B
Bahaa Allam
:: مسافر ::
رحلتي الى ماليزيا من 22 يناير الى 30 يناير 2016
ملخص اليوم الاول - ماليزيا ( 1 )
وصلت المطار طبعا ما كانت فاتتني الرحلة الاولى فخدت اللي بعدها و بعد يوم تعب في الشغل فاضطريت انام في مطار دبي 5 ساعات لحد الرحلة التانية .. المهم طلعت من دبي وصلت كوالالمبور الساعة 1:30 الضهر ( ودي حاجة مش كويسة ) دور دايما عالرحلة اللي بتوصل الصبح عشان تنظم نفسك و تبدأ رحلتك ..
طبعا أنا مكنتش حاجز اي فنادق و لا اي حاجة ..
المهم دخلت المطار .. و هناك الدنيا ضياع محدش بيدلك علىةحاجة ومفيش اشارات و الناس مبتعرفش انجليزي .. ( فيه كتير بيعرفوا عربي ) ..
المهم .. مشيت ووصلت اشتريت خط للموبايل بانترنت 2 جيجابايت و دفعت 39 رنجيت (حوالي 36 درهم ) .. النت هنا حلو و سريع جدا و التغطية ممتازة في شبكة (سيلكوم celcom ) ..
خدت القطار من المطار لحد محطة KLCC sentral و دي محطة مهمة للحركة لاي مكان و كمان فيها كل شركات السياحة .. الرحلة من المطار بتكلف 55 رنجيت ( ودي اغلى حاجة بعد كده القطار رخيص جدا ) .. من هناك خدت قطار تاني لمحطة ( pasar seni ) .. و دي جنب ال central market و Chinatown و قريبة من كل مكان عايز تزوره متوفر جنبها كل انواع الاكل و المواصلات و بارخص الأسعار فهيا مكان مناسب للاقامة الرخيصة و المتوسطة .. الرحلة كلفتني 1.30 رنجيت
ملخص اليوم الأول - ماليزيا (2)
طبعا كنت حطيت الشنطة و غيرت و جهزت انزل .. و كالعادة و زي سريلانكا لخبطة الشوارع اللي هتموتني يوما ما دي اليمين شمال و الشمال يمين ... ابص يمين فاضي اعدي الاقي السيارة جاية من الشمال . ..
المهم .. قلت ابدأ لفتي من عند ابراج بتروناس .. و بما ان فندقي بيعدي فوقيه القطار فكان احسن اختيار طبعا .. 4 محطات بالضبط و كنت هناك و التكلفة 2:10 رنجت ..
طبعا ابراج بتروناس فكرتها كلها معدتش مهمة لان كان اهميته لما كان اعلى برج في العالم .. لكن يظل هو صاحب الامتياز .. هتلاقي هناك الجو اشبه ببرج خليفة نافورة راقصة و مول و برج عالي .. باستثناء انهم برجين مع طابع صيني هندي ..
قبل ما روح عالبرجين لفيت في مول قصاده شوية و هناك محل زي H&M واخد حقه اوي ..
المهم حجزت زيارة البرجين عالساعة 8:15 و كان لسة بدري .. فقعدت الف شوية في المول بتاعه KLCC Suria ..
المول حلو الصراحة و شبه مولات الامارات اوي ..
رجعت البرجين و طلعنا .. بيطلعنا مبدئيا الدور 46 اظن اللي هو فيه الجسر الواصل بين البرجين و الجسر ده -للعلم - مش متصل اتصال كامل بالاسمنت من الناحيتين .. بمعنى انك و انت عليه هتحس بهوا من اماكن الالتحام بالمبنيين .. و بيتحرك مع الهوا الجامد .. و تم اختباره على سرعات هوا عالية و متخافوش لو وقع يبقى قضاء و قدر .. بنعد هناك 10 دقايق و بعد كده نطلع على الدور الاخير 86 عشان نشوف المدينة من فوق .. مفيش حاجة مميزة اوي هناك غير الشاشة اللي بتحط قدامها التذكرة ناحية الباركود و بتطلع اشكال البرجين و معلومات عنهم .. 15 دقيقة و ينادوا على لون حامل الزيارة اللي معاك و يلا انزل .. صراحة 15 كتير .. روحوا برج كوالالمبور فيه فوق مطعم دوار هيكون الذ ..الزيارة تكلفتها 85 رنجت ..
