ع
عماد على
:: مسافر ::
لو ناوي تعمل #عمره إقرا البوست ده مهم جداً
او حد من صحابك ناوى يعمل عمرة مينشن له و#شير فى الخير
أولاً دي كانت أول مرة أطلع فيها عمرة وبالرغم من إن اللي سبقوني قالوا لي علي نصايح كتير إلا إني إكتشفت إن في حاجات كتيرة جداً ما حدش قال لي عليها وهحاول قدر المستطاع إني ألمها والله المستعان
١- أول حاجة وأنا نفسي ما كنتش أعرفها وما حدش قال لي عليها إنك هتروح البنك وهتقدم الجواز والتأشيرة وهتاخد ريالات بسعر البنك 2.45 جنيه بدل ما تشتريها من الصرافة بـ 3.00 جنيه تقريباً هتاخد 1000 ريال بحد أقصي لكل جواز سفر لو من البنك الاهلى
اما لو انت عميل البنك بمعنى عامل حساب فى البنك بتاعك سيان بنك مصر
او البنك الاهلى او بنك سى اى بى هتاخذ 2000 ريال بحد اقصى
، وهناك مكاتب الصرافة منتشرة في كل مكان.
حاول لما تسافر يكون معاك جزء سيوله نقدى وجزء تانى على هيئة فيزا
زى كارت #ترافيل اللى بيتعمل فى بنك cib او شركة توماس كوك
لان الكرات دة دولى هينفعك كتير لما تيجى تشترى حاجات فيزا
او لو لك حساب فى البنك قبل ما تسافر روح الفرع وخلى الفيزا تشتغل دولى
٢- بالنسبة لملابس الإحرام لو إنت هتروح المدينة الأول وبعدين مكة يبقي ما تشتريش ملابس الإحرام من مصر وإشتريها من المدينة لأنك بعد ما هتخلص زيارة المدينة هتطلع علي أبيار علي للإحرام وهتلاقي هناك ملابس الأحرام بحوالي 30 ريال يعني تقريباً تسعين جنيه مصري ودي أرخص بكتير من مصر.
اما بقى لو هتروح على مكة يبقى لازم تحرم من مصر وفى الحاله دى افضل مكان تشترى منة ملابس الاحرام هو التوحيد والنور حاول تشترى ملابس الاحرام القطن اللى تبع شركة قطونيل
لانها فعلا بتمتص العرق وكمان اشترى حزام للعمرة من خلالة تقدر تشيل فى الباسبور و الموبايل
وجزء من الفلوس
٣- لو كنت هتروح مكة الأول وبعدين المدينة هتشتري ملابس الإحرام من مصر لأنك هتحرم من المطار ولو الوقت ما أسعفكش هتحرم في الطيارة قبل ما تمر علي ميقات الإحرام والطيار كده كده هيبلغ الناس قبل ما تمر الطيارة فوق ميقات الإحرام بنص ساعة.
٤- أول ما هتحرم أو لما توصل عند ميقات الإحرام هتقول "لبيك اللهم عمره" ثم هتبدأ في التليية "لبيك اللهم لبيك .. لبيك لا شريك لك لبيك .. إن الحمد والنعمة لك والملك .. لا شريك لك" والإحساس ساعتها ما يتوصفش إن ركاب طيارة بالكامل بتلبي لله تعالي.
٥- لما توصل مكة وأول ما تشوف الكعبة ليك دعوة مستجابة .. ما تشغلش بالك أو تحاول ترتب الدعاء اللي هتقوله علشان مش هتقول غير اللي ربنا عايز لسانك ينطق بيه .. أنا قبل ما أسافر أصدقائي قعدوا يحفظوني أدعية أقولها وأول ما شوفت الكعبة ما قولتش أي حاجة منها وكل اللي كان علي لساني "ماشاء الله لا قوة إلا بالله" وفضلت أرددها وما قولتش أي حاجة تانية.
٦- أنسب ميعاد تعمل فيه العمرة هو توقيت من ١١ بالليل وحتي ١ صباحاً هيكون الجو جميل جداً والزحام هيكون قليل وتجنب فترة الظهر علشان الحر وتجنب فترة ما بين المغرب والعشاء علشان تلحق تخلص مناسك العمرة متصلة بدون ما تفصلها صلاة من الصلاوات .. فإذا ربنا قدرك في أول يوم روح الفندق اتغدي ونام وإرتاح وقوم بالليل إعمل عمرتك وما تكسلش لأنك مش ضامن بكرة هيبقي فيه إيه.
٧- هام جدا جدا جدا جدا ما تاخدش معاك هدوم كتير علشان مش هتلبسها مش هتحتاج أكتر من عباية وتريننج علي الأكتر والهدوم الكتير هتبقي زي قلتها معاك وهتضيع عليك فرصة انك تجيب هدايا للناس او تشترى لنفسك حاجات تانية مفيدة
٨ - لو هدومك ما تملاش غير شنطة واحدة وزعهم علي شنطتين أو لو عندك شنطة كبيرة وشنطة صغيرة حطهم جوة بعض وخد معاك شنطة هاند باج هتطلع معاك الطيارة مسموح لك فيها
بوزن 8 كيلو بحد أقصي، يمكن هتكون مش محتاج الشنط دي وأنت رايح بس هناك هتحتاجهم جداً علشان لو إشتريت هدايا يدوبك الشنطتين هيكفو بالكاد.
٩- الأكل في السعودية حلو جداً وأكتر حاجة هتلاقيها منشرة هناك وجبات البروست ٤ قطع فراخ وعيش وبطاطس وثومية واشترى معاهم كانزل وكل دة بـ 14 ريال وفعلياً الوجبة دي تأكل فردين وكمان بورست البيك والكنتاكي هناك موضوع مختلف عن اللي في مصر تماماً، وبالنسبة للفطار والعشا لو الفندق من غير فطار خد معاك جبن ومعلبات من هنا لأنك مش هتلاقيها هناك بسهولة وهتوفر لك كتير، أما لو الفندق بالفطار يبقي ما تاخدش اكل معاك افضل.
