B
Bahaa Aldeen Farouk
:: مسافر ::
الحل التاني لأزمة البنوك و الدولار ( ليه تدفع في فندق لما ممكن تعد عند حد ببلاش 
)
دليلك الكامل لموقع couchsurfing :
يمكن أغلبنا سمع عنه, لكن البوست ده لكل الشباب اللي غاوية سفر و عاوزه تزور مدن و بلاد كتير و بدون ما تدفع تمن إقامة في فنادق , الموضوع ببساطة أن ناس بتحب السفر قرروا أنهم يساعدوا ناس تانيين بتحب السفر ( بدون مقابل ) طيب أزاي يقدروا يساعدوهم ؟ عن طريق 3 حاجات :
1. انه يستضيفك عنده في البيت و يقدملك سرير أو كنبه أو حتى مرتبه على الأرض تنام عليها ببلاش
2. لو ده مش متوفر عنده فهو ممكن يتسنكح معاك في البلد اللي حتزورها و ده حيوفرلك ان واحد من اهل البلد يكون معاك فيوريك خبايا البلد بأرخص الأسعار كانك واحد من اهل البلد
3. أو أنه يرد على أسئلتك أون لاين في الحاجات اللي تخص السياحه في بلده و يساعدك تنظم جدول لزيارتك فيها
فالموقع ده مش بس ممكن يوفرلك سكن ببلاش ده كمان بيخليك تعيش تجربة مختلفه بأنك تختلط بحد من أهل البلد و تعيش معاه و تتعرف على أصدقاءه كأنك واحد منهم , و فرصه أنك تشوف البلد من منظور أهلها مش من منظور واحد سائح و ده أكيد حيكون تجربه مختلفه تماما , تخيل نفسك اول مره تيجي القاهره مثلا و عاوز تروح الهرم و الحسين و النيل , طبعا لو لوحدك حتتظبط في الأسعار , لكن لو بتلف فيها مع واحد قاهري راح الحتت دي 100 مره فأكيد حيظبطك في كل حاجه و يخليك تروح الحاجات دي كلها كأنك واحد مصري و يمكن تدفع ربع اللي كنت حتدفعه لو لوحدك
طيب قبل ما تروح كده و تتسرع و تعمل أكونت و تقول أبرشط على أي حد و أعد عنده ببلاش لازم تعرف شوية حاجات مهمه :
• أول حاجه لازم تعرف ان زي ما انت مقلق شويه من موضوع أنك تبات عند حد متعرفوش , هو كمان مقلق أكتر أنه يستضيف واحد عنده عمره ما شافه و خاصة من دوله سمعتنا بره مش و لا بد أوي للأسف , فمبدأيا لازم يكون البروفايل بتاعك محترم أوي لأنه زي ال CV بتاعك كده و هو اللي حيعرف الناس عليك ,الموقع ده قائم على تقييم الناس ليك و كل ما الناس قيمتك كويس و البروفايل بتاعك بقى ممتاز , ناس كتير حترضى انها تستضيفك عندها يعني زي ما انت بتستفيد منه لازم انت كمان تفيد , يعني قدم السبت علشان تلاقي الأحد , طيب ازاي ؟ بعد ما تعمل أكونت لازم تقدم خدماتك بأنك مثلا تعرض أنك تستضيف حد أو تفسح حد أو حتى تفيد حد بمعلومات عن القاهره أو شرم الشيخ مثلا , و كل ما تفيد الناس هما كمان حيكتبوا عنك تعليقات كويسه و ده حيفيدك أنك يوم ما تحب تنزل عند حد و يقرا التعليقات عنك حيعرف انك انسان كويس فيستضيفك عنده أو يقدملك مساعدات.
• طبعا كل ما تكون زرت دول أكتر أو بتتكلم لغات اكتر , الحاجات دي كلها حتخليك في موقف قوي أدام أي حد يستضيفك , حيعرف انك فعلا غاوي سياحه مش رايح تبرشط من اول مره و خلاص, فالأحسن أنك تكون سافرت كام بلد قبل ما تستخدم الموقع ده , و لو حتى ما سافرتش حاول تحط صور ليك في أماكن سياحيه في القاهره أو اسكندريه أو شرم مثلا.
• ذوقيا لو حتروح عند حد و وافق أنه يستضيفك , حاول تدخل بتذكار من بلدك ده حيدي أنطباع عنك كويس , و الحاجات دي عندنا في الحسين رخيصه أوي بس عندهم ليها قيمه كبيره.
• كلمة Couch يعني كنبه , بس مش شرط انك حتنام على كنبه اعمل حسابك انك ممكن تنام على مرتبه على الأرض أو sleeping bag أو سرير أو حتى غرفه خاصه ليك , و ده حتلاقيه مكتوب عند اللي بيستضيفك و لو مش مكتوب الأفضل تسأله حينيمك فين .
• في ال description على الموقع حاول تكتب كل مميزاتك و هواياتك و الدول اللي نفسك تزورها و دراستك ايه و لو بتتكلم أكتر من لغه و تكتب أنت سافرت فين قبل كده ( بس كل ده من غير تحوير) , و ياريت بقى لو حطيت كمان صور ليك في دول أو مدن زورتها كل الحاجات دي حتفيدك جدا لما حد يشوف البروفايل بتاعك.
