A
Ahmed Elbasha
:: مسافر ::
خطوات التقديم فى سفارة روسيا وبرنامج سياحى متكامل بالتفصيل..
السلام عليكم ورحمة الله وبركاته أولا
هبتدي مع حضراتكوا موضوع جديد من مواضيعي فى الجروب الممتاز ده
والنهاردة هنتكلم إن شاء الله عن دولة روسيا Russia
نصيحتي ليكوا تسافروا فى الصيف (وأفضل وقت فى الصيف فى آخر شهر يوليو وشهر أغسطس) والميزة فى الصيف مفيش رطوبة نهائي
ومتستغربوش هتلاقوا الشمس بتبتدي تشرق الساعة 2 بليل وبتغرب الساعة 9 بليل
دولة جميلة جميلة جميلة جميلة جميلة ومش قادر أقولكوا كمية عشقي للدولة دي إيه
بصراحة لو حد سألني لو هتعيش برة مصر هتعيش فين هقوله يا إما قرية Zaanse Schans فى هولندا يا إما مدينة Nizhny Novgorod فى روسيا
(ومحدش يسألني ليه)
الشعب هناك كويس جدا جدا والبلد أمان جدا (ومش بيتكلموا انجليزي نهائي .. روسي وبس إلا الصغيرين في منهم بيتكلم انجليزي)
**
من تعليقاتكوا فى المواضيع اللى قبل كدة حسيت أنكوا عايزين تعرفوا تفاصيل التفاصيل وعايزين تشوفوا صور كتير للبلد عشان تعيشوها وتحسوها وده اللى بعمله كدة فى كل مواضيعي فقولت المرة دي احطلكوا صور كتير وبالذات عشان كذا واحد بعتلى وقالي الصور شوية (مع اني بنزل صور كتير)
وهنتكلم إن شاء الله عن 4 مدن فى روسيا (موسكو - سانت بيترسبورج - نيجني نوفجورود - كازان) بس عشان زي ما عودتكوا انا كلامي كتير فهقسم روسيا على موضوعين ان شاء الله.
* نبتدي أول حاجة بخطوات التقديم فى السفارة:
ده موقع السفارة الروسية فى القاهرة
/سفارة روسيا في مصر
وده موقع القنصلية الروسية فى الاسكندرية
https://alexandria.mid.ru/web/russian-consulate-general-in-alexandria-egypt-
أول خطوة
هتدخل على الموقع ده
/Заполнение электронных форм визовых анкет
عشان تكتب الأبليكيشن وبعدين هتطبعه وبعد ما تطبعه (هتوقع عليه بخط إيدك)
وطبعا الورق المطلوب:
حجز طيران (مؤكد) - حجز فندق (مؤكد) وهقولكوا دلوقتي يعني ايه - كشف حساب بنكي (يكون لآخر 6 شهور) - صورة شخصية عادية حديثة 3.5*4.5 بخلفية بيضاء - والباسبور طبعا يكون باقي على انتهائه مش اقل من 6 شهور (وتقوم بتصوير الباسبور ورقة بياناتك صورة) - وصورة الإقامة بالنسبة لغير المصريين المقيمين فى مصر - ورقة جواب عمل (وبالنسبة لأصحاب الشركات السجل التجاري والبطاقة الضريبية) - وبالنسبة للطلبة شهادة قيد من الجامعة - ولو عندك معاش استخرج ورقة رسمية بمعاشك - وطبعا الأبليكيشن.
وطبعا كل الورق لازم يكون انجليزي (وأي ورقة بالعربي لازم تترجمها من مركز ترجمة معتمد)
واعمل حسابك ممكن الفيزا تاخدها فى نفس اليوم او بعد اسبوع او بحد اقصى شهر (يعني تعمل حسابك على كدة)
ده بالنسبة لتأشيرة السياحة (مدتها شهر) ..
أما تأشيرة الزيارة (مدتها 3 شهور) مطلوب دعوة رسمية حد روسي هناك يعملهالك (ولازم تقدم الدعوة الأصلية)
وتأشيرة الزيارة طبعا مش بتحتاج حجز الفندق ومش بتحتاج خطاب العمل بتاعك ولا كشف الحساب.
(بس خلى بالك الزيارة دلوقتي لازم اللى عملك التأشيرة يكون منتظرك فى المطار عشان ضابط الجوازات يعديك)
بالنسبة بقى لحجز الفندق خلى بالك الكلام ده مهم جدا
مينفعش حجز بالبوكينج ولا بأي موقع حجز فنادق
لازم يكون حجز مؤكد ويتعمل دعوة رسمية من شركة سياحة فى روسيا أو فندق فى روسيا ويبعتلك الدعوة الأصلية بالبريد وتروح بيها السفارة (يعني مينفعش تجيلك على الايميل وتطبعها)
واحد هيقولى طب إزاى اعمل القصة الغريبة دي ..