خلصت زيارة البرج و طلعت منه الاقي في وشي ايه يا جماعة .. بتاع الدرة و بينادي بالعربي بقى .. اسيبه ؟ لا طبعا خدت منه درة و اتصورت معاه و اتكلمت معاه .. طبعا هو ماليزي ..
الجميل في المولات اللي هناك هتلاقي على باب المول و انت داخل حاجة اشبه بصندوق الزبالة كده ده عشان تحط فيه مظلة المطر قبل ما تدخل ( الدنيا هناك بتمطر كتير و مطر جامد بس درجة الحرارة بتكون 30 او 28 فمتعة جدا ) ..
كده انا خلصت هناك. . قلت ارجع من حيث أتيت. . خدت القطر و رجعت و لقيت مطعم في وشي و كاتب بسم الله الرحمن الرحيم و كده .. دخلت كلت و قلت اطلع الفندق .. اريح شوية و انزل تاني ..
يتبع
ملخص اليوم الاول - ماليزيا ( 3 )
اخر بوست عن اليوم الاول و هتكلم فيه عن نقطتين بس و بسرعة ..
النقطة الاولى اني بعد ما رحت الفندق بالليل و برغم التعب مجاليش نوم خالص .. قلت انزل اشوف حاجة اعملها و حلاوة المنطقة اللي ساكن فيها انها مليانة اماكن شغالة 24 ساعة زي محلات ( 7eleven ) و ( KK ) اللي منتشرين اكتر من الهوا نفسه .. المهم سألت فين اروح دلوقتي قالولي - كالعادة للاسف - البارات و الملاهي الليلية .. قلتلهم لا مش اهتمامي عايز اماكن تانية. . قالولي يبقى شارع العرب .. قلت قشطة جدا ..
طبعا هو اسمه الحقيقي ( Bukit Pentang ) و يطلق عليها مجازا شارع العرب من كتر العرب اللي فيه و المحلات والمطاعم العربية و المملوكة لعرب .. و للاسف انه اسمه كده لانه فيه كل وساخة الدنيا بمعنى الكلمة .. و هتشوف العرب في الشارع في اسوأ حالاتهم في منظر يخليك تأسف علىينا و تعرف احنا ليه متأخرين ..
بعيدا عن ده الشارع فعلا و المنطقة عموما من المناطق النضيفة و الراقية نوعا ما ..
النقطة التانية هي الناس في ماليزيا .. زي اي مكان هتلاقي الكويس و الوحش .. بس بشكل عام افضل معاملة هتاخدها من الصينيين و اسوأ معاملة من المالاي .. المسألة العرقية واضحة جدا في ماليزيا سواء بالشكل او بالتعاملات او حتى بكلام الناس رغم حذرهم في عدم التطرق للنقطة دي ..
البلد الى حد ما أمان و تقدر تمشي بيها لوحدك بس خد بالك .. لأن فيه تحذيرات كتير في الشوارع من النشالين و تحذيرات كتيير بقى من سلبيات تانية ..
ملخص زيارة ماليزيا - 4
كوالالمبور و لنكاوي ..
اولا ..
في كوالالمبور خصوصا اختار مكان تسكن فيه يكون قريب من كل مكان و الحركة منه سهله. .
انا مثلا كنت مقيم في فندق اسمه ( Geo Hotel ) والفندق ده مقابل ال ( Central Market ) و جنب الحي الصيني و قريب بمسافة مشي من معالم كتير هذكرها بالترتيب .. و الاهم من ده كله انه مباشرة تحت سلم محطة قطار ( Pasar Seni ) .. الفندق نضيف و سعره حلو على (Booking ) لو حجزت من بدري ..
عشان تستغل وقتك حاول انك تبدأ رحلة اول يوم من بدري .. و بما انك في منطقة حيوية فهتلاقي مطاعم كتير و محلات رخيصة و اكل حلو و فاتحين 24 ساعة فمش مشكلة .. ابدأ بالترتيب من عند جامع كوالالمبور الوطني .. اطلع منه على حديقة الطيور و الفراشات لو بتحب الحاجات دي .. تكلفة التذاكر بتكون حوالي 22 رنجت .. و دي كلها ممكن تاخدها مشي مش محتاج تركب و اديك بتتفرج على معالم البلد و انت بتلف ..
