S
Salah Mansour
:: مسافر ::
بسم الله ما شاء الله ع الناس الجميلة فى الجروب
تجاربهم ممتازة فعلا واتعلمت منها وشجعتنى احكى تجربة بالنسبالى مميزة جدا وفريدة بالنسبة للعرب
انا شخصيا بسافر بره مصر وتحديدا ايطاليا بغرض العمل واغلب شغلى كان فى الشمال الايطالى وتحديدا مدينة ميلانو
وصدفة الصيف اللى فات اتعرض عليا اشتغل فى جنوب ايطاليا وتحديدا فى الجزيرة الايطالية الفاتنة ساردينيا ♥ ♥ وقد كان وكانت التجربة الاولى ليا فى الجنوب استمرت موسم الصيف كله حوالى 5 شهور ..
الشغل كان فى بلد سياحية وخرافية فى الجمال اسمها "فيلا سيميوس " Villasimius ♥ تابعة لمحافظة كبيرة اسمها كاليارى
البلد دى ليها جو عجيب جدا مع انها فى اوروبا جوها شبه مصر بل بالعكس بتقدر تنزل البحر فيها من اول شهر ابريل لحد شهر ديسمبر !!
انا اول ما رحت كنت مركز فى شغلى جدا اللى كان بياخد منى 12 ساعة فى اليوم بس مع كمية السياحة والجنسيات الاوروبية الكبيرة اللى كنت بشوفها فى البلد وانها تتحول من بلد هادية فى الشتا بيسكنها 4 الاف نسمة لبلد عجيبة فى الصيف يسكنها 84 الف نسمة بدأت استفسر عن البلد اكتروعملت كذا جولة سياحية فيها بنية انى احكى عن البلد دى وجمالها لأصحابى وخرجت بالمعلومات دى عن البلد
*مساحتها حوالى 60 كيلو متر مربع اغلبها جبال وشواطئ
*فيها حوالى 20 شط كل شط ليه مميزاته وجماله الخاص وفى اتوبيس تذكرته ب 5 يورو بيطلع بيك من وسط البلد بيلف جميع الشواطئ يوميا
*فيها 2 سوبر ماركت كبير زى كارفور و 4 ماركت صغير للأهالى وافضلهم سوبر ماركت اوروسبين فى مدخل البلد ..
*سوق الاهالى يوم السبت عند مركز الشرطة
*فيها 5 ماركت صينى فيهم كل حاجة تيجى فى بالك من الابرة للصاروخ ورخيص بس مفيهوش اكل
*فيها كمية مطاعم كبيرة منهم 2 مطعم شاورما تركى حلال وافضل وارخص مطعم اسمه ساتنكيتا فى اول البلد وهعرض لحضراتكم بعض الاكلات
* فيها 15 محل جيلاتى أفضلهم IL GELATO DA BEPPE
*فيها متحف التاريخ الطبيعى
*فى عروض بتتعمل وحفلات فى الشارع كل يوم من اول شهر 7 لحد اخر شهر 9
*فى رحلات بتطلع لجزر فى وسط البحر اكتر من رائعة وفى منها رخيصة بتتفرج ع السلاحف والدلافين وتعمل سنوركيلنج و دايفنج
*جميع الشواطئ مجانية ولكن بتدفع رسوم الجراج لو معاك عربية
*لو انت فى شمال ايطاليا وعاوز تروح فيلا سيميوس ممكن تحجز تذكرة طيران على rayanair
بأقل من 15 يورو ودا لو حجزت بدرى شهرين مثلا قبل ميعاد سفرك وبتنزل فى مطار كاليارى وتاخد اتوبيس لمدة ساعة بتشوف فى الطريق جمال الله فى الكون فى الجبال والطرق
*نسيت اقول ان اكترشاطئين عجبونى هما PUNTA MOLENTIS , PORTO GIUNCO
وشط بورتو جونكو ممكن تطلع فيه القلعة بالحمار او الحصان وتشوف منظر بانورامى خرافى عظيم للبحر
بعتذر ع الاطالة واى استفسار انا موجود ودلوقتى هعرض لحضراتكم بعض الصور من الرحلة الاكتشاف♥
تجاربهم ممتازة فعلا واتعلمت منها وشجعتنى احكى تجربة بالنسبالى مميزة جدا وفريدة بالنسبة للعرب
انا شخصيا بسافر بره مصر وتحديدا ايطاليا بغرض العمل واغلب شغلى كان فى الشمال الايطالى وتحديدا مدينة ميلانو
وصدفة الصيف اللى فات اتعرض عليا اشتغل فى جنوب ايطاليا وتحديدا فى الجزيرة الايطالية الفاتنة ساردينيا ♥ ♥ وقد كان وكانت التجربة الاولى ليا فى الجنوب استمرت موسم الصيف كله حوالى 5 شهور ..