فى كذا حل :
1- انك بنفسك تراسل فندق هناك بيقدم الخدمة دي وطبعا هتدفع المصاريف بس بشرط انهم يبعتولك الدعوة بالبريد (الموضوع ده صعب شوية).
2- أو انك تراسل شركة سياحية فى روسيا وتدفع مصاريفها وهيا اللى تعملك الدعوة وتبعتهالك بالبريد (الموضوع ده سهل بس فى شركات كتير نصب).
3- أو انك تروح اي شركة سياحة كبيرة هنا فى مصر وهما يقدروا يعملوهالك (طبعا شركات السياحة الكبيرة ليهم تعاملات مع فنادق وشركات سياحية فى روسيا) الموضوع ده سهل بس طبعا مصاريفها هتكون أكتر شوية عشان طبعا هياخدوا نسبة ليهم.
4- فى أقوايل (مش متأكد منها) ان مكتب الترجمة الروسي اللى امام السفارة الروسية بيعمل الدعوات دي وممكن تجيبها منه (بس مش متأكد) ولو صح هتبقى ثقة طبعا لأنه مكتب ترجمة معتمد لدى السفارة الروسية.
* مصاريف التأشيرة:
السريعة بتاخد تقريبا من يوم ل 3 ايام تقريبا ب 2500 جنيه.
أو العادية بتاخد وقت تقريبا من اسبوع ب 3 اسابيع تقريبا ب 1300 جنيه
(انا روحت روسيا مرتين ايام الزمن الجميل كانت التأشيرة ب 400 جنيه لكن طبعا بعد خراب التعويم الدنيا اتغيرت)
وده الموقع اللى بتحجز منه معاد المقابلة
/Registration / Log On Private Persons
*ملحوظة هامة جدا عن التأشيرة وقت كأس العالم..
أيوة وقت كأس العالم مفيش تأشيرة دخول لروسيا ولكن ليها شروط
أول حاجة لازم تشتري تذاكر المباراة وبعد كدة بتقدم على كارت المشجع
بالكارت ده تقدر تدخل بيه روسيا بدون تأشيرة (وخلى بالك بتديك صلاحية قبل البطولة ب 10 ايام وبعد آخر تيكيت معاك ب 10 ايام) اكتر من كدة هتعتبر كاسر فيزا.
**
معلومة: عملة روسيا هيا الروبل والدولار الأمريكي يساوي تقريبا 58 روبل.
**
نبتدي الرحلة
موسكو Moscow
يعني مدينة السحر والجمال
طبعا المدينة زحمة والسياحة فيها ضخمة جدا
هنمشي مع بعض برنامج كدة لذيذ فى المدينة دي
أول مكان هنروحوا وأهم مكان وأجمل مكان فى موسكو
الساحة الحمراء Red Square
فيها كنائس من أورع المباني وطبعا الكرملين
وطالما قولت روسيا يبقى لازم الكلمة اللى بعدها تكون الكرملين Kremlin
بينها وبين Red Square تقريبا ربع ساعة مشي
وفى الميدان نفسه هتشوفوا جدار الكرملين
(زي ما قولت فى هولندا) فى منطقة Red Square عايزكوا تدنوا زي النحلة لحد ما رجلكوا متحسوش بيها من كتر المشي
هتتفاجئوا بسحر المدينة وسحر وجمال المباني الى مش هتلاقيها فى اي مكان تانى فى العالم كله
وهناك هتلاقوا متحف تاريخ الدولة State History Museum
هتتفاجئوا بروعة وكمية الآثار اللى موجودة فيه
وقريب منه مركز التسويق العالمي العالمى العالمي GUM
ضخم جدا
وطبعا ميدان Red Aquare عامل زي ميدان Dam Square فى امستردام
روعة ومليان حيوية واحتفالات ومهرجانات
ممكن فى المربع ده كله تخصصه يبقى أول يوم ليك
تانى يوم بقى عليك وعلى واحدة من أفضل وأضخم حديقة حيوانات فى العالم Moscow Zoo
/Moscowzoo Web Site
بتفتح كل يوم من الساعة 9 الصبح للساعة 5 العصر
التيكيت تقريبا ب 200 روبل
الحديقة المائية Transvaal Park
حديقة راااائعة وفيها العاب مائية
تلال Vorobyovy Hills
روعة ومن عليها هتشوف منظر رائع لموسكو
وطبعا جامعة موسكو Moscow State University
/Lomonosov Moscow State University
طبعا من روعتها وجمال وخيال المبنى بقت مزار سياحي اكتر من الطلبة نفسهم
لازم تروح تتصور هناك
وطبعا شارع اربات Arbat Street
مش هتزهقوا من المشي فيه
وده تقريبا يعتبر بعيد شوية عن Red Square
مشي تقريبا ممكن نص ساعة أو اكتر
من المترو هتركبوا من محطة Ploschad' Revolyutsii
ناحية Pyatnitskoye shosse وهتنزلوا محطة Smolenskaya
وبعدها هتمشوا شوية للشارع
مسرح البولشوي Bolshoi Theatre
/The Bolshoi Theatre Official Website
العالمي الرائع
مقدرش اقولكوا سعر التيكيت عشان الاسعار بتختلف حسب العرض وحسب الحفلة.
