S
Sameh Salah
:: مسافر ::
بما ان في ناس كتير عايزة طبعا تسافر اوروبا سياحة فقلت أعمل بوست مفصل عن فيزا الشنجن يكون فية اجابات لمعظم استفسارات الناس عن الفيزا .. معلومات عامة عن الفيزا والتقديم وشوية نصائح كدة عن الفيزا بناء على تجارب شخصية ليا وتجارب لاصدقاء وتجارب ناس تانية كتير قدمت على الفيزا قبل كدة ^^ ..
___
- مبدئيا اية هى فيزا الشنجن ..دى فيزا تقدر من خلالها تدخل بيها 26 دولة فى اوروبا ( فرنسا – المانيا – اسبانيا – ايطاليا – النمسا – بلجيكا - التشيك – الدانمارك – اليونان – السويد – النرويج – هولندا – المجر – أستونيا – فنلندا – ايسلندا – لاتفيا – ليتوانيا – لوكسمبورج – مالطا – بولندا – البرتغال – ليشتنشتاين- سلوفاكيا – سلوفانيا – سويسرا ).
- ولو الفيزا الشنجن بتاعتك Multiple Entry تقدر تدخل 12 دوله تانية كمان مش شنجن فى اوروبا بدون فيزا مسبقة من سفارتهم زى ( تركيا – رومانيا – بلغاريا – جورجيا – قبرص – كرواتيا – صربيا – مونتينجرو – البوسنة – كوسوفو – البانيا – مقدونيا ) .وكمان تقدر تدخل بيها كولمبيا فى امريكا الجنوبية !!
- اية الفرق بين الفيزا ال Single Entry و الفيزا ال Multiple Entry علشان بعض الناس فاهمة الفرق بينهم غلط! .. الفيزا ال single دى مش معناها انك تدخل بس الدولة ال اصدرتلك الفيزا ومينفعش تدخل دولة تانية لا ,,دى معناها انك ممكن تدخل منطقة الشنجن ال فيها 26 دولة مرة واحدة يعنى ممكن بالفيزا ال single بتاعتك تلف بين ال 26 دولة زى ما انت عايز طالما مخرجتش من منظقةا الشنجن والفيزا بتاعتك ساريه لكن لو ختمت خروج وطلعت كدة يبقى الفيزا بتاعتك انتهت حتى لو الفيزا بتاعك مازلت ساريه ! عكس مثلا الفيزا ال Multiple Entry تقدر بيها تدخل وتطلع من منظقة الشنجن زى ما انت عايز طالما الفيزا بتاعتك سارية !
- لو اول مرة تقدم على الشنجن غالبا حتطلعلك الفيزا بمدة رحلتلك بالظبط والفيزا حتطلع single entry باستثناء بعض السفارات زى فرنسا مثلا ال من اول مرة مع 95% من الناس .. بتطلعهم الفيزا بتكون اقامة شهر وصلاحية 3 شهور والفيزا بتطلع Multiple Entry !.
- لو عايز الفيزا تطلعلك بمدة كبيرة يبقى خليك مع سفارات الدول الكبيرة فى اوروبا زى فرنسا وهولندا وايطاليا والمانيا و لو خدت الفيزا من اى سفارة من الدول دى خليك قدم كل مرة فى نفس السفارة لان كل مرة مدة الفيزا بتاعتك حتزيد غن المرة ال قبلها ..لكن معظم السفارات التانية حتى لو معاك 20 شنجن قبل كدة حتطلعلك الفيزا برضة بمدة رحلتك بالظبط
- 80% من سفارات دول الشنجن حاليا التقديم على الفيزا بقى عن طريق مكاتب تابعة للسفارة زى TLScontact و VFS Global يعنى مفيش تعامل مع السفارات دايركت خلاص يعنى مفيش انترفيو.. بتقدم ورقك وخلاص .. لكن احيانا بعض السفارات بعد التقديم بتبعتلك علشان تروح تعمل انترفيو عندهم فى السفارة خصوصا مع الناس ال باسبورها ابيض او ال اول مرة تقدم على الشنجن زى سفارة سويسرا والمجر واليونان مثلا علشان تتأكد من غرض الزيارة بتاعتك وتستفسر عن بعض الحاجات فى ورقك واحيانا سفارات تانية بتطلبك وبتستفسر منك عن طريق التليفون مش بتروحلهم السفاره !
- مفيش حاجة اسمها اية اسهل سفارة اطلع منها فيزا الشنجن.كلهم سيستم واحد ومعايير القبول او الرفض فيهم واحدة لكن ممكن تقول اية السفارة ال ( اجراءات التقديم على الفيزا فيها اسهل) يعنى مثلا سفارة فرنسا انا شايف انها انسب سفارة لو انت اول مرة تقدم على شنجن و عايز تنجز يعنى لانها مش بتطلب شهادة تحركات زى كل سفارات دول الشنجن .. وسفارة ايطاليا اجراءاتها رخمة شوية لانها بتطلب ورق زيادة زى ورقة التأمينات مثلا وان ورقك يكون مترجم ايطالى وفى مكاتب ترجمة معينة وكذلك سفارة اليونان بالنسبة لو كانت اول مرة بالنسبالك تقدم على الفيزا ومش ضامن تاخد الفيزا اصلا لانها بتطلب حجز فندق مدفوع! .. الفرق فى اجراءات التقديم بس لكن بالنسبه للفيزا معايير القبول والرفض واحدة فى كل السفارات وورقك هو الفيصل !
- لو مسافرتش اوروبا قبل كدة ابعد خالص عن سفارات دول الشنجن ال مش كبيرة زى لاتفيا وسلوفاكيا وسلوفانيا مثلا الدول الصغيرة عموما فى اوروبا دى لان مش من المنطقى انك تكون مسافرتش اوروبا قبل كدة ويوم ما فكرت تسافر رايح تقدم فى لاتفيا مثلا ال هى مش دولة سياحية اصلا !! وسايب كل الدول الكبيرة السياحية فى اوروبا زى فرنسا وايطاليا واسبانيا مثلا !! مش منطقى خالص يعنى .. الدول دى تقدم فيها وحتكون فرصه انك تاخد الفيزا منها سهلة جدا لما تكون سافرت اوروبا كذا مرة قبل كدة ولفيت بقى كل الدول الكبيرة وعايز تغير وتروح دول جديدة ..لكن لو مرة تقدم حتبقى صعبة جدا جدا انك تاخد الفيزا الشنجن عن طريقهم !
