرصتك اى حاجة وبرضوا من امازون
4- يعنى بدل ما تمسك كشاف فى ايديك فى كشاف بيكون عامل زى الساعه او بيتلبس فى الراس..هاتوه حلو اووى
5- لما تيجوا تستريحوا يا دوب تاخدوا نفسكم 5 10 دقايق بالكتير اووى وتبتدى تطلعوا تانى ولو تعبتوا ممكن تريحوا بين الريست والتانى مش حرام ولا عيب وبلاش تضغطوا على نفسكم..
6- الايس كاب من اهم الحاجات المفروش تكون موجودة وفى منها بيكون في بتاعه من الاخر كدا زى كافر للمناخير لان لو راس متدفيه جسمك كله هيفضل متدفى
7- بالنسبه للجوانتى انا بفضل الجوانتى اللى بيبقا الاربع صوابع جنب بعد علشان الحراره بتعتهم تفضل كلها واحدة ويتدفوا بسرعه ..
8- جزمه الهايكنج الله يكرمكم البنات بتوع البالارينا والاجز والكلام من دا رجلك هتتبهدل بمعنى الكلمه.
9- الكحول هناك ممنوع انك تدخل بيها اصلا وكمان هيا بتدفيك اه بس سمعت انها بتعمل حاجة فى الدورة الدمويه ومش عارفه افتى لو فى دكتور هنا يقولنا.. ولو لازم الامر فضيها فى ازازة بيبسي لانك بتتفتش تفتيش ذاتى وشنطك بتتفتح
10-اطلع مع شله رجاله او بنات مسترجله كدا ..علشان لو تعبت يشجعوك انك تكمل ويسندونك ودا فعلا اللى نفعنى المرة دى وخلانى اكمل لكن ابنات بيتبعوا بسرعه جدا ومش كل البنات طبعا النوعيه اللى فاكرين الرحله دى زى الازهر بارك
11- حاول انكم تستمعتوا بكل حاجة المنظر الجبال الشجر لو فى تلج يا سلام شكل السحاب فى السما المايه فى الكامب اللى هتنزلوا فيه
12-بمناسبه الكامب .. يعنى لو الجو كان حلو وكان فى اماكنيه انك تنزل المايه بلاش تفرهد نفسك لان طلوع الجبل فرهده لوحدة.. فا انك تنزل مايه وتطلع جبل فى نفس اليوم هتتعب.. فا خلى المرة دى للجبل والمرة الجايه انزل المايه فى راس شيطان براحتك
13- الموبيلات فوق الجبل بتفصل شحن لو كان الجو برد جدا زى اللى حصلنا المرة دى فا ياما تتعرف على حد معاه كاميرا حلوة لاما انت تأجرلك كاميرا حلوة وتتصور كام صورة حلويين
14- اذكر ربنا كتتير وافتكر قدسيه المكان وان كان فى نبي واقف على الجبل دا بيكلم ربنا يعنى اى حاجة تانيه مش وقتها دلوقتى لو معاك صحبتك المهم يعنى انك فى مكان خطر جدا .
15-روحوا كل سنه وقرروها واطلعوا رحلات وانبسطوا انتوا صغيرين واحوال البلد تكئب لوحدها فا انت لو فضلت متابع الفيس بووك والاخبار هتكتئب بزيادة
16- متفرحش بال 30 جنيه اللى هتطلع بيهم ارخص فى الرحله .. اقرا الفيدباك كويس جدا عن الناس او عن المنظمين او عن الشركه قبل ما تطلع اى رحله .. ولازم تتأكد ان صاحب الرحله دى طلعها كام مرة وعنده خلفيه فى الاسعافات الاوليه والهاينكنج والانترتانمينت والكلام دا..
وكدا اكون خلصت اكبر بوست كنت عاوزة اكتبوا عن كاترين وعن طلعوا الجبل فى الاخر هاقولكم حاجة واحدة بس
مش مهم انكم تطلعوا مع رحله او تسافروا
المعم انكم تختاروا هتكونوا مع مين
#كفافى
اول مرة طلعت كاترين.. كنت طالعه مع ناس كتيير جدا وهيصه وزحمه وبتنجان ووبصراحه منبسطتش ورجعت تعبانه وفضلت اكتر من اسبوع باخد ادوية ومش بتحرك تمام .