١٠- لو عندك خط مصري إتأكد إنك شغلت خدمة التجوال قبل ما تسافر لأنك لو نسيت مش هتعرف تشغلها من هناك وهتبعت رسالة فاضية لرقم 440 لو انت اتصالات ده عرض إسمه 50% خصم علي دقيقة التجوال وساعتها هتستقبل الدقيقة بجنيه بدل ٢ جنيه ولو إنت علي شبكة غير إتصالات إتصل بالشركة وإسأل عن كيفية الإشتراك في عرض 50% خصم علي التجوال وعلي فكرة العرض ده للسعودية والإمارات.
١١- لو روحت لأي شركة محمول تشتري خط سعودي ما حدش هيرضي يبيع لك وهتسمع مقولة ما عادش في خطوط للمعتمرين، فانت هتقصر علي نفسك الطريق هتاخد جواز سفرك وتروح لأي فرع من فروع شبكة "موبايلي" او (زين )وهي ليها فرع أمام الحرم وهي الوحيدة اللي عندها خطوط للمعتمرين سعر الخط 30 ريال وفيه رصيد 25 ريال وهتتكلم الدقيقة محلي بـ 35 هلله اللي هي زي القرش عندنا كده، وهتتكلم الدقيقة لمصر بـ 55 هلله وده هيكون أوفر لك بكتير جداً في حالة الإتصال لأنك لو اتكلمت من الخط المصري هتتكلم الدقيقة لمصر بـ 7.5 جنيه ومن الخط السعودي تقريباً بـ 1.38 جنيه.
١٢- لو بتحتاج الإتصال بالإنترنت ضروري وانت بتشتري الخط من موبايلي هتشتري منه خدمة إنترنت هتديلك 2GB موبايل إنترنت بـ 60 ريال وهتفضل شغالة معاك لحد ما تيجي تسافر بالسلامة وصدقني ده أوفر لك لو بتحتاج النت لأن معظم الفنادق النت فيها بيكون في الريسيبشن بس ونتيجة للضغط عليه هتلاقي صعوبة كبيرة إنك تدخل علي النت من الأساس ولو فكرت تقعد في مكان فيه إنترنت هتدفع أكتر لو حسبتها .. عندك انا شربت فنجان قهوة في برج الساعة بـ 20 ريال علشان كنت محتاج الانترنت قبل ما اعرف موضوع الخط السعودي.
١٣- بالنسبة للهدايا أوعي تشتري حاجة مرة واحدة إسأل مرة واتنين وتلاته وما تشتريش غير في الآخر لأنك هتتصدم انك هتلاقي نفس الحاجة بنص التمن عند حد تاني، وغالباً الأسعار في المدينة بتكون اقل من مكة اما لو مصمم تشترى من مكة هدوم فى مول اسمة اريام ومول اخر اسمة الباوراث و كمان تون 10 مخصص ل هدوم الاطفال واى اجة ب عشرة ريال فقط لا غير
حاول وانت في المدينة ما تشتريش هدايا من محلات .. هتلاقي بياعين بيقفوا بعد الصلاة امام مداخل الحرم النبوي بجوار فندق الموفينبيك وفندق ميلنويم طيبة عندهم الأسعار أقل بكتير جداً من المحلات، وفاصل مرة واتنين وتلاته قبل ما تشتري، ولو حصل واشتريت حاجة ولقيتها اقل عند حد تاني إرجع للبياع هيدلك فرق الفلوس لو حس إنك هترجع اللي إشتريته.
١٤- هتلاقي في المدينة ناس بتبيع جملة بجوار الحرم حاول لما تشتري تجيب "سواك المدينة وسبح" جملة مش هتلاقيها بالسعر ده في أي حتة وهتاخد أجر علي كل حد هتهاديه بيها ويستخدمها.
١٥- بعد تلات أربع مشاوير شوبنج هتلاقي الشنط اللي انت آخدها معاك تقريباً إتملت فإذا لقيت نفسك لسه فاضل معاك معلبات وخلاص هتسافر فحاول تتصدق بيها علي حد محتاج لأنك ممكن ترميها غصباً عنك في المطار لو الوزن زيادة فأفضل لك تتصدق بيها بإرادتك.
١٦- لو كنت مريض أو غير قادر علي أداء مناسك العمرة هتلاقي كراسي بعجل "مجاناً" بتاخدها من أمام الحرم بإثبات الشخصية وبترجعها لما بتخلص العمره بس ده لو كان معاك مرافق هيساعدك في دفع الكرسي المتحرك أثناء الطواف والسعي.
١٧- لو تعذر عليك أداء المناسك وما كانش معاك مرافق هتلاقي في نفس مكان تأجير الكراسي المتحركة ناس شغلتها إنها تساعدك علي أداء المناسك وبيكون أجر الطواف والسعي من 100 إلي 150 ريال.
١٨- لو إنت شاب وربنا مديلك صحة حاول تروح تاخد كرسي متحرك مجاناً بإثبات الشخصية وشوف حد من المسنين أو غير القادرين وتطوع علي مساعدته في مناسك العمره بدون مقابل والله دعوته ليك ممكن تسعد بيها باقي حياتك، جربها ومش هتندم.
١٩- حاول تعمل عملية "التضلع" وهي إنك تشرب من ماء زمزم علي غير رئ بس إتأكد إن بطنك فاضية وإشرب أكواب فردية حتي تشعر بالشبع فإن فيها علاج من السحر والمس ومن كل شئ بعدها هتلاحظ تغيير لون البول وحاول تكرر العملية دي أكتر من مرة بس ما تعملهاش وانت داخل تعمل العمرة لأنك لو إحتاجت تدخل الحمام هتخرج بره الحرم وهيبقي مشوار كبير.