- لو مسافرتش قبل كدة اوروبا او مفيش ترافيل هيستورى محترم على باسبورك ابعد خالص عن انك تقدم على الفيزا عن طريق دعوة خصوصا فى الوقت الحالى حتى لو عندك اقارب برة من الدرجة الاولى .. الدعوة دى فخ اصلا او زى ما بيقول عليها عمرو بدوى السم فى العسل ! ..لان السفارات بتعتقد ال بيقدم على الفيزا عن طريق دعوة دة انة حيروح مش حيرجع على اساس يعنى الشخص ال برة دة حيساعدك بقى فى شغل واقامة والكلام دة فمش حترجع مصر تانى .. فقدم سياحة عادى ومتذكرش خالص فى الابلكيشن انك تعرف اى شخص فى اوروبا .. فرصتك فى انك تقدم سياحة عادى حتبقى اكبر بكتيييير من انك تقدم على الفيزا بدعوة !!!.
- لو مسافرتش قبل كدة حاول تقدم مع جروب ويكون فية ناس فى الجروب سافرت ومعاها شنجن قبل كدة .. فرصتك حتبقى اكبر بكتير من انك تقدم لوحدك !
- افضل وقت تقدم على الفيزا فى السفارات الاوربية لو اول مرة من شهر 2 لاخر شهر 5 ومن شهر 9 ل منتصف 11 .. الاوقات ال مش سيزون .. لان مش بيبقى فية ضغط على السفارات عكس لما تقدم فى الصيف ولا فى شهر 12 و1 بيبقى فية ضغط رهيب على السفارت والسفارات بيبقى ليها ليمت معين من التاشيرات ال بيتم اصدارها كل شهر فلما تقدم فى الهاى سيزون وانت باسبورك ابيض مثلا او ورقك مش قوى حتبقى فرصتك مش قوية فى الحصول على الفيزا !
___________________________
- اية المستندات المطلوبه بالنسبة لفيزا شنجن سياحة : بالترتيب :
_______________
1- ان يكون الباسبور بتاعك لسة سارى ل 6 شهور على الاقل
2- صورتين 4x6 او 3.5x4.5 بخلفية بيضاء على حسب المطلوب من السفارة ال حتقدم فيها
3- شهادة تحركات لو اول مره تقدم على شنجن ومسافرتش اوروبا قبل كدة من مجمع التحرير لاخر 7 سنين موجة باسم السفارة ال حتقدم فيها على الفيزا .. ودى بتاخد من اسبوع لاسبوعين علشان تطلع وممكن اقل او اكتر من كدة !
4- شهادة تأمين صحى دوليه وتكون صالحة لدول الشنجن وتغطى فترة اقامتك كلها فى منطقة الشنجن ويكون الحد الادنى للتأمين فيها 30 الف يورو ودى بتتعمل بحوالى 150 جنيه وممكن ازيد او اقل على حسب سنك ومدة التأمين ال انت طلبها ودى كل اسماء شركات التامين المعتمدة من كل سفارات دول الشنجن ال ممكن تطلع منها الوثيقة دى ( AMIG - Arab Orient Takaful - AROPE Insurance - Egyptian Saudi Insurance – Egyptian Takaful Insurance – Iskan Insurance – Mohandes Insurance – Suez Canal Insurance - Wethaq Takaful – Chartis Egypt- Alianz Egypt – BUPA Egypt – Delta Insurance – Gras Savoye/ACE Insurance – Misr Insurance – Chartis HSBC Premier Card – Nile General Takaful – CIS Egypt – Royal Insurance – Vanbreda International)
5- - لو انت موظف حتقدم HR letter من المكان ال انت بتشتغل فيه ويكون موجة للسفارة ال حتقدم فيها
- لو عندك عمل خاص بتقدم سجل تجارى وبطاقة ضريبيه ويكون تاريخ المستخرج من السجل التجارى حديث
- لو لسه طالب بتقدم شهادة قيد من الجامعة
6- حجز فندق مؤكد من بوكنيج Free Cancelation ( بعض السفارت مش بتقبل حجوزات بوكينح لازم يكون الحجز من القندق نفسه! .. فتأكد من الحجز المطلوب من السفارة ال حتقدم فيها قبل ما تقدم )!
7- حجز طيران مبدئى
8- كشف حساب بنكى لاخر 6 شهور ومش حتفرق اذا كان حساب جارى او توفير .. فى بعض السفارات بتطلب كشف حساب بنكى لاخر 3 شهور بس زى فرنسا وهولندا ! . والافضل تاريخ اصدار كشف الحساب بتاعك ميزدش عن اسبوع عن ميعاد تقديم طلبك للفيزا . وعادى لو انت مفيش عندك كشف حساب انك تقدم كشف الحساب الخاص بوالدك او والدتك وحيتقبل عادى مع طبعا اقرار موقع منهم بانهم متكفلين بمصاريفك كلها طول فترة اقامتك فى اوروبا !.
9- حتقدم Itinerary ورقة بتوضح فيها خط سير رحلتك اية والبرنامج السياحى بتاعك ودى من وجهة نظرى من اهم الاوراق ال بتقدمها للسفارة خصوصا لو اول مرة تقدم على الشنجن ودة ال بتبين للقنصل ال حياخد القرار انت فاهم رايح تعمل اية وحتزور اية فى بلدة ولا مش فاهم و جاى تقدم على فيزا سياحة وخلاص ودى ورقة بتكتب فيها بشكل بسيط الاماكن ال حتزورها كل يوم فى رحلتك يعنى اول يوم حزور كذا وتانى يوم حزورمتحف كذا وطبعا وهكذا كل يوم يعنى لكل ايام رحلتلك.. هو مش محتاج منك تفاصيل التفاصيل بعنى بلاش تكتبله مثلا انا اول مرة حروح افطر فى مطعم كذا وبليل حسهر فى مكان كذا مش محتاج منك الكلام دة او التفاصيل دى هو عايز بس يعرف الاماكن السياحية ال حتزورها كل يوم بما انك طالع سياحه فياريت بلاش افورة ياجماعة فى الورقة دى ..ولو حتزور دولة تانية بتكتب حتستخدم اية علشان تروح هناك مثلا باص ولا قطر وطيران بس كدة .. مش كل السفارات بتطلب الورقة دى وسفارات بتطلبها زى فرنسا مثلا والمجر بس فى كل الاحوال الافضل تقدمها خصوصا لو اول مرة تقدم على الفيزا .
10- طبعا اى ورقة عربى فى ورقك لازم تكون مترجمة للانجليزية او لغة الدولة ال حتقدم على الفيزا عن طريقها
11- مصاريف الفيزا حوالى 1700 جنية ودة لمعظم السفارات ال بتتعامل مع مكاتب . بالنسبة للسفارات ال تقديم على الفيزا بيبقى دايركت معاهم مصاريف الفيزا بتبقى حوالى 1100 جنية وبعض السفارات زى المجر مصاريف الفيزا بتدفع باليورو !
