السلام عليكم لو حد عايز يزور مصر اسبوع تنصحوه...

[Buthaina ALghunaim]

السلام عليكم
لو حد عايز يزور مصر اسبوع تنصحوه يروح فين؟ ولو ممكن اعرف الاماكن اللي بتبرز تاريخ القاهرة القديم وكمان على النقيض الاماكن اللي بيروحو ليها الشباب وبيكون فيها تجمعات ثقافية وفنون.
شكرًا جزيلا مقدما

 

[Mody Captian]

منطقه الدرب الاحمر و القلعه هى فيها اكتر المساجد و المنازل الاثريه التابعه لوزاره الاثار و الجمعات للفنون فى اكتر من كافيه بيقعد عليه الشباب الفنيين المستقلين و فرق المسرح الحره فى منطقه وسط البلد التكعيبه

 

[Mai Wagih]

خان الخليلي وفيها بيت السحيمي للتجمعات الفنية

 

[Ahmed AbdulWahid]

الخان والمعز والهرم والقلعه لابد من زيارتهم

 

[Ahmed Abd Elhafez]

لو الاسبوع كله القاهرة قسميه بين يوم القاهرة القديمة
منطقة الازهر والحسين والجمالية وشارع المعز
يوم المتحف المصري
يوم الاهرامات
ممكن يوم رحلة نيلية للقناطر الخيرية
يوم حديقة الحيوان بالجيزة او افريكانو بارك
يوم للقصور قصر عابدين والقلعة وقصر محمد علي
في القرية الفرعونية بمنطقة كورنيش المنيب
كما يمكنك ليلا الذهاب للتسوق والسهر في اماكن مناسبة بمناطق ٦ اكتوبر ومدينة نصر والتجمع الخامس

 

[Buthaina ALghunaim]

شكرا لكم جميعا

 

[Mohamed Ibrahim]

انا في خدمتك انا اعمل في شركة سياحة وممكن اخدمك في اي شي

 

[Esraa Thabet]

لازم لازم تزوري شارع المعز حتحسي انك خرجتي برة دائرة الزمن بجدمكان اكتر من رائع وفي تجمعات لفنانين هناك بجد اكييييييد ان شاء الله حيعجبك وحتبقي تجربة فريدة

 

[Cindrella Ana]

القلعه وخان الخليلى

 

[As Em]

بس اقرءى بسرعه او شوفى فديوهات على الحتت اللى هتذوريها قبل متيجى علشان تستمتعلى لان للاسف محدش هيهتم بيكى هنا اوى

 

[As Em]

وياريت يوم اسكندريه

 

[Abd El Rahmen Khaled]

عندك خان الخليلي وقلعه محمد علي والمتحف المصري والحسين وشارع المعز..في كتير ب انتي حددي وجهتك بالضبط

 

[Mohamed Basha]

مصر مليانه اماكن حلوه تزوريها

 

[محمود حسيني عبدالكريم]

دار الاوبرا اكيد ومتحف الفن الحديث هناك في حرم دار الاوبرا وساقيه الصاوي ومعارض فن تشكيلي في الزمالك جنب كليه تربيه فنيه وفنون جميله قاعه الزمالك وبيكاسو والأقصر واسوان لو حابه وفي متسع في الشتاء كويسين واسكندريه مكتبه اسكندريه

 

[Rami Adham]

هتنبسطي بشرم الشيخ ودهب

 

[Mohamed Magdy Elattar]

بالنسبة للقاهرة :
عندك مجمع الاديان في منطقة مصر القديمة جنب محطة مترو مارجرجس على الخط الاول وده فيه مسجد عمرو بن العاص وكنيسة مارجرجس وابو سيفين ومتحف الفن القبطي ومعبد ابراهام بن عزرا
وفيه شارع المعز لدين الله الفاطمى وخان الخليلي والحسين
فيه المتحف المصرى في ميدان التحرير
وفيه متحف الفين الاسلامي في باب الخلق
غير قصر البارون في مصر الجديدة وطبعاً المولات
ودار الاوبرا في الجزيرة جنب النادى الاهلى ومحطة مترو الاوبرا على الخط الثانى
غير المتنزهات والحدائق والاهرامات (بس للاسف نتيجة مشاكل السياحة المنطقة بقت مليانة باشكال ما يعلم بيها الا ربنا)
غير طبعاً اسكندرية عروس البحر المتوسط وجمالها بعيد عن البحر لان البحر الاحمر انضف واحلى كنزول وسباحة
وطبعاً مدن البحر الاحمر لانشطة السباحة والغطس وجوها المعتدل في هذا الوقت من العام مثل شرم الشيخ ودهب ونويبع والغردقة وسفاجا
اما بالنسبة للاثار القديمة فلا ننسي الاقصر وبها ثلث اثار العالم وتعتبر اكبر متحف مفتوح في العالم واسةان ةالنوبة وروعتها

 

[Muhammed Essam]

منطقة الحسين و خصوصا شارع المعز ، بيت السحيمي ، و الرٓبع