و انت راجع لف و ارجع من عند جامع جاميك اقدم جامع في ماليزيا و من عنده كمل على متحف النسيج هيعجبك اوي و الدخول مجاني من غير اي فلوس .. بعد متحف النسيج بكم خطوة فيه متحف ( Galleri Kuala Lumpur ) و ده الدخول فيه ب 5 رنجت و بتشرب بيهم حاجة في نهاية اللفة بتاعتك .. يعني ببلاش فعليا .. المتحف ده فيه تاريخ كوالالمبور و بتختم بقاعة فيها اكبر مجسم للمدينة مش حاليا بس لكن في المستقبل مع عرض ضوئي جميل جدا .. لما تخلص هتعدي على شوية مباني حلوة و هتلاقي نفسك في الحي الصيني. . اتمشى براحتك و عيش حياتك و اتسوق بأرخص الاسعار لو انت من النوع اللي بتحب شغل التقليد بشكل عام و فيه كل حاجة و الاسعار رخيصة بجد سواء بضاعة او اكل و فاصل براحتك كمان ..
و انت راجع الفندق عدي على ( central market ) اتفرج و اشتري لو تحب و ممكن تطلع الدور التاني و تدخل متحف ال 3D متنساش و انت خارج تعدي تعمل ( fish apa ) ب 10 رنجت لمدة 15 دقيقة ..
اللفة دي كلها هتاخد منك اقل من نص يوم .. يعني لو بدات من 8 الصبح هتلاقي نفسك مخلص على الساعة 4 العصر بالكتير .. و كده لسة باقي عندك نص يوم .. روح الفندق ريح ساعة و نكمل في البوست اللي جاي ..
اسيبكم مع الصور
ملخص زيارة ماليزيا - 5
بعد يا سيدي ما روحت الفندق و ريحت و غيرت انزل تاني ..
ممكن تطلع على منطقة ابراج بتروناس و دي رحلة سهلة جدا ممكن تطلعها بالقطار و ممكن اتوبيس بس القطار دايما أسرع.. و تكلفتهمش هتزيد عن 3 رنجت حسب المحطة اللي انت فيها .. (راجع اول بوست ملخص ) ..
اليوم اللي بعده ممكن تطلع الصبح بدري على Batu Cave و بعد ما تخلص اطلع على العاصمة الادارية و اجر تاكسي من عالكاونتر هتدفع 80 رنجت و تلف المدينة كلها في ساعتين و اتصور براحتك ..
وباقي الايام شوف انت بقى بتحب ايه .. عندك اماكن كتير للزيارة بس معظمها برة العاصمة بس تستاهل ..
من الاماكن دي .. ( Genting ) و هتبقى فوق قمة هضبة و تلفريك و منظر حلو و بعيدة عن المدينة حوالي ساعة ..
الاجمل كمان انك تزور ( Cameron Highlands ) و دي جمال فوق الوصف و جبل ارتفاعه حوالي 3500 متر .. مش هتندم و ممكن تقضي ليلة فوق .. فيه فنادق متاحة ..
بالنسبة للمواصلات هناك فتكلفة محطات القطار بتبدأ من 1.30 رنجت و اغلى حاجة هيا تذكرة المطار و دي تكلفتها 55 رنجت و في كذا خط قطار LRT و KLIA Expres و الاخير ده اللي بيروح المطار بس ..
الاتوبيسات ارخص كمان من القطار و حسب الاماكن بس بياخد وقت اطول شوية ..
ملاحظات سريعة عن ماليزيا ..
1- الشعب الماليزي و خاصة المالاي لما بيعرفوا انك عربي بيحاولوا يتكلموا معاك بالعربية الفصحى فبتكون فرصة حلوة للممارسة رغم المعاناة و انك هتضطر تخلطها بكلمات انجليزي لعدم فهمهم الكامل للعربي ..
2- في ماليزيا هتلاقي المعنى الحقيقي للبنات اللي بتلبس حجاب .. نادرا لما تلاقي واحدة بتلف طرحة .. هو حجاب جاهز ملفوف و متخيط و البس علطول .. تختلف الاشكال و التصاميم بس ..
3 - حاجة غريبة جدا لاحظتها في المساجد و الكبيرة خصوصا ..
