M
Mohamed Elnjjar
:: مسافر ::
هو انا لما اسافر الغردقة او سهل حشيش او الجونة ... ايه ال ممكن اعمله غير القعده فى الفندق ؟؟؟
طيب ايه الاماكن ال ممكن اروحها فى الغردقة عموما بما اننا داخلين على العيد وناس كتير اوى هتتجه الى الغردقة والجونة ؟؟ ومعلومة المسافة بين الغردقة والجونة 30 كيلو فقط يعنى ممكن فى اى وقت وبسهولة تنزل من الجونة او سهل حشيش للغردقة والمواصلات متوفرة طوال الوقت .
البوست دا مش رحلة ولكن دا برنامج او تقدر تقول دليل سياحى لزيارتك للغردقة والجونة وسهل حشيش (الثلاث اماكن ليهم نفس البرنامج) واهم الحاجات ال ممكن تزورها هناك . وكمان هديلك اسعار تقريبية للبرامج ال ممكن تعملها فى الغردقة عشان محدش يستغلك او يضحك عليك
طبعا وانت فى طريقك اول حاجة هتعدى عليها هى السخنة وهتقف فى رست زعفرانة هاوس
حضرتك التسكين فى اى فندق بيكون مش قبل الساعة 12 الظهر يعنى معنى كدا انك محتاج تريح اول يوم ويكون برنامج خفيف .. وبالتالى اول يوم دا ال هو يوم الوصول هيكون هو اليوم الوحيد ال هتقضيه فى الفندق بتاعك .. يعنى تريح وتشوف اليلاج الخاص فى الفندق وتنزل البسين
طيب تانى يوم ممكن تعمل ايه ؟؟ هقولك تعمل ايه .. هتشوف اى حد من الناس ال بنظمو رحلات داخلية داخل الغردقة او الجونة ودول مكاتب كتير جدا منتشرة فى كل حتة فى هناك وكمان ممكن تلاقى جوا الفندق بتاعك .. اسال الريشبسان واطلب منه انك عاوز تعمل رحلة بحرية (يوم كامل) والرحلة هتكون رحلة من الساعة 8 ص الى 4 م شاملة الغداء والمشروبات على اليخت فى البحر الاحمر وهتكون لمكان من اتنين (محمية جزيرة الجفتون فى الغردقة او جزيرة توبيا فى سفاجا) والاتنين حلوين وممتعين جدا ونفس التكلفة تقريبا ... سعر الرحلة دى شاملة الانتقالات من والى الفندق مش هتعدى 150 جنيه تقريبا . وكمان فى رحلة مجمعة اسمها سوبر جفتون ودى بتكون رحلة كبيرة شاملة كل شيئ من العاب مائية زى البنانا بوت وكمان شاملة جلاس بوت ونزول على الجزيرة وسعرها مش هيعدى 180 جنيه وقبل ما تطلع على اليخت تكون عامل حسابك فى ماسك لو ناوى تنزل تعمل سنوركلينج من اليخت وتشوف الشعاب والاسماك الملونة ودول بيتم توفيرهم ليك من المرسى البحرى ال هتركب منه او على اليخت . وممكن لو عاوز تعمل غطس بتنسق مع مشرف المركب قبلها وبتنزل من اليخت
طيب باقى اليوم هتعمل فيه ايه ؟؟ هترجع الفندق تغير وتخد وجبتك وبعدها تبتدى تستعد عشان المفروض الساعة 8 بالدقيقة تكون موجود فى طريق القرى فى مكان اسمه الف ليلة وليلة ودى عبارة عن مبنى ضخم قرية فيها حفلات وسهرة حلوة .. هتخد تاكسى وتقوله ودينى الف ليلة وليلة والحفلات دى والدخول التكت بتاعهم مش هيتجاوز 100 جنيه للفرد بس فى حاجة مهمة وانت بتقطع التكت لازم تاكد عليها على الشباك .. انك تحضر الحفل كامل يعنى العرض التراثى والعرض الفلكلورى والحفل الفنى والشرقى لان فى حفلتين بسعرين مختلفين .. فى حفل كامل ال هو ممتع ومفيد جدا وفى حفل فنى فقط ودا ارخص ومش ممتع اوى لكل الناس . الحفلة بتبدء 9 تقريبا وبتنتهى 12 بالليل .
