في معلومة مش عارف هتكون مفيدة ولا لاء. لأعضاء...

[Amer Salah]

في معلومة مش عارف هتكون مفيدة ولا لاء. لأعضاء الجروب بس قولت أذكرها إحتياطي
في ناس كتير متخيلة أن التأشيرات أسهل تتاخد من الخليج
و للأسف دي معلومة غلط
الفكرة إن معايير القبول و الرفض في الخليج مختلفة عن مصر
مثلا في مصر محتاج يطمن لوضعك المالي
إنما في الخليج بيبقي محتاج يطمن لمدي إستقرارك في البلد و ده مش بس وضع مالي
دا كمان بيحتاج سنين تكون قاعدها في الخليج

 

[Ahmed Hassan]

لا انا مش معاك فى الخليج ودول معينه فى الخليج اسهل على الاقل مفيش مقابله مجرد اوراق ثبوتيه وانا مجرب بنفسي

 

[شيماء ابو العلا]

السهولة في موضوع الاستقرار احنا اغلب اللي بيحب يسافر من العوائل بنكون تخطينا عشر سنين او اكتر فبمجرد ما بنقدم فعلا بتتاخد ممكن وضعك يكون مختلف

 

[Ahmad Abdelwanis]

في الخليج مجردانك تجيب ورقة انك مستمر في العمل واقامتك سارية خلاص بتاخدها
انا خدت الشنجن وتركيا وتايلاند من قطر بسهولة

 

[Khaled Badry]

معرفتش حد مصري قدم من الخليج واترفض بالعكس هناك اسهل حتي لو لسة مسافر لان معروف اللي شغال في الخليج مش هيفكر يكسر فيزا وميرجعش

 

[Mahmoud Kamal]

محدش بيقدم من الخليج ويترفض خصوصا لو اكتر من سنتين

 

[Amer Salah]

طيب انا معايا ٤ شنجن من المانيا و امريكا و تركيا و اترفضت من المانيا في السعودية بسبب انهم مش وأثقين في نيتي العودة للسعودية علما بأن وظيفتي و مرتبي ميخلونيش أدور علي اي شغل مختلف
و نفس الامر اتكرر في سفارة امريكا اما روحت اقدم لمراتي و بنتي
الموظف قالي حرفيا لازم تكونوا مستقرين في السعودية لفترة طويلة

 

[Osama Mohamad Mohamad]

انا اترفضت في سفارة المانيا في السعودية مرتين ..وكل مااشوف حد مصري يقولي رفض في السفارة المانيا خصوصا ..انت فعلا بتتقارن مع ناس بتاخد 30 الف ريال في الشهر وكشف حساب بيعدي الملايين ...واحنا رواتبنا وكشوفات حسابنا بالنسبة لهم بسيطة

 

[Khaled Badry]

انا اكاد اكون متأكد ان فية مشكلة في سفارات المانيا مع المصريين

 

[Osama Mohamad Mohamad]

المانيا والله صعبة جدا جدا ..انا زوجتي كمان المانية ورفضوني ...بلاش تقدموا في المانيا ابدا قدموا في الفرنسية

 

[Luna Omar]

ما اعتقدش لو مقيم فى الخليج من فترة و اوراقك سليمه بتاخذها فورا و بمنتهى السهولة

 

[Khaled Badry]

بس عندهم حق . اخر مرة كنت هناك وشوفت حال البلد بسبب الوافدين واللاجئين حاجة تزعل

 

[Osama Mohamad Mohamad]

الاشكال تروح لهم من الباب يرفضوك ...تروح لهم من البحر يكرموك D:

 

[Ahmed Salah]

فعلا معلومه غلط . ومش معنى انك عايش ف الخليج ان الموضوع سهل اوي كده .انا اترفضت من المانيا في الرياض السنه اللي فاتت مع انى واخدها قبل كده بس من فرنسا.

 

[Khaled Badry]

ياخوانا والله المشكلة في ألمانيا مش في الخليج

 

[Sameh Salah]

دى حقيقة .. فى اخر احصائية رسميه من سيت الشنجن الناس ال معاها اقامة مثلا فى الامارات وقدمت من هناك على الشنجن نسبتهم اكتر من الناس ال قدمت من مصر واترفصت !!