النساء هناك بيصلوا في صفوف خلف الرجال بمسافة و لكن دون ساتر .. يعني الاتنين مع بعض في نفس المكان .. ( صورة في الاسفل )
4 - الشيوخ و ائمة المساجد و الخطباء هتلاقيهم ناس كوول اوي و مش هتعرف اصلا انهم دي شغلتهم لو شفتهم في الشارع الا لو قالولك .. هتلاقيهم ببنطلونات و قمصان او تي شيرتات ستايل و شنطة على ضهره و ماشي مبتسم كده و بيتعامل بطريقة لذيذة زي اي شاب .. اتصاحبت على كذا واحد كده ..
5 - المساجد كتيرة اوي هنا ..
6- في كوالالمبور 24 ساعة هتلاقي في محلات و مطاعم فاتحة و خاصة في المنطقة المحيطة بالحي الصيني و شارع العرب ..
7- ماليزيا بلد منظمة الى حد ما .. نضيفة شوارعها مش هتلاقي اكوام زبالة في اي حتة الا فيما ندر و هتكون منطقة مستخبية ..
8 - سواقين التاكسي بتنططوا و تركب معاه ميرضاش يشغل العداد و يقولك هاخد كذا .. متركبش معاه و شوف غيره .. وافضل حل اركب مع خدمة Uber .. دايما اسهل و افضل ..
9- وسائل المواصلات العامة تغطي البلد كلها بشكل حلو اوي و هتعرف هتوصل كل مكان في كم دقيقة قبل ما تطلع. . شبكة مواصلات متكاملة رائعة بصراحة. . قطارات ، حافلات ، سيارات اجرة ..
10 - ماليزيا بشكل عام اشبه بمصر بس بعد ما تخلصت من سلبيات كتيير جدا .. ولو الحكومة سابت الحبل عالغارب للشعب هيخربها برده .. الشعب هنا لسة محتاج وقت عشان يدرك التغيير اللي حصل و انه لازم يبقى ليه دور فيه وده بدأ يحصل بس ببطئ
11 - خدمة النت السريعة هنا فعلا سريعة جدا .. جدا .. و انا اللي كنت فاكر في الامارات سريع.. و خدمات الاتصالات هنا اكتر و احلى و ارخص كتيييييير .. الانترنت للاستخدام العادي زي الواتساب و الفيسبوك مجاني على اي خط طالما صلاحيته شغالة و بيكون انترنت سرعة فائقة بالليل مجانا .. الباقات رخيصة و منها ب 30 رنجت هتاخد 1.5 جيجا بايت و 75 دقيقة مكالمات و زيهم رسايل ..لمدة شهر ..
12- حاجة لاحظتها في كل الفنادق .. الصبح اللي بيشتغلوا بنات و بالليل رجالة .. مفيش بنات بتكون شغالة بالليل ..
** نقاط مضافة -
13- الشعب الماليزي مش غني .. ونسبة كبيرة منه فقراء .. و كمان متوسط الدخل عندهم مش عالي اوي ..
14- حوالي 90% من السيارات اللي هتشوفها في الشارع من نوع Proton ماليزية الصناعة ..
15 - جواز السفر الماليزي تاسع اقوى جواز سفر في العالم من حيث عدد الدول المسموح دخولها من دون تأشيرة دخول ( فيزا ) او بتأشيرة عند الوصول - 163 دولة متضمنة امريكا و الاتحاد الاوروبي ..
16 - بالرغم من قوة الجواز الماليزي الا ان كتير من الماليزيين ييتنازلوا عن الجنسية للحصول على جنسيات اخرى رغبة في اوضاع معيشية افضل ..
17 - لا يمكن الحصول على الجنسية الماليزية الا اذا كان احد الوالدين ماليزي .. أمافي حالة الزواج فيمكن الحصول على اقامة و يتمتع صاحبها بنفس مزايا السفر للزوج او الزوجة ..
18 - السياحة تمثل جزء كبير من دخل البلد .. و جزء كبير من دخل السياحة معتمد على الدعارة و الخمور .. لدرجة ان مش بيصدقوا انك مش عايز لا دي ولا دي ..
19 - المشروبات الكحولية متاحة في كل مكان و فيه اماكن بتبيع خمور محلية رخيصة كمان .. انتشار الخمور بيخلي اي حد بيستغرب انك مش بتشرب ..