٢٠- بالنسبة للتحلل من الإحرام وهو بحلق الشعر للرجال وقص خصلة للسيدات أولاً ما حدش ياخد معاه مقص وهو مسافر لأنه هيتاهد منك في المطار وإنت مسافر وإشتري مقص من مكة وبالنسبة للرجال لو إنتم مجموعة إشتروا ماكينة حلاقة شعر من مصر هتبقي أوفر لكم بكتير وإنت كده كده هتحلق زيرو بالماكينة فمهيش أختراع يعني، أما لو كنت لوحدك فأنت هتلاقي حلاقين كتير في برج الساعة وفي كل الطرق المؤدية للحرم المكي وتكلفة قص الشعر 10 ريال.
وعلى فكرة ممكن تفاصل معاهم لو انتم مجموعة مع بعض و الواحد بيكون ب7 ريال
وبتوصل ل 5 ريالات فقط فى حالة انك عاوز تقصر بس مش تجيبها على الزيرو
بعد ما تعمل عمرة لنفسك ممكن تعمل عمرة لاى شخص عزيز عليك
وفى الحالة دى بتروح مسجد التنعيم مسجد السيدة عائشة رضى الله عنها وهتوصل لة ازاى
هتاخذ ملابس الاحرام بتاعتك وهتلاقى امام الفنادق فى الحرم المكى تاكسيات بتقول تنعيم تنعيم
بتاخذ على الشخص الواحد رايح جاى 10 ريال بتوصلك لحد هناك لحد ما تتوضى وتدخل المسجد
وتصلى ركعتين وتبدء الاحرام وبعدها بترجعك للحرم المكى بس حاول لما يوصلك تاخذ بالك جد
التاكسى هيكون راكن فين وياريت لو تصور رقم العربية او تاخذ رقم السواق
التاكسى الكبير بيحمل 7 اشخاص
٢١- إذا ربنا قدرك وإشتريت ماكينة قص شعر هات ماكينة تكون بتتشحن .. إشحنها كويس وخدها معاك وإنت بتعمل العمرة ولما تخلص السعي هتنتهي من آخر شوط في المروة حاول تقف شوية في المروة وتخليها صدقة لوجه الله وقص شعر اللي خلصوا العمرة وساعدهم في التحلل بدون مقابل لحد ما شحن الماكينة يخلص ولو عملتها احسن النية واجعلها لوجه الله وتأكد إن كل دعوة حد هيدعيهالك ممكن تغير حياتك.
٢٢- لو كنت من المدخنين "ربنا يعافي كل مبتلي منها" خد معاك السجاير اللي تكفيك من هنا لأنك لو حاولت تدور علي سجاير هناك بالظبط كأنك بتقضي مصلحة حشيش وهتمشي تتلفت لحد ما توصل وكل حد هتسأله علي مكان تجيب منه سجاير هيسمعك خطبة التوبة، ولو قدرت تبطل تدخين فترة العمرة يكون أفضل لعل وعسي ربنا يعافيك منها خالص.
٢٣- بالنسبة لماء زمزم إشرب اللي يكفيك وانت هناك وما تشغلش بالك إنك تملي وتشيل ماء زمزم من الحرم للمطار لأنها هتعمل وزن تقيل في الشنط وإنت هتلاقي مية زمزم موجودة في المطار في عبوات مغلفة وجاهزة للشحن الجوي العبوة تقريباً 5 لتر بـ 9 ريال فإذا حضرتك جيت تحسب ثمن الجيركن اللي هتشتريه فاضي علشان تملاه من الحرم هتلاقيه تقريباً بنفس الثمن فهتبقي عذبت نفسك بالشيلة علي الفاضي، واللي بتشتريها من المطار وزنها ما بيتحسبش ضمن وزن الشنط.
٢٤- حاول تتشارك مع مجموعة من المعتمرين وإشتري ميزان وأوزن الشنط كلها قبل ما تتحرك علي المطار الميزان بحوالي 40 ريال وهتلاقيه موجود في هايبر ماركت "بن داوود" وده ليه فروع كتير جنب الحرم ولو اتقسمت التكلفة عليكم هيبقي كلام فاضي بس نصيحة ده أفضل ١٠٠ مرة من إنك تتفاجئ وإنت علي الكاونتر بتحط الشنط تتوزن إن عندك وزن زيادة هتفتح الشنط وتشيل منها حاجات وهتبقي بهدلة ما بعدها بهدلة وأقصي حاجة مسموح لك بيها من مطار جدة شنطتين وزن الشنطة الواحدة 23 كيلو بحد أقصي وشنطة هاند باج وزنها ٨ كيلو علشان تبقي في الأمان.
٢٥- وإنت مسافر من مصر خد معاك زجاجات بلاستيك فارغة ولو لقيت إن لسه الوزن في الشنط ما وصلش 23 كيلو إملاها من زمزم ولفها كويس جداً وحطها في الشنط ولو حبيت تشتري تاني من المطار براحتك بس لو لقيت اللي معاك مكفيك يبقي تمام كده من غير شراء وتكاليف.
٢٦- وإنت في المدينة إحرص علي زيارة دار طباعة المصحف الشريف هتاخد من هناك نسخة من مصحف المدينة مجاناً وده للرجال فقط.
٢٧- لو كان معاك أطفال حاول تخلي رحلة العمرة رحلة ممتعة بالنسبة لهم علشان تحببهم إنهم يجوا مرة تانية وخليهم يستمتعوا زي ما إنت هتستمتع بالعمرة .. فسعادتك هتلاقي عندك "مول مكة" علي بعد 10 دقايق تقريباً من الحرم وما تدفعش للتاكسي أكتر من 20 ريال، هتلاقي فيه Food Court فيه مطاعم هايلة وفيه ركن كبير لألعاب الأطفال تكلفة دخول الطفل 65 ريال فحاول إذا نويت تروح من بدري لأن التكلفة واحدة أياً كانت المدة وممكن تسيب الأطفال تلعب لو حبيت وتروح تصلي وتعمل شوبنج وترجع هما هيتكفلوا بيهم ولو الطفل خلص أو حب يخرج المشرفة هتتصل عليك.