______________________________________
- مش لازم يكون باسبورك مليان تأشيرات علشان تاخد الفيزا .. لو باسبورك ابيض ولسة عامل الباسبور قبل اسبوع من التقديم وورقك مظبوط والغرض من السفر واضح حتاخد الفيزا بنسبة كبيرة ان شاء الله . بس طبعا لو عندك تأشيرات قوية على باسبورك زى ( امريكا – بريطانيا – استراليا – كندا – او معاك شنجن قبل كدة ) فرصتك حتبقى اكبر طبعا افى الحصول على الفيزا .
- مش لازم يكون حسابك فى البنك يكون فية مبلغ كبيرعلشان تاخد الفيزا ..ممكن يكون حسابك فية 20 الف جنية وتاخد الفيزا وحسابك يكون في مبلغ كبير وتترفض علشان مفيش فية حركة عادى جدا.او تكن حاطط مبلغ كبير قبل التقديم على الفيزا عالطول ! . اهم حاجة يكون الحركة فية كتيرعلى مدار 6 شهور .. بعض السفارات بتطلب كشف حساب لاخر 3 شهور زى سفارة فرنسا مثلا ..لا أقدم كشف حساب لاخر 6 شهور ولو ازيد من 6 شهور حيكون افضل كمان بس اهم حاجة تكون حركة السحب والايداع فية كتير بس طبعا (كل ما كان رصيد حسابك النهائى كان كبير كل ما فرصتك بتبقى اكبر خصوصا فى الايام الحالية ) بس عموما يعنى نصيحة بعد التعويم الظريف ال حصل للجنيه بتاعنا حاول تخلى رصيد حسابك ميقلش خالص عن 40 الف جنية !
- مش كل السفارات بتركز على حركة الحساب بتاعك.. فى سفارات بتركز على رصيد حسابك كام اكتر زى سفارة المجر واليونان وسويسرا .. يعنى مثلا سفارة المجر عاملين minimum limit للمبلغ ال لازم يكون فى حسابك علشان تقدم على الفيزا عندهم وال هو 25 الف جنية ولو رصيدك اقل من كدة مش حيقبلوا ورقك من الاساس !
- مش مطلوب متك تعمل حجز فندق مدفوع .. ممكن تعمل حجز فندق مؤكد من موقع Booking.com وتعمله free cancellation بحيث لو لاقدر الله حصل مشكلة فى الفيزا تقدر تلغية عادى بدون مقابل .. بس اهم حاجة حجز الفندق ال حتقدمة للسفارة يكون منطقى بالنسبة لحالتك المادية يعنى مينفعش يكون حسابك فى البنك فية 20 الف جنية مثلا وتقدم حجز فندق اليوم الواحد فية ب 400 يورو .. مش منطقى خالص يعنى !
- الافضل تكون الحجوزات ال حتقدمها للسفارة فى فندق مش هوستيل
- اهم حاجة تعمل حجوزات الفنادق بتاعتك بنفسك بالكرديت بتاعك ويكون المبلغ فى الكارت يغطى تكاليف الاقامة فى الفندق علشان الحجز بتاعك ميتكنسلش لان الفنادق بتعمل تشيك على الكارت بتاعك واحيانا بتعمل هولد لمبلغ الاقامة او جزء منه فلو فية مشكله فى الكارت او مفيش مبلغ كافى فى الكارت الحجز بتاعك حيتكنسل خلال 24 ساعة !
- متعملش حجوزات فنادق عن طريق شركات السياحة لان كل حجوزات شركات السياحة دى بتتلغى تانى يوم اصلا يعنى حجوزات وهمية ولو السفارة عملت تشك على الحجز واتضح ان الحجز بتاعك اتكنسل فرصتك فى الفيزا حتبقى صعبة جدا !
- الافضل لو اول مرة تقدم على الشنجن يكون حجز الطيران بتاعك مدفوع لاثبات جدية السفر للدولة ال مقدم على الشنجن عن طريقها لان فية بعض الناس بطلع الشنجن من سفارة معينة ومش بتسافر اصلا الدولة ال اصدرتلهم الفيزا فالافضل يكون حجز الطيران بتاعك مدفوع لو اول مرة تقدم على الفيزا خصوصا لو مش مقدم فى سفارة دولة شنجن مش كبيرة زى المجر او التشيك او اليونان مثلا ! وفى شركات طيران زى مصر للطيران مثلا ممكن تعمل عن طريقهم حجز مدفوع ولو قدر الله حصل مشكله فى الفيزا حترجعلك فلوس التيكت وحتخسر 200 جنية بس ! وانا شايف عموما فى كل الاحوال انك تعمل حجز مدفوع افضل لان كل ما بتحجز بدرى عن ميعاد سفرك كل ما الحجز بيبقى ارخص وممكن تفرق معاك فى اكتر من 1000 جنية فى سعر التيكت لما تطلع الفيزا ان شاء الله !
- فى ناس بتقول ان لو حتروح دولة تانية الافضل متقولش وتخلى رحلتك بس فى الدولة ال حتقدم على الفيزا عن طريقها .. انا مع احترامى لكل الناس ال بتقول كدة ال ممكن تكون خبرتها اعلى منى بمراحل . انا بختلف معاهم فى النقطة دى .. ملهاش علاقة خالص ومش بتـأثر على قرار الفيزا نهائى .. بالعكس انا شايف ان الافضل تكون صريح عن خط سيرك فى رحلتلك يعنى متكنش انت مقدم فى فرنسا وقايل ان انت حتروح فرنسا بس وانت اصلا ناوى تروح فرنسا وهولندا مثلا .. خليك صريح بالنسبة لخط سير رحلتلك وقدم عادى حجوزاتك فى فرنسا واى دولة تانية انت حتروحها عادى وانا شايف ان دة بيدى مصداقية اكتر لما تيجى تقدم بعد كدة وهما فاهمين ان هما مديلك فيزا تقدر تزور بيها 26 دوله فى اوروبا وانت مثلا حتبقى نفسك تزور كذا دولة فى اوروبا مش دولة واحدة فعادى يعنى . وانا عن نفسى مفيش مرة قدمت فيها وكنت قايل ان انا حزور مثلا الدولة انا مقدم على الفيزا فيها بس .. لا كنت بقدم حجوزات فى دول تانية عادى ونفس الكلام مع اصدقاء ليا .. مفيش مشكله ياجماعة .. هو اهم حاجة فى الموضوع دة ان الدولة ال حتقدم على الفيزا عن طريقها تكون مدة الاقامة فيها اكتر من اى دولة تانية حتزورها معاها .ومش محتاج تقدم اى حجز طيران داخلى فى اوروبا حتى لو كان مبدئى .. اهم حاجة حجز الطيران الدولى بالنسبالهم وبس !
