يا جماعه عايز افاده بالنسبه لموضوع التصريح...

[Ramy Allam]

يا جماعه عايز افاده بالنسبه لموضوع التصريح الامني بتاع السودان ناس بتقول لازم وناس بتقول مش لازم وله بتختلف ع حسب المهنه

 

[Ahmed AbdulWahid]

بص من الاخر كده انا كنت فى الحوار ده الاسبوع اللى فات .
عشان تاخد تصريح امنى للسودان
دا مش صعب .
بس لازم السفر يكون مسبب
فكك من اى كلام حد يقوله انك رايح سياحه.
انا دخلت للظابط هناك بنفسي وكان معايا واسطه من الامن الوطنى كمان.
قالى عشان تاخد التصريح لازم يا عقد عمل موثق يا تكون دعوه من هناك وانت رايح زياره
غير كده مفيش تصاريح بتطلع .
مفيش حاجه اسمها سياحه .
بتقدم على التصريح من الجوازات فى محافظتك
مرفق الجواز وعقد العمل او الدعوه مع طلب السفر .
والجوازات بتحددلك يوم تروح فيه المجمع تستلم فيه تصريح السفر
ممكن المجمع يأجلك عن اليوم ده
وممكن تخلص فى نفس اليوم المحدد
لو ليك واسطه هتخلص فى نفس اليوم .
والله الكلام دا من بق الظابط هناك نفسه .
انا عن نفسي عايز اسافر السودان
بس معرفتش للاسباب اللى فوق دى .

 

[Ramy Allam]

يعني مينفعش حد يخلصه Ahmed AbdulWahid

 

[Ahmed AbdulWahid]

بدون سبب مقنع للسفر
مش هتعرف تطلعه اصلا
واى حد يقولك غير كده
وانه سهل يطلع
خليه ييجى معاك يطلعه
ويبقي خدمك .

 

[Ahmed AbdulWahid]

انا كنت فى المجمع الاسبوع اللى فات فى الحوار ده
واللى بقوله ده
من كلام الظابط نفسه هناك
مش كلام حد تانى

 

[Raouf El Mottie]

كلامك صح