B
Bahaa Aldeen Farouk
:: مسافر ::
20 معلومة جديدة عن تونس :
لو نفسك تسافر حتة جديدة و تستكنيس و تروق. تونس من أحسن و أرخص الخيارات ليك
فى ناس راحت تونس كذا مرة وكتبت 20 حاجة تعرفهم عن تونس حبيت أكتب كمان 20 حاجة عن خبرة زيارة واحدة بس
1- الشعب التونسي بيحب المصريين جداً و طبعا لكل قاعدة شواذ فمتتوقعش ده من كل الناس بس فى كل اﻷحوال هيفرحوا بيك جدا و يضايفوك (يفرحوا بيك هنا مش معناها هيجوزوك)
أول سؤال هتتسألوا أنت أهلاوى وﻻ زملكاوى D:
2- ﻻزم تعرف عادل إمام ساكن فين علشان هتتسأل السؤال ده كتير فبدل متحور عليهم زى ما أنا و غيري عملوا أعمل سيرش صغير و أديهم العنوان مظبوط.
3- التوانسة بطبيعتهم حشريين أكتر من المصريين و ده شيء عادى فممكن تلاقى واحد متعرفوش بيسألك إيش تعمل فتونس؟ و إيش تقرأ؟ و وين تسكن ؟ وعليش جيت تونس ؟ و إش تأكل ؟ و أسم أمك إيه؟!! متاخدش الموضوع قفش ده حب زيادة مش أكتر
4- لو بتحب اﻷكل الحراق هتنبسط أوى و لو مبتحبوش مع الوقت هتحبوا و تتعود بمزاجك أو غصب عنك
5- اﻷكل التونسي جميل و حلو مقولناش حاجة بس هتوحشك حلة المحشى ورق عنب ومحشى الفلل والكوسة وﻻ صنية الكوسة بالباشاميل بتاعة الحاجة إلي تقريبا مسمعوش عنها قبل كده.
6- حاول تحفظ الكشري بيتعمل إزاى علشان هتتسأل عنو كتير و ممكن يطلب منك تطبخه فلازم تشرفنا و تعمل حاجة عليها القيمة.
7- بلاش تاكل الملوخية التونسي. ....أفتكر أني قولتلك بلاش.
8- تونس الخضراء مشهورة بشجر الزيتون و بطيبخ كل حاجة بزيت الزيتون و محلات اﻷكل بزيت الزيتون متنساش تاخد معاك إزازه و علبة هريسه. وبالنسبة للمعظم بياكلوة كتير وبيطيبخوه كل يوم لدرجة أن فى أكله عبار أنهم بيفتحوا البيضه من فوق يحطوا ملح و فلفل و تقلب و تشرب يا معلم .
9- -متروحش جربة متروحش جربة. فلوس و سفر طويل على الفاضي.
10- سافر وروح أماكن على قد ما تقدر لو عايز شواطئ (سوسة - المونستير- الحمامات - بنزرت) ولو روحت صفاقص زور جزيرة قرقنة و الجم . و روح المدينة القديمة يوم اﻷثنين الصبح و أطلع لسمعة الجامع علشان تشوف المدينة بالكامل.
11- لو ليك نصيب و نسيت بسبورك وأتسألت عليه وخدوك مركز الشرطة هيفرحوا بيك على اﻷخر و هتلاقيهم عاملين حلقة حواليك علشان يسمعوا قصصك بس الشرطة زى ما هي فى كل حتة فمتتوقعش الحلو دايما. بس هنا هيفرحوا بيك بزيادة و يعايدوا لصاحبهم فى المراكز التانية يجوا يحضروا الشو ﻻيف.و غالبا هيضايفوك بملوخية فلازم علطول ترجع لرقم 7
12- تونس العاصمة حلوة لفها حته حته و روح المدينة العربى أو المدينة القديمة والمرسي و جمرت و أعمل قهوة فى سيدى أبو سعيد و لف على قد متقدر.