٢٨- إحرص علي إنك تكون داخل المطار قبل ميعاد الطيارة بتلات ساعات علشان تبقي في الأمان لأن الإجراءات أحياناً بتطول وممكن تتفاجئ بعطلة غير متوقعة، أنا كان معايا مجموعة من أصدقائي طيارتهم قبلي بنص ساعة وبالرغم من إنهم كانوا في المطار قبل ميعاد الطيارة بساعة ونص إلا إنهم عطلوهم في المطار وراحت عليهم الطيارة وبيتوا يومين في المطار وكانت بهدلة ما بعدها بهدلة.
٢٩- لو كان لسه باقي رصيد في الخط السعودي حاول تعمل منه مكالمات وانت في المطار لأن الرصيد لا يرحل وكمان الخط صلاحيته بتنتهي بعد شهرين من تاريخ الشراء.
٣٠- حاول وإنت في مكة تعمل أي عمل خير وما تحكيش عليه لأي حد ولا أقرب الأقربين ليك وخليه بينك وبين ربنا لأن الدعاء بالعمل الصالح مستجاب بإذن الله وتذكر حديث سيدنا النبي عن الثلاثة أصحاب الغار عندما جاءت صخرة وسدت عليهم باب الغار قال أحدهم "إنه لن ينجيكم من هذا إلا أن تدعوا الله بصالح أعمالكم .... الحديث" فدعوا بصالح الأعمال حتي أزاح الله الصخرة، جربها والله هيجيلك وقت كرب هتحتاج فيه الدعوة دي جداً.
31- وانت فى مكة تقدر تشترى كرسى عادى بيكون ب 20 ريال وتخلية وقف للحرم وهتكسب صدقة جارية عن العمل دة وكمان تقدر تعم الحوار دة على روح احد الاعزاء والاحباب انك تشترى الكرسى دة وتضعة فى الحرم المكى على روح الشخ العزيز عليك
وتذكر ان هيكون لك اجر مثل عظيم
32- وانت فى مكة فى تاكسيات بيعملوا نداء مول القارات او مول الباوراث او مول اريام وبيوصلك هناك مجانى وبيرجعك مجانى بشرط انك تشترى بمبلغ معين من المول دة
طيب سائق التاكسى بيستفيد اية اى واح بيوصلة للمول بياخذ علية فلوس من المول
وبكدا بيكون مكسب للجميع انت وصلت المول ببلاش و المول وصل له مشترين ودعايا
لهم ب اقل التكاليف والسائق حص على اجرة
33- اما لو عاوز تاكسى لاحد الموالات دى بتدفع من 15 الى 20 ريال لو مخصوص
اما لو ركب معاك اشخاص بتدقع بس 5 ريالات
34- ب النسبة لمياة زمزم اشترى من المطار العبوة بتكون 5لتر ب 9 ريال وكمان لو عاوز تملئ جركين او عبوة اوك بس خليها فى الشنط واغلقها جيد جد علشان مفيش مياة تغرق هدومك
وكمان لما تشترى المياة وانت فى المطار حاول يكون معاك قلم فسفورى او الوان علشان تكتب على العبوة بتاعتك الاسم واعمل علامات علشان تكون ظاهرة لان مش هيخلوك تطلع ب العبوة 9 لتر على الطيارة بيقولوا لك روح غلفها بس انت تقول لهم انا عاوز اشحنها على الطيارة وفى الحالة دى بتتشحن مجانى اما لو رحت وغلفتها هتدفع قد تمنها مرة اخرى
35- حاول ثوثق رحلتك بصور علشان تكون ذكرى خالدة لك
36-لما تروح المدينة حاول تعمل زيارة مسجد قباء اول مسجد تم بناء فى الاسلام
واعمل زيارة ل جبل احد علشان تشوف عظمة الجبل وتتذكر عزوة احد
ومن الممكن برضة تروح جبل عرفات علشان تشوف طريق المزدلفة
والاماكن اللى الحجاج بيروحها علشان لما ربنا يكرمك وتعمل حج تكون عند فكرة كويسة
عن باقى مناسك الحج
36- لما تروح المدينة المورة قوم بزيارة سوق التمور سوق اكثر من رائع هتجد فية انوع من البلح
مش هتشوفها فى اى مكان اخر
37 - فى مجموعة لينكات دى عن كيفية اداء العمرة ممكن تنزلها على الموبايل
38- الناس بقى اللى بتحب تستخدم الموبايل ممكن لو موبيلك اندرويد تنزل الكام ابلكشن دوووووووول
هيفيدوك جدا فى اداء العمرة
للتحميل
https://play.google.com/store/apps/details…
https://play.google.com/store/apps/details…
https://play.google.com/store/apps/details…
https://play.google.com/store/apps/details…
39-لو مش عاوز تتحرك ب تاكسيات وحابب تكون مرن ممكن تستخدم اوبر
وتقدر تحمل الابلكشن من هنا
/Uber – Android-Apps auf Google Play
وممكن تدخل الكود دة uberomda818 هتاخذ رحلة ب 80 ريال مجانية
لو انت اول مرة تستخدم اوبر وممكن تعمل حساب جديد وتاخذ رحلة مجانية ب الكود دة
40- تاكد من رقم الرحلة بتاعتك شئ مهم جدا ولازم تكون فى المطار قبل رحلتك ب 3 ساعات
عمرة مقبوله ان شاء الله
ولاتنسا اهل سوريا و الفلوجة والمستضعفين من الدعاء
يارب أكون قدرت أساعد بحاجة
اللهم إجعل هذا العمل خالصاً لوجهك الكريم
إعمل مينشن لأصحابك اللي طالعين عمره أول مرة
شير في الخير فالدال علي الخير كفاعله
دعواتكم وتقبل الله منا ومنكم
جزء منقول من الاستاذ #معتز_عبد_الموجود
وجزء اخر انا زودت علية
ربنا يجعلة فى ميزان حسنات الجميع
ويكتب للجميع زيارة بيت الله العظيم
ولكل مشتاق زيارة المسجد النبوى وزيارة قبر الرسول
او حد من صحابك ناوى يعمل عمرة مينشن له و#شير فى الخير
أولاً دي كانت أول مرة أطلع فيها عمرة وبالرغم من إن اللي سبقوني قالوا لي علي نصايح كتير إلا إني إكتشفت إن في حاجات كتيرة جداً ما حدش قال لي عليها وهحاول قدر المستطاع إني ألمها والله المستعان
١- أول حاجة وأنا نفسي ما كنتش أعرفها وما حدش قال لي عليها إنك هتروح البنك وهتقدم الجواز والتأشيرة وهتاخد ريالات بسعر البنك 2.45 جنيه بدل ما تشتريها من الصرافة بـ 3.00 جنيه تقريباً هتاخد 1000 ريال بحد أقصي لكل جواز سفر لو من البنك الاهلى
اما لو انت عميل البنك بمعنى عامل حساب فى البنك بتاعك سيان بنك مصر
او البنك الاهلى او بنك سى اى بى هتاخذ 2000 ريال بحد اقصى
، وهناك مكاتب الصرافة منتشرة في كل مكان.
