B
Bahaa Aldeen Farouk
:: مسافر ::
ازاي تسافر تركيا بأقل من 300 دولار
تركيا من أكثر الدول السياحيه القريبه على قلبنا كمصريين , أولا لأنها بلد بتتمتع بطبيعة خلابة و تاريخ عريق و أماكن ترفيهية رائعة, فوق ده الأكل عندهم حلال و أغلب أكلاتنا المصرية أصلها تركي , بلد أوروبيه و في نفس الوقت متقبلين الأخر لأنهم مسلمين , بلد رخيصه نسبيا مش غاليه زي أغلب المدن الأوربية. علشان كده تعتبر اسطنبول من اهم الوجهات السياحيه للمصريين عموما
ادخل بقى في المفيد , ازاي تسافر تركيا كشاب نفسه يحقق حلمه بالسفر في ظل ارتفاع سعر الدولار و وقف أغلب بطاقات الكريدت كارد بميزانيه لا تتعدى 300 دولار , حنفترض انك حتنسافر اسبوع كامل لأسطنبول من تاريخ 19 الى 26 يناير , ركز كده معايا و اقرا الكلمتين دول
اولا الطيران ✈ : تصدق انك ممكن تسافر من الغردقه لأسطنبول بمبلغ 121 دولار ذهاب و عودة على طيران بيجاسوس التركي و تنزل مطار صبيحه تاخد باص لوسط اسطنبول (تكسيم ) بمبلغ 14 ليرة يعني 4,5 دولار على باص HAVATAS Shuttle , يعني الباص حيكلفك ذهاب و عوده للمطار 9 دولار +121 تذكرة الطيران = 130 دولار ( طيران + انتقالات من و الى المطار)
ثانيا الفندق : بما أنك شاب و مسافر تتفسح مش حتقضيها قاعده في الفندق فمافيش مانع تسكن في هوستيل في اسطنبول و نتعرف على شباب و ثقافات مختلفه , سعر الهوستل لمدة اسبوع 38 دولار بالضرائب و اسمه sultanahmet apartments
ثالثا الرحلات السياحيه :
رحلة جزر الأميرات : من احلى الرحلات في اسطنبول و بتقضي فيها يوم كامل و تقدر تنفذها لوحدك بسهولة , حتركب المترو الى محطة كابتاش , حتلاقي على ايدك اليمين الميناء , حتنزل و تحجز تذكرة الى جزر الأميرات و سعر التذكره ذهاب و عوده 7 ليرة , حتقضي بيهم رحله من اجمل الرحلات البحريه في اسطنبول , حتمر على 4 جزر, أهمهم أخر جزيرة و اسمها ( بيوك ادا ) حتنزل فيها تتمشى و تتصور و تقضي اليوم هناك و ممكن تركب حنطور و ده يكلف الفرد حوالي 15 ليره . يعني الرحله بالكامل حتكلفك 22 ليرة = يعني حوالي 7 دولار
رحلة مضيق البسفور : و دي من الرحلات الرائعة لاستكشاف مدينة اسطنبول من البحر , حتمر على جسر البسفور و حتشوف قصر طوب كابي و أيا صوفيا و المسجد الأزرق , و ده بتركبه من محطة أمينونو و سعر التذكرة في المركب 5 ليرة يعني 1.6 دولار
رحلة اسطنبول القديمة ( المتاحف و المساجد العثمانية ) : و دي في منطقة السلطان أحمد حتزور المسجد الأزرق و ده مجانا , و أيا صوفيا و التذكرة ب 30 ليرة و ممكن تزور طوب كابي و التذكرة ب 20 ليرة و بعد كده ممكن تروح الجراند بازار و السوق المصري , و كل ده مجانا بدون و لا دولار. يعني الرحله دي كلها حتكلفك 50 ليرة = 16.5 دولار , و ده لينك فيه أسعار كل متاحف اسطنبول :
/Entrance Fee And Visiting Hours - Days Of Istanbul Museums
رحلة بورصا : بورصا من أجمل المناطق اللي فيها مناظر طبيعية في تركيا و تبعد عن اسطنبول حوالي 150 كيلو و دي من الرحلات الغاليه بس مش معانا يا حلو , ارخص طريقة تروح بيها بورصا انك تحجز من ميناء كباتاش مركب على شركة Bursa budo و سعر التذكرة 50 ليرة ذهاب و عودة , و لما توصل ميناء ميدونا تحجز باص الى جبل اولوداغ ( الجبل اللي فيه تليفريك بورصا ) و سعر تذكرة الباص ذهاب و عودة 16 ليرة , و سعر تذكرة التليفريك للقمة ذهاب و عودة 30 ليرة . يعني الرحله كلها حتكلفك 96 ليرة = 31 دولار ( على فكره رحلة بورصا الشركات السياحيه بتعملها ب 100 دولار )
دي كده أهم رحلات اسطنبول و كده كلفتنا كلها 56 دولار
رابعا الانتقالات : بالنسبة للمواصلات حتشتري كارت اسمه اسطنبول كارد ب 6 ليره و تستعمله لاي عدد من الافراد يعني ممكن تخمس فيه انت و اصحابك و ده ممكن تستخدمه في المترو و الاتوبيس و المركب , و التذكره للفرد بتكون ب 2.25 ليره . و ممكن نحط للمواصلات بالكثير 60 ليرة يعني 20 دولار تقريبا
كده تكالبف الرحلة كالاتي:
• طيران على بيجاسوس بالانتقالات من و الى المطار = 130 دولار
• سكن في Sultanahmet apartements لمدة اسبوع = 35 دولار
• رحلات سياحيه اجمالي = 56 دولار
• انتقالات و مواصلات = 20 دولار
• الاجمالي = 240 دولار