- الافضل تدخل الدولة ال اصدرتلك الفيزا وتاخد ختم دخول او خروج منها حتى لو مش حتقعد هناك ساعة واحدة خصوصا لو دى كانت اول مرة تاخد شنجن.. اهم حاجة على باسبورك يكون فى اثبات انك دخلت الدولة ال اصدرتلك الفيزا .. علشان لما تقدم على الفيزا بعد كدة ان شاء الله حيبقى موقفك افضل خصوصا لو حتقدم فى نفس السفارة ال كنت واخد منها الفيزا فى اول مرة !
- عادى ياجماعة انك تاخد الفيزا ويحصلك ظروف ومتسافرش .. مش حتترفض ولا حتدخل بلاك ليست لما تقدم بعد كدة وولا محتاج تبلغ السفارة بكدة .. عادى ان يحصلك ظروف فى شغلك او حياتك مثلا تمنعك انك تسافر .. انت كدة بتثبت اصلا اكتر للسفارة انك مرتبط بشغلك او ببلدك اكتر وفى حاجات هنا اهم من السفر بالنسبالك .. فى ناس بتقدم على الفيزا ومش بتسافر ولما بتقدم على الفيزا تانى فى نفس السفارة بتتقبل عادى جدا وبتاخد مدة اطول كمان! وحصلت مع ناس كتير .
- لو كنت واخد رفض قبل كدة او لاقدر الله قدمت وخدت رفض وكنت مقدم فى سفارة دولة شنجن كبيرة زى فرنسا مثلا .. الافضل تقدم فى سفارة فرنسا تانى او تقدم فى سفارة نفس مستوى فرنسا مثلا . زى ايطاليا اسبانيا هولندا المانيا الدول دى متحاولش لما تيجى تقدم تانى تقدم فى سفارة دولة شنجن مش كبيرة زى المجر بولندا التشيك اليونان مثلا الدول ال زى كدة لان بنسبة فوق ال 95% حتترفض لان السفارات دى عارفين ال بيبقى واخد رفض من الدول الكبيرة زى فرنسا مثلا انه جاى يقدم عن طريقهم وواخدهم كمحطة يعنى علشان يسافر الدولة ال رفضتة ومش حيسافر دولتهم اصلا فبنسبة كبيرة حتترفض تانى .. سفارة زى اليونان مثلا حاليا مبقتش تقبل او تاخد ورق من الاساس اى حد مرفوض قبل كدة من سفارة كبيرة وبتقولك مقدرش اقبلك .. لازم السفارة ال رفضتك هى ال تقبل الفيزا بتاعتك الاول والكلام دة حصل مع ناس هنا فى الجروب !
- الاختام على الباسبور بتبقى فى الدخول فى منطقة الشنجن والخروج منها بس ومفيش اختام فى الرحلات الداخلية ين دول الشنجن .. يعنى مثلا انت معاك شنجن من فرنسا ومسافر باريس وحجزت على الطيران الايطالى Alitalia فطبعا حتنزل الاول ترانزيت فى مطار روما فباسبورك حيتختم دخول علية فى روما مش باريس حتى لو انت ترانزيت بس ومش حتدخل ايطاليا ساعة واحدة ومفيش طبعا ختم على الباسبور فى باريس ودة طبعا لان مفيش Passport Control فى الرحلات الداخلية بين دول الشنجن ونفس الكلام وانت راجع مصر حتختم خروج فى اخر دولة انت حتخرج منها فى منظقة الشنجن! .. دى زى ما انت مثلا مسافر طيران من اسكندرية لشرم الشيخ .. مفيش حد حيقولك انت رايح فين ولا جاى منين
- طبعا انت حتكون عايز تاخد ختم على باسبورك انك دخلت فرنسا علشان لما تقدم على الفيزا بعد كدة وفى الحالة دى طبعا مش حيبقى فى اى ختم على باسبورك انك دخلت فرنسا .. فى الحالة دى حتحتفظ بالبوردينج الخاص برحلتك من روما لباريس و ال payment receipt الخاص بالفندق ال حتقيم فية فى باريس ودة ال حيكون الاثبات انك دخلت فرنسا فعلا وحتقدمهم لما تقدم على الفيزا بعد كدة ان شاء الله ..
- مش شرط خالص تدخل الدولة ال اصدرتلك الفيزا الاول .. مثلا كنت واخد الفيزا من فرنسا وعايز تزور اسبانيا مثلا الاول .. عادى مفيش مشكلة بس لازم يكون معاك حجوزات اقامة فى فرنسا بتثبت انك حتروح فرنسا بعد زيارتك ل اسبانيا لان ممكن ظابط الجوازات يسألك عليها على اساس انك واخد الفيزا من فرنسا اصلا والمفروض انك كنت واخد الفيزا علشان تسافر فرنسا ... فلازم تكون محضر نفسك لان ممكن ميدخلكش ويرحلك والكلام دة بيحصل كتير فى مطارات المانيا والناس بترجع !
- نقطة مهمه جدا للناس ال بتكون لسة راجعة من اوروبا سياحة وبتقدم على الشنجن تانى اول ما بترجع على اساس بقى انا روحت ورجعت ومكسرتش وحقدم بنفس الورق ال خدت بية الفيزا وكلة تمام .. مينقعش ياجماعة تقدموا على الفيزا تانى وانتوا لسة راحعين من اوروبا .. لان بشوف ناس لسة راجعة من اوروبا وبتقدم على الفيزا اول ما بترجع تانى ولا بعد شهر وبتتفاجىء انها خدت رفضت لما قدمت تانى ..ما دة متوقغ ياجماعة انت كدة بتقولهم ارفضونى مش منطقى خالص يعنى تكون لسة راجع سياحة من اوروبا وتقدم على الفيزا تانى اول ما ترجع . ات كدة حتخلي السفارة تشك فيك لان انت المفروض يعنى انت عندك شغل وارتباطات ببلدك وبتاع.. فيعنى اول حاجة حتيجى فى دماغ القنصل ال حياخد القرار انك سافرت ولقيت شغل مثلا او لقيت حد يظبطك هناك ف اقامة وشغل فا انت رجعت بقى تتهى ارتباطاتك ببلدك وحتروح اوروبا تانى ومش حترجع مصر تانى خلاص فطبعا حيرفض الفيزا .. لازم على الاقل تستنى 4 شهور من تاريخ عودتك من اوروبا علشان تقدم على الفيزا تانى .. غلشان طلب الفيزا يبقى منطقى بالنسبة للسفارة ..