13- بالنسبة للبنت التونسية في ناس أتكلمت كتير عنها أنا مش عارف أبدأ منين بس أقل ما يقال أنها رقيقة جدا وفى مواقف تانية تلاقيها ب 100 راجل بمعنى الكلمة. و المرأة التونسية جزء مهم جدا فى المجتمع و بتخدم فى كل حاجه و شغالة طول الوقت وجدعة جدا و يعتمد عليها فكل حاجة غير أنها مزيانة علطول حتة لو فى البوليس.أنا مرة شوفت طفلة(بنت) بولسية كنت بدور على حاجة غلط أعملها علشان تيجي تكلمني كان محلاها على اﻵخر
14- فى قانون أنك لو ماشى مع واحدة تونسية ﻻزم تكون قايلة لمركز الشرطة أنا وقفونى و قولولى الكلمتين دول و مشيت فمعرفش دي أشتغالة وﻻﻷ المهم لو ماشى مع بنت متكلمش و انت معدي جنب البوليس علشان ميبنش أنك اجنبى و خلص الحوار.
15- التوانسة مثقفين جدا وحافظين أغاني الزمن الجميل و الشيخ إمام والناس القديمة و الجديدة فحاول على اﻷقل تبقى عارف أسامى الناس ديه .
بس بالنسبة للسينما مش حتلاقى غير أفلام مصري منتهية الصلاحية ولما سألت عن أمتى ألاقى فيلم تونسى قالولى فوت علينا كمان شهرين. D:
16-التاكسيات في تونس منظمة جدا لما تركب بيشغل العداد و نور قدام أخضر علشان إلي يشوفه يعرف أنو مليان و ميوقفوش بس صعب قوى تلاقى تاكسي فاضى فى أوقات معينة فجرب اﻷتوستوب .أنا نفع معايا 5-6 مرات و أنت و مستوي خفة دمك رصيدك من اﻹيفيهات و قفشات اﻷفلام D:
17- بالنسبة للتاكسى الجماعى أو اللواج (الميكروباص) هتستغرب لما تلاقى بيركب فيه 8 مش 14 أو 15 عندنا على حسب الكنبة إلي ورا 3 أو 4 متعلقش فقط أبكى فى صمت.
18- سيتروناد (عصير ليمون). ﻻباس (يعني ﻻ بأس عليك ؟) . مريول (تي شرت أو لبس). هزي (يعنى أمشى او هات حاجة معاك). برا زمر (يعني بلا ياد من هنا).صرف (فكة). مريجيل (كويس).غوووووس (مزيان). كعبة (واحدة أو قطعة). حارة (4قطع). هندي (التين الشوكي).عسلامة ( يعنى السلام عليم ورحمة الله وبركاته D: ) . حوت (سمك)
-أنتييي . نورماااااال. بالحققققققق. التوانسة بيحبوا يمدوا فى الكﻻم و ينبسطوا جدا لما (تتريق) عليهم بنفس طريقة الكلام
-حتشك فى نفسك للحظات من كتر ما الناس بقولوك أنتي بس ﻻزم تتعود علشان هناك فى مساواه بين الرجل و المرأة حتى فى الكلام .
19-اللغة اﻷولى فى تونس هى العربية ديه معلومة مشكووك فيها ﻷن الشعب كلو بيتكلم فرينش كويس جدا من أصغرهم ﻷكبرهم وبيخلطوه فى معظم كلامهم بس بيفهموا عربى زى الفل مفيش مشكلة و هما فاكريين أن المصريين كمان زيهم بس فى اﻹنجلش. يعنى كلنا من أصغرنا ﻷكبرنا بنكلم إنجلش كويس جدا .حاول تأكد المعلومة ديه و متصغرناااش ؛)
20- لو عايز تبقى أسطورة تعالا على نفسك و خد كورس الخليل كوميدى قبل ما تروح و أقلش على قد متقدر وأحفظ نكت من نوعية واحد راح البحريين خد معاه مايوهيين و أرفع راسنا أنت شايل اسم مصر يا بطل.
أخيرا كلمة للبنات التوانسة: متفتكروش أن كل الشباب المصري زى الواد الصايع بتاع مسلسل حكايات تونسية رمضان ٢٠١٥...أحنا وﻻد ناس مش كده و ربنا D:
وللوﻻد التوانسه : أقسم بالله صوفينار مش مصرية و شارع الهرم مش عباره عن كبارية open air أحنا شعب متدين بطبعه ههههه
طبعا فى حاجات كتير غير كل ده بس ده إلي جه فدماغى دلوقتى
الخلاصة التوانسة من أحلى الشعوب إلي أتعاملت معاه و حبيتها و أقرب شعب للطبع المصري. و في أسر أعتبرتنى جزء منها بمعنى الكلمة.