وده قريب من Red Square يعني مشي تقريبا ربع ساعة
ونصيحة روحوا محطات مترو كتيرة فى موسكو (تصميماتها وشكلها ساااااااااااحر)
شارع تريتيكوفسكايا Tretyakovsky Street
ولما اقول الشارع ده يعني لازم تروحوا معرض Tretyakov Gallery
ده طبعا اشهر جاليري فى العالم
/Tretyakov State Gallery
وده برده يعتبر قريب من Red Square مشي تقريبا ربع ساعة أو اكتر شوية
أو بالأتوبيس هتنزلوا محطة Tretyakovsky Street
حي نوفودوفيتشى Novodevichy Monastery
منطقة رائعة وتاريخية وهتتفاجأ بجمال وروعة المباني والجدران
وده بعيد عن Red Square
بالمترو هتركبوا من محطة Okhotny Ryad
ناحية Salarevo وهتنزلوا محطة Sportivnaya
وهتمشوا شوية
أو بالأتوبيس هتركبوا من محطة Teatralnaya
ناحية Luzhniki Stadium وهتنزلوا محطة Letiya Oktyabrya
ودي مناطق أثرية ممكن لو عندكوا وقت تروحوها
Preobrazhenskaya
Smolensky Sobor
Novodevichy cemetery
Nadezhda Alliluyeva
Sergiev Posad
وطبعا لو في وقت ممكن تروحوا السيرك أو ملاهي موسكو أو رحلة نهرية فى موسكو.
*معلومة بسيطة عن المواصلات فى موسكو:
التنقل عموما يا إما بالترام أو الأتوبيس أو المترو.
تذكرة الترام تقريبا فى حدود 17 روبل.
أو بالأتوبيس بس الأفضل بلاش (عشان موسكو زحمة جدا)
أو أحسن وسيلة مواصلات فى موسكو وهي المترو
وتذكرة المترو تقريبا فى حدود 17 روبل.
والتذاكر هتلاقوها بتتباع فى جميع محطات المترو وفى أكشاك برده متخصصة ليها (وفى تذاكر بالرحلة وفى تذاكر باليوم).
وبكدة كفاية اوي رحلة موسكو ونبتدي الجولة التانية فى مدينة من أجمل مدن العالم كله
******************************************
المدينة اللى هقولها للأسف مفيش عرب كتير يعرفها ولكنها مدينة سياحية 100%
المدينة اسمها نيجني نوفجورود Nizhny Novgorod
(عشقي الأول والأخير) مهما لفيت أوروبا وامريكا واسيا بس المدينة دي بالنسبالي رقم 1 فى القلب
(وعلى فكرة المسافة بينها وبين موسكو تقريبا ساعة بالطيارة أو اقل شوية) يعني قريبة اوي من موسكو
بلد جميلة جميلة جميلة جميلة من هنا للصبح
وأمان جدا جدا جدا انا كنت بتمشى كل يوم لحد الساعة 2 بليل ونظيفة جدا جدا جدا
للأسف كل اللى بيسافر روسيا من عندنا بيروح موسكو وسانت بيترسبورج وطبعا المدينتين دول خيااااااااااال بس انا مبحبش النظام التقليدي .. بحب التغيير والإكتشاف
بس انا دورت وبحث وسألت أصدقائي الروسيين لحد ما اكتشفت المدينة دي وقولت لازم اروحها
المدينة سياحية ولكن النسبة الكبيرة (سياحة داخلية) وأوروبية وللأسف مفيش عرب بيروحوها سياحة ولكن من وجهة نظري التى لاقيمة لها انها أحلى بكتيييييير من موسكو
شعب جميل جدا جدا جدا .. وفى حاجة غريبة للأسف مش موجودة عندنا (كل الولاد والبنات الصغيرين بلا إستثناء بيشتغلوا سواء فى الاجازات أو وقت الدراسة بيوفقوا بين الدراسة والشغل) وطول ما انت ماشي هتلاقي ولد أو بنت حاطة تلاجة صغيرة فى الشارع وبتبيع عصاير وايس كريم ومية وهكذا - أو بنت عاملة كشك صغير حمام عمومي وبتاخد مبلغ صغير لكل واحد يستخدمه أو فى جنينة الحيوانات بنت معاها حصان وبتأجره باللفة أو واحدة واخدة جزء وحاطة فيه شوية حيوانات وأي حد يدفع مبلغ صغير عشان تدخل وتأكلهم (يعني الناس وهما صغيرين بيقدسوا العمل)