_____
أعتقد يعتبر انا تقريبا كدة لخصت كل حاجة عن فيزا السياحة الشنجن واجابات عن معظم استفسارات الناس هنا فى بوست واحد فيارب يكون البوست دة مفيد للناس ال بتفكر تسافر لاول مرة او الناس ال سافرت قبل كدة
بالتوفيق للجميع
___
- مبدئيا اية هى فيزا الشنجن ..دى فيزا تقدر من خلالها تدخل بيها 26 دولة فى اوروبا ( فرنسا – المانيا – اسبانيا – ايطاليا – النمسا – بلجيكا - التشيك – الدانمارك – اليونان – السويد – النرويج – هولندا – المجر – أستونيا – فنلندا – ايسلندا – لاتفيا – ليتوانيا – لوكسمبورج – مالطا – بولندا – البرتغال – ليشتنشتاين- سلوفاكيا – سلوفانيا – سويسرا ).
- ولو الفيزا الشنجن بتاعتك Multiple Entry تقدر تدخل 12 دوله تانية كمان مش شنجن فى اوروبا بدون فيزا مسبقة من سفارتهم زى ( تركيا – رومانيا – بلغاريا – جورجيا – قبرص – كرواتيا – صربيا – مونتينجرو – البوسنة – كوسوفو – البانيا – مقدونيا ) .وكمان تقدر تدخل بيها كولمبيا فى امريكا الجنوبية !!
- اية الفرق بين الفيزا ال Single Entry و الفيزا ال Multiple Entry علشان بعض الناس فاهمة الفرق بينهم غلط! .. الفيزا ال single دى مش معناها انك تدخل بس الدولة ال اصدرتلك الفيزا ومينفعش تدخل دولة تانية لا ,,دى معناها انك ممكن تدخل منطقة الشنجن ال فيها 26 دولة مرة واحدة يعنى ممكن بالفيزا ال single بتاعتك تلف بين ال 26 دولة زى ما انت عايز طالما مخرجتش من منظقةا الشنجن والفيزا بتاعتك ساريه لكن لو ختمت خروج وطلعت كدة يبقى الفيزا بتاعتك انتهت حتى لو الفيزا بتاعك مازلت ساريه ! عكس مثلا الفيزا ال Multiple Entry تقدر بيها تدخل وتطلع من منظقة الشنجن زى ما انت عايز طالما الفيزا بتاعتك سارية !
- لو اول مرة تقدم على الشنجن غالبا حتطلعلك الفيزا بمدة رحلتلك بالظبط والفيزا حتطلع single entry باستثناء بعض السفارات زى فرنسا مثلا ال من اول مرة مع 95% من الناس .. بتطلعهم الفيزا بتكون اقامة شهر وصلاحية 3 شهور والفيزا بتطلع Multiple Entry !.
- لو عايز الفيزا تطلعلك بمدة كبيرة يبقى خليك مع سفارات الدول الكبيرة فى اوروبا زى فرنسا وهولندا وايطاليا والمانيا و لو خدت الفيزا من اى سفارة من الدول دى خليك قدم كل مرة فى نفس السفارة لان كل مرة مدة الفيزا بتاعتك حتزيد غن المرة ال قبلها ..لكن معظم السفارات التانية حتى لو معاك 20 شنجن قبل كدة حتطلعلك الفيزا برضة بمدة رحلتك بالظبط
- 80% من سفارات دول الشنجن حاليا التقديم على الفيزا بقى عن طريق مكاتب تابعة للسفارة زى TLScontact و VFS Global يعنى مفيش تعامل مع السفارات دايركت خلاص يعنى مفيش انترفيو.. بتقدم ورقك وخلاص .. لكن احيانا بعض السفارات بعد التقديم بتبعتلك علشان تروح تعمل انترفيو عندهم فى السفارة خصوصا مع الناس ال باسبورها ابيض او ال اول مرة تقدم على الشنجن زى سفارة سويسرا والمجر واليونان مثلا علشان تتأكد من غرض الزيارة بتاعتك وتستفسر عن بعض الحاجات فى ورقك واحيانا سفارات تانية بتطلبك وبتستفسر منك عن طريق التليفون مش بتروحلهم السفاره !
- مفيش حاجة اسمها اية اسهل سفارة اطلع منها فيزا الشنجن.كلهم سيستم واحد ومعايير القبول او الرفض فيهم واحدة لكن ممكن تقول اية السفارة ال ( اجراءات التقديم على الفيزا فيها اسهل) يعنى مثلا سفارة فرنسا انا شايف انها انسب سفارة لو انت اول مرة تقدم على شنجن و عايز تنجز يعنى لانها مش بتطلب شهادة تحركات زى كل سفارات دول الشنجن .. وسفارة ايطاليا اجراءاتها رخمة شوية لانها بتطلب ورق زيادة زى ورقة التأمينات مثلا وان ورقك يكون مترجم ايطالى وفى مكاتب ترجمة معينة وكذلك سفارة اليونان بالنسبة لو كانت اول مرة بالنسبالك تقدم على الفيزا ومش ضامن تاخد الفيزا اصلا لانها بتطلب حجز فندق مدفوع! .. الفرق فى اجراءات التقديم بس لكن بالنسبه للفيزا معايير القبول والرفض واحدة فى كل السفارات وورقك هو الفيصل !
- لو مسافرتش اوروبا قبل كدة ابعد خالص عن سفارات دول الشنجن ال مش كبيرة زى لاتفيا وسلوفاكيا وسلوفانيا مثلا الدول الصغيرة عموما فى اوروبا دى لان مش من المنطقى انك تكون مسافرتش اوروبا قبل كدة ويوم ما فكرت تسافر رايح تقدم فى لاتفيا مثلا ال هى مش دولة سياحية اصلا !! وسايب كل الدول الكبيرة السياحية فى اوروبا زى فرنسا وايطاليا واسبانيا مثلا !! مش منطقى خالص يعنى .. الدول دى تقدم فيها وحتكون فرصه انك تاخد الفيزا منها سهلة جدا لما تكون سافرت اوروبا كذا مرة قبل كدة ولفيت بقى كل الدول الكبيرة وعايز تغير وتروح دول جديدة ..لكن لو مرة تقدم حتبقى صعبة جدا جدا انك تاخد الفيزا الشنجن عن طريقهم !
- لو مسافرتش قبل كدة اوروبا او مفيش ترافيل هيستورى محترم على باسبورك ابعد خالص عن انك تقدم على الفيزا عن طريق دعوة خصوصا فى الوقت الحالى حتى لو عندك اقارب برة من الدرجة الاولى .. الدعوة دى فخ اصلا او زى ما بيقول عليها عمرو بدوى السم فى العسل ! ..لان السفارات بتعتقد ال بيقدم على الفيزا عن طريق دعوة دة انة حيروح مش حيرجع على اساس يعنى الشخص ال برة دة حيساعدك بقى فى شغل واقامة والكلام دة فمش حترجع مصر تانى .. فقدم سياحة عادى ومتذكرش خالص فى الابلكيشن انك تعرف اى شخص فى اوروبا .. فرصتك فى انك تقدم سياحة عادى حتبقى اكبر بكتيييير من انك تقدم على الفيزا بدعوة !!!.
