M
Mahmoud Nunu
:: مسافر ::
وانا مسافر هولندا على طيران الأوكرانية من دبي، كان معايا بنت مصرية على الطيارة، الناس في مطار كييف ( ترانزيت) مصممين ان انا وهي نعرف بعض وبننكر، وبعد جدل معاهم في النهاية سمحولنا نسافر .. وصلنا مطار امستردام تاني خدونا على جنب وفضلوا يسألونا بتعملوا ايه وليه بتنكروا انكم ماتعرفوش بعض؟ ياعم وربنا مانعرف بعض ، ايوه احنا مصريين ومقيمين في دبي بس مانعرفش بعض!! برضو فضلوا مصممين اننا نعرف بعض فسألتهم انت ليه مش مصدق .. راح قالي عشان دي اول مره في التاريخ اتنين مصريين يسافروا على طيران الأوكرانية من دبي لأمستردام!!!! ضحكت وقولتله انا مبسوط اني دخلت التاريخ 
راحوا واخدنا على مكتب الهجرة من الساعة 12 الضهر وفضلنا منتظريين لحد الساعة 3 ونص وفي الاخر دخلوني لظابط وبدأ يستجوبني .. الصراحه طلع ظابط عسلية ولما عرف اني من مصر، قالي ياراجل فعلاً انا يابني دايما في مصر!! قولتله حلو، امتى اخر مره قالي شهر 9 اللي فات كنت في ( مكان في الغردقة معرفوش) قولتله ايوه عارفه تحفه .. كنت دايما هناك قبل ماسيب مصر وراح قالي بص يا دكتور انت ليه بتنكر انك تعرفها؟؟ هاهاها قولتله دكتور مين؟ : واحلفلك ماعرفها!! كان فاكرني دكتور
المهم افرجوا عني انا والبنت بعد 4 ساعات ... بعد ماخرجت حسيت ان جواز السفر المصري ده هيجيبلي مشاكل كتيره خصوصاً ان نت قلقان من موضوع العنصرية ضد العرب والمسلمين بس الحمد لله ماحصلش اي حاجه تانيه .. الموقف عادي جداً بس لو عندك موقف حصلك احسن منه قولنا في الكومنتات دي اول صوره خدتها بعد ما افرجوا عني
Instag Account: @thecountryman91
راحوا واخدنا على مكتب الهجرة من الساعة 12 الضهر وفضلنا منتظريين لحد الساعة 3 ونص وفي الاخر دخلوني لظابط وبدأ يستجوبني .. الصراحه طلع ظابط عسلية ولما عرف اني من مصر، قالي ياراجل فعلاً انا يابني دايما في مصر!! قولتله حلو، امتى اخر مره قالي شهر 9 اللي فات كنت في ( مكان في الغردقة معرفوش) قولتله ايوه عارفه تحفه .. كنت دايما هناك قبل ماسيب مصر وراح قالي بص يا دكتور انت ليه بتنكر انك تعرفها؟؟ هاهاها قولتله دكتور مين؟ : واحلفلك ماعرفها!! كان فاكرني دكتور المهم افرجوا عني انا والبنت بعد 4 ساعات ... بعد ماخرجت حسيت ان جواز السفر المصري ده هيجيبلي مشاكل كتيره خصوصاً ان نت قلقان من موضوع العنصرية ضد العرب والمسلمين بس الحمد لله ماحصلش اي حاجه تانيه
.. الموقف عادي جداً بس لو عندك موقف حصلك احسن منه قولنا في الكومنتات دي اول صوره خدتها بعد ما افرجوا عني Instag Account: @thecountryman91