طيب نيجى بقى لتالت يوم .. هتصحى الصبح تخد فطارك فى الفندق وبعدها تستعد انك تروح مكان اسمه اكواريوم الغردقة .. ودا بقى مكان رائع جدا عبارة عن قاع بحر مصغر بتنزل تتمشى فيه فى احواض وممرات زجاج وتتفرج على الاسماك والشعاب المرجانية واسماك القرش المفترسة .. ودا عنوانه فى طريق القرى معروف ممكن اى تاكسى او عربية تبع الفندق توصلك سواء كنت فى الغردقة او الجونة او سهل حشيش .. والمكان دا شغال يوميا من 9 ص الى 6 م بس يفضل تروح الصبح وتخد جولتك وتتصور عشان على الساعة 11 فى حفلة بتتعمل فى المكان هناك وبتروح تقعد ادام حوض سمك كبير جدا وبينزل غطاس بيعمل عروض مع الاسماك من الساعة 11 الى 12 م وتكت دخول المكان 120 جنيه شامل الجولة كاملة .
بعد كدا ممكن تعمل حاجة من اتنين يا تطلع من الاكواريوم على مدينة الرمال ودى قريبة من الاكواريوم وتقضى هناك لحد العصر وتكت الدخول بتاعها 100 ج تقريبا او ترجع تخد الغداء بتاعك فى الفندق وتجهز نفسك لرحلة سفارى فى الجبل بالبيتش باجى وغداء بدوى وتحضر الغروب هناك ودى هتكلفك فى حدود 150 جنيه تقريبا للفرد .
طيب ايه هنخلص اليوم على كدا ؟؟
لا طبعا هنروح نخد العشا بتاعنا فى الفندق وننزل على مكان للسهرة اسمه المارينا سواء كنت فى الغردقة عندك المارينا فى الغردقة ممكن تروحها بتاكسى هى قريبة جدا او فى الجونة ممكن تروح مارينا الجونة بتوكتوك هناك وفكرة المارينا عموما هى ممشى سياحى على البحر مليان كافيها ويخوت وحفلات خصوصا فى الاعياد وايام الجمعة من كل اسبوع ودخول اى مارينا عموما ببلاش فى اى وقت
عندك رابع يوم هتقوم الصبح وتكون مجهز شنطتك وجاهز للتحرك تفطر وبعد كدا لو انت فى الجونة ممكن تحجز مع فنقدك تركب الطيارة الشراعية وتعمل احلى مغامرة فى حياتك وتطير فى الجو فوق الجونة ودى طيارة سياحية شراعية فى الجونة فقط سعرها كالاتى :
10 دقايق طيران ب 200 ج / 15 دقيقة طيران 300 ج / 20 دقيقة طيران 400 ج
ولو انت فى الغردقة او سهل حشيش ممكن جدا تركب الغواصة وبتطلع بيها رحلة لمدة ساعتين وبيكون تمنها 90 جنيه وبتحجزها مع اى مكتب رحلات هناك وبتكون شاملة الانتقالات من والى الفندق .
فى حاجات تانى ممكن تعملها فى الغردقة زى رحلة بحرية لبيت الدولفين ودى بتطلع بمركب لمكان فى البحر بيكون فيه دلافين كتير وبتنزل تعوم معاهم ودى بتتكلف تقريبا 150 ج وكمان ممكن تعمل رحلة يوم كامل لاكوا بارك هناك ودى برضو بتحجزها مع اى مكتب تنظيم رحلات واليوم ممكن يكلفك فى حدود 250 الى 300 ج
البرنامج دا جزء مبسط من اجمل واهم حاجات ممكن تعملها فى الغردقة او الجونة او سهل حشيش فى اى وقت مع العلم ان الاماكن دى فى فترة الصيف بتكون حر شوية ولكن بتفضل من اجمل مدن مصر وبحرها روعة .. وانصحك اوعى تفوت زيارة جزيرة الجفتون والرحلة البحرية وكمان الاكواريوم ولو قدرت تركب الطيارة الشراعية يبقى انت كدا عشت اجمل 4 ايام فى حياتك .
اتمنى لحضراتكم رحلات سعيدة واعياد امنه على مصر والمصرين والاخوة العرب وكل عام وحضراتكم بالف خير
البوست الجاى ان شاء الله بعد يومين هيكون موجه للعرسان ان شاء الله عشان نرشحلهم افضل اماكن شهر العسل فى مصر
ملحوظة : هتلاقى لكل مكان اتذكر هنا فى البوست صورة مكتوب عليها اسم المكان ادخل على الصور واتفرج بنفسك
تقدرو باستمرار تتابعو بروفايلى وكل البوستات الجديدة فى صفحتى الشخصية من الرابط دا :
/Mohamed Elnjjar | Facebook
#مصر_التى_لا_تعرفونها
اتعرفو معانا على تاريخكم وشوفوا بلدكم بعيون مختلفة . تقدروا تتابعونا وتعرفوا اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
/حملات تنشيط السياحة الداخلية Campaign of the Egyptian Tourism
او الجروب الرسمى بتاعنا من الرابط التالى :
/فيها حاجة حلوة Öffentliche Gruppe | Facebook
طيب ايه الاماكن ال ممكن اروحها فى الغردقة عموما بما اننا داخلين على العيد وناس كتير اوى هتتجه الى الغردقة والجونة ؟؟ ومعلومة المسافة بين الغردقة والجونة 30 كيلو فقط يعنى ممكن فى اى وقت وبسهولة تنزل من الجونة او سهل حشيش للغردقة والمواصلات متوفرة طوال الوقت .