والشعب جميل جدا طول ما انت ماشي هتلاقي الستات ماشيين ومعاهم اطفالهم بيفسحوهم وبرده الأطفال بيلعبوا فى كل مكان وفى كتير بيركبوا عجل والميزة اللى بتميزها عن موسكو أو سانت بيترسبورج أن نيجني نوفجورود مش زحمة (رايقة اوي) وفى نفس الوقت فيها سياح كتير جدا وفيها أحلى مطاعم وأحلى أكل (واحدة من أفضل دول العالم فى الأكل) وانا عن نفسي روحت مطعم بيتزا والله احلى واجمل بيتزا كلتها في حياتي
والمدينة رخيصة جدا (أرخص من موسكو وسانت بيترسبورج)
وطول ما انا ماشي فى الشارع بالذات أمام فندق azimut هتلاقي عرسان كتير اوي واقفين ومعاهم صحابهم وبيتصوروا
حتى كان معايا صحابي روسيين قولتلهم الفندق ده نطقه بالعربي (I wanna die)
طبعا أهم مكان فى المدينة (الكرملين) Kremlin
القلعة الخيالية الوهمية التاريخية وفيها متحف حربي عن الحرب العالمية التانية
زي ما في كرملين فى موسكو فى ايضا كرملين فى نيجني
سلالم Chkalovskaya Stairs
ودي قريبة من الكرملين درجات سلالم متشوفش أولها من آخرها (المنظر هناك خيالي خيالي خيالي)
وطبعا أهم شارعين فى المدينة Pokrovskaya street
ده يعتبر أهم شارع فى التمشية (وهمي وهمي وهمي) وبيبتدي من عند الكرملين (ضايف صورة)
والشارع التانى Rojdestvenskaya street
وده برده قريب جدا من الكرملين (مطاعم وكافيهات خيالي) والترام بيعدي فيه (ضايف صورة)
والمتحف العالمي متحف العلوم والفيزياء Museum of Science
/Музей занимательных наук Эйнштейна в Ярославле | Экскурсии, шоу, дни рождения
(تجربة لازم لازم لازم تجربوها) (ضايف صور فى الداخل)
وده تقريبا مشي نص ساعة من الكرملين.
التيكيت تقريبا ب 300 روبل.
المول التجاري Fantastika mall
/Торгово-развлекательный центр «Фантастика»
(للشوبينج والمطاعم والكافيهات) كبيرة وروعة
وفرحت أوي وانا ماشي بالصدفة قابلت المطعم العالمي (ساموراي) ليه فروع فى دول كتييييرة جدا فى العالم (أنصحكوا تاكلوا فيه)
فى بقى متحف القطارات الروسية (أيام الحرب العالمية التانية) Railway Museum
متحف روووووعة وفى كل القطارات التاريخية الوهمية وطبعا المتحف بيفتح بالنهار بس .. بس احنا روحنا بليل وقعدنا نثبت الأمن هناك لحد ما وافقوا ودخلونا بس قالولنا فى الخباثة وبسرعة
وده تقريبا بمسافة 1 كم عن محطة Gorky Sormyrovoivly
حديقة الحيوان Limpopo Zoo
/Зоопарк «Лимпопо» г. Нижний Новгород – Нижегородский зоопарк
وهمية وضخمة جدا وفيها جميع أنواع وسائل الترفيه اللى ممكن أن تتخيلها
التذكرة تقريبا فى حدود 400 روبل (بس تستاهل)
وأحلى اكل هناك الشاورما والبان بيتزا
التنقلات بالأتوبيس أو المترو
وعلى فكرة المدينة دي غير موسكو
مدينة هادية ومش زحمة يعني التنقل بالأتوبيس ممتاز.
والوهم بقى الخيالي هناك التلفريك بيعدي فوق النهر وارتفاعه مهووول خياااااااااااالي.
وفى رحلات نهرية برده ممكن تجربوها.
**معلومة: الغابات هناك كتييييرة جدا والمشروم (عيش الغراب) هناك كتيييير فى الغابات كل يوم كنا بنروح مكان فى وسط الغابة ونجيب شواية ونشوي لحمة وناكل مشروم (مزروع طبعا والكل هناك بياكل عادي).
..
وبكدة نكون انتهينا من رحلة دولة السحر والجمال (روسيا Russia) الجزء الأول وإن شاء الله اتكلم عن مدينتين تانيين سانت بيترسبورج و كازان.
وقريب إن شاء الله مواضيع لرحلاتي فى دول تانية.