#بهاء_علام
#رحلتي_الى_ماليزيا
#سافر_معايا
ملخص اليوم الاول - ماليزيا ( 1 )
وصلت المطار طبعا ما كانت فاتتني الرحلة الاولى فخدت اللي بعدها و بعد يوم تعب في الشغل فاضطريت انام في مطار دبي 5 ساعات لحد الرحلة التانية .. المهم طلعت من دبي وصلت كوالالمبور الساعة 1:30 الضهر ( ودي حاجة مش كويسة ) دور دايما عالرحلة اللي بتوصل الصبح عشان تنظم نفسك و تبدأ رحلتك ..
طبعا أنا مكنتش حاجز اي فنادق و لا اي حاجة ..
المهم دخلت المطار .. و هناك الدنيا ضياع محدش بيدلك علىةحاجة ومفيش اشارات و الناس مبتعرفش انجليزي .. ( فيه كتير بيعرفوا عربي ) ..
المهم .. مشيت ووصلت اشتريت خط للموبايل بانترنت 2 جيجابايت و دفعت 39 رنجيت (حوالي 36 درهم ) .. النت هنا حلو و سريع جدا و التغطية ممتازة في شبكة (سيلكوم celcom ) ..
خدت القطار من المطار لحد محطة KLCC sentral و دي محطة مهمة للحركة لاي مكان و كمان فيها كل شركات السياحة .. الرحلة من المطار بتكلف 55 رنجيت ( ودي اغلى حاجة بعد كده القطار رخيص جدا ) .. من هناك خدت قطار تاني لمحطة ( pasar seni ) .. و دي جنب ال central market و Chinatown و قريبة من كل مكان عايز تزوره متوفر جنبها كل انواع الاكل و المواصلات و بارخص الأسعار فهيا مكان مناسب للاقامة الرخيصة و المتوسطة .. الرحلة كلفتني 1.30 رنجيت
ملخص اليوم الأول - ماليزيا (2)
طبعا كنت حطيت الشنطة و غيرت و جهزت انزل .. و كالعادة و زي سريلانكا لخبطة الشوارع اللي هتموتني يوما ما دي اليمين شمال و الشمال يمين ... ابص يمين فاضي اعدي الاقي السيارة جاية من الشمال . ..
المهم .. قلت ابدأ لفتي من عند ابراج بتروناس .. و بما ان فندقي بيعدي فوقيه القطار فكان احسن اختيار طبعا .. 4 محطات بالضبط و كنت هناك و التكلفة 2:10 رنجت ..
طبعا ابراج بتروناس فكرتها كلها معدتش مهمة لان كان اهميته لما كان اعلى برج في العالم .. لكن يظل هو صاحب الامتياز .. هتلاقي هناك الجو اشبه ببرج خليفة نافورة راقصة و مول و برج عالي .. باستثناء انهم برجين مع طابع صيني هندي ..
قبل ما روح عالبرجين لفيت في مول قصاده شوية و هناك محل زي H&M واخد حقه اوي ..
المهم حجزت زيارة البرجين عالساعة 8:15 و كان لسة بدري .. فقعدت الف شوية في المول بتاعه KLCC Suria ..
المول حلو الصراحة و شبه مولات الامارات اوي ..
رجعت البرجين و طلعنا .. بيطلعنا مبدئيا الدور 46 اظن اللي هو فيه الجسر الواصل بين البرجين و الجسر ده -للعلم - مش متصل اتصال كامل بالاسمنت من الناحيتين .. بمعنى انك و انت عليه هتحس بهوا من اماكن الالتحام بالمبنيين .. و بيتحرك مع الهوا الجامد .. و تم اختباره على سرعات هوا عالية و متخافوش لو وقع يبقى قضاء و قدر .. بنعد هناك 10 دقايق و بعد كده نطلع على الدور الاخير 86 عشان نشوف المدينة من فوق .. مفيش حاجة مميزة اوي هناك غير الشاشة اللي بتحط قدامها التذكرة ناحية الباركود و بتطلع اشكال البرجين و معلومات عنهم .. 15 دقيقة و ينادوا على لون حامل الزيارة اللي معاك و يلا انزل .. صراحة 15 كتير .. روحوا برج كوالالمبور فيه فوق مطعم دوار هيكون الذ ..الزيارة تكلفتها 85 رنجت ..
