M
Mohamed Maher
:: مسافر ::
تجربتي في الحصول على رخصة قيادة دولية للاستفادة عشان عن تجربة في دول انك تاجر فيها عربية ارخص من انك تاخد مواصلات
قبل ما ابدء بس لازم أأكد انك عشان تقدر تستخدم الرخصة الدولية في البلد اللي انت رايحها لازم تكون تأشيرتك تأشيرة سياحة فقط
بتروح نادي السيارات و عنوانه في شارع قصر النيل في وسط البلد .. روح ب تاكسي و انزل عند اخر شارع في ميدان التحرير في اتجاه كانك طالت على اكتوبر هتمشي ٣ دقايق بالظبط او لو عايز تسوق اركن في جراح مجمع التحرير و انزل اتمشاها حوالي ١٠ دقايق مشي
هتروح هناك خليك معاك رخصتك ( تكون سارية لمدة سنة عالاقل) ، بطاقتك ، باسبورك ، نسخة مِن كل واحدة ، ٢ صورة شخصية ٤*٦ ، ٣١٠ جنيه رسوم ، و خد معاك قلم احتياطي
انا رحت يوم سبت الساعة ٩ و بصراحة معرفش طبيعة المكان كدة كان زحمة ولا لا بس كان في حوالي ١٤ واحد مستنيين و انا ال ١٥ .. بتسجل اسمك في كشف ع الباب .. النادي بيفتح الساعة ٩ و نص ، روح ٩ عشان تاخد معاد في البدري كدة .. و خدوا بالكم بيقفل الساعة ١.٣٠ و مينفعش حد يدخل بعد كدة
دخلنا الساعة ٩ و نص بالدقيقة و الإجراءات للإمانة سريعة جدا و مبتاخدش وقت .. بتطلع رخصتك و بتاخد رقم حسب الكشف اللي كنت كاتب فيه برة .. بتدخل الاول مكتب الادارة العامة للمرور .تكون محضر بطاقتك و رخصتك و ١٠ جنيه الموضوع مش بياخد نص دقيقة و بتاخد ورقة كدة خليها معاك ، بتطلع شباك الاستمارات بتدفع ٣٠٠ جنيه و بتاخد استمارة تملأها و تسلم الاستمارة مع صورة الباسبور و صورة البطاقة و صورة الرخصة و ال ٢ الصورة الشخصية و طبعا الورقة اللي انت لسة واخدها من شوية ب ١٠ جنيه
بتستنى تقريبا ١٠ دقايق و يمكن اقل و بتستلم رخصتك الدولية =)
الرخصة سارية ل مدة سنة غير قابلة للتجديد ( عشان تجدد لازم تعمل نفس الإجراءات ب معنى اصح)
و ربنا يكتب لكم السلامة و يكفيكم شر الطريق و تروحوا و ترجعوا بالسلامة
قبل ما ابدء بس لازم أأكد انك عشان تقدر تستخدم الرخصة الدولية في البلد اللي انت رايحها لازم تكون تأشيرتك تأشيرة سياحة فقط
بتروح نادي السيارات و عنوانه في شارع قصر النيل في وسط البلد .. روح ب تاكسي و انزل عند اخر شارع في ميدان التحرير في اتجاه كانك طالت على اكتوبر هتمشي ٣ دقايق بالظبط او لو عايز تسوق اركن في جراح مجمع التحرير و انزل اتمشاها حوالي ١٠ دقايق مشي
هتروح هناك خليك معاك رخصتك ( تكون سارية لمدة سنة عالاقل) ، بطاقتك ، باسبورك ، نسخة مِن كل واحدة ، ٢ صورة شخصية ٤*٦ ، ٣١٠ جنيه رسوم ، و خد معاك قلم احتياطي
انا رحت يوم سبت الساعة ٩ و بصراحة معرفش طبيعة المكان كدة كان زحمة ولا لا بس كان في حوالي ١٤ واحد مستنيين و انا ال ١٥ .. بتسجل اسمك في كشف ع الباب .. النادي بيفتح الساعة ٩ و نص ، روح ٩ عشان تاخد معاد في البدري كدة .. و خدوا بالكم بيقفل الساعة ١.٣٠ و مينفعش حد يدخل بعد كدة
دخلنا الساعة ٩ و نص بالدقيقة و الإجراءات للإمانة سريعة جدا و مبتاخدش وقت .. بتطلع رخصتك و بتاخد رقم حسب الكشف اللي كنت كاتب فيه برة .. بتدخل الاول مكتب الادارة العامة للمرور .تكون محضر بطاقتك و رخصتك و ١٠ جنيه الموضوع مش بياخد نص دقيقة و بتاخد ورقة كدة خليها معاك ، بتطلع شباك الاستمارات بتدفع ٣٠٠ جنيه و بتاخد استمارة تملأها و تسلم الاستمارة مع صورة الباسبور و صورة البطاقة و صورة الرخصة و ال ٢ الصورة الشخصية و طبعا الورقة اللي انت لسة واخدها من شوية ب ١٠ جنيه
بتستنى تقريبا ١٠ دقايق و يمكن اقل و بتستلم رخصتك الدولية =)
الرخصة سارية ل مدة سنة غير قابلة للتجديد ( عشان تجدد لازم تعمل نفس الإجراءات ب معنى اصح)
و ربنا يكتب لكم السلامة و يكفيكم شر الطريق و تروحوا و ترجعوا بالسلامة