انا هاعملكم مقارنه كدا بين اللى عملته اول مرة واللى عملته تانى مرة وهكتب شوية نصايح تحت كدا للى طالعين..
اول حاجة السنه اللى فاتت كان معايا اخواتى كنا جايبين اكل كتييير جدا ولبس كتيير جدا جدا جدا..
اول ما وصلنا خليج فيورد باى بما اننا كنا باصات كتير فا قعدنا نص ساعه بس وبعدين مشينا وملحقتش اتصور هنا كتير..
طبعا مقعدناش فى كامب تقدر تسميها كافتيرا بدوية كدا وكان فى اوضتين للمنظمين اللى واحد منهم لما لاقانى انا واخواتى متبدهلين مش عارفين نغير هدونا ادانا المفتاح نلبس فيها كتر خيره..
طلعنا الجبل كنا كتيير كل الاورجانيزر سبقونا الحمدلله .. وكأنهم طالعين فى مارثون مش هاممهم الناس اللى معاهم..
اول نص ساعه طلوع الجبل جالى نزيف من الضغط والحمدلله وقف ..
لما وصلنا قمه الجبل ملقناش مكان نقعد فيه من الزحمه دا غير ان كل استراحه كنا بنريح فيها يجي نص او ربع ساعه ونبدأ من اول وجديد
وانا تحت قبل ما اطلع الجبل كنت لابسه 5 بناطيل و4 شرابات وكوتشي زى بتوع الهيب هوب كدا وكنت لابسه اكتر من 4 بلوفرات و3 جواكت وواخدة 3 بطاطين من بتوع المطار كلهم لابساهم قبل ما اطلع وكان فى ناس جنبي ماشين بنص كم.. محدش قالى ملبسهمش كلهم مرة واحدة..
طلعت الجبل كان فى تلج .. مكناش عارفين ناخد صورة واحدة لوحدينا من الزحمه .. ملقتش حد من الاورجانيزر يصورنى بالكاميرات اتصورت على موبيل الناس واخدتها بعدين وكانت زي الزفت طبعا فى منزلتهاش.
وانا نازلة من الجبل نسيت موبيلى وغير ان ضاع منى حاجات كتير وغير انى كنت شايله شنطتين واحدة للاكل وواحدة فيها هدوم احتياطى برضوا..
من كتر الاكل كنت محتاجه ادخل الحمام ومعرفتش طبعا من كتر الهدوم دا غير ان مفيش حمامات فوق هى عشه ومتقفله وبيديلك مناديل..
كون بقا ان فوق كان فى دوشه ولا كأننا فى سوق الجمعه وحاجات كتير كدا.. حلفت يومها ما اطلع الرحله دى تانى.....
المرة دى بقا 1-1-2016
اتعلمت حاجات كتير من اللى قبليها انى اولا مطلعش مع اخواتى لانى الصغيره فا هيطلعوا عيني .. وطلعت مع اصحابي الرجاله تمام..
وكنا باصين..بس لان كل الباصات التانيه راحوا يوم 31 قال ايه علشان يحضروا شروق 2016 من فوق الجبل..
والرحلات دى على قد ما كل الشركات كانت فرحانه جدا بالعدد المهول اللى طلع معاهم لكن نسيوا حاجة الاهم من العدد ان الناس ترجع مبسوطه وللاسف كان الفيد بالك من ناس كتير زى الزفت..
لما روحنا خليج فيورد باى قعدت شوية حلوين اتصورت كتير
بعدين اول ما روحنا الكامب فى بنات دخلت الاوض نامت علشان تقدر تكمل الرحله ..
اكلنا وشربنا ورقصنا وهيصنا واتصورنا والدنيا كانت بيس..