خلصت زيارة البرج و طلعت منه الاقي في وشي ايه يا جماعة .. بتاع الدرة و بينادي بالعربي بقى .. اسيبه ؟ لا طبعا خدت منه درة و اتصورت معاه و اتكلمت معاه .. طبعا هو ماليزي ..
الجميل في المولات اللي هناك هتلاقي على باب المول و انت داخل حاجة اشبه بصندوق الزبالة كده ده عشان تحط فيه مظلة المطر قبل ما تدخل ( الدنيا هناك بتمطر كتير و مطر جامد بس درجة الحرارة بتكون 30 او 28 فمتعة جدا ) ..
كده انا خلصت هناك. . قلت ارجع من حيث أتيت. . خدت القطر و رجعت و لقيت مطعم في وشي و كاتب بسم الله الرحمن الرحيم و كده .. دخلت كلت و قلت اطلع الفندق .. اريح شوية و انزل تاني ..
يتبع
ملخص اليوم الاول - ماليزيا ( 3 )
اخر بوست عن اليوم الاول و هتكلم فيه عن نقطتين بس و بسرعة ..
النقطة الاولى اني بعد ما رحت الفندق بالليل و برغم التعب مجاليش نوم خالص .. قلت انزل اشوف حاجة اعملها و حلاوة المنطقة اللي ساكن فيها انها مليانة اماكن شغالة 24 ساعة زي محلات ( 7eleven ) و ( KK ) اللي منتشرين اكتر من الهوا نفسه .. المهم سألت فين اروح دلوقتي قالولي - كالعادة للاسف - البارات و الملاهي الليلية .. قلتلهم لا مش اهتمامي عايز اماكن تانية. . قالولي يبقى شارع العرب .. قلت قشطة جدا ..
طبعا هو اسمه الحقيقي ( Bukit Pentang ) و يطلق عليها مجازا شارع العرب من كتر العرب اللي فيه و المحلات والمطاعم العربية و المملوكة لعرب .. و للاسف انه اسمه كده لانه فيه كل وساخة الدنيا بمعنى الكلمة .. و هتشوف العرب في الشارع في اسوأ حالاتهم في منظر يخليك تأسف علىينا و تعرف احنا ليه متأخرين ..
بعيدا عن ده الشارع فعلا و المنطقة عموما من المناطق النضيفة و الراقية نوعا ما ..
النقطة التانية هي الناس في ماليزيا .. زي اي مكان هتلاقي الكويس و الوحش .. بس بشكل عام افضل معاملة هتاخدها من الصينيين و اسوأ معاملة من المالاي .. المسألة العرقية واضحة جدا في ماليزيا سواء بالشكل او بالتعاملات او حتى بكلام الناس رغم حذرهم في عدم التطرق للنقطة دي ..
البلد الى حد ما أمان و تقدر تمشي بيها لوحدك بس خد بالك .. لأن فيه تحذيرات كتير في الشوارع من النشالين و تحذيرات كتيير بقى من سلبيات تانية ..
ملخص زيارة ماليزيا - 4
كوالالمبور و لنكاوي ..
اولا ..
في كوالالمبور خصوصا اختار مكان تسكن فيه يكون قريب من كل مكان و الحركة منه سهله. .
انا مثلا كنت مقيم في فندق اسمه ( Geo Hotel ) والفندق ده مقابل ال ( Central Market ) و جنب الحي الصيني و قريب بمسافة مشي من معالم كتير هذكرها بالترتيب .. و الاهم من ده كله انه مباشرة تحت سلم محطة قطار ( Pasar Seni ) .. الفندق نضيف و سعره حلو على (Booking ) لو حجزت من بدري ..
عشان تستغل وقتك حاول انك تبدأ رحلة اول يوم من بدري .. و بما انك في منطقة حيوية فهتلاقي مطاعم كتير و محلات رخيصة و اكل حلو و فاتحين 24 ساعة فمش مشكلة .. ابدأ بالترتيب من عند جامع كوالالمبور الوطني .. اطلع منه على حديقة الطيور و الفراشات لو بتحب الحاجات دي .. تكلفة التذاكر بتكون حوالي 22 رنجت .. و دي كلها ممكن تاخدها مشي مش محتاج تركب و اديك بتتفرج على معالم البلد و انت بتلف ..