(فى صور كتير عشان تتخيلوا المدينة والشرح اللى انا شرحته)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
ورحلة سعيدة مقدماً
السلام عليكم ورحمة الله وبركاته أولا
هبتدي مع حضراتكوا موضوع جديد من مواضيعي فى الجروب الممتاز ده
والنهاردة هنتكلم إن شاء الله عن دولة روسيا Russia
نصيحتي ليكوا تسافروا فى الصيف (وأفضل وقت فى الصيف فى آخر شهر يوليو وشهر أغسطس) والميزة فى الصيف مفيش رطوبة نهائي
ومتستغربوش هتلاقوا الشمس بتبتدي تشرق الساعة 2 بليل وبتغرب الساعة 9 بليل
دولة جميلة جميلة جميلة جميلة جميلة ومش قادر أقولكوا كمية عشقي للدولة دي إيه
بصراحة لو حد سألني لو هتعيش برة مصر هتعيش فين هقوله يا إما قرية Zaanse Schans فى هولندا يا إما مدينة Nizhny Novgorod فى روسيا
(ومحدش يسألني ليه)
الشعب هناك كويس جدا جدا والبلد أمان جدا (ومش بيتكلموا انجليزي نهائي .. روسي وبس إلا الصغيرين في منهم بيتكلم انجليزي)
**
من تعليقاتكوا فى المواضيع اللى قبل كدة حسيت أنكوا عايزين تعرفوا تفاصيل التفاصيل وعايزين تشوفوا صور كتير للبلد عشان تعيشوها وتحسوها وده اللى بعمله كدة فى كل مواضيعي فقولت المرة دي احطلكوا صور كتير وبالذات عشان كذا واحد بعتلى وقالي الصور شوية (مع اني بنزل صور كتير)
وهنتكلم إن شاء الله عن 4 مدن فى روسيا (موسكو - سانت بيترسبورج - نيجني نوفجورود - كازان) بس عشان زي ما عودتكوا انا كلامي كتير فهقسم روسيا على موضوعين ان شاء الله.
* نبتدي أول حاجة بخطوات التقديم فى السفارة:
ده موقع السفارة الروسية فى القاهرة
/سفارة روسيا في مصر
وده موقع القنصلية الروسية فى الاسكندرية
https://alexandria.mid.ru/web/russian-consulate-general-in-alexandria-egypt-
أول خطوة
هتدخل على الموقع ده
/Заполнение электронных форм визовых анкет
عشان تكتب الأبليكيشن وبعدين هتطبعه وبعد ما تطبعه (هتوقع عليه بخط إيدك)
وطبعا الورق المطلوب:
حجز طيران (مؤكد) - حجز فندق (مؤكد) وهقولكوا دلوقتي يعني ايه - كشف حساب بنكي (يكون لآخر 6 شهور) - صورة شخصية عادية حديثة 3.5*4.5 بخلفية بيضاء - والباسبور طبعا يكون باقي على انتهائه مش اقل من 6 شهور (وتقوم بتصوير الباسبور ورقة بياناتك صورة) - وصورة الإقامة بالنسبة لغير المصريين المقيمين فى مصر - ورقة جواب عمل (وبالنسبة لأصحاب الشركات السجل التجاري والبطاقة الضريبية) - وبالنسبة للطلبة شهادة قيد من الجامعة - ولو عندك معاش استخرج ورقة رسمية بمعاشك - وطبعا الأبليكيشن.
وطبعا كل الورق لازم يكون انجليزي (وأي ورقة بالعربي لازم تترجمها من مركز ترجمة معتمد)
واعمل حسابك ممكن الفيزا تاخدها فى نفس اليوم او بعد اسبوع او بحد اقصى شهر (يعني تعمل حسابك على كدة)
ده بالنسبة لتأشيرة السياحة (مدتها شهر) ..
أما تأشيرة الزيارة (مدتها 3 شهور) مطلوب دعوة رسمية حد روسي هناك يعملهالك (ولازم تقدم الدعوة الأصلية)
وتأشيرة الزيارة طبعا مش بتحتاج حجز الفندق ومش بتحتاج خطاب العمل بتاعك ولا كشف الحساب.
(بس خلى بالك الزيارة دلوقتي لازم اللى عملك التأشيرة يكون منتظرك فى المطار عشان ضابط الجوازات يعديك)
بالنسبة بقى لحجز الفندق خلى بالك الكلام ده مهم جدا
مينفعش حجز بالبوكينج ولا بأي موقع حجز فنادق
لازم يكون حجز مؤكد ويتعمل دعوة رسمية من شركة سياحة فى روسيا أو فندق فى روسيا ويبعتلك الدعوة الأصلية بالبريد وتروح بيها السفارة (يعني مينفعش تجيلك على الايميل وتطبعها)
واحد هيقولى طب إزاى اعمل القصة الغريبة دي ..
