مساء الخير او صباح الخير علي حسب توقيت البلد...

  • بادئ الموضوع بادئ الموضوع DiiNa ElDeeb
  • تاريخ البدء تاريخ البدء
عرض العطلة
D

DiiNa ElDeeb

:: مسافر ::
#1
مساء الخير او صباح الخير علي حسب توقيت البلد اللي انتو فيها
انا دا اول بوست ليا في الجروب
انا مش عايزة اسأل علي بلد معينة الحقيقة انا عايزة حد من البنات اللي بيسافروا يحكولي عن تجربتهم في اقناع اهاليهم علي موضوع السفر خصوصا لما يبقوا من النوع اللي بيخاف بزيادة.. يعني لو حد هنا كان اهلها رافضين الفكرة اقنعتهم ازاي؟ حاولت تنتحر مثلا؟
تقريبا هي دي مشكلتي الوحيدة في السفر ✋
وشكرا
 
#4
صباح الخير .... بصي انا بدات الاول اقناعهم بالسفر جوة مصر وسافرت كذا مكان وكانوا بيقولوا هتباتى بره ازاى والكلام دا وكلمتين بقى انى زهقت ولازم اشوف الدنيا وهشوفها امتى وطبعا اللي يقولك بعد ما تتجوزى قولى له كنت سافرت انت ... مش هقولك رفضوا بس كان لازم حد منهم يجي معايا اختى مثلا ماما ..اخويا ... اول مكان رحته لوحدى كان كاترين واحده واحده هيقتنعوا ويثقوا فيكي وفي قرارك .... لما نويت اسافر بره مصر مكنوش مصدقين فضلت شهر اقول هسافر واول حاجه عملتها دفعت تكت الطيران على طول وكانت رحله مع مجموعه وطبعا قالوا لى مع السلامه والقلب دعيلك يا هنرتاح اول ما فتحت الشنطه احط حاجاتى ايه دا هو بجد انتى مسافرة وبدا القلق بقى بس مين كنت خلاص دفعت وقايله بقالي فترة .... طبعا كانوا قلقانين جدا بس طمنهم شوية انى مع مجموعه واديتهم ارقام كذا حد معايا وسافرت واستمتعت جدا وتجربه رائعه غيرت فيا كتير ..... السفر لوحدى لسه مش عندى الشجاعه
 
#5
بالنسبة لي،الحل الوحيد للسفر هو تمكنك من دفع تكاليف السفر كلها!
يعني لما تكوني مستقلة ماديا،و ما في حد حيدفع عنك التكاليف،حتسافري يعني حتسافري!
 
عرض العطلة
#7
اغلبنا بيشتغل ومستقل ماديا الفكرة انك هتسافرى لوحدك وتباتى بره لا وفي بلد غريب لو حصلك اي حاجه مش هنعرف حتى نوصلك وبعد ما تتجوزوا ابقى روحوا
 
#8
مش هقولك ان الموضوع سهل بس حاولى متستسلميش وابداى حتى هنا في مصر وفي اماكن كتير حلوة وخليكي زى اي مصرية اصيله زنى .... الزن هيجيب نتيجه
 
#9
انا تقربيا لما سافرت مع اصحابى دهب ماما كانت فاكرني انى رايحه إسرائيل وحاولت تمنعنى بكل الطرق بس سافرت إنما خارج مصر صعب معاهم هنا لانى انا مش شغاله بس ممكن أطلع ع حسابى الفكره أنهم بيبقوا خايفين بزياده
 
#10
لا ياستى اينعم سنتين وانا بقنع وبعافر معاهم ... بس خليت ماما تتابع قنوات بتتكلم عن السياحة واكلمها شبه يوميا عن سفر البنات وانى مش صغيرة ... وكمان اتحملت بدجت السفر لوحدى لازم تعرفى الأسرة انك شخص يتحمل مسؤلية .. وعملت الاتى حجزت وحطتهم قدام الأمر الواقع ... قولت لهم انا عملت حجوزات ب 10000ج.م اعمل ايه انا .. اضطروا يوافقوا ... مش تنسى النت مش خلى حد بعيد يعنى يوميا بكلمهم ويشوفوا الصور وكنت سايبه البرنامج السياحى بتاعى رايحة فين وهعمل ايه ... حاولى ... وعملت شهر عسل لنفسى .. الواحد لازم يدلع نفسه
 
عرض العطلة
#11
بصي انا عندي ماما عندها فكرة اني ابات برا دي من الممنوعات
ف فكرة اني اسافر كانت صعبة عليها فالاول
بدات اقولها تعالي معايا و اقنعها، المهم مكانتش بترضي بس كانت بتضطر تسبني و اروح انا.
دا عن السفر جوا مصر لاني من اسوان بس بعيش معظم اجازاتي(اللي هما كتار شوية) في دهب.
بعدين لما بدأنا نسافر برا مصر كان معاهم ف كان عادي.
بعدها بقي انا دلوقتي كنت بقالي فترة بفكر اروح امريكا الجنوبية ف شغل لمدة سنة، ف طريقة اقناعي بيها كانت بقي: اني رايحة جاية بتكلم عن السفر،
و رايحة جاية بتكلم عن اني بحوش للسفر و بعمل جمعيات للسفر و بحط كل مرتبي ف البنك عشان السفر
ف اهلي حسو ان الموضوع بجد مش هري .
وبدأو يتقبلوه الي حد ما..
و كمان لما عرفت اني الي حد كبير مستقلة ماديا و بعرف اعتمد علي نفسي لو اضطرتني الظروف يعني هعرف اتعامل..
قلقهم اكيد مش هيروح ابدا بس مع الوقت انا بكبر و هما بيشوفو نماذج بنات كتير بيعرفو يسافرو و يتحركو و بيبقي نمط حياتي كدا.
 
عرض العطلة
عرض العطلة
أعلى أسفل
عودة
قائمة