A
Alaa Eldin Tamer
:: مسافر ::
بسم الله الرحمن الرحيم
دا أول بوست ليا في الجروب و ان شاء الله مايكونش الأخير
في البداية عايز اتكلم عن تجربتي في اندونيسيا. انا سافرت اندونيسيا لمدة حوالي 7 اسابيع مع AIESEC
طبعا بسبب اننا كنا شغالين في مشروع مقدرتش الف كتير هناك بس هحكي على اللي عملته
اولا كنا قاعدين في مدينة اسمها "سولو" في جزيرة "سوراكارتا". المدينة مع انها صغيرة لكنها جميلة و تعتبر جزء من ثقافة ال Javanese و دي احد الثقافات اللي موجودة في اندونيسيا.
و كمان على حظي الفترة اللي كنت فيها هناك (شهر 7 و 8) كانوا عاملين مهرجان موسيقي للطبول و احتفال خاص بالشماسي و اللي الناس فيه بتلبس الزي التقليدي بتاعها و تمشي في الشارع ماسكة شمسية.
للأسف مروحتش برضه بالي بس رحت جزيرة تانية جميلة جدا اسمها Karimun Jawa و دي طلعناها مع شركة سياحة لمدة 4 ايام كل يوم بنعمل فيه نشاط مختلف. صور البحر و الخضرة تبع الجزيرة دي.
تالت مدينة رحتها و برشحها لاي حد رايح اندونيسيا هي Jogjakarta او Yogyakarta ممكن تتنطق بالاتنين. كل الصور اللي بالتيشيرت الاصفر في Jogjakarta
المدينة دي فيها حاجات كتير جدا منها قصر السلطان اللي موجود في الصورة بس مدخلناهوش عشان كان قفل. و فيه برضه متحف حلو اوي بيعرض فيه تاريخ اندونيسيا من البداية على شكل مجسمات. الصورة اللي فيها الطيارة دي بالصدفة بعد ما اتصورت اكتشفت انها كانت جايبة مساعدات من مصر في الاربعينات
كان فيه برضه المعبد اللي تحت الارض دا و اتحفر جزء من الارض عشان يظهر و يقال ان في لسه تحت لكن مش عارفين يحفروا
الحاجة الوحيدة اللي لقيتها صناعة مصرية كانت الطبلة دي و كانت ب 2 مليون روبية
طبعا من اظرف الحاجات هناك موضوع الاسعار دا. الجنيه الواحد كان يعمله 1700 روبية و شوية و الدولار كان ب 12500 روبية يعني تبدل 100 دولار تبقى مليونير
الأكل هناك رخيص جدا و حلو و اللي يروح هناك لازم يجرب الساتاي و دا عبارة عن فراخ على سيخ زي الشيش طاووق كده بس اصغر و مسكر و اللي راح ماليزيا برضه اكيد جربه.
بالنسبة بقى لموضوع AIESEC ف ممكن ابقى اعملها بوست لوحدها عشان مطولش عليكوا و اللي حابب يعرف اكتر عن AIESEC ممكن يتواصل معايا
دا أول بوست ليا في الجروب و ان شاء الله مايكونش الأخير
في البداية عايز اتكلم عن تجربتي في اندونيسيا. انا سافرت اندونيسيا لمدة حوالي 7 اسابيع مع AIESEC
طبعا بسبب اننا كنا شغالين في مشروع مقدرتش الف كتير هناك بس هحكي على اللي عملته
اولا كنا قاعدين في مدينة اسمها "سولو" في جزيرة "سوراكارتا". المدينة مع انها صغيرة لكنها جميلة و تعتبر جزء من ثقافة ال Javanese و دي احد الثقافات اللي موجودة في اندونيسيا.
و كمان على حظي الفترة اللي كنت فيها هناك (شهر 7 و 8) كانوا عاملين مهرجان موسيقي للطبول و احتفال خاص بالشماسي و اللي الناس فيه بتلبس الزي التقليدي بتاعها و تمشي في الشارع ماسكة شمسية.
للأسف مروحتش برضه بالي بس رحت جزيرة تانية جميلة جدا اسمها Karimun Jawa و دي طلعناها مع شركة سياحة لمدة 4 ايام كل يوم بنعمل فيه نشاط مختلف. صور البحر و الخضرة تبع الجزيرة دي.
تالت مدينة رحتها و برشحها لاي حد رايح اندونيسيا هي Jogjakarta او Yogyakarta ممكن تتنطق بالاتنين. كل الصور اللي بالتيشيرت الاصفر في Jogjakarta
المدينة دي فيها حاجات كتير جدا منها قصر السلطان اللي موجود في الصورة بس مدخلناهوش عشان كان قفل. و فيه برضه متحف حلو اوي بيعرض فيه تاريخ اندونيسيا من البداية على شكل مجسمات. الصورة اللي فيها الطيارة دي بالصدفة بعد ما اتصورت اكتشفت انها كانت جايبة مساعدات من مصر في الاربعينات
كان فيه برضه المعبد اللي تحت الارض دا و اتحفر جزء من الارض عشان يظهر و يقال ان في لسه تحت لكن مش عارفين يحفروا
الحاجة الوحيدة اللي لقيتها صناعة مصرية كانت الطبلة دي
و كانت ب 2 مليون روبيةطبعا من اظرف الحاجات هناك موضوع الاسعار دا. الجنيه الواحد كان يعمله 1700 روبية و شوية و الدولار كان ب 12500 روبية يعني تبدل 100 دولار تبقى مليونير
الأكل هناك رخيص جدا و حلو و اللي يروح هناك لازم يجرب الساتاي و دا عبارة عن فراخ على سيخ زي الشيش طاووق كده بس اصغر و مسكر و اللي راح ماليزيا برضه اكيد جربه.
بالنسبة بقى لموضوع AIESEC ف ممكن ابقى اعملها بوست لوحدها عشان مطولش عليكوا و اللي حابب يعرف اكتر عن AIESEC ممكن يتواصل معايا