و انت راجع لف و ارجع من عند جامع جاميك اقدم جامع في ماليزيا و من عنده كمل على متحف النسيج هيعجبك اوي و الدخول مجاني من غير اي فلوس .. بعد متحف النسيج بكم خطوة فيه متحف ( Galleri Kuala Lumpur ) و ده الدخول فيه ب 5 رنجت و بتشرب بيهم حاجة في نهاية اللفة بتاعتك .. يعني ببلاش فعليا .. المتحف ده فيه تاريخ كوالالمبور و بتختم بقاعة فيها اكبر مجسم للمدينة مش حاليا بس لكن في المستقبل مع عرض ضوئي جميل جدا .. لما تخلص هتعدي على شوية مباني حلوة و هتلاقي نفسك في الحي الصيني. . اتمشى براحتك و عيش حياتك و اتسوق بأرخص الاسعار لو انت من النوع اللي بتحب شغل التقليد بشكل عام و فيه كل حاجة و الاسعار رخيصة بجد سواء بضاعة او اكل و فاصل براحتك كمان ..
و انت راجع الفندق عدي على ( central market ) اتفرج و اشتري لو تحب و ممكن تطلع الدور التاني و تدخل متحف ال 3D متنساش و انت خارج تعدي تعمل ( fish apa ) ب 10 رنجت لمدة 15 دقيقة ..
اللفة دي كلها هتاخد منك اقل من نص يوم .. يعني لو بدات من 8 الصبح هتلاقي نفسك مخلص على الساعة 4 العصر بالكتير .. و كده لسة باقي عندك نص يوم .. روح الفندق ريح ساعة و نكمل في البوست اللي جاي ..
اسيبكم مع الصور
ملخص زيارة ماليزيا - 5
بعد يا سيدي ما روحت الفندق و ريحت و غيرت انزل تاني ..
ممكن تطلع على منطقة ابراج بتروناس و دي رحلة سهلة جدا ممكن تطلعها بالقطار و ممكن اتوبيس بس القطار دايما أسرع.. و تكلفتهمش هتزيد عن 3 رنجت حسب المحطة اللي انت فيها .. (راجع اول بوست ملخص ) ..
اليوم اللي بعده ممكن تطلع الصبح بدري على Batu Cave و بعد ما تخلص اطلع على العاصمة الادارية و اجر تاكسي من عالكاونتر هتدفع 80 رنجت و تلف المدينة كلها في ساعتين و اتصور براحتك ..
وباقي الايام شوف انت بقى بتحب ايه .. عندك اماكن كتير للزيارة بس معظمها برة العاصمة بس تستاهل ..
من الاماكن دي .. ( Genting ) و هتبقى فوق قمة هضبة و تلفريك و منظر حلو و بعيدة عن المدينة حوالي ساعة ..
الاجمل كمان انك تزور ( Cameron Highlands ) و دي جمال فوق الوصف و جبل ارتفاعه حوالي 3500 متر .. مش هتندم و ممكن تقضي ليلة فوق .. فيه فنادق متاحة ..
بالنسبة للمواصلات هناك فتكلفة محطات القطار بتبدأ من 1.30 رنجت و اغلى حاجة هيا تذكرة المطار و دي تكلفتها 55 رنجت و في كذا خط قطار LRT و KLIA Expres و الاخير ده اللي بيروح المطار بس ..
الاتوبيسات ارخص كمان من القطار و حسب الاماكن بس بياخد وقت اطول شوية ..
ملاحظات سريعة عن ماليزيا ..
1- الشعب الماليزي و خاصة المالاي لما بيعرفوا انك عربي بيحاولوا يتكلموا معاك بالعربية الفصحى فبتكون فرصة حلوة للممارسة رغم المعاناة و انك هتضطر تخلطها بكلمات انجليزي لعدم فهمهم الكامل للعربي ..
2- في ماليزيا هتلاقي المعنى الحقيقي للبنات اللي بتلبس حجاب .. نادرا لما تلاقي واحدة بتلف طرحة .. هو حجاب جاهز ملفوف و متخيط و البس علطول .. تختلف الاشكال و التصاميم بس ..
3 - حاجة غريبة جدا لاحظتها في المساجد و الكبيرة خصوصا ..