فى كذا حل :
1- انك بنفسك تراسل فندق هناك بيقدم الخدمة دي وطبعا هتدفع المصاريف بس بشرط انهم يبعتولك الدعوة بالبريد (الموضوع ده صعب شوية).
2- أو انك تراسل شركة سياحية فى روسيا وتدفع مصاريفها وهيا اللى تعملك الدعوة وتبعتهالك بالبريد (الموضوع ده سهل بس فى شركات كتير نصب).
3- أو انك تروح اي شركة سياحة كبيرة هنا فى مصر وهما يقدروا يعملوهالك (طبعا شركات السياحة الكبيرة ليهم تعاملات مع فنادق وشركات سياحية فى روسيا) الموضوع ده سهل بس طبعا مصاريفها هتكون أكتر شوية عشان طبعا هياخدوا نسبة ليهم.
4- فى أقوايل (مش متأكد منها) ان مكتب الترجمة الروسي اللى امام السفارة الروسية بيعمل الدعوات دي وممكن تجيبها منه (بس مش متأكد) ولو صح هتبقى ثقة طبعا لأنه مكتب ترجمة معتمد لدى السفارة الروسية.
* مصاريف التأشيرة:
السريعة بتاخد تقريبا من يوم ل 3 ايام تقريبا ب 2500 جنيه.
أو العادية بتاخد وقت تقريبا من اسبوع ب 3 اسابيع تقريبا ب 1300 جنيه
(انا روحت روسيا مرتين ايام الزمن الجميل كانت التأشيرة ب 400 جنيه لكن طبعا بعد خراب التعويم الدنيا اتغيرت)
وده الموقع اللى بتحجز منه معاد المقابلة
/Registration / Log On Private Persons
*ملحوظة هامة جدا عن التأشيرة وقت كأس العالم..
أيوة وقت كأس العالم مفيش تأشيرة دخول لروسيا ولكن ليها شروط
أول حاجة لازم تشتري تذاكر المباراة وبعد كدة بتقدم على كارت المشجع
بالكارت ده تقدر تدخل بيه روسيا بدون تأشيرة (وخلى بالك بتديك صلاحية قبل البطولة ب 10 ايام وبعد آخر تيكيت معاك ب 10 ايام) اكتر من كدة هتعتبر كاسر فيزا.
**
معلومة: عملة روسيا هيا الروبل والدولار الأمريكي يساوي تقريبا 58 روبل.
**
نبتدي الرحلة
موسكو Moscow
يعني مدينة السحر والجمال
طبعا المدينة زحمة والسياحة فيها ضخمة جدا
هنمشي مع بعض برنامج كدة لذيذ فى المدينة دي
أول مكان هنروحوا وأهم مكان وأجمل مكان فى موسكو
الساحة الحمراء Red Square
فيها كنائس من أورع المباني وطبعا الكرملين
وطالما قولت روسيا يبقى لازم الكلمة اللى بعدها تكون الكرملين Kremlin
بينها وبين Red Square تقريبا ربع ساعة مشي
وفى الميدان نفسه هتشوفوا جدار الكرملين
(زي ما قولت فى هولندا) فى منطقة Red Square عايزكوا تدنوا زي النحلة لحد ما رجلكوا متحسوش بيها من كتر المشي
هتتفاجئوا بسحر المدينة وسحر وجمال المباني الى مش هتلاقيها فى اي مكان تانى فى العالم كله
وهناك هتلاقوا متحف تاريخ الدولة State History Museum
هتتفاجئوا بروعة وكمية الآثار اللى موجودة فيه
وقريب منه مركز التسويق العالمي العالمى العالمي GUM
ضخم جدا
وطبعا ميدان Red Aquare عامل زي ميدان Dam Square فى امستردام
روعة ومليان حيوية واحتفالات ومهرجانات
ممكن فى المربع ده كله تخصصه يبقى أول يوم ليك
تانى يوم بقى عليك وعلى واحدة من أفضل وأضخم حديقة حيوانات فى العالم Moscow Zoo
/Moscowzoo Web Site
بتفتح كل يوم من الساعة 9 الصبح للساعة 5 العصر
التيكيت تقريبا ب 200 روبل
الحديقة المائية Transvaal Park
حديقة راااائعة وفيها العاب مائية
تلال Vorobyovy Hills
روعة ومن عليها هتشوف منظر رائع لموسكو
وطبعا جامعة موسكو Moscow State University
/Lomonosov Moscow State University
طبعا من روعتها وجمال وخيال المبنى بقت مزار سياحي اكتر من الطلبة نفسهم
لازم تروح تتصور هناك
وطبعا شارع اربات Arbat Street
مش هتزهقوا من المشي فيه
وده تقريبا يعتبر بعيد شوية عن Red Square
مشي تقريبا ممكن نص ساعة أو اكتر
من المترو هتركبوا من محطة Ploschad' Revolyutsii
ناحية Pyatnitskoye shosse وهتنزلوا محطة Smolenskaya
وبعدها هتمشوا شوية للشارع
مسرح البولشوي Bolshoi Theatre
/The Bolshoi Theatre Official Website
العالمي الرائع
مقدرش اقولكوا سعر التيكيت عشان الاسعار بتختلف حسب العرض وحسب الحفلة.