الشغل كان فى بلد سياحية وخرافية فى الجمال اسمها "فيلا سيميوس " Villasimius ♥ تابعة لمحافظة كبيرة اسمها كاليارى
البلد دى ليها جو عجيب جدا مع انها فى اوروبا جوها شبه مصر بل بالعكس بتقدر تنزل البحر فيها من اول شهر ابريل لحد شهر ديسمبر !!
انا اول ما رحت كنت مركز فى شغلى جدا اللى كان بياخد منى 12 ساعة فى اليوم بس مع كمية السياحة والجنسيات الاوروبية الكبيرة اللى كنت بشوفها فى البلد وانها تتحول من بلد هادية فى الشتا بيسكنها 4 الاف نسمة لبلد عجيبة فى الصيف يسكنها 84 الف نسمة بدأت استفسر عن البلد اكتروعملت كذا جولة سياحية فيها بنية انى احكى عن البلد دى وجمالها لأصحابى وخرجت بالمعلومات دى عن البلد
*مساحتها حوالى 60 كيلو متر مربع اغلبها جبال وشواطئ
*فيها حوالى 20 شط كل شط ليه مميزاته وجماله الخاص وفى اتوبيس تذكرته ب 5 يورو بيطلع بيك من وسط البلد بيلف جميع الشواطئ يوميا
*فيها 2 سوبر ماركت كبير زى كارفور و 4 ماركت صغير للأهالى وافضلهم سوبر ماركت اوروسبين فى مدخل البلد ..
*سوق الاهالى يوم السبت عند مركز الشرطة
*فيها 5 ماركت صينى فيهم كل حاجة تيجى فى بالك من الابرة للصاروخ ورخيص بس مفيهوش اكل
*فيها كمية مطاعم كبيرة منهم 2 مطعم شاورما تركى حلال وافضل وارخص مطعم اسمه ساتنكيتا فى اول البلد وهعرض لحضراتكم بعض الاكلات
* فيها 15 محل جيلاتى أفضلهم IL GELATO DA BEPPE
*فيها متحف التاريخ الطبيعى
*فى عروض بتتعمل وحفلات فى الشارع كل يوم من اول شهر 7 لحد اخر شهر 9
*فى رحلات بتطلع لجزر فى وسط البحر اكتر من رائعة وفى منها رخيصة بتتفرج ع السلاحف والدلافين وتعمل سنوركيلنج و دايفنج
*جميع الشواطئ مجانية ولكن بتدفع رسوم الجراج لو معاك عربية
*لو انت فى شمال ايطاليا وعاوز تروح فيلا سيميوس ممكن تحجز تذكرة طيران على rayanair
بأقل من 15 يورو ودا لو حجزت بدرى شهرين مثلا قبل ميعاد سفرك وبتنزل فى مطار كاليارى وتاخد اتوبيس لمدة ساعة بتشوف فى الطريق جمال الله فى الكون فى الجبال والطرق
*نسيت اقول ان اكترشاطئين عجبونى هما PUNTA MOLENTIS , PORTO GIUNCO
وشط بورتو جونكو ممكن تطلع فيه القلعة بالحمار او الحصان وتشوف منظر بانورامى خرافى عظيم للبحر
بعتذر ع الاطالة واى استفسار انا موجود ودلوقتى هعرض لحضراتكم بعض الصور من الرحلة الاكتشاف♥