- لو مسافرتش قبل كدة حاول تقدم مع جروب ويكون فية ناس فى الجروب سافرت ومعاها شنجن قبل كدة .. فرصتك حتبقى اكبر بكتير من انك تقدم لوحدك !
- افضل وقت تقدم على الفيزا فى السفارات الاوربية لو اول مرة من شهر 2 لاخر شهر 5 ومن شهر 9 ل منتصف 11 .. الاوقات ال مش سيزون .. لان مش بيبقى فية ضغط على السفارات عكس لما تقدم فى الصيف ولا فى شهر 12 و1 بيبقى فية ضغط رهيب على السفارت والسفارات بيبقى ليها ليمت معين من التاشيرات ال بيتم اصدارها كل شهر فلما تقدم فى الهاى سيزون وانت باسبورك ابيض مثلا او ورقك مش قوى حتبقى فرصتك مش قوية فى الحصول على الفيزا !
___________________________
- اية المستندات المطلوبه بالنسبة لفيزا شنجن سياحة : بالترتيب :
_______________
1- ان يكون الباسبور بتاعك لسة سارى ل 6 شهور على الاقل
2- صورتين 4x6 او 3.5x4.5 بخلفية بيضاء على حسب المطلوب من السفارة ال حتقدم فيها
3- شهادة تحركات لو اول مره تقدم على شنجن ومسافرتش اوروبا قبل كدة من مجمع التحرير لاخر 7 سنين موجة باسم السفارة ال حتقدم فيها على الفيزا .. ودى بتاخد من اسبوع لاسبوعين علشان تطلع وممكن اقل او اكتر من كدة !
4- شهادة تأمين صحى دوليه وتكون صالحة لدول الشنجن وتغطى فترة اقامتك كلها فى منطقة الشنجن ويكون الحد الادنى للتأمين فيها 30 الف يورو ودى بتتعمل بحوالى 150 جنيه وممكن ازيد او اقل على حسب سنك ومدة التأمين ال انت طلبها ودى كل اسماء شركات التامين المعتمدة من كل سفارات دول الشنجن ال ممكن تطلع منها الوثيقة دى ( AMIG - Arab Orient Takaful - AROPE Insurance - Egyptian Saudi Insurance – Egyptian Takaful Insurance – Iskan Insurance – Mohandes Insurance – Suez Canal Insurance - Wethaq Takaful – Chartis Egypt- Alianz Egypt – BUPA Egypt – Delta Insurance – Gras Savoye/ACE Insurance – Misr Insurance – Chartis HSBC Premier Card – Nile General Takaful – CIS Egypt – Royal Insurance – Vanbreda International)
5- - لو انت موظف حتقدم HR letter من المكان ال انت بتشتغل فيه ويكون موجة للسفارة ال حتقدم فيها
- لو عندك عمل خاص بتقدم سجل تجارى وبطاقة ضريبيه ويكون تاريخ المستخرج من السجل التجارى حديث
- لو لسه طالب بتقدم شهادة قيد من الجامعة
6- حجز فندق مؤكد من بوكنيج Free Cancelation ( بعض السفارت مش بتقبل حجوزات بوكينح لازم يكون الحجز من القندق نفسه! .. فتأكد من الحجز المطلوب من السفارة ال حتقدم فيها قبل ما تقدم )!
7- حجز طيران مبدئى
8- كشف حساب بنكى لاخر 6 شهور ومش حتفرق اذا كان حساب جارى او توفير .. فى بعض السفارات بتطلب كشف حساب بنكى لاخر 3 شهور بس زى فرنسا وهولندا ! . والافضل تاريخ اصدار كشف الحساب بتاعك ميزدش عن اسبوع عن ميعاد تقديم طلبك للفيزا . وعادى لو انت مفيش عندك كشف حساب انك تقدم كشف الحساب الخاص بوالدك او والدتك وحيتقبل عادى مع طبعا اقرار موقع منهم بانهم متكفلين بمصاريفك كلها طول فترة اقامتك فى اوروبا !.
9- حتقدم Itinerary ورقة بتوضح فيها خط سير رحلتك اية والبرنامج السياحى بتاعك ودى من وجهة نظرى من اهم الاوراق ال بتقدمها للسفارة خصوصا لو اول مرة تقدم على الشنجن ودة ال بتبين للقنصل ال حياخد القرار انت فاهم رايح تعمل اية وحتزور اية فى بلدة ولا مش فاهم و جاى تقدم على فيزا سياحة وخلاص ودى ورقة بتكتب فيها بشكل بسيط الاماكن ال حتزورها كل يوم فى رحلتك يعنى اول يوم حزور كذا وتانى يوم حزورمتحف كذا وطبعا وهكذا كل يوم يعنى لكل ايام رحلتلك.. هو مش محتاج منك تفاصيل التفاصيل بعنى بلاش تكتبله مثلا انا اول مرة حروح افطر فى مطعم كذا وبليل حسهر فى مكان كذا مش محتاج منك الكلام دة او التفاصيل دى هو عايز بس يعرف الاماكن السياحية ال حتزورها كل يوم بما انك طالع سياحه فياريت بلاش افورة ياجماعة فى الورقة دى ..ولو حتزور دولة تانية بتكتب حتستخدم اية علشان تروح هناك مثلا باص ولا قطر وطيران بس كدة .. مش كل السفارات بتطلب الورقة دى وسفارات بتطلبها زى فرنسا مثلا والمجر بس فى كل الاحوال الافضل تقدمها خصوصا لو اول مرة تقدم على الفيزا .
10- طبعا اى ورقة عربى فى ورقك لازم تكون مترجمة للانجليزية او لغة الدولة ال حتقدم على الفيزا عن طريقها
11- مصاريف الفيزا حوالى 1700 جنية ودة لمعظم السفارات ال بتتعامل مع مكاتب . بالنسبة للسفارات ال تقديم على الفيزا بيبقى دايركت معاهم مصاريف الفيزا بتبقى حوالى 1100 جنية وبعض السفارات زى المجر مصاريف الفيزا بتدفع باليورو !