النساء هناك بيصلوا في صفوف خلف الرجال بمسافة و لكن دون ساتر .. يعني الاتنين مع بعض في نفس المكان .. ( صورة في الاسفل )
4 - الشيوخ و ائمة المساجد و الخطباء هتلاقيهم ناس كوول اوي و مش هتعرف اصلا انهم دي شغلتهم لو شفتهم في الشارع الا لو قالولك .. هتلاقيهم ببنطلونات و قمصان او تي شيرتات ستايل و شنطة على ضهره و ماشي مبتسم كده و بيتعامل بطريقة لذيذة زي اي شاب .. اتصاحبت على كذا واحد كده ..
5 - المساجد كتيرة اوي هنا ..
6- في كوالالمبور 24 ساعة هتلاقي في محلات و مطاعم فاتحة و خاصة في المنطقة المحيطة بالحي الصيني و شارع العرب ..
7- ماليزيا بلد منظمة الى حد ما .. نضيفة شوارعها مش هتلاقي اكوام زبالة في اي حتة الا فيما ندر و هتكون منطقة مستخبية ..
8 - سواقين التاكسي بتنططوا و تركب معاه ميرضاش يشغل العداد و يقولك هاخد كذا .. متركبش معاه و شوف غيره .. وافضل حل اركب مع خدمة Uber .. دايما اسهل و افضل ..
9- وسائل المواصلات العامة تغطي البلد كلها بشكل حلو اوي و هتعرف هتوصل كل مكان في كم دقيقة قبل ما تطلع. . شبكة مواصلات متكاملة رائعة بصراحة. . قطارات ، حافلات ، سيارات اجرة ..
10 - ماليزيا بشكل عام اشبه بمصر بس بعد ما تخلصت من سلبيات كتيير جدا .. ولو الحكومة سابت الحبل عالغارب للشعب هيخربها برده .. الشعب هنا لسة محتاج وقت عشان يدرك التغيير اللي حصل و انه لازم يبقى ليه دور فيه وده بدأ يحصل بس ببطئ
11 - خدمة النت السريعة هنا فعلا سريعة جدا .. جدا .. و انا اللي كنت فاكر في الامارات سريع.. و خدمات الاتصالات هنا اكتر و احلى و ارخص كتيييييير .. الانترنت للاستخدام العادي زي الواتساب و الفيسبوك مجاني على اي خط طالما صلاحيته شغالة و بيكون انترنت سرعة فائقة بالليل مجانا .. الباقات رخيصة و منها ب 30 رنجت هتاخد 1.5 جيجا بايت و 75 دقيقة مكالمات و زيهم رسايل ..لمدة شهر ..
12- حاجة لاحظتها في كل الفنادق .. الصبح اللي بيشتغلوا بنات و بالليل رجالة .. مفيش بنات بتكون شغالة بالليل ..
** نقاط مضافة -
13- الشعب الماليزي مش غني .. ونسبة كبيرة منه فقراء .. و كمان متوسط الدخل عندهم مش عالي اوي ..
14- حوالي 90% من السيارات اللي هتشوفها في الشارع من نوع Proton ماليزية الصناعة ..
15 - جواز السفر الماليزي تاسع اقوى جواز سفر في العالم من حيث عدد الدول المسموح دخولها من دون تأشيرة دخول ( فيزا ) او بتأشيرة عند الوصول - 163 دولة متضمنة امريكا و الاتحاد الاوروبي ..
16 - بالرغم من قوة الجواز الماليزي الا ان كتير من الماليزيين ييتنازلوا عن الجنسية للحصول على جنسيات اخرى رغبة في اوضاع معيشية افضل ..
17 - لا يمكن الحصول على الجنسية الماليزية الا اذا كان احد الوالدين ماليزي .. أمافي حالة الزواج فيمكن الحصول على اقامة و يتمتع صاحبها بنفس مزايا السفر للزوج او الزوجة ..
18 - السياحة تمثل جزء كبير من دخل البلد .. و جزء كبير من دخل السياحة معتمد على الدعارة و الخمور .. لدرجة ان مش بيصدقوا انك مش عايز لا دي ولا دي ..
19 - المشروبات الكحولية متاحة في كل مكان و فيه اماكن بتبيع خمور محلية رخيصة كمان .. انتشار الخمور بيخلي اي حد بيستغرب انك مش بتشرب ..
#بهاء_علام
#رحلتي_الى_ماليزيا
#سافر_معايا