سؤال مهم جدا بعد اذنكم، لو عايز اروح ايطاليا...

[Alaa El-Greatly]

سؤال مهم جدا بعد اذنكم، لو عايز اروح ايطاليا اسبوعين سياحة احسنلي اني اقدم على فيزا سياحة في السفارة ولا اني اجيب دعوة من حد ايطالي هناك؟
عندي واحد صاحبي ايطالي و عرض عليا الحوار ده بس انا خايف مثلا يقلقوا من حوار الدعوة ده اللي هو طالما رايح عند حد و اعرف ناس يبقى مش راجع
بالمناسبة انا مخدتش شنجن قبل كدا.

 

[Bahaa Aldeen Farouk]

لو جبت دعوة غالبا حتترفض

 

[Bilal Mümin]

السم ف العسل

 

[Taha Moussa]

جبهالي أنا طيب الدعوه دي

 

[Maha Rakha]

لا بلاش موضوع الدعوة ده خالص قدم ورقك عادي و يستحسن ماتقولش ان ليك صديق هناك عشان بيخافوا ماترجعش تاني

 

[Ahmed Abdelhalim Ibrahim]

هات دعوه تجاريه ..بمعنى انك تخلى شركه او مصنع تجارى يبعتلك دعوه .بيوضح فيها انك عميل رايح تاخد وكاله او تشوف منتجات شركتهم للتعاقد عليها ..هتاخد الفيزا زى الصاروخ حتى لو الباسبور ابيض

 

[Abeer Zayed]

قدم فى السفارة عادى افضل.. بس ورقهم سخيف في موضوع الترجمة وطلباتهم كتير بس الدعوة لا خالص

 

[عبدالله القاضي]

متقدمش شنجن وانت باسبورك فاضي او كشف حساب ضعيف أو مهنة بسيطة في الباسبور

 

[Luna Omar]

السياحة افضل...دعوة الزيارة هيطلعوا عينك تفاصيل و طلبات

 

[Ashraf Adel]

فيزا من السفاره لعدم حدوث مشاكل

 

[Nouran Khaled]

طب بالنسبه لسفاره ألمانيا سهله ولا صعبه انا عاوزه اطلع ألمانيا وإسبانيا ؟؟

 

[Adel Lamey]

فرنسا اسهل بكتير فى الاوراق فمثلا ايطاليا لازم تترجم جواب العمل او السجل بالايطالى ولو اول مره شنجن لازم كشف تحركات من مجمع التحرير وده بقى قرف لوحده لكن فرنسا مفيش الكلام ده والورق انجليزى عادى ثانيا ايطاليا بتطلع الفيزا اول مره بفتره الرحله بس ٥ ايام مثلا فلو حصل اى ظروف هيبقى شكرا لكن فرنسا بتطلعا ٣ شهور من تاريخ اعطاءك الفيزا مش تاريخ السفر

 

[Ahmed ElBakri]

بلاش دعوة
قدم على سياحة عادي
وماتقولش انك ليك صديق