وده قريب من Red Square يعني مشي تقريبا ربع ساعة
ونصيحة روحوا محطات مترو كتيرة فى موسكو (تصميماتها وشكلها ساااااااااااحر)
شارع تريتيكوفسكايا Tretyakovsky Street
ولما اقول الشارع ده يعني لازم تروحوا معرض Tretyakov Gallery
ده طبعا اشهر جاليري فى العالم
/Tretyakov State Gallery
وده برده يعتبر قريب من Red Square مشي تقريبا ربع ساعة أو اكتر شوية
أو بالأتوبيس هتنزلوا محطة Tretyakovsky Street
حي نوفودوفيتشى Novodevichy Monastery
منطقة رائعة وتاريخية وهتتفاجأ بجمال وروعة المباني والجدران
وده بعيد عن Red Square
بالمترو هتركبوا من محطة Okhotny Ryad
ناحية Salarevo وهتنزلوا محطة Sportivnaya
وهتمشوا شوية
أو بالأتوبيس هتركبوا من محطة Teatralnaya
ناحية Luzhniki Stadium وهتنزلوا محطة Letiya Oktyabrya
ودي مناطق أثرية ممكن لو عندكوا وقت تروحوها
Preobrazhenskaya
Smolensky Sobor
Novodevichy cemetery
Nadezhda Alliluyeva
Sergiev Posad
وطبعا لو في وقت ممكن تروحوا السيرك أو ملاهي موسكو أو رحلة نهرية فى موسكو.
*معلومة بسيطة عن المواصلات فى موسكو:
التنقل عموما يا إما بالترام أو الأتوبيس أو المترو.
تذكرة الترام تقريبا فى حدود 17 روبل.
أو بالأتوبيس بس الأفضل بلاش (عشان موسكو زحمة جدا)
أو أحسن وسيلة مواصلات فى موسكو وهي المترو
وتذكرة المترو تقريبا فى حدود 17 روبل.
والتذاكر هتلاقوها بتتباع فى جميع محطات المترو وفى أكشاك برده متخصصة ليها (وفى تذاكر بالرحلة وفى تذاكر باليوم).
وبكدة كفاية اوي رحلة موسكو ونبتدي الجولة التانية فى مدينة من أجمل مدن العالم كله
******************************************
المدينة اللى هقولها للأسف مفيش عرب كتير يعرفها ولكنها مدينة سياحية 100%
المدينة اسمها نيجني نوفجورود Nizhny Novgorod
(عشقي الأول والأخير) مهما لفيت أوروبا وامريكا واسيا بس المدينة دي بالنسبالي رقم 1 فى القلب
(وعلى فكرة المسافة بينها وبين موسكو تقريبا ساعة بالطيارة أو اقل شوية) يعني قريبة اوي من موسكو
بلد جميلة جميلة جميلة جميلة من هنا للصبح
وأمان جدا جدا جدا انا كنت بتمشى كل يوم لحد الساعة 2 بليل ونظيفة جدا جدا جدا
للأسف كل اللى بيسافر روسيا من عندنا بيروح موسكو وسانت بيترسبورج وطبعا المدينتين دول خيااااااااااال بس انا مبحبش النظام التقليدي .. بحب التغيير والإكتشاف
بس انا دورت وبحث وسألت أصدقائي الروسيين لحد ما اكتشفت المدينة دي وقولت لازم اروحها
المدينة سياحية ولكن النسبة الكبيرة (سياحة داخلية) وأوروبية وللأسف مفيش عرب بيروحوها سياحة ولكن من وجهة نظري التى لاقيمة لها
انها أحلى بكتيييييير من موسكوشعب جميل جدا جدا جدا .. وفى حاجة غريبة للأسف مش موجودة عندنا (كل الولاد والبنات الصغيرين بلا إستثناء بيشتغلوا سواء فى الاجازات أو وقت الدراسة بيوفقوا بين الدراسة والشغل) وطول ما انت ماشي هتلاقي ولد أو بنت حاطة تلاجة صغيرة فى الشارع وبتبيع عصاير وايس كريم ومية وهكذا - أو بنت عاملة كشك صغير حمام عمومي وبتاخد مبلغ صغير لكل واحد يستخدمه أو فى جنينة الحيوانات بنت معاها حصان وبتأجره باللفة أو واحدة واخدة جزء وحاطة فيه شوية حيوانات وأي حد يدفع مبلغ صغير عشان تدخل وتأكلهم (يعني الناس وهما صغيرين بيقدسوا العمل)