حاول لما تسافر يكون معاك جزء سيوله نقدى وجزء تانى على هيئة فيزا
زى كارت #ترافيل اللى بيتعمل فى بنك cib او شركة توماس كوك
لان الكرات دة دولى هينفعك كتير لما تيجى تشترى حاجات فيزا
او لو لك حساب فى البنك قبل ما تسافر روح الفرع وخلى الفيزا تشتغل دولى
٢- بالنسبة لملابس الإحرام لو إنت هتروح المدينة الأول وبعدين مكة يبقي ما تشتريش ملابس الإحرام من مصر وإشتريها من المدينة لأنك بعد ما هتخلص زيارة المدينة هتطلع علي أبيار علي للإحرام وهتلاقي هناك ملابس الأحرام بحوالي 30 ريال يعني تقريباً تسعين جنيه مصري ودي أرخص بكتير من مصر.
اما بقى لو هتروح على مكة يبقى لازم تحرم من مصر وفى الحاله دى افضل مكان تشترى منة ملابس الاحرام هو التوحيد والنور حاول تشترى ملابس الاحرام القطن اللى تبع شركة قطونيل
لانها فعلا بتمتص العرق وكمان اشترى حزام للعمرة من خلالة تقدر تشيل فى الباسبور و الموبايل
وجزء من الفلوس
٣- لو كنت هتروح مكة الأول وبعدين المدينة هتشتري ملابس الإحرام من مصر لأنك هتحرم من المطار ولو الوقت ما أسعفكش هتحرم في الطيارة قبل ما تمر علي ميقات الإحرام والطيار كده كده هيبلغ الناس قبل ما تمر الطيارة فوق ميقات الإحرام بنص ساعة.
٤- أول ما هتحرم أو لما توصل عند ميقات الإحرام هتقول "لبيك اللهم عمره" ثم هتبدأ في التليية "لبيك اللهم لبيك .. لبيك لا شريك لك لبيك .. إن الحمد والنعمة لك والملك .. لا شريك لك" والإحساس ساعتها ما يتوصفش إن ركاب طيارة بالكامل بتلبي لله تعالي.
٥- لما توصل مكة وأول ما تشوف الكعبة ليك دعوة مستجابة .. ما تشغلش بالك أو تحاول ترتب الدعاء اللي هتقوله علشان مش هتقول غير اللي ربنا عايز لسانك ينطق بيه .. أنا قبل ما أسافر أصدقائي قعدوا يحفظوني أدعية أقولها وأول ما شوفت الكعبة ما قولتش أي حاجة منها وكل اللي كان علي لساني "ماشاء الله لا قوة إلا بالله" وفضلت أرددها وما قولتش أي حاجة تانية.
٦- أنسب ميعاد تعمل فيه العمرة هو توقيت من ١١ بالليل وحتي ١ صباحاً هيكون الجو جميل جداً والزحام هيكون قليل وتجنب فترة الظهر علشان الحر وتجنب فترة ما بين المغرب والعشاء علشان تلحق تخلص مناسك العمرة متصلة بدون ما تفصلها صلاة من الصلاوات .. فإذا ربنا قدرك في أول يوم روح الفندق اتغدي ونام وإرتاح وقوم بالليل إعمل عمرتك وما تكسلش لأنك مش ضامن بكرة هيبقي فيه إيه.
٧- هام جدا جدا جدا جدا ما تاخدش معاك هدوم كتير علشان مش هتلبسها مش هتحتاج أكتر من عباية وتريننج علي الأكتر والهدوم الكتير هتبقي زي قلتها معاك وهتضيع عليك فرصة انك تجيب هدايا للناس او تشترى لنفسك حاجات تانية مفيدة
٨ - لو هدومك ما تملاش غير شنطة واحدة وزعهم علي شنطتين أو لو عندك شنطة كبيرة وشنطة صغيرة حطهم جوة بعض وخد معاك شنطة هاند باج هتطلع معاك الطيارة مسموح لك فيها
بوزن 8 كيلو بحد أقصي، يمكن هتكون مش محتاج الشنط دي وأنت رايح بس هناك هتحتاجهم جداً علشان لو إشتريت هدايا يدوبك الشنطتين هيكفو بالكاد.
٩- الأكل في السعودية حلو جداً وأكتر حاجة هتلاقيها منشرة هناك وجبات البروست ٤ قطع فراخ وعيش وبطاطس وثومية واشترى معاهم كانزل وكل دة بـ 14 ريال وفعلياً الوجبة دي تأكل فردين وكمان بورست البيك والكنتاكي هناك موضوع مختلف عن اللي في مصر تماماً، وبالنسبة للفطار والعشا لو الفندق من غير فطار خد معاك جبن ومعلبات من هنا لأنك مش هتلاقيها هناك بسهولة وهتوفر لك كتير، أما لو الفندق بالفطار يبقي ما تاخدش اكل معاك افضل.