By: Ahmed Yahia Ali
لو نفسك تسافر حتة جديدة و تستكنيس و تروق. تونس من أحسن و أرخص الخيارات ليك
فى ناس راحت تونس كذا مرة وكتبت 20 حاجة تعرفهم عن تونس حبيت أكتب كمان 20 حاجة عن خبرة زيارة واحدة بس
1- الشعب التونسي بيحب المصريين جداً و طبعا لكل قاعدة شواذ فمتتوقعش ده من كل الناس بس فى كل اﻷحوال هيفرحوا بيك جدا و يضايفوك (يفرحوا بيك هنا مش معناها هيجوزوك)
أول سؤال هتتسألوا أنت أهلاوى وﻻ زملكاوى D:
2- ﻻزم تعرف عادل إمام ساكن فين علشان هتتسأل السؤال ده كتير فبدل متحور عليهم زى ما أنا و غيري عملوا أعمل سيرش صغير و أديهم العنوان مظبوط.
3- التوانسة بطبيعتهم حشريين أكتر من المصريين و ده شيء عادى فممكن تلاقى واحد متعرفوش بيسألك إيش تعمل فتونس؟ و إيش تقرأ؟ و وين تسكن ؟ وعليش جيت تونس ؟ و إش تأكل ؟ و أسم أمك إيه؟!! متاخدش الموضوع قفش ده حب زيادة مش أكتر
4- لو بتحب اﻷكل الحراق هتنبسط أوى و لو مبتحبوش مع الوقت هتحبوا و تتعود بمزاجك أو غصب عنك
5- اﻷكل التونسي جميل و حلو مقولناش حاجة بس هتوحشك حلة المحشى ورق عنب ومحشى الفلل والكوسة وﻻ صنية الكوسة بالباشاميل بتاعة الحاجة إلي تقريبا مسمعوش عنها قبل كده.
6- حاول تحفظ الكشري بيتعمل إزاى علشان هتتسأل عنو كتير و ممكن يطلب منك تطبخه فلازم تشرفنا و تعمل حاجة عليها القيمة.
7- بلاش تاكل الملوخية التونسي. ....أفتكر أني قولتلك بلاش.
8- تونس الخضراء مشهورة بشجر الزيتون و بطيبخ كل حاجة بزيت الزيتون و محلات اﻷكل بزيت الزيتون متنساش تاخد معاك إزازه و علبة هريسه. وبالنسبة للمعظم بياكلوة كتير وبيطيبخوه كل يوم لدرجة أن فى أكله عبار أنهم بيفتحوا البيضه من فوق يحطوا ملح و فلفل و تقلب و تشرب يا معلم .
9- -متروحش جربة متروحش جربة. فلوس و سفر طويل على الفاضي.
10- سافر وروح أماكن على قد ما تقدر لو عايز شواطئ (سوسة - المونستير- الحمامات - بنزرت) ولو روحت صفاقص زور جزيرة قرقنة و الجم . و روح المدينة القديمة يوم اﻷثنين الصبح و أطلع لسمعة الجامع علشان تشوف المدينة بالكامل.
11- لو ليك نصيب و نسيت بسبورك وأتسألت عليه وخدوك مركز الشرطة هيفرحوا بيك على اﻷخر و هتلاقيهم عاملين حلقة حواليك علشان يسمعوا قصصك بس الشرطة زى ما هي فى كل حتة فمتتوقعش الحلو دايما. بس هنا هيفرحوا بيك بزيادة و يعايدوا لصاحبهم فى المراكز التانية يجوا يحضروا الشو ﻻيف.و غالبا هيضايفوك بملوخية فلازم علطول ترجع لرقم 7
12- تونس العاصمة حلوة لفها حته حته و روح المدينة العربى أو المدينة القديمة والمرسي و جمرت و أعمل قهوة فى سيدى أبو سعيد و لف على قد متقدر.
