A
Abdelrahman Elhesky
:: مسافر ::
انا كنت مسافر امريكا من ٣ أسابيع تقريبا.. فى لندن وانا منتظر الطيارة لحظت ان نص راكب الطيارة يهود.. الطاقية اياها والبالطو الاسود والضفاير.. المهم انا كنت العربى الوحيد اللى قاعد ومنتظر اطلع الطيارة. وكل الركاب بقىً عاملين يبصولى وكانهم بيقولوا" هى الناس دى لسه بتدخل امريكا"!! قبل ما اطلع الطيارة اول ما مرروا تذكرتى راح الجهاز أدى إنذار مش ظريف ولقيت واحد اقرع وزى الفحل ولابس بدله لهجته امريكى قالى اتفضل معايا وواحد تانى انجليزى ورحت معاهم وسالنى اذا كان معايا باسبور تانى قلت ايوة وطلعت "باسبور المحروسه" فتح الاتنين وشاف انى سافرت كتير... ساب كل البلاد وقالى انت كنت بتعمل ايه فى المغرب.. معرفش سبب السؤال الإخوة بتوع المغرب ميزعلوش منى ،انا بنقل الروية بتفاصيلها.. قلتله انا ديما بزور بلدين فى كل رحلة ووريته انى كنت قىً سنغافورا وتايلند فى نفس الوقت كذلك اسبانيا والبرتغال.. قالى هتنزل فين فى نيويورك؟ تعرف حد هناك او مسافر لحد قلت ايوه عندى صديق (اخد اسمه بالكامل وعنوانه) وقالى هتقعد اد ايه؟ وبتشتغل ايه؟ وفى الاخر بعد ما اتفتشت ذاتى ادانى جواز السفر المصرى والسويدي وقالى استمتع بوقتك وشكرا.. لما طلعت الطيارة كان شكلى وحش ولقيت الحخام اياه وضحكة الخباثة فى عينه، لما وصلنا نيويورك لقيت اجهزة بتدخل وتكتب بياناتك او بتعمل سكنر للباسبور.. لقيت الحاخام دا مشى فى طريق خاص غير الناس التانية وقلت فى نفسى اه ما هى بلادكم.. بعدين بعد ما عملت سكنر للباسبور لقيت الجهاز عمل علامة اكس على بيانات على ورقة تم طبعتها من الجهاز وعليها صورتى. لان الجهاز بيصورك.. سالت وحدة من اللى شغالين قالتلى امشى من الطريق دا... نفس الطريق بتاع الحاخام مشيت وقدمت جواز السفر لبتاع الجوازات لقيته قالى تعالى معايا... انا كل دا بعد سفر ٣ ساعات للندن وبعدهم حوالى ٧ ساعات لنيويورك وميت.. دخلت غرفه لقيت الحاخام قاعد واول ما شافنى وشه بقى احمر زى القوطة... واتعمل معاه الجلاشة اللى انعملت معايا فى لندن .. وسألونى نفس الاسئلة وفى الاخر اخدت الاستمب وطلعت برة المطار .. واتصدمت فى امريكا والصب واى المقرف والشحاتين اللى قاعدين وكتابين يفطة واللى عايش هو والعزال بتاعة فى الصب واى وشوارع نيويورك اللى مليانه شباب ضارب مخدرات .. الشباب المصرى والله منظرة يصعب على الواحد .. واقفين على عربيّات قىً جو ناقص ٦ فى منظر لا انسانى.. بالنسبة لى امريكا "طلبوها اتعززت" والإعلام بيعملنا البحر طحينة.. ومفيش إعلام عربى يجرا تلى إظهار الجانب الاخر من الشوارع الهوليودية