عاوز معلومة مؤكده عن إجراءات تجديد جواز سفر...

[Akram Essam Mohamed]

عاوز معلومة مؤكده عن إجراءات تجديد جواز سفر صلاحيته لسه سارية لكن صفحاته مليانه و لا يصلح لاصدار اى فيزا جديده عليه و الإجراءات دى بتاخد كام يوم مثلا ؟؟؟

 

[Mohamed Sharaf]

الباسبور عموما لو انت ف مصر بيتجدد ف اسبوع...انما لو بره مصر بياخد من شهر ل ٤٠ يوم

 

[Akram Essam Mohamed]

اسبوع و لا ٣ ايام فى مصر ؟ انت عارف انا كده عندى كميه معلومات متضاربة حلوه اوى

 

[Mohamed Aly Said]

أسبوع في المحافظات و٣ ايام في الفرع الرئيسي في القاهره المعلومتين صح يجب ان تسال في مكتب الجوازات الخاص بك

 

[Akram Essam Mohamed]

تمام و هل نفس إجراءات تجديد الجواز المنتهى و هيطلع بنفس الرقم و لا رقم جديد ؟

 

[Mohamed Aly Said]

الإجراءات طبعا ثابته لأي تجديد اما بالنسبه للرقم معنديش معلومة مؤكدة بس حسب معلوماتي البسيطه ان الرقم الجديد لا يتغير

 

[Mohamed Sharaf]

لا رقم الباسبور بيتغير وانت مسافر بتاخد الباسبورين عشان لو الباسبور القديم فيه تأشيرات ...او بتروح السفارة تطلب منهم انهم ينقلوا التأشيرة ع الباسبور الجديد

 

[Enass Attia]

ثلاث ايام عمل

 

[Señoría Waél]

انا طلعته في المنصوره في ٣ ايام

 

[Akram Essam Mohamed]

هى القصهً كلها بس انه جواز لسه فى صلاحيته ٣ سنين بس صفحاته خلصت بس طالما الكل متفق انها الإجراءات العاديه يبقى من القاهره بيطلع فى خلال يومين

 

[Mohamed Aly Said]

بص الجواز خلص صفحاته او انتهت مدته كلها زي بعضها لا فرق

 

[Asmaa Eldakrony]

رقم الباسبور بيتغير ازي ياجماعة هو بقي بيطلع بنفس رقم البطاقة او الرقم القومي ازي بيتغير في القديم فعلا كان كدة لكن الجديد مظنش ده

 

[Ibrahim Nagy]

بس بعد كده عشان مايتمليش تقول للظابط اللي بيختملك ماتختمش في صفحه فاضيه