مسابقه Traveller Experience النهارده هنبدا...

[Moutaz Mohamed]

مسابقه Traveller Experience

النهارده هنبدا باول مسابقه علي الجروب و ان شاء الله مش هتكون الاخيره و طالما اول مسابقه فلازم تكون مميزه و مفيده عشان نحافظ علي هدف الجروب و هو ان كل الناس تستفيد من خبرات بعض في مجال السفر.

جوائز المسابقه مقدمه برعايه موقع Flyin.com
و هو موقع مختص بحجز طيران و فنادق في جميع انحاء العالم و لهم مقر في القاهره.

المسابقه بتاعتنا هتكون عن افضل تقرير هيتكتب عن سفريه انت سافرتها و استمتعت بيها.

شروط المسابقه:
*التقرير المقبول هو بس الي مكتوب تحت البوست ده
*صوره شخصيه لشخص في الدوله التي تم زيارتها
*التقرير يبدا باسم البلد ثم اسم المدينه
مثال
الدوله: تايلاند
المدينه : بوكيت
*التقرير يشمل فتره الزياره و اسم الفندق باللينك بتاعه سواء من Booking او غيره
مثال
السفر كان من الفتره ٥/٤/٢٠١٦ الي الفتره الي ١٢/٤/٢٠١٦
فندق او هوستل: fanta see
لينك الحجز :www.booking/fantasee.com
*ترتيب الرحلات الداخليه
مثال
اول يوم : جزيره جيمس بوند و ديه رحله بحريه
*اماكن التسوق (اختياريه)

طبعا التقارير ممكن تتعمل عن رحلات داخل مصر زي رحلات سانت كاترين او دهب او رحلات الفيوم او سيوه او .... او..... مع كتابه اسم الفندق و الاماكن الي تم زيارتها هناك.
*في حاله اكتشاف ان التقرير غير منسوب لمتسابق و مؤخوذ من صفحات اخري فده يعتبر غش و يعتبر المتسابق خارج المنافسه.
*يحق لمتسابق المشاركه بكذا بلد و لكن في comment مختلف

البوستات المخالفه او الي ملهاش علاقه بالمسابقه زي هو ماليزيا ليها تصريح امني هيتم حزفها عشان ده بوست مسابقه فقط مش اساله.

الفائز
الفائز هيكون صاحب اكبر عدد من ال Like علي تقريره و طبعا شير البوست هيساعدك كتير في زياده ال Like

الفائز الاول هيكسب كوبون خصم من موقع Flyin بقيمه ١٠٠٠ جنيه

الفائز التاني هيكسب كوبون خصم بقيمه ٥٠٠ جنيه

بيتم تسليم المتسابق الكوبون في مقر شركه Flyin في المعادي عن طريق مدير التسويق استاذ Hossam Moharam و احد ادمنز جروب Traveller Experience

المسابقه هتبدا من 17/2 و تنتهي يوم 26/2 الساعه 23:30 مساءا
و هيتم الاعلان عن الفائز خلال يومين من انتهاء المسابقه.

#Traveller_Experience
#Flyin

 

[Medhat Mohmmed]