يعني متبقى مبلغ 60 دولار للأكل و بعض التذكارات البسيطه
تركيا من أكثر الدول السياحيه القريبه على قلبنا كمصريين , أولا لأنها بلد بتتمتع بطبيعة خلابة و تاريخ عريق و أماكن ترفيهية رائعة, فوق ده الأكل عندهم حلال و أغلب أكلاتنا المصرية أصلها تركي , بلد أوروبيه و في نفس الوقت متقبلين الأخر لأنهم مسلمين , بلد رخيصه نسبيا مش غاليه زي أغلب المدن الأوربية. علشان كده تعتبر اسطنبول من اهم الوجهات السياحيه للمصريين عموما
ادخل بقى في المفيد , ازاي تسافر تركيا كشاب نفسه يحقق حلمه بالسفر في ظل ارتفاع سعر الدولار و وقف أغلب بطاقات الكريدت كارد بميزانيه لا تتعدى 300 دولار , حنفترض انك حتنسافر اسبوع كامل لأسطنبول من تاريخ 19 الى 26 يناير , ركز كده معايا و اقرا الكلمتين دول
اولا الطيران ✈ : تصدق انك ممكن تسافر من الغردقه لأسطنبول بمبلغ 121 دولار ذهاب و عودة على طيران بيجاسوس التركي و تنزل مطار صبيحه تاخد باص لوسط اسطنبول (تكسيم ) بمبلغ 14 ليرة يعني 4,5 دولار على باص HAVATAS Shuttle , يعني الباص حيكلفك ذهاب و عوده للمطار 9 دولار +121 تذكرة الطيران = 130 دولار ( طيران + انتقالات من و الى المطار)
ثانيا الفندق : بما أنك شاب و مسافر تتفسح مش حتقضيها قاعده في الفندق فمافيش مانع تسكن في هوستيل في اسطنبول و نتعرف على شباب و ثقافات مختلفه , سعر الهوستل لمدة اسبوع 38 دولار بالضرائب و اسمه sultanahmet apartments
ثالثا الرحلات السياحيه :
رحلة جزر الأميرات : من احلى الرحلات في اسطنبول و بتقضي فيها يوم كامل و تقدر تنفذها لوحدك بسهولة , حتركب المترو الى محطة كابتاش , حتلاقي على ايدك اليمين الميناء , حتنزل و تحجز تذكرة الى جزر الأميرات و سعر التذكره ذهاب و عوده 7 ليرة , حتقضي بيهم رحله من اجمل الرحلات البحريه في اسطنبول , حتمر على 4 جزر, أهمهم أخر جزيرة و اسمها ( بيوك ادا ) حتنزل فيها تتمشى و تتصور و تقضي اليوم هناك و ممكن تركب حنطور و ده يكلف الفرد حوالي 15 ليره . يعني الرحله بالكامل حتكلفك 22 ليرة = يعني حوالي 7 دولار
رحلة مضيق البسفور : و دي من الرحلات الرائعة لاستكشاف مدينة اسطنبول من البحر , حتمر على جسر البسفور و حتشوف قصر طوب كابي و أيا صوفيا و المسجد الأزرق , و ده بتركبه من محطة أمينونو و سعر التذكرة في المركب 5 ليرة يعني 1.6 دولار
رحلة اسطنبول القديمة ( المتاحف و المساجد العثمانية ) : و دي في منطقة السلطان أحمد حتزور المسجد الأزرق و ده مجانا , و أيا صوفيا و التذكرة ب 30 ليرة و ممكن تزور طوب كابي و التذكرة ب 20 ليرة و بعد كده ممكن تروح الجراند بازار و السوق المصري , و كل ده مجانا بدون و لا دولار. يعني الرحله دي كلها حتكلفك 50 ليرة = 16.5 دولار , و ده لينك فيه أسعار كل متاحف اسطنبول :
/Entrance Fee And Visiting Hours - Days Of Istanbul Museums
رحلة بورصا : بورصا من أجمل المناطق اللي فيها مناظر طبيعية في تركيا و تبعد عن اسطنبول حوالي 150 كيلو و دي من الرحلات الغاليه بس مش معانا يا حلو , ارخص طريقة تروح بيها بورصا انك تحجز من ميناء كباتاش مركب على شركة Bursa budo و سعر التذكرة 50 ليرة ذهاب و عودة , و لما توصل ميناء ميدونا تحجز باص الى جبل اولوداغ ( الجبل اللي فيه تليفريك بورصا ) و سعر تذكرة الباص ذهاب و عودة 16 ليرة , و سعر تذكرة التليفريك للقمة ذهاب و عودة 30 ليرة . يعني الرحله كلها حتكلفك 96 ليرة = 31 دولار ( على فكره رحلة بورصا الشركات السياحيه بتعملها ب 100 دولار )
دي كده أهم رحلات اسطنبول و كده كلفتنا كلها 56 دولار
رابعا الانتقالات : بالنسبة للمواصلات حتشتري كارت اسمه اسطنبول كارد ب 6 ليره و تستعمله لاي عدد من الافراد يعني ممكن تخمس فيه انت و اصحابك و ده ممكن تستخدمه في المترو و الاتوبيس و المركب , و التذكره للفرد بتكون ب 2.25 ليره . و ممكن نحط للمواصلات بالكثير 60 ليرة يعني 20 دولار تقريبا
كده تكالبف الرحلة كالاتي:
• طيران على بيجاسوس بالانتقالات من و الى المطار = 130 دولار
• سكن في Sultanahmet apartements لمدة اسبوع = 35 دولار
• رحلات سياحيه اجمالي = 56 دولار
• انتقالات و مواصلات = 20 دولار
• الاجمالي = 240 دولار
يعني متبقى مبلغ 60 دولار للأكل و بعض التذكارات البسيطه