البوست دا مش رحلة ولكن دا برنامج او تقدر تقول دليل سياحى لزيارتك للغردقة والجونة وسهل حشيش (الثلاث اماكن ليهم نفس البرنامج) واهم الحاجات ال ممكن تزورها هناك . وكمان هديلك اسعار تقريبية للبرامج ال ممكن تعملها فى الغردقة عشان محدش يستغلك او يضحك عليك
طبعا وانت فى طريقك اول حاجة هتعدى عليها هى السخنة وهتقف فى رست زعفرانة هاوس
حضرتك التسكين فى اى فندق بيكون مش قبل الساعة 12 الظهر يعنى معنى كدا انك محتاج تريح اول يوم ويكون برنامج خفيف .. وبالتالى اول يوم دا ال هو يوم الوصول هيكون هو اليوم الوحيد ال هتقضيه فى الفندق بتاعك .. يعنى تريح وتشوف اليلاج الخاص فى الفندق وتنزل البسين
طيب تانى يوم ممكن تعمل ايه ؟؟ هقولك تعمل ايه .. هتشوف اى حد من الناس ال بنظمو رحلات داخلية داخل الغردقة او الجونة ودول مكاتب كتير جدا منتشرة فى كل حتة فى هناك وكمان ممكن تلاقى جوا الفندق بتاعك .. اسال الريشبسان واطلب منه انك عاوز تعمل رحلة بحرية (يوم كامل) والرحلة هتكون رحلة من الساعة 8 ص الى 4 م شاملة الغداء والمشروبات على اليخت فى البحر الاحمر وهتكون لمكان من اتنين (محمية جزيرة الجفتون فى الغردقة او جزيرة توبيا فى سفاجا) والاتنين حلوين وممتعين جدا ونفس التكلفة تقريبا ... سعر الرحلة دى شاملة الانتقالات من والى الفندق مش هتعدى 150 جنيه تقريبا . وكمان فى رحلة مجمعة اسمها سوبر جفتون ودى بتكون رحلة كبيرة شاملة كل شيئ من العاب مائية زى البنانا بوت وكمان شاملة جلاس بوت ونزول على الجزيرة وسعرها مش هيعدى 180 جنيه وقبل ما تطلع على اليخت تكون عامل حسابك فى ماسك لو ناوى تنزل تعمل سنوركلينج من اليخت وتشوف الشعاب والاسماك الملونة ودول بيتم توفيرهم ليك من المرسى البحرى ال هتركب منه او على اليخت . وممكن لو عاوز تعمل غطس بتنسق مع مشرف المركب قبلها وبتنزل من اليخت
طيب باقى اليوم هتعمل فيه ايه ؟؟ هترجع الفندق تغير وتخد وجبتك وبعدها تبتدى تستعد عشان المفروض الساعة 8 بالدقيقة تكون موجود فى طريق القرى فى مكان اسمه الف ليلة وليلة ودى عبارة عن مبنى ضخم قرية فيها حفلات وسهرة حلوة .. هتخد تاكسى وتقوله ودينى الف ليلة وليلة والحفلات دى والدخول التكت بتاعهم مش هيتجاوز 100 جنيه للفرد بس فى حاجة مهمة وانت بتقطع التكت لازم تاكد عليها على الشباك .. انك تحضر الحفل كامل يعنى العرض التراثى والعرض الفلكلورى والحفل الفنى والشرقى لان فى حفلتين بسعرين مختلفين .. فى حفل كامل ال هو ممتع ومفيد جدا وفى حفل فنى فقط ودا ارخص ومش ممتع اوى لكل الناس . الحفلة بتبدء 9 تقريبا وبتنتهى 12 بالليل .