13- بالنسبة للبنت التونسية في ناس أتكلمت كتير عنها أنا مش عارف أبدأ منين بس أقل ما يقال أنها رقيقة جدا وفى مواقف تانية تلاقيها ب 100 راجل بمعنى الكلمة. و المرأة التونسية جزء مهم جدا فى المجتمع و بتخدم فى كل حاجه و شغالة طول الوقت وجدعة جدا و يعتمد عليها فكل حاجة غير أنها مزيانة علطول حتة لو فى البوليس.أنا مرة شوفت طفلة(بنت) بولسية كنت بدور على حاجة غلط أعملها علشان تيجي تكلمني كان محلاها على اﻵخر
14- فى قانون أنك لو ماشى مع واحدة تونسية ﻻزم تكون قايلة لمركز الشرطة أنا وقفونى و قولولى الكلمتين دول و مشيت فمعرفش دي أشتغالة وﻻﻷ المهم لو ماشى مع بنت متكلمش و انت معدي جنب البوليس علشان ميبنش أنك اجنبى و خلص الحوار.
15- التوانسة مثقفين جدا وحافظين أغاني الزمن الجميل و الشيخ إمام والناس القديمة و الجديدة فحاول على اﻷقل تبقى عارف أسامى الناس ديه .
بس بالنسبة للسينما مش حتلاقى غير أفلام مصري منتهية الصلاحية ولما سألت عن أمتى ألاقى فيلم تونسى قالولى فوت علينا كمان شهرين. D:
16-التاكسيات في تونس منظمة جدا لما تركب بيشغل العداد و نور قدام أخضر علشان إلي يشوفه يعرف أنو مليان و ميوقفوش بس صعب قوى تلاقى تاكسي فاضى فى أوقات معينة فجرب اﻷتوستوب .أنا نفع معايا 5-6 مرات و أنت و مستوي خفة دمك رصيدك من اﻹيفيهات و قفشات اﻷفلام D:
17- بالنسبة للتاكسى الجماعى أو اللواج (الميكروباص) هتستغرب لما تلاقى بيركب فيه 8 مش 14 أو 15 عندنا على حسب الكنبة إلي ورا 3 أو 4 متعلقش فقط أبكى فى صمت.
18- سيتروناد (عصير ليمون). ﻻباس (يعني ﻻ بأس عليك ؟) . مريول (تي شرت أو لبس). هزي (يعنى أمشى او هات حاجة معاك). برا زمر (يعني بلا ياد من هنا).صرف (فكة). مريجيل (كويس).غوووووس (مزيان). كعبة (واحدة أو قطعة). حارة (4قطع). هندي (التين الشوكي).عسلامة ( يعنى السلام عليم ورحمة الله وبركاته D: ) . حوت (سمك)
-أنتييي . نورماااااال. بالحققققققق. التوانسة بيحبوا يمدوا فى الكﻻم و ينبسطوا جدا لما (تتريق) عليهم بنفس طريقة الكلام
-حتشك فى نفسك للحظات من كتر ما الناس بقولوك أنتي بس ﻻزم تتعود علشان هناك فى مساواه بين الرجل و المرأة حتى فى الكلام .
19-اللغة اﻷولى فى تونس هى العربية ديه معلومة مشكووك فيها ﻷن الشعب كلو بيتكلم فرينش كويس جدا من أصغرهم ﻷكبرهم وبيخلطوه فى معظم كلامهم بس بيفهموا عربى زى الفل مفيش مشكلة و هما فاكريين أن المصريين كمان زيهم بس فى اﻹنجلش. يعنى كلنا من أصغرنا ﻷكبرنا بنكلم إنجلش كويس جدا .حاول تأكد المعلومة ديه و متصغرناااش ؛)
20- لو عايز تبقى أسطورة تعالا على نفسك و خد كورس الخليل كوميدى قبل ما تروح و أقلش على قد متقدر وأحفظ نكت من نوعية واحد راح البحريين خد معاه مايوهيين و أرفع راسنا أنت شايل اسم مصر يا بطل.
أخيرا كلمة للبنات التوانسة: متفتكروش أن كل الشباب المصري زى الواد الصايع بتاع مسلسل حكايات تونسية رمضان ٢٠١٥...أحنا وﻻد ناس مش كده و ربنا D:
وللوﻻد التوانسه : أقسم بالله صوفينار مش مصرية و شارع الهرم مش عباره عن كبارية open air
أحنا شعب متدين بطبعه هههههطبعا فى حاجات كتير غير كل ده بس ده إلي جه فدماغى دلوقتى
الخلاصة التوانسة من أحلى الشعوب إلي أتعاملت معاه و حبيتها و أقرب شعب للطبع المصري. و في أسر أعتبرتنى جزء منها بمعنى الكلمة.
By: Ahmed Yahia Ali