______________________________________
- مش لازم يكون باسبورك مليان تأشيرات علشان تاخد الفيزا .. لو باسبورك ابيض ولسة عامل الباسبور قبل اسبوع من التقديم وورقك مظبوط والغرض من السفر واضح حتاخد الفيزا بنسبة كبيرة ان شاء الله . بس طبعا لو عندك تأشيرات قوية على باسبورك زى ( امريكا – بريطانيا – استراليا – كندا – او معاك شنجن قبل كدة ) فرصتك حتبقى اكبر طبعا افى الحصول على الفيزا .
- مش لازم يكون حسابك فى البنك يكون فية مبلغ كبيرعلشان تاخد الفيزا ..ممكن يكون حسابك فية 20 الف جنية وتاخد الفيزا وحسابك يكون في مبلغ كبير وتترفض علشان مفيش فية حركة عادى جدا.او تكن حاطط مبلغ كبير قبل التقديم على الفيزا عالطول ! . اهم حاجة يكون الحركة فية كتيرعلى مدار 6 شهور .. بعض السفارات بتطلب كشف حساب لاخر 3 شهور زى سفارة فرنسا مثلا ..لا أقدم كشف حساب لاخر 6 شهور ولو ازيد من 6 شهور حيكون افضل كمان بس اهم حاجة تكون حركة السحب والايداع فية كتير بس طبعا (كل ما كان رصيد حسابك النهائى كان كبير كل ما فرصتك بتبقى اكبر خصوصا فى الايام الحالية ) بس عموما يعنى نصيحة بعد التعويم الظريف ال حصل للجنيه بتاعنا حاول تخلى رصيد حسابك ميقلش خالص عن 40 الف جنية !
- مش كل السفارات بتركز على حركة الحساب بتاعك.. فى سفارات بتركز على رصيد حسابك كام اكتر زى سفارة المجر واليونان وسويسرا .. يعنى مثلا سفارة المجر عاملين minimum limit للمبلغ ال لازم يكون فى حسابك علشان تقدم على الفيزا عندهم وال هو 25 الف جنية ولو رصيدك اقل من كدة مش حيقبلوا ورقك من الاساس !
- مش مطلوب متك تعمل حجز فندق مدفوع .. ممكن تعمل حجز فندق مؤكد من موقع Booking.com وتعمله free cancellation بحيث لو لاقدر الله حصل مشكلة فى الفيزا تقدر تلغية عادى بدون مقابل .. بس اهم حاجة حجز الفندق ال حتقدمة للسفارة يكون منطقى بالنسبة لحالتك المادية يعنى مينفعش يكون حسابك فى البنك فية 20 الف جنية مثلا وتقدم حجز فندق اليوم الواحد فية ب 400 يورو .. مش منطقى خالص يعنى !
- الافضل تكون الحجوزات ال حتقدمها للسفارة فى فندق مش هوستيل
- اهم حاجة تعمل حجوزات الفنادق بتاعتك بنفسك بالكرديت بتاعك ويكون المبلغ فى الكارت يغطى تكاليف الاقامة فى الفندق علشان الحجز بتاعك ميتكنسلش لان الفنادق بتعمل تشيك على الكارت بتاعك واحيانا بتعمل هولد لمبلغ الاقامة او جزء منه فلو فية مشكله فى الكارت او مفيش مبلغ كافى فى الكارت الحجز بتاعك حيتكنسل خلال 24 ساعة !
- متعملش حجوزات فنادق عن طريق شركات السياحة لان كل حجوزات شركات السياحة دى بتتلغى تانى يوم اصلا يعنى حجوزات وهمية ولو السفارة عملت تشك على الحجز واتضح ان الحجز بتاعك اتكنسل فرصتك فى الفيزا حتبقى صعبة جدا !
- الافضل لو اول مرة تقدم على الشنجن يكون حجز الطيران بتاعك مدفوع لاثبات جدية السفر للدولة ال مقدم على الشنجن عن طريقها لان فية بعض الناس بطلع الشنجن من سفارة معينة ومش بتسافر اصلا الدولة ال اصدرتلهم الفيزا فالافضل يكون حجز الطيران بتاعك مدفوع لو اول مرة تقدم على الفيزا خصوصا لو مش مقدم فى سفارة دولة شنجن مش كبيرة زى المجر او التشيك او اليونان مثلا ! وفى شركات طيران زى مصر للطيران مثلا ممكن تعمل عن طريقهم حجز مدفوع ولو قدر الله حصل مشكله فى الفيزا حترجعلك فلوس التيكت وحتخسر 200 جنية بس ! وانا شايف عموما فى كل الاحوال انك تعمل حجز مدفوع افضل لان كل ما بتحجز بدرى عن ميعاد سفرك كل ما الحجز بيبقى ارخص وممكن تفرق معاك فى اكتر من 1000 جنية فى سعر التيكت لما تطلع الفيزا ان شاء الله !
- فى ناس بتقول ان لو حتروح دولة تانية الافضل متقولش وتخلى رحلتك بس فى الدولة ال حتقدم على الفيزا عن طريقها .. انا مع احترامى لكل الناس ال بتقول كدة ال ممكن تكون خبرتها اعلى منى بمراحل . انا بختلف معاهم فى النقطة دى .. ملهاش علاقة خالص ومش بتـأثر على قرار الفيزا نهائى .. بالعكس انا شايف ان الافضل تكون صريح عن خط سيرك فى رحلتلك يعنى متكنش انت مقدم فى فرنسا وقايل ان انت حتروح فرنسا بس وانت اصلا ناوى تروح فرنسا وهولندا مثلا .. خليك صريح بالنسبة لخط سير رحلتلك وقدم عادى حجوزاتك فى فرنسا واى دولة تانية انت حتروحها عادى وانا شايف ان دة بيدى مصداقية اكتر لما تيجى تقدم بعد كدة وهما فاهمين ان هما مديلك فيزا تقدر تزور بيها 26 دوله فى اوروبا وانت مثلا حتبقى نفسك تزور كذا دولة فى اوروبا مش دولة واحدة فعادى يعنى . وانا عن نفسى مفيش مرة قدمت فيها وكنت قايل ان انا حزور مثلا الدولة انا مقدم على الفيزا فيها بس .. لا كنت بقدم حجوزات فى دول تانية عادى ونفس الكلام مع اصدقاء ليا .. مفيش مشكله ياجماعة .. هو اهم حاجة فى الموضوع دة ان الدولة ال حتقدم على الفيزا عن طريقها تكون مدة الاقامة فيها اكتر من اى دولة تانية حتزورها معاها .ومش محتاج تقدم اى حجز طيران داخلى فى اوروبا حتى لو كان مبدئى .. اهم حاجة حجز الطيران الدولى بالنسبالهم وبس !