طيب نيجى بقى لتالت يوم .. هتصحى الصبح تخد فطارك فى الفندق وبعدها تستعد انك تروح مكان اسمه اكواريوم الغردقة .. ودا بقى مكان رائع جدا عبارة عن قاع بحر مصغر بتنزل تتمشى فيه فى احواض وممرات زجاج وتتفرج على الاسماك والشعاب المرجانية واسماك القرش المفترسة .. ودا عنوانه فى طريق القرى معروف ممكن اى تاكسى او عربية تبع الفندق توصلك سواء كنت فى الغردقة او الجونة او سهل حشيش .. والمكان دا شغال يوميا من 9 ص الى 6 م بس يفضل تروح الصبح وتخد جولتك وتتصور عشان على الساعة 11 فى حفلة بتتعمل فى المكان هناك وبتروح تقعد ادام حوض سمك كبير جدا وبينزل غطاس بيعمل عروض مع الاسماك من الساعة 11 الى 12 م وتكت دخول المكان 120 جنيه شامل الجولة كاملة .
بعد كدا ممكن تعمل حاجة من اتنين يا تطلع من الاكواريوم على مدينة الرمال ودى قريبة من الاكواريوم وتقضى هناك لحد العصر وتكت الدخول بتاعها 100 ج تقريبا او ترجع تخد الغداء بتاعك فى الفندق وتجهز نفسك لرحلة سفارى فى الجبل بالبيتش باجى وغداء بدوى وتحضر الغروب هناك ودى هتكلفك فى حدود 150 جنيه تقريبا للفرد .
طيب ايه هنخلص اليوم على كدا ؟؟
لا طبعا هنروح نخد العشا بتاعنا فى الفندق وننزل على مكان للسهرة اسمه المارينا سواء كنت فى الغردقة عندك المارينا فى الغردقة ممكن تروحها بتاكسى هى قريبة جدا او فى الجونة ممكن تروح مارينا الجونة بتوكتوك هناك وفكرة المارينا عموما هى ممشى سياحى على البحر مليان كافيها ويخوت وحفلات خصوصا فى الاعياد وايام الجمعة من كل اسبوع ودخول اى مارينا عموما ببلاش فى اى وقت
عندك رابع يوم هتقوم الصبح وتكون مجهز شنطتك وجاهز للتحرك تفطر وبعد كدا لو انت فى الجونة ممكن تحجز مع فنقدك تركب الطيارة الشراعية وتعمل احلى مغامرة فى حياتك وتطير فى الجو فوق الجونة ودى طيارة سياحية شراعية فى الجونة فقط سعرها كالاتى :
10 دقايق طيران ب 200 ج / 15 دقيقة طيران 300 ج / 20 دقيقة طيران 400 ج
ولو انت فى الغردقة او سهل حشيش ممكن جدا تركب الغواصة وبتطلع بيها رحلة لمدة ساعتين وبيكون تمنها 90 جنيه وبتحجزها مع اى مكتب رحلات هناك وبتكون شاملة الانتقالات من والى الفندق .
فى حاجات تانى ممكن تعملها فى الغردقة زى رحلة بحرية لبيت الدولفين ودى بتطلع بمركب لمكان فى البحر بيكون فيه دلافين كتير وبتنزل تعوم معاهم ودى بتتكلف تقريبا 150 ج وكمان ممكن تعمل رحلة يوم كامل لاكوا بارك هناك ودى برضو بتحجزها مع اى مكتب تنظيم رحلات واليوم ممكن يكلفك فى حدود 250 الى 300 ج
البرنامج دا جزء مبسط من اجمل واهم حاجات ممكن تعملها فى الغردقة او الجونة او سهل حشيش فى اى وقت مع العلم ان الاماكن دى فى فترة الصيف بتكون حر شوية ولكن بتفضل من اجمل مدن مصر وبحرها روعة .. وانصحك اوعى تفوت زيارة جزيرة الجفتون والرحلة البحرية وكمان الاكواريوم ولو قدرت تركب الطيارة الشراعية يبقى انت كدا عشت اجمل 4 ايام فى حياتك .
اتمنى لحضراتكم رحلات سعيدة واعياد امنه على مصر والمصرين والاخوة العرب وكل عام وحضراتكم بالف خير
البوست الجاى ان شاء الله بعد يومين هيكون موجه للعرسان ان شاء الله عشان نرشحلهم افضل اماكن شهر العسل فى مصر
ملحوظة : هتلاقى لكل مكان اتذكر هنا فى البوست صورة مكتوب عليها اسم المكان ادخل على الصور واتفرج بنفسك
تقدرو باستمرار تتابعو بروفايلى وكل البوستات الجديدة فى صفحتى الشخصية من الرابط دا :
/Mohamed Elnjjar | Facebook
#مصر_التى_لا_تعرفونها
اتعرفو معانا على تاريخكم وشوفوا بلدكم بعيون مختلفة . تقدروا تتابعونا وتعرفوا اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
/حملات تنشيط السياحة الداخلية Campaign of the Egyptian Tourism
او الجروب الرسمى بتاعنا من الرابط التالى :
/فيها حاجة حلوة Öffentliche Gruppe | Facebook