واحنا طالعين الجبل الاورجانيزر قالنا منلبس لبس كتير وكل شوية نبتدى نتقل حاجة فى حاجة
انا طبعا لبس برضوت ال5 بناطيل و4 شرابات بس برضوا متدفتش..
واخدت شنطه على ضهرى فيها جاكيت وبلوفر صوف لبسته اول ما كنت بحس بالبرد..
اول ما نزلت من الباص كانت درجه الحراره 1 مئويه وابتدينا كلنا اطرافنا تتجمد..
انا فعلا كان اى حد بيطلب منى اربطله حاجة على وشه شال او سكارف مكنتش بتكسف سواء ولد او بنت ودى الفكره ان محدش هيفكر يتكلم عليا ولا يقول دى بتعمل كذا زى الرحلات الباقيه ما كان بيحصل فيها
الاكل اللى اخدته معايا 4 شيكولاتات .. واحدة سنيكر ومارس وجلاكسي فلوتس وكادبرى علشان اول اتنين دول يدونا طاقه والباقين انا قولت احتياطى ومخدتش اكل معايا.. وازاة مايه صغيره ..
كان معايا شنطه كروس صغيره فيها الموبيل والهاندفرى والفلوي والبطاقه ومنايل وباوبانك لو ملاحظين مقلعتهاش
دى علشان لا قدر الله لو جرالى حاجة يعرفوا انا مين وعنوانى فين..
ابتدييييييييت اطلع الجبل وكان معايا سماعات بيتس وشغلنا اغانى عاليه كا حماس..
وهوب اول استراحه اغمى عليا .. من البرد منخيرى معرفتش اخد نفسي لانى اتحريت فا قلعت الاسكراف ..
الفكره بقا من اصحاب الرجاله.. انهم مسبونيش فوقونى وفضلوا جنبي وقالولى مش هنسيبك ونطلع ..
طبعا انا كنت كل دا بسأل هو فين اللى مطلع الرحله سايبنا وطلع هو الاول ..لقيت صوت جاى من ورا بيقول هو فين ياسمين الكفافى .. ايه دا اغمى عليها وابتدى يسيحلى .. بقا بصوت عالى هووب لقيت نفسي بطلع..
اصحابي الرجاله تانى مرة فضلوا ماسكينى ومردتوش يطلعوا ويسبونى وفى بعض الاوقات كانوا بيشدونى واوقات تانيه كنت بتحمس معاهم..
اتصورت فووق كتيير جدا.. اول ما وصلنا كان قبل الشروق اجرنا بطاطين ومرتبه نقعد عليها واتغطينا واتفرجنا على الشروق ودا بالنسبالى كانت احسن حاجة حصلتلى
وبعدين سيبتهم وقعدت لوحدى 5 دفايق افكر فى اللى فات واللى حثلى واللى اتعلمته واللى خسرته والناس اللى انا عاوزاهم جنبي والناس اللى انا هاخرجهم من حياتى الخ.. ودول على فكره اهم 5 دقايق فى الرحله لو معملتش دا يبقا ملهاش اى 300 لازمه الرحله من اصله
الجو فعلا كان صعب كان معانا حاجات كتير نتصور بيها الا انى سمعت انه وصلت لى -10 فا انك تتكلم اصلا فوق دا لوحدة معاناه... بس انا كا ياسمين انبسطت
نزول الجبل كان سهل .. ساعتين تقريبا .. كنت هركب جمل بس قولت ملهاش لازمه تكسير ضهر على الفاضى ..
الحاجات بقا اللى المفروض الناس اللى مسافرة كاترين تعملها..
1- اولا متخدوش اكل كتيير ولا حاجة خلى فلوسك معاك فى الاستراحات قضيها اى سناكس واما توصل الكامب اتغدى هناك وممكن تبقا تشترى كام شيكولاتيه وانت طالع الجبل..
2- الموضوع مش بكتره الهدوم انت ممكن تلبس جاكيت واحد مخصص للهاكينج هيلخص معناه شيل الهدوم ودا ممكن تعمله اوردر من امازون..