- الافضل تدخل الدولة ال اصدرتلك الفيزا وتاخد ختم دخول او خروج منها حتى لو مش حتقعد هناك ساعة واحدة خصوصا لو دى كانت اول مرة تاخد شنجن.. اهم حاجة على باسبورك يكون فى اثبات انك دخلت الدولة ال اصدرتلك الفيزا .. علشان لما تقدم على الفيزا بعد كدة ان شاء الله حيبقى موقفك افضل خصوصا لو حتقدم فى نفس السفارة ال كنت واخد منها الفيزا فى اول مرة !
- عادى ياجماعة انك تاخد الفيزا ويحصلك ظروف ومتسافرش .. مش حتترفض ولا حتدخل بلاك ليست لما تقدم بعد كدة وولا محتاج تبلغ السفارة بكدة .. عادى ان يحصلك ظروف فى شغلك او حياتك مثلا تمنعك انك تسافر .. انت كدة بتثبت اصلا اكتر للسفارة انك مرتبط بشغلك او ببلدك اكتر وفى حاجات هنا اهم من السفر بالنسبالك .. فى ناس بتقدم على الفيزا ومش بتسافر ولما بتقدم على الفيزا تانى فى نفس السفارة بتتقبل عادى جدا وبتاخد مدة اطول كمان! وحصلت مع ناس كتير .
- لو كنت واخد رفض قبل كدة او لاقدر الله قدمت وخدت رفض وكنت مقدم فى سفارة دولة شنجن كبيرة زى فرنسا مثلا .. الافضل تقدم فى سفارة فرنسا تانى او تقدم فى سفارة نفس مستوى فرنسا مثلا . زى ايطاليا اسبانيا هولندا المانيا الدول دى متحاولش لما تيجى تقدم تانى تقدم فى سفارة دولة شنجن مش كبيرة زى المجر بولندا التشيك اليونان مثلا الدول ال زى كدة لان بنسبة فوق ال 95% حتترفض لان السفارات دى عارفين ال بيبقى واخد رفض من الدول الكبيرة زى فرنسا مثلا انه جاى يقدم عن طريقهم وواخدهم كمحطة يعنى علشان يسافر الدولة ال رفضتة ومش حيسافر دولتهم اصلا فبنسبة كبيرة حتترفض تانى .. سفارة زى اليونان مثلا حاليا مبقتش تقبل او تاخد ورق من الاساس اى حد مرفوض قبل كدة من سفارة كبيرة وبتقولك مقدرش اقبلك .. لازم السفارة ال رفضتك هى ال تقبل الفيزا بتاعتك الاول والكلام دة حصل مع ناس هنا فى الجروب !
- الاختام على الباسبور بتبقى فى الدخول فى منطقة الشنجن والخروج منها بس ومفيش اختام فى الرحلات الداخلية ين دول الشنجن .. يعنى مثلا انت معاك شنجن من فرنسا ومسافر باريس وحجزت على الطيران الايطالى Alitalia فطبعا حتنزل الاول ترانزيت فى مطار روما فباسبورك حيتختم دخول علية فى روما مش باريس حتى لو انت ترانزيت بس ومش حتدخل ايطاليا ساعة واحدة ومفيش طبعا ختم على الباسبور فى باريس ودة طبعا لان مفيش Passport Control فى الرحلات الداخلية بين دول الشنجن ونفس الكلام وانت راجع مصر حتختم خروج فى اخر دولة انت حتخرج منها فى منظقة الشنجن! .. دى زى ما انت مثلا مسافر طيران من اسكندرية لشرم الشيخ .. مفيش حد حيقولك انت رايح فين ولا جاى منين
- طبعا انت حتكون عايز تاخد ختم على باسبورك انك دخلت فرنسا علشان لما تقدم على الفيزا بعد كدة وفى الحالة دى طبعا مش حيبقى فى اى ختم على باسبورك انك دخلت فرنسا .. فى الحالة دى حتحتفظ بالبوردينج الخاص برحلتك من روما لباريس و ال payment receipt الخاص بالفندق ال حتقيم فية فى باريس ودة ال حيكون الاثبات انك دخلت فرنسا فعلا وحتقدمهم لما تقدم على الفيزا بعد كدة ان شاء الله ..
- مش شرط خالص تدخل الدولة ال اصدرتلك الفيزا الاول .. مثلا كنت واخد الفيزا من فرنسا وعايز تزور اسبانيا مثلا الاول .. عادى مفيش مشكلة بس لازم يكون معاك حجوزات اقامة فى فرنسا بتثبت انك حتروح فرنسا بعد زيارتك ل اسبانيا لان ممكن ظابط الجوازات يسألك عليها على اساس انك واخد الفيزا من فرنسا اصلا والمفروض انك كنت واخد الفيزا علشان تسافر فرنسا ... فلازم تكون محضر نفسك لان ممكن ميدخلكش ويرحلك والكلام دة بيحصل كتير فى مطارات المانيا والناس بترجع !
- نقطة مهمه جدا للناس ال بتكون لسة راجعة من اوروبا سياحة وبتقدم على الشنجن تانى اول ما بترجع على اساس بقى انا روحت ورجعت ومكسرتش وحقدم بنفس الورق ال خدت بية الفيزا وكلة تمام .. مينقعش ياجماعة تقدموا على الفيزا تانى وانتوا لسة راحعين من اوروبا .. لان بشوف ناس لسة راجعة من اوروبا وبتقدم على الفيزا اول ما بترجع تانى ولا بعد شهر وبتتفاجىء انها خدت رفضت لما قدمت تانى ..ما دة متوقغ ياجماعة انت كدة بتقولهم ارفضونى مش منطقى خالص يعنى تكون لسة راجع سياحة من اوروبا وتقدم على الفيزا تانى اول ما ترجع . ات كدة حتخلي السفارة تشك فيك لان انت المفروض يعنى انت عندك شغل وارتباطات ببلدك وبتاع.. فيعنى اول حاجة حتيجى فى دماغ القنصل ال حياخد القرار انك سافرت ولقيت شغل مثلا او لقيت حد يظبطك هناك ف اقامة وشغل فا انت رجعت بقى تتهى ارتباطاتك ببلدك وحتروح اوروبا تانى ومش حترجع مصر تانى خلاص فطبعا حيرفض الفيزا .. لازم على الاقل تستنى 4 شهور من تاريخ عودتك من اوروبا علشان تقدم على الفيزا تانى .. غلشان طلب الفيزا يبقى منطقى بالنسبة للسفارة ..
_____
أعتقد يعتبر انا تقريبا كدة لخصت كل حاجة عن فيزا السياحة الشنجن واجابات عن معظم استفسارات الناس هنا فى بوست واحد فيارب يكون البوست دة مفيد للناس ال بتفكر تسافر لاول مرة او الناس ال سافرت قبل كدة
بالتوفيق للجميع