الدوله .. السعوديه
المدينه .. مكه
دي بقي رحله عمري وانا عندي 20 سنه كنت شغال في مكان العمل بتاعي كان موجود صوره للحرم والكعبه متعلقه علي الحيطه وكنا في رمضان وكنت بتسحر انا وزميلي في وقت الشغل وبصيت علي الصوره وقولت لصاحبي هو ممكن يجي اليوم اللي الواحد يشوف بيها الكعبه علي الحقيقه لان طبعا بالنسبه للناس اللي زينا ان العمره حلم يوم ميخدنا الطموح نشوفها في التليفزيون بس وعدت الايام لحد مجالي سفر السعوديه اني اشتغل في شركه تركيه خاصه بازياء الحوامل وكانت في الرياض وعدت شهريين بس اختبار وكنا تقريبا حوالي 12 شخص هيتوزوعو في جميع بلاد المملكه ويشاء السميع العليم ان اتاخد من ضمن المجموعه اني امسك فرع مكه مش عايز اقولكم وقت الاجتماع والمدير العام بيقولي يامدحت انت اللي رايح مكه حسيت ساعتها والله العظيم بحلم ومكنتش مصدق نفسي من الفرحه وحاسس اني طالع اعظم رحله في حياتي ...... معقوله رايح مكه واشوف الكعبه علي الحقيقه .... وفعلا روحت مكه وشوفت الحرم من بره بقيت ماشي عايز اسال الناس كلها ياجماعه هيا الكعبه فين . لحد مدخلت الساحه بتاع الحرم وشوفت الكعبه والله العظيم ياجماعه حسيت ان الواحد هيجراله حاجه ...معقوله دي الكعبه اللي الواحد بيشوفها بالتليفزيون دي غير الصور او التليفزيون خالص ووقتها اعت اعيط بطريقه عمري في حياتي معيط كده حسيت اني واقف اتحاسب بين يدي الله وحسيت قد ايه احنا صغييرين اوي ايه اللي بنعمله في الدنيا دي جشع وطمع وكل حاجه وحشه الانسان بيحط نفسه فيها عمرنا مفكرنا ايه اللي هيحصل بعد موت الانسان ..... وعشان اعرفكم قد ايه ربنا كريم كنت بتمني اعمل عمره واشوف الكعبه ولله الحمد عملت 24 عمره وحجيت بيت ربنا مرتين عشان مطولشي عليكم هيا دي رحله عمري ممكن اكون خرجت عن المسابقه بس صدقوني انا حكيت القصه دي عشان بس اعرفكم مدي حب ربنا لعبده ..... فادعوني استجب لكم .... وان رضيت بما قسمته لك تكن اغني الناس ربنا يكتبها لكل انسان يتمني يشوف الكعبه

 

[Ȝbdelmoneim Nasr]

الدولة تركيا
مده الرحلة من 21/12/2016 الي 2/2/2017
طبعا تركيا من اكتر البلاد المألوفة لكل الرحاله او الناس اللي بتحب السفر فقررت بما اني بحب السفر اخبط الطلعه دي زرت مدن كتير فيها كنت مقدم مع ايزك ف ده سهلي كتير في الإقامة هناك واللي فادني اكتر موقع /Meet and Stay with Locals All Over the World و ده انصح الناس تجربه هتسكن ببلاش و تتعرف علي ناس مختلفه نبدا الرحلة
دينزلي:
من اكبر مدن تركيا هي مدينه مش سياحيه الا كام مكان فيها اولهم التليفريك و ده في مكان اسمه باموكلي بياخدك فوق جبال تلج يا معلم و دنيا بتطلع فوق جبال و بتتزحلق و تلعب و تهيص بتنزل بباص بيوديك مكان هناك فيه عيون مياة مبتجمدش في الشتا و تزور مدينة اثرية اسمها هيروبوليس المدينة حلوة و رخيصة اخدنا منها قطر 7 ساعات و رحنا ازمير
ازمير:
سبه اسكندرية مدينه ساحلية بكورنيش كبير فيها احلي جو و احلي بنات بشهادة اهل تركيا و من وجهة نظري بعديها بساعتين قطر مكان اسمه سالتشك في كام مكان بس دخولهم بفلوس بس هي مكان يعتبر ريف و كل علاقتي به ان واحد استضفني هناك ومن هناك اخدنا باص وروحنا شرنچة
شرنچة:
دي بقي يا معلم منطقه خيال فوق جبال و كله هناك بيصنع خمرة بقي مربي كله طبيعي و طبعا المنظر خيال
اسكشهير:
ودي مشهورة هناك بالجامعات عالميا مدينة لم تكتشف للسياح بجد جميلة بس ساقعه موت روحتها عشان اركب قطر من هناك لإسطنبول و بييت فيها ليله ف شقه طالب هناك و اخدت لفه فيها بالترام
كابادوكيا:
دي مدينة اخر دلع اخدت الباص ب110 ليرة رايح جاي و قعدنا هناك ف هوستيل جوة كهف و طلعنا فوق الجبال مستنيين البالونز اللي الناس بتجيلها من كل حتة للاسف لظروف الطقس اتلغي
اسطنبول:
ازحم و أجمل و ادوش مدينه ف تركيا
كان فاضل يوم واحد قبل السفر قعدت ف هوستيل ف شارع الاستقلال جنب ميدان تكسيم اسمه paxx /Paxx Istanbul Hotel & Hostel, İstanbul, Turkey
كان لطيف بحاولي 100 جنية مصري و اخدت اليوم من اوله الباص لفاتح اطفائية و منه الترام للسلطان احمد و هايا صوفيا و بعدها الجراند بازار ثم البازار المصري اللي مفيهوش غير مصري وحيد شغال هناك... اكلنا من عربية رز بحمص و فراخ و لبن عيران ب 25 جنية مصري و كملنا السير لحد اللوسفور اكلنا سمك ب 8 ليرة و منه اخدنا رحله ساعه و نص في البوسفور ب 12 ليرة و بعدها رجعنا اتمشيت و عديت للجزء الآسيوي و رحت بشكتاش و اورتاكوي و اكلت كمبير و رجعت للهوستل تاني
الاكلات:
دروم
شيكفته-بوريك-هلوة-كمبير-ميديا-ارميك
و أخيرا تركيا مش إسطنبول بس