3- الشراب بتاع الهايكنج برضوا دا بيتباع صوف وتخين وبيحميك لو حتى قرصتك اى حاجة وبرضوا من امازون
4- يعنى بدل ما تمسك كشاف فى ايديك فى كشاف بيكون عامل زى الساعه او بيتلبس فى الراس..هاتوه حلو اووى
5- لما تيجوا تستريحوا يا دوب تاخدوا نفسكم 5 10 دقايق بالكتير اووى وتبتدى تطلعوا تانى ولو تعبتوا ممكن تريحوا بين الريست والتانى مش حرام ولا عيب وبلاش تضغطوا على نفسكم..
6- الايس كاب من اهم الحاجات المفروش تكون موجودة وفى منها بيكون في بتاعه من الاخر كدا زى كافر للمناخير لان لو راس متدفيه جسمك كله هيفضل متدفى
7- بالنسبه للجوانتى انا بفضل الجوانتى اللى بيبقا الاربع صوابع جنب بعد علشان الحراره بتعتهم تفضل كلها واحدة ويتدفوا بسرعه ..
8- جزمه الهايكنج الله يكرمكم البنات بتوع البالارينا والاجز والكلام من دا رجلك هتتبهدل بمعنى الكلمه.
9- الكحول هناك ممنوع انك تدخل بيها اصلا وكمان هيا بتدفيك اه بس سمعت انها بتعمل حاجة فى الدورة الدمويه ومش عارفه افتى لو فى دكتور هنا يقولنا.. ولو لازم الامر فضيها فى ازازة بيبسي لانك بتتفتش تفتيش ذاتى وشنطك بتتفتح
10-اطلع مع شله رجاله او بنات مسترجله كدا ..علشان لو تعبت يشجعوك انك تكمل ويسندونك ودا فعلا اللى نفعنى المرة دى وخلانى اكمل لكن ابنات بيتبعوا بسرعه جدا ومش كل البنات طبعا النوعيه اللى فاكرين الرحله دى زى الازهر بارك
11- حاول انكم تستمعتوا بكل حاجة المنظر الجبال الشجر لو فى تلج يا سلام شكل السحاب فى السما المايه فى الكامب اللى هتنزلوا فيه
12-بمناسبه الكامب .. يعنى لو الجو كان حلو وكان فى اماكنيه انك تنزل المايه بلاش تفرهد نفسك لان طلوع الجبل فرهده لوحدة.. فا انك تنزل مايه وتطلع جبل فى نفس اليوم هتتعب.. فا خلى المرة دى للجبل والمرة الجايه انزل المايه فى راس شيطان براحتك
13- الموبيلات فوق الجبل بتفصل شحن لو كان الجو برد جدا زى اللى حصلنا المرة دى فا ياما تتعرف على حد معاه كاميرا حلوة لاما انت تأجرلك كاميرا حلوة وتتصور كام صورة حلويين
14- اذكر ربنا كتتير وافتكر قدسيه المكان وان كان فى نبي واقف على الجبل دا بيكلم ربنا يعنى اى حاجة تانيه مش وقتها دلوقتى لو معاك صحبتك المهم يعنى انك فى مكان خطر جدا .
15-روحوا كل سنه وقرروها واطلعوا رحلات وانبسطوا انتوا صغيرين واحوال البلد تكئب لوحدها فا انت لو فضلت متابع الفيس بووك والاخبار هتكتئب بزيادة
16- متفرحش بال 30 جنيه اللى هتطلع بيهم ارخص فى الرحله .. اقرا الفيدباك كويس جدا عن الناس او عن المنظمين او عن الشركه قبل ما تطلع اى رحله .. ولازم تتأكد ان صاحب الرحله دى طلعها كام مرة وعنده خلفيه فى الاسعافات الاوليه والهاينكنج والانترتانمينت والكلام دا..
وكدا اكون خلصت اكبر بوست كنت عاوزة اكتبوا عن كاترين وعن طلعوا الجبل فى الاخر هاقولكم حاجة واحدة بس
مش مهم انكم تطلعوا مع رحله او تسافروا
المعم انكم تختاروا هتكونوا مع مين
#كفافى