والشعب جميل جدا طول ما انت ماشي هتلاقي الستات ماشيين ومعاهم اطفالهم بيفسحوهم وبرده الأطفال بيلعبوا فى كل مكان وفى كتير بيركبوا عجل والميزة اللى بتميزها عن موسكو أو سانت بيترسبورج أن نيجني نوفجورود مش زحمة (رايقة اوي) وفى نفس الوقت فيها سياح كتير جدا وفيها أحلى مطاعم وأحلى أكل (واحدة من أفضل دول العالم فى الأكل) وانا عن نفسي روحت مطعم بيتزا والله احلى واجمل بيتزا كلتها في حياتي
والمدينة رخيصة جدا (أرخص من موسكو وسانت بيترسبورج)
وطول ما انا ماشي فى الشارع بالذات أمام فندق azimut هتلاقي عرسان كتير اوي واقفين ومعاهم صحابهم وبيتصوروا
حتى كان معايا صحابي روسيين قولتلهم الفندق ده نطقه بالعربي (I wanna die)
طبعا أهم مكان فى المدينة (الكرملين) Kremlin
القلعة الخيالية الوهمية التاريخية وفيها متحف حربي عن الحرب العالمية التانية
زي ما في كرملين فى موسكو فى ايضا كرملين فى نيجني
سلالم Chkalovskaya Stairs
ودي قريبة من الكرملين درجات سلالم متشوفش أولها من آخرها (المنظر هناك خيالي خيالي خيالي)
وطبعا أهم شارعين فى المدينة Pokrovskaya street
ده يعتبر أهم شارع فى التمشية (وهمي وهمي وهمي) وبيبتدي من عند الكرملين (ضايف صورة)
والشارع التانى Rojdestvenskaya street
وده برده قريب جدا من الكرملين (مطاعم وكافيهات خيالي) والترام بيعدي فيه (ضايف صورة)
والمتحف العالمي متحف العلوم والفيزياء Museum of Science
/Музей занимательных наук Эйнштейна в Ярославле | Экскурсии, шоу, дни рождения
(تجربة لازم لازم لازم تجربوها) (ضايف صور فى الداخل)
وده تقريبا مشي نص ساعة من الكرملين.
التيكيت تقريبا ب 300 روبل.
المول التجاري Fantastika mall
/Торгово-развлекательный центр «Фантастика»
(للشوبينج والمطاعم والكافيهات) كبيرة وروعة
وفرحت أوي وانا ماشي بالصدفة قابلت المطعم العالمي (ساموراي) ليه فروع فى دول كتييييرة جدا فى العالم (أنصحكوا تاكلوا فيه)
فى بقى متحف القطارات الروسية (أيام الحرب العالمية التانية) Railway Museum
متحف روووووعة وفى كل القطارات التاريخية الوهمية وطبعا المتحف بيفتح بالنهار بس .. بس احنا روحنا بليل وقعدنا نثبت الأمن هناك لحد ما وافقوا ودخلونا بس قالولنا فى الخباثة وبسرعة
وده تقريبا بمسافة 1 كم عن محطة Gorky Sormyrovoivly
حديقة الحيوان Limpopo Zoo
/Зоопарк «Лимпопо» г. Нижний Новгород – Нижегородский зоопарк
وهمية وضخمة جدا وفيها جميع أنواع وسائل الترفيه اللى ممكن أن تتخيلها
التذكرة تقريبا فى حدود 400 روبل (بس تستاهل)
وأحلى اكل هناك الشاورما والبان بيتزا
التنقلات بالأتوبيس أو المترو
وعلى فكرة المدينة دي غير موسكو
مدينة هادية ومش زحمة يعني التنقل بالأتوبيس ممتاز.
والوهم بقى الخيالي هناك التلفريك بيعدي فوق النهر وارتفاعه مهووول خياااااااااااالي.
وفى رحلات نهرية برده ممكن تجربوها.
**معلومة: الغابات هناك كتييييرة جدا والمشروم (عيش الغراب) هناك كتيييير فى الغابات كل يوم كنا بنروح مكان فى وسط الغابة ونجيب شواية ونشوي لحمة وناكل مشروم (مزروع طبعا والكل هناك بياكل عادي).
..
وبكدة نكون انتهينا من رحلة دولة السحر والجمال (روسيا Russia) الجزء الأول وإن شاء الله اتكلم عن مدينتين تانيين سانت بيترسبورج و كازان.
وقريب إن شاء الله مواضيع لرحلاتي فى دول تانية.
(فى صور كتير عشان تتخيلوا المدينة والشرح اللى انا شرحته)
اتمنى الكلام ده يكون فيه إفادة - وبالتوفيق للكل (وأي استفسار انا تحت أمركوا)
ورحلة سعيدة مقدماً