١٠- لو عندك خط مصري إتأكد إنك شغلت خدمة التجوال قبل ما تسافر لأنك لو نسيت مش هتعرف تشغلها من هناك وهتبعت رسالة فاضية لرقم 440 لو انت اتصالات ده عرض إسمه 50% خصم علي دقيقة التجوال وساعتها هتستقبل الدقيقة بجنيه بدل ٢ جنيه ولو إنت علي شبكة غير إتصالات إتصل بالشركة وإسأل عن كيفية الإشتراك في عرض 50% خصم علي التجوال وعلي فكرة العرض ده للسعودية والإمارات.
١١- لو روحت لأي شركة محمول تشتري خط سعودي ما حدش هيرضي يبيع لك وهتسمع مقولة ما عادش في خطوط للمعتمرين، فانت هتقصر علي نفسك الطريق هتاخد جواز سفرك وتروح لأي فرع من فروع شبكة "موبايلي" او (زين )وهي ليها فرع أمام الحرم وهي الوحيدة اللي عندها خطوط للمعتمرين سعر الخط 30 ريال وفيه رصيد 25 ريال وهتتكلم الدقيقة محلي بـ 35 هلله اللي هي زي القرش عندنا كده، وهتتكلم الدقيقة لمصر بـ 55 هلله وده هيكون أوفر لك بكتير جداً في حالة الإتصال لأنك لو اتكلمت من الخط المصري هتتكلم الدقيقة لمصر بـ 7.5 جنيه ومن الخط السعودي تقريباً بـ 1.38 جنيه.
١٢- لو بتحتاج الإتصال بالإنترنت ضروري وانت بتشتري الخط من موبايلي هتشتري منه خدمة إنترنت هتديلك 2GB موبايل إنترنت بـ 60 ريال وهتفضل شغالة معاك لحد ما تيجي تسافر بالسلامة وصدقني ده أوفر لك لو بتحتاج النت لأن معظم الفنادق النت فيها بيكون في الريسيبشن بس ونتيجة للضغط عليه هتلاقي صعوبة كبيرة إنك تدخل علي النت من الأساس ولو فكرت تقعد في مكان فيه إنترنت هتدفع أكتر لو حسبتها .. عندك انا شربت فنجان قهوة في برج الساعة بـ 20 ريال علشان كنت محتاج الانترنت قبل ما اعرف موضوع الخط السعودي.
١٣- بالنسبة للهدايا أوعي تشتري حاجة مرة واحدة إسأل مرة واتنين وتلاته وما تشتريش غير في الآخر لأنك هتتصدم انك هتلاقي نفس الحاجة بنص التمن عند حد تاني، وغالباً الأسعار في المدينة بتكون اقل من مكة اما لو مصمم تشترى من مكة هدوم فى مول اسمة اريام ومول اخر اسمة الباوراث و كمان تون 10 مخصص ل هدوم الاطفال واى اجة ب عشرة ريال فقط لا غير
حاول وانت في المدينة ما تشتريش هدايا من محلات .. هتلاقي بياعين بيقفوا بعد الصلاة امام مداخل الحرم النبوي بجوار فندق الموفينبيك وفندق ميلنويم طيبة عندهم الأسعار أقل بكتير جداً من المحلات، وفاصل مرة واتنين وتلاته قبل ما تشتري، ولو حصل واشتريت حاجة ولقيتها اقل عند حد تاني إرجع للبياع هيدلك فرق الفلوس لو حس إنك هترجع اللي إشتريته.
١٤- هتلاقي في المدينة ناس بتبيع جملة بجوار الحرم حاول لما تشتري تجيب "سواك المدينة وسبح" جملة مش هتلاقيها بالسعر ده في أي حتة وهتاخد أجر علي كل حد هتهاديه بيها ويستخدمها.
١٥- بعد تلات أربع مشاوير شوبنج هتلاقي الشنط اللي انت آخدها معاك تقريباً إتملت فإذا لقيت نفسك لسه فاضل معاك معلبات وخلاص هتسافر فحاول تتصدق بيها علي حد محتاج لأنك ممكن ترميها غصباً عنك في المطار لو الوزن زيادة فأفضل لك تتصدق بيها بإرادتك.
١٦- لو كنت مريض أو غير قادر علي أداء مناسك العمرة هتلاقي كراسي بعجل "مجاناً" بتاخدها من أمام الحرم بإثبات الشخصية وبترجعها لما بتخلص العمره بس ده لو كان معاك مرافق هيساعدك في دفع الكرسي المتحرك أثناء الطواف والسعي.
١٧- لو تعذر عليك أداء المناسك وما كانش معاك مرافق هتلاقي في نفس مكان تأجير الكراسي المتحركة ناس شغلتها إنها تساعدك علي أداء المناسك وبيكون أجر الطواف والسعي من 100 إلي 150 ريال.
١٨- لو إنت شاب وربنا مديلك صحة حاول تروح تاخد كرسي متحرك مجاناً بإثبات الشخصية وشوف حد من المسنين أو غير القادرين وتطوع علي مساعدته في مناسك العمره بدون مقابل والله دعوته ليك ممكن تسعد بيها باقي حياتك، جربها ومش هتندم.
١٩- حاول تعمل عملية "التضلع" وهي إنك تشرب من ماء زمزم علي غير رئ بس إتأكد إن بطنك فاضية وإشرب أكواب فردية حتي تشعر بالشبع فإن فيها علاج من السحر والمس ومن كل شئ بعدها هتلاحظ تغيير لون البول وحاول تكرر العملية دي أكتر من مرة بس ما تعملهاش وانت داخل تعمل العمرة لأنك لو إحتاجت تدخل الحمام هتخرج بره الحرم وهيبقي مشوار كبير.
