S
Shereen Adel
:: مسافر ::
نصايح ع السريع للاخوة اللي جايين جورجيا ف العيد:
1. هاتو اخف لبس عندكم. البلد حر زي القاهرة بالظبط والحرارة بتوصل 40.
2. هاتوا شمسية ... اولا عشان الشمس ... ثانيا عشان بالرغم من الحر الشديد ده المطر بينزل سيول فجأة والسما رعد وبرق بقالها كام يوم من ساعة ما جيت
3. انزل الجيم واعمل فورمة الساحل عشان هتتهري مشي وطلوع ونزول لان كل حاجة هنا علي مرتفعات. وطبعا تلبس اريح جزمة عندك
4. خلي بالكم من تبديل العملة. متوسط ال rate الكويس هو 2.29 ... احسبوا الفلوس كويس وانتو بتاخدوها م الصراف ولو لقيتوا اللي بتاخدوه اقل من الحسبة يبقي اخد منك عمولة.
5. اول ما تطلع من صالة الجوازات للصالة الخارجية للمطار ... روح مكتبة المعلومات اللي عليه علامة i كبيرة ... واطلب منهم خريطة لتبليسي + خريطة المترو .... هم معندهمش خريطة مطبوعة للمترو بس عنده printer ممكن يطبعهالك من الكمبيوتر .. ودي مهمة جدا لان محطات المترو هنا مفيهاش خرايط .. ولا حتي جوة العربية ... فيه اذاعة داخلية بس بتقول لك المحطة الجاية فين بالانجليزي.
6. نزل Google translate app ... ونزل ال pack بتاعة الجورجي بحيث تشتغل offline ... انت مش هتلاقيها في الاختيارات نازلة باسم gorgian طبعا ... بس هتعرفها من شكلها .. عاملة كده: გყერპიმბცზჯდქა ... وظبط نفس اللغة ع الكيبورد ... ده هيساعدك شوية ف موضوع اللغة لو بتحاول تسأل حد علي حاجة
7. خاص للي هيروح جبل كازبيجي: هات معاك جاكيت تقيل عشان هناك الجو مختلف تماماااااا. لو هتطلع او تنزل الجبل هات معاك جزمة مناسبة مش اي كوتشي والسلام. حفاظا علي سلامتك.
8. فيه في محطة "ديدوبيه" تكاسي بالنفر للمدن التانية .. بتكون اغلي شوية بسيطة جدا من المارشروتكا .. بس اريح كتير .. دور عليها.
هعمل ابديت للبوست كل ما اكتشف حاجة تانية.
#مصرية_في_بلاد_القوقاز
1. هاتو اخف لبس عندكم. البلد حر زي القاهرة بالظبط والحرارة بتوصل 40.
2. هاتوا شمسية ... اولا عشان الشمس ... ثانيا عشان بالرغم من الحر الشديد ده المطر بينزل سيول فجأة والسما رعد وبرق بقالها كام يوم من ساعة ما جيت
3. انزل الجيم واعمل فورمة الساحل عشان هتتهري مشي وطلوع ونزول لان كل حاجة هنا علي مرتفعات. وطبعا تلبس اريح جزمة عندك
4. خلي بالكم من تبديل العملة. متوسط ال rate الكويس هو 2.29 ... احسبوا الفلوس كويس وانتو بتاخدوها م الصراف ولو لقيتوا اللي بتاخدوه اقل من الحسبة يبقي اخد منك عمولة.
5. اول ما تطلع من صالة الجوازات للصالة الخارجية للمطار ... روح مكتبة المعلومات اللي عليه علامة i كبيرة ... واطلب منهم خريطة لتبليسي + خريطة المترو .... هم معندهمش خريطة مطبوعة للمترو بس عنده printer ممكن يطبعهالك من الكمبيوتر .. ودي مهمة جدا لان محطات المترو هنا مفيهاش خرايط .. ولا حتي جوة العربية ... فيه اذاعة داخلية بس بتقول لك المحطة الجاية فين بالانجليزي.
6. نزل Google translate app ... ونزل ال pack بتاعة الجورجي بحيث تشتغل offline ... انت مش هتلاقيها في الاختيارات نازلة باسم gorgian طبعا ... بس هتعرفها من شكلها .. عاملة كده: გყერპიმბცზჯდქა ... وظبط نفس اللغة ع الكيبورد ... ده هيساعدك شوية ف موضوع اللغة لو بتحاول تسأل حد علي حاجة
7. خاص للي هيروح جبل كازبيجي: هات معاك جاكيت تقيل عشان هناك الجو مختلف تماماااااا. لو هتطلع او تنزل الجبل هات معاك جزمة مناسبة مش اي كوتشي والسلام. حفاظا علي سلامتك.
8. فيه في محطة "ديدوبيه" تكاسي بالنفر للمدن التانية .. بتكون اغلي شوية بسيطة جدا من المارشروتكا .. بس اريح كتير .. دور عليها.
هعمل ابديت للبوست كل ما اكتشف حاجة تانية.
#مصرية_في_بلاد_القوقاز
الجو فى تبليسى و اللى حواليها حاجة و كازباجى حاجه تانيه خالص !!