H
Hisham Ahmed
:: مسافر ::
تقرير مفصل عن هونج كونج (الجزء اللأول )......حجز الطيران
طبعا أول سؤال هيتسأل ايه ارخص شركة طيران بتروح هونج كونج وامتى وبكام ؟
حاليا فى الوقت اللى بكتب فيه البوست ده ارخص شركة هى : القطرية و ارخص رحلة انك تروح يوم 21/2/2017 وترجع يوم 28/2/2017 و بحوالى 4863 جنيه طبعا السعر ممكن يتغير فى خلال ساعات ....السؤال الاهم بقى انا عرفت الكلام ده منين ؟؟
و هو ده اللى عايز أتكلم عنه بالتفصيل ازاى تعرف اسعار ومواعيد الرحلات اللأرخص عموما مش هونج كونج بس ....موقع Sky scanner ببساطة بيوفرلك المعلومات دى ....ماشى مهو اى حد فى الدنيا عارف الموقع ده ايه الجديد برضو ؟؟ ...بصوا اللى اكتشفتوا ان ناس كتير أوى عارفه الموقع بس مش بتعرف تستخدموا صح وانا كنت واحد منهم لحد مفهمتوا ودى شوية حاجات مهمة جدا فى اى بحث عن رحلة طيران :
1. أى حد بيكتب فى خانة detestation from بيكتب Cairo طبعا وده مش صح ...امال اكتب ايه ...اكتب Egypt... ليه بقى ؟ عشان لو كتبتلواCairo هيدور على الرحلات اللى من القاهرة بس وساعات كتير بيبقى فيه رحلات من الغردقة وشرم الشيخ رخيصة جدا بالذات فى أوربا فلما تروح تركب من هناك وتوفرلك 2000 جنيه تصرفهم هناك ده زى الفل
مثال : جرب تكتب كده من القاهرة لتبليسى فى جورجيا هيجبلك التركية بحوالى 6300 جنيه تقريبا .....طيب اكتب كده مصر كلها هيجبلك كذا مطار من ضمنهم الغردقة ...افتح كدا الغردقة شوف بقى السعر بقى كام ....هتلاقى Aircairo يا معلم ب 4200جنيه تقريبا....فرقت كتير صح ؟
2.لما اجى اختار التاريخ اختاروا ايه لو عندى امكانية انى أطلع فى أى وقت ومش فارق معايا المعاد ....متكتبش تاريخ خالص اعمل حاجة اسمها ....Show whole month ومنه اختار Cheapest month ...الموقع هيجبلك اسعار كل الشهور فتقدر تختار أرخص شهر ولما تفتح الشهر هتلاقيه عملك أرخص الأيام باللون الأخضر وكاتب عليها Lowest فتقدر تختار أرخص يوم فى أرخص شهر فى السنه
وبكده تبقى اخترت أرخص تذكرة طيران ان شاء الله .
3. القصة دى انا ساعات بعملها فى أوربا بالذات كتير وخاصة لو مش فارق معايا انا نازل فين فى أوربا او لو ممكن تنزل فى اى بلد قريبة للى انتا رايحها وتتنقل فى شوية شركات طيران فى اوربا كده محدش يسمع عنها ومبتظهرش على Sky scanner....امال انا عرفتهم منين ....دخلت على الموقع الرسمى بتاع مطار الغردقة و عملتلهم Screenshot وحطتهملكوا برضو فى حاجات بتبقى اسعارها حلوة أوى وبالذات لو عايز تتنقل جوه أوربا بأسعار رخيصة جدا ...كان فيه حاجات طيران جوه أوربا بأسعار وهم ....الحركة دى ابقى اعملها ودور فى الشركات دى لو رايح أوربا لكن اسيا مش أوى .