٢٠- بالنسبة للتحلل من الإحرام وهو بحلق الشعر للرجال وقص خصلة للسيدات أولاً ما حدش ياخد معاه مقص وهو مسافر لأنه هيتاهد منك في المطار وإنت مسافر وإشتري مقص من مكة وبالنسبة للرجال لو إنتم مجموعة إشتروا ماكينة حلاقة شعر من مصر هتبقي أوفر لكم بكتير وإنت كده كده هتحلق زيرو بالماكينة فمهيش أختراع يعني، أما لو كنت لوحدك فأنت هتلاقي حلاقين كتير في برج الساعة وفي كل الطرق المؤدية للحرم المكي وتكلفة قص الشعر 10 ريال.
وعلى فكرة ممكن تفاصل معاهم لو انتم مجموعة مع بعض و الواحد بيكون ب7 ريال
وبتوصل ل 5 ريالات فقط فى حالة انك عاوز تقصر بس مش تجيبها على الزيرو
بعد ما تعمل عمرة لنفسك ممكن تعمل عمرة لاى شخص عزيز عليك
وفى الحالة دى بتروح مسجد التنعيم مسجد السيدة عائشة رضى الله عنها وهتوصل لة ازاى
هتاخذ ملابس الاحرام بتاعتك وهتلاقى امام الفنادق فى الحرم المكى تاكسيات بتقول تنعيم تنعيم
بتاخذ على الشخص الواحد رايح جاى 10 ريال بتوصلك لحد هناك لحد ما تتوضى وتدخل المسجد
وتصلى ركعتين وتبدء الاحرام وبعدها بترجعك للحرم المكى بس حاول لما يوصلك تاخذ بالك جد
التاكسى هيكون راكن فين وياريت لو تصور رقم العربية او تاخذ رقم السواق
التاكسى الكبير بيحمل 7 اشخاص
٢١- إذا ربنا قدرك وإشتريت ماكينة قص شعر هات ماكينة تكون بتتشحن .. إشحنها كويس وخدها معاك وإنت بتعمل العمرة ولما تخلص السعي هتنتهي من آخر شوط في المروة حاول تقف شوية في المروة وتخليها صدقة لوجه الله وقص شعر اللي خلصوا العمرة وساعدهم في التحلل بدون مقابل لحد ما شحن الماكينة يخلص ولو عملتها احسن النية واجعلها لوجه الله وتأكد إن كل دعوة حد هيدعيهالك ممكن تغير حياتك.
٢٢- لو كنت من المدخنين "ربنا يعافي كل مبتلي منها" خد معاك السجاير اللي تكفيك من هنا لأنك لو حاولت تدور علي سجاير هناك بالظبط كأنك بتقضي مصلحة حشيش وهتمشي تتلفت لحد ما توصل وكل حد هتسأله علي مكان تجيب منه سجاير هيسمعك خطبة التوبة، ولو قدرت تبطل تدخين فترة العمرة يكون أفضل لعل وعسي ربنا يعافيك منها خالص.
٢٣- بالنسبة لماء زمزم إشرب اللي يكفيك وانت هناك وما تشغلش بالك إنك تملي وتشيل ماء زمزم من الحرم للمطار لأنها هتعمل وزن تقيل في الشنط وإنت هتلاقي مية زمزم موجودة في المطار في عبوات مغلفة وجاهزة للشحن الجوي العبوة تقريباً 5 لتر بـ 9 ريال فإذا حضرتك جيت تحسب ثمن الجيركن اللي هتشتريه فاضي علشان تملاه من الحرم هتلاقيه تقريباً بنفس الثمن فهتبقي عذبت نفسك بالشيلة علي الفاضي، واللي بتشتريها من المطار وزنها ما بيتحسبش ضمن وزن الشنط.
٢٤- حاول تتشارك مع مجموعة من المعتمرين وإشتري ميزان وأوزن الشنط كلها قبل ما تتحرك علي المطار الميزان بحوالي 40 ريال وهتلاقيه موجود في هايبر ماركت "بن داوود" وده ليه فروع كتير جنب الحرم ولو اتقسمت التكلفة عليكم هيبقي كلام فاضي بس نصيحة ده أفضل ١٠٠ مرة من إنك تتفاجئ وإنت علي الكاونتر بتحط الشنط تتوزن إن عندك وزن زيادة هتفتح الشنط وتشيل منها حاجات وهتبقي بهدلة ما بعدها بهدلة وأقصي حاجة مسموح لك بيها من مطار جدة شنطتين وزن الشنطة الواحدة 23 كيلو بحد أقصي وشنطة هاند باج وزنها ٨ كيلو علشان تبقي في الأمان.
٢٥- وإنت مسافر من مصر خد معاك زجاجات بلاستيك فارغة ولو لقيت إن لسه الوزن في الشنط ما وصلش 23 كيلو إملاها من زمزم ولفها كويس جداً وحطها في الشنط ولو حبيت تشتري تاني من المطار براحتك بس لو لقيت اللي معاك مكفيك يبقي تمام كده من غير شراء وتكاليف.
٢٦- وإنت في المدينة إحرص علي زيارة دار طباعة المصحف الشريف هتاخد من هناك نسخة من مصحف المدينة مجاناً وده للرجال فقط.
٢٧- لو كان معاك أطفال حاول تخلي رحلة العمرة رحلة ممتعة بالنسبة لهم علشان تحببهم إنهم يجوا مرة تانية وخليهم يستمتعوا زي ما إنت هتستمتع بالعمرة .. فسعادتك هتلاقي عندك "مول مكة" علي بعد 10 دقايق تقريباً من الحرم وما تدفعش للتاكسي أكتر من 20 ريال، هتلاقي فيه Food Court فيه مطاعم هايلة وفيه ركن كبير لألعاب الأطفال تكلفة دخول الطفل 65 ريال فحاول إذا نويت تروح من بدري لأن التكلفة واحدة أياً كانت المدة وممكن تسيب الأطفال تلعب لو حبيت وتروح تصلي وتعمل شوبنج وترجع هما هيتكفلوا بيهم ولو الطفل خلص أو حب يخرج المشرفة هتتصل عليك.