• لو لسه جديد في الموضوع مافيش مانع انك تدفع مبلغ بسيط في الأول و بيكون حوالي 25 دولار مقابل أن الأكونت بتاعك يكون موثق و حقيقي و الحاجات دي كلها في صالحك في النهايه
دي أهم المعلومات عن موقع couchsurfing و لو لاقيت الناس مهتمة فعلا انها تعرف معلومات أكتر عنه إما تقدر تعبي بلايك أو شير حعملكم بوست أزاي تكون خبير couchsurfing
لو البوست عجبك أعمله شير علشان الناس تستفيد منه
)دليلك الكامل لموقع couchsurfing :
يمكن أغلبنا سمع عنه, لكن البوست ده لكل الشباب اللي غاوية سفر و عاوزه تزور مدن و بلاد كتير و بدون ما تدفع تمن إقامة في فنادق , الموضوع ببساطة أن ناس بتحب السفر قرروا أنهم يساعدوا ناس تانيين بتحب السفر ( بدون مقابل ) طيب أزاي يقدروا يساعدوهم ؟ عن طريق 3 حاجات :
1. انه يستضيفك عنده في البيت و يقدملك سرير أو كنبه أو حتى مرتبه على الأرض تنام عليها ببلاش
2. لو ده مش متوفر عنده فهو ممكن يتسنكح معاك في البلد اللي حتزورها و ده حيوفرلك ان واحد من اهل البلد يكون معاك فيوريك خبايا البلد بأرخص الأسعار كانك واحد من اهل البلد
3. أو أنه يرد على أسئلتك أون لاين في الحاجات اللي تخص السياحه في بلده و يساعدك تنظم جدول لزيارتك فيها
فالموقع ده مش بس ممكن يوفرلك سكن ببلاش ده كمان بيخليك تعيش تجربة مختلفه بأنك تختلط بحد من أهل البلد و تعيش معاه و تتعرف على أصدقاءه كأنك واحد منهم , و فرصه أنك تشوف البلد من منظور أهلها مش من منظور واحد سائح و ده أكيد حيكون تجربه مختلفه تماما , تخيل نفسك اول مره تيجي القاهره مثلا و عاوز تروح الهرم و الحسين و النيل , طبعا لو لوحدك حتتظبط في الأسعار , لكن لو بتلف فيها مع واحد قاهري راح الحتت دي 100 مره فأكيد حيظبطك في كل حاجه و يخليك تروح الحاجات دي كلها كأنك واحد مصري و يمكن تدفع ربع اللي كنت حتدفعه لو لوحدك
طيب قبل ما تروح كده و تتسرع و تعمل أكونت و تقول أبرشط على أي حد و أعد عنده ببلاش لازم تعرف شوية حاجات مهمه :
• أول حاجه لازم تعرف ان زي ما انت مقلق شويه من موضوع أنك تبات عند حد متعرفوش , هو كمان مقلق أكتر أنه يستضيف واحد عنده عمره ما شافه و خاصة من دوله سمعتنا بره مش و لا بد أوي للأسف , فمبدأيا لازم يكون البروفايل بتاعك محترم أوي لأنه زي ال CV بتاعك كده و هو اللي حيعرف الناس عليك ,الموقع ده قائم على تقييم الناس ليك و كل ما الناس قيمتك كويس و البروفايل بتاعك بقى ممتاز , ناس كتير حترضى انها تستضيفك عندها يعني زي ما انت بتستفيد منه لازم انت كمان تفيد , يعني قدم السبت علشان تلاقي الأحد , طيب ازاي ؟ بعد ما تعمل أكونت لازم تقدم خدماتك بأنك مثلا تعرض أنك تستضيف حد أو تفسح حد أو حتى تفيد حد بمعلومات عن القاهره أو شرم الشيخ مثلا , و كل ما تفيد الناس هما كمان حيكتبوا عنك تعليقات كويسه و ده حيفيدك أنك يوم ما تحب تنزل عند حد و يقرا التعليقات عنك حيعرف انك انسان كويس فيستضيفك عنده أو يقدملك مساعدات.
• طبعا كل ما تكون زرت دول أكتر أو بتتكلم لغات اكتر , الحاجات دي كلها حتخليك في موقف قوي أدام أي حد يستضيفك , حيعرف انك فعلا غاوي سياحه مش رايح تبرشط من اول مره و خلاص, فالأحسن أنك تكون سافرت كام بلد قبل ما تستخدم الموقع ده , و لو حتى ما سافرتش حاول تحط صور ليك في أماكن سياحيه في القاهره أو اسكندريه أو شرم مثلا.
• ذوقيا لو حتروح عند حد و وافق أنه يستضيفك , حاول تدخل بتذكار من بلدك ده حيدي أنطباع عنك كويس , و الحاجات دي عندنا في الحسين رخيصه أوي بس عندهم ليها قيمه كبيره.
• كلمة Couch يعني كنبه , بس مش شرط انك حتنام على كنبه اعمل حسابك انك ممكن تنام على مرتبه على الأرض أو sleeping bag أو سرير أو حتى غرفه خاصه ليك , و ده حتلاقيه مكتوب عند اللي بيستضيفك و لو مش مكتوب الأفضل تسأله حينيمك فين .
• في ال description على الموقع حاول تكتب كل مميزاتك و هواياتك و الدول اللي نفسك تزورها و دراستك ايه و لو بتتكلم أكتر من لغه و تكتب أنت سافرت فين قبل كده ( بس كل ده من غير تحوير) , و ياريت بقى لو حطيت كمان صور ليك في دول أو مدن زورتها كل الحاجات دي حتفيدك جدا لما حد يشوف البروفايل بتاعك.
• لو لسه جديد في الموضوع مافيش مانع انك تدفع مبلغ بسيط في الأول و بيكون حوالي 25 دولار مقابل أن الأكونت بتاعك يكون موثق و حقيقي و الحاجات دي كلها في صالحك في النهايه
دي أهم المعلومات عن موقع couchsurfing و لو لاقيت الناس مهتمة فعلا انها تعرف معلومات أكتر عنه إما تقدر تعبي بلايك أو شير حعملكم بوست أزاي تكون خبير couchsurfing
لو البوست عجبك أعمله شير علشان الناس تستفيد منه