انا عملت للكلام اللى بقولوا ده Screenshot عشان الناس تعرف بيتعمل ازاى وتستفاد عشان بجد الحاجات اللى قولتها دى بتفرق اوى فى سعر التذكرة وانت أولى بكل جنيه تتفسح بيه هناك ....انتظروا بقية تقرير هونج كونج عن الاقامة والاكل والفسح هناك وهحاول برضو اشرح حاجات عموما كده بتفيد وهبقى فى اخر التقرير هعمل فوكس على Hongkong
يا رب تكونوا استفدوا
طبعا أول سؤال هيتسأل ايه ارخص شركة طيران بتروح هونج كونج وامتى وبكام ؟
حاليا فى الوقت اللى بكتب فيه البوست ده ارخص شركة هى : القطرية و ارخص رحلة انك تروح يوم 21/2/2017 وترجع يوم 28/2/2017 و بحوالى 4863 جنيه طبعا السعر ممكن يتغير فى خلال ساعات ....السؤال الاهم بقى انا عرفت الكلام ده منين ؟؟
و هو ده اللى عايز أتكلم عنه بالتفصيل ازاى تعرف اسعار ومواعيد الرحلات اللأرخص عموما مش هونج كونج بس ....موقع Sky scanner ببساطة بيوفرلك المعلومات دى ....ماشى مهو اى حد فى الدنيا عارف الموقع ده ايه الجديد برضو ؟؟ ...بصوا اللى اكتشفتوا ان ناس كتير أوى عارفه الموقع بس مش بتعرف تستخدموا صح وانا كنت واحد منهم لحد مفهمتوا ودى شوية حاجات مهمة جدا فى اى بحث عن رحلة طيران :
1. أى حد بيكتب فى خانة detestation from بيكتب Cairo طبعا وده مش صح ...امال اكتب ايه ...اكتب Egypt... ليه بقى ؟ عشان لو كتبتلواCairo هيدور على الرحلات اللى من القاهرة بس وساعات كتير بيبقى فيه رحلات من الغردقة وشرم الشيخ رخيصة جدا بالذات فى أوربا فلما تروح تركب من هناك وتوفرلك 2000 جنيه تصرفهم هناك ده زى الفل
مثال : جرب تكتب كده من القاهرة لتبليسى فى جورجيا هيجبلك التركية بحوالى 6300 جنيه تقريبا .....طيب اكتب كده مصر كلها هيجبلك كذا مطار من ضمنهم الغردقة ...افتح كدا الغردقة شوف بقى السعر بقى كام ....هتلاقى Aircairo يا معلم ب 4200جنيه تقريبا....فرقت كتير صح ؟
2.لما اجى اختار التاريخ اختاروا ايه لو عندى امكانية انى أطلع فى أى وقت ومش فارق معايا المعاد ....متكتبش تاريخ خالص اعمل حاجة اسمها ....Show whole month ومنه اختار Cheapest month ...الموقع هيجبلك اسعار كل الشهور فتقدر تختار أرخص شهر ولما تفتح الشهر هتلاقيه عملك أرخص الأيام باللون الأخضر وكاتب عليها Lowest فتقدر تختار أرخص يوم فى أرخص شهر فى السنه
وبكده تبقى اخترت أرخص تذكرة طيران ان شاء الله .
3. القصة دى انا ساعات بعملها فى أوربا بالذات كتير وخاصة لو مش فارق معايا انا نازل فين فى أوربا او لو ممكن تنزل فى اى بلد قريبة للى انتا رايحها وتتنقل فى شوية شركات طيران فى اوربا كده محدش يسمع عنها ومبتظهرش على Sky scanner....امال انا عرفتهم منين ....دخلت على الموقع الرسمى بتاع مطار الغردقة و عملتلهم Screenshot وحطتهملكوا برضو فى حاجات بتبقى اسعارها حلوة أوى وبالذات لو عايز تتنقل جوه أوربا بأسعار رخيصة جدا ...كان فيه حاجات طيران جوه أوربا بأسعار وهم ....الحركة دى ابقى اعملها ودور فى الشركات دى لو رايح أوربا لكن اسيا مش أوى .
انا عملت للكلام اللى بقولوا ده Screenshot عشان الناس تعرف بيتعمل ازاى وتستفاد عشان بجد الحاجات اللى قولتها دى بتفرق اوى فى سعر التذكرة وانت أولى بكل جنيه تتفسح بيه هناك ....انتظروا بقية تقرير هونج كونج عن الاقامة والاكل والفسح هناك وهحاول برضو اشرح حاجات عموما كده بتفيد وهبقى فى اخر التقرير هعمل فوكس على Hongkong
يا رب تكونوا استفدوا