٢٨- إحرص علي إنك تكون داخل المطار قبل ميعاد الطيارة بتلات ساعات علشان تبقي في الأمان لأن الإجراءات أحياناً بتطول وممكن تتفاجئ بعطلة غير متوقعة، أنا كان معايا مجموعة من أصدقائي طيارتهم قبلي بنص ساعة وبالرغم من إنهم كانوا في المطار قبل ميعاد الطيارة بساعة ونص إلا إنهم عطلوهم في المطار وراحت عليهم الطيارة وبيتوا يومين في المطار وكانت بهدلة ما بعدها بهدلة.
٢٩- لو كان لسه باقي رصيد في الخط السعودي حاول تعمل منه مكالمات وانت في المطار لأن الرصيد لا يرحل وكمان الخط صلاحيته بتنتهي بعد شهرين من تاريخ الشراء.
٣٠- حاول وإنت في مكة تعمل أي عمل خير وما تحكيش عليه لأي حد ولا أقرب الأقربين ليك وخليه بينك وبين ربنا لأن الدعاء بالعمل الصالح مستجاب بإذن الله وتذكر حديث سيدنا النبي عن الثلاثة أصحاب الغار عندما جاءت صخرة وسدت عليهم باب الغار قال أحدهم "إنه لن ينجيكم من هذا إلا أن تدعوا الله بصالح أعمالكم .... الحديث" فدعوا بصالح الأعمال حتي أزاح الله الصخرة، جربها والله هيجيلك وقت كرب هتحتاج فيه الدعوة دي جداً.
31- وانت فى مكة تقدر تشترى كرسى عادى بيكون ب 20 ريال وتخلية وقف للحرم وهتكسب صدقة جارية عن العمل دة وكمان تقدر تعم الحوار دة على روح احد الاعزاء والاحباب انك تشترى الكرسى دة وتضعة فى الحرم المكى على روح الشخ العزيز عليك
وتذكر ان هيكون لك اجر مثل عظيم
32- وانت فى مكة فى تاكسيات بيعملوا نداء مول القارات او مول الباوراث او مول اريام وبيوصلك هناك مجانى وبيرجعك مجانى بشرط انك تشترى بمبلغ معين من المول دة
طيب سائق التاكسى بيستفيد اية اى واح بيوصلة للمول بياخذ علية فلوس من المول
وبكدا بيكون مكسب للجميع انت وصلت المول ببلاش و المول وصل له مشترين ودعايا
لهم ب اقل التكاليف والسائق حص على اجرة
33- اما لو عاوز تاكسى لاحد الموالات دى بتدفع من 15 الى 20 ريال لو مخصوص
اما لو ركب معاك اشخاص بتدقع بس 5 ريالات
34- ب النسبة لمياة زمزم اشترى من المطار العبوة بتكون 5لتر ب 9 ريال وكمان لو عاوز تملئ جركين او عبوة اوك بس خليها فى الشنط واغلقها جيد جد علشان مفيش مياة تغرق هدومك
وكمان لما تشترى المياة وانت فى المطار حاول يكون معاك قلم فسفورى او الوان علشان تكتب على العبوة بتاعتك الاسم واعمل علامات علشان تكون ظاهرة لان مش هيخلوك تطلع ب العبوة 9 لتر على الطيارة بيقولوا لك روح غلفها بس انت تقول لهم انا عاوز اشحنها على الطيارة وفى الحالة دى بتتشحن مجانى اما لو رحت وغلفتها هتدفع قد تمنها مرة اخرى
35- حاول ثوثق رحلتك بصور علشان تكون ذكرى خالدة لك
36-لما تروح المدينة حاول تعمل زيارة مسجد قباء اول مسجد تم بناء فى الاسلام
واعمل زيارة ل جبل احد علشان تشوف عظمة الجبل وتتذكر عزوة احد
ومن الممكن برضة تروح جبل عرفات علشان تشوف طريق المزدلفة
والاماكن اللى الحجاج بيروحها علشان لما ربنا يكرمك وتعمل حج تكون عند فكرة كويسة
عن باقى مناسك الحج
36- لما تروح المدينة المورة قوم بزيارة سوق التمور سوق اكثر من رائع هتجد فية انوع من البلح
مش هتشوفها فى اى مكان اخر
37 - فى مجموعة لينكات دى عن كيفية اداء العمرة ممكن تنزلها على الموبايل
هيفيدوك جدا فى اداء العمرة
للتحميل
https://play.google.com/store/apps/details…
https://play.google.com/store/apps/details…
https://play.google.com/store/apps/details…
https://play.google.com/store/apps/details…
39-لو مش عاوز تتحرك ب تاكسيات وحابب تكون مرن ممكن تستخدم اوبر
وتقدر تحمل الابلكشن من هنا
/Uber – Android-Apps auf Google Play
وممكن تدخل الكود دة uberomda818 هتاخذ رحلة ب 80 ريال مجانية
لو انت اول مرة تستخدم اوبر وممكن تعمل حساب جديد وتاخذ رحلة مجانية ب الكود دة
40- تاكد من رقم الرحلة بتاعتك شئ مهم جدا ولازم تكون فى المطار قبل رحلتك ب 3 ساعات
عمرة مقبوله ان شاء الله
ولاتنسا اهل سوريا و الفلوجة والمستضعفين من الدعاء
يارب أكون قدرت أساعد بحاجة
اللهم إجعل هذا العمل خالصاً لوجهك الكريم
إعمل مينشن لأصحابك اللي طالعين عمره أول مرة
شير في الخير فالدال علي الخير كفاعله
دعواتكم وتقبل الله منا ومنكم
جزء منقول من الاستاذ #معتز_عبد_الموجود
وجزء اخر انا زودت علية
ربنا يجعلة فى ميزان حسنات الجميع
ويكتب للجميع زيارة بيت الله العظيم
ولكل مشتاق زيارة المسجد النبوى وزيارة قبر الرسول