M
Mohamed Yehia
:: مسافر ::
انا لما بروح شرم مش بقعد غير هناك
بالنسبة لسافوي فهو عالي جدا غرف كبيرة وواسعة والفندق نفسه فخم جدا وفي كمية مطاعم حلوة جدا ومتنوعة
سييرا اقل شوية يعني الاوضة اصغر شوية وفي حاجات مش موجودة فيها من حاجات سافوي
بس مش هتحسوا بيها لو مرحتوش سافوي
بيعوض ده في سييرا انه اول انكلوسيف وبرضه في مطاعم وبارات حلوة جدا وفي باص بيودي البحر في سافري او ٥ دقايق مشي
انا عن نفسي بفضل سييرا لاني مش محتاج سماعات في الحمام والكلام الزيادة ده
وطالما انتوا في سييرا او سافوي يبقي متروحوش في مكان تاني في شرم انتوا في احسن مكان
بالنسبة لسافوي فهو عالي جدا غرف كبيرة وواسعة والفندق نفسه فخم جدا وفي كمية مطاعم حلوة جدا ومتنوعة
سييرا اقل شوية يعني الاوضة اصغر شوية وفي حاجات مش موجودة فيها من حاجات سافوي
بس مش هتحسوا بيها لو مرحتوش سافوي
بيعوض ده في سييرا انه اول انكلوسيف وبرضه في مطاعم وبارات حلوة جدا وفي باص بيودي البحر في سافري او ٥ دقايق مشي
انا عن نفسي بفضل سييرا لاني مش محتاج سماعات في الحمام والكلام الزيادة ده
وطالما انتوا في سييرا او سافوي يبقي متروحوش في مكان تاني في شرم انتوا في احسن مكان
M
Mohamed Elnjjar
:: مسافر ::
انصحك بشوية حاجه لازم تعمليها ان شاء الله عشان تشوفى شرم صح. انصحك اول يوم تسكنى وتريحى وتنزلى البلاج وتستمتعى بالفندق. ودا اليوم الوحيد ال هتقضيه ف الفندق راحة. تانى يوم قبل الفجر تكونى مريحة شويه عشان تقومى تعملى سفارى لمدة ساعتين مع شروق الشمس وهتكلفك حوالى ١٢٠ ج تقريبا. ترجعى الفندق تفطرى وتكونى حاجزة رحلة بحرية باليخت لجزيرة تيران او راس محمد. الاتنين ممتعين جدا وتكونى حاجزة عدة سنوركلينج عشان تستمتعى بالعوم. الرحلة حوالى هتكلفك فى حدود ١٥٠ ج بالغدا عاليخت. ترجعى بالليل تنزلى لفة لميدان سوهو سكوير وتروحى هوليود شرم. ودى سهرات ببلاش وحلوة. ثالث يوم ودى امتع حاجة تشوفى حد لاااازم جايد وعربيه ينظملك رحله برية لمحمية راس محمد ويلففك فيها وتنزلى الميه وتشوفى التقاء خليج السويس بخليج العقبه حاجة وهم وممتعه جدا. ودى بقى ممكن تكلفك مثلا من ١٥٠ ل ٢٠٠ لو هتخدى عربيه وكدا. وترجعى الفندق تريحى ولازم الساعه ٨ م تكونى ف الهضبه تحضرى حفلة الف ليله وليله. واكدى ان يبقى العرض الكامل. العرض الفنى والتاريخى والتراثى بحوالى ١٠٠ ج ودى هتمتعك جدا وسهرة حلوة. وبالتوفيق