 

[Mohamed Refat]

الدولة ..ماليزيا
المدينة كوالالمبور
فترة الزيارة من ١٥/٥/٢٠١٥ ل ٢٢/٥٢٠١٥
اول رحلة ليا كانت برة مصر ،خدت اعفاء من الجيش و كنت مستنى التكليف بتاعى ،فقولت فرصة اسافر
كنت محتار بين ( دبى و ماليزيا و لبنان ) و الثلاثة دولة بالذات علشان كنت بدور ع بلد من غير تأشيرة او تأشيرتها سهلة علشان مكنش معايا حساب قوى ف البنك و كنت لسة مش اشتغلت ،
اختارت ماليزيا علشان ثقافة جديدة مختلفة ، بعيدة جداً عن مصر فقولت هتبقى تجربة مختلفة
مش أطول عليكوا
انا نزلت ف فندق ع موقع بوكينج اسمة لانترن (lantern ) ف الحى الصيني ف ماليزيا China town
الحقيقة فندق كان روعة وموقعة متميز (دية كانت اول سفرية فحجزت فندق بعد كدة بحجز بيت شباب او couch surfing )
طبعا علشان هى اول سفرية ف كان التخطيط مش مزبوط
لكن برنامج الرحلة
كان اليوم الاول ف شوارع كوالالمبور باستكشاف المدينة و اَهلها و طبيعة التعامل
ماليزيا زى ما قولت كتير قبل كدة من النمور الآسيوية ف هتلاقى فيها النظام و الرقى و التحضر ، هتلاقى فيها صينيون و ماليزيين و هنود وكلهم عايشين ف تعايش
انبهرت بالنظام و الرقى اكتر من اى حاجة وكتبت كتيب صغير عن تجربتى الاولى ف ماليزيا
بعد كدة بقية الأيام كان ف batu cave
ويوم ف مدينة مالاكا ال قريبة من كوالالمبور ( حوالى ساعتين بالأتوبيس و ب ١٠ رنغت ) و محطة الأتوبيس و الأتوبيس نفسة كتبت فيهم كتير ف ماليزيا ،علشان ببساطة محطة الأتوبيس هناك كأنها مطار
يوم بعد كدة ف موالات ، انا مش ليا ف ال شوبينج بس فرصة تجرب انواع اكل كتير هناك ف ماليزيا ( صيني و تيوانى و هندى و ماليزيا و كوري و الخ الخ )
يوم بقى لل bird park m butter fly park
يوم صلاة الجمعة و طبعا اول الخطبة بالعربى قولت كويس افهم وبعد كدة أتكلم باللغة الملاوية ومفهمتش حاجة
طبعاروحت petronas twin tower و kl tower و central market و Bavarian و Fahrenheit مول
طبعا دية اول رحلة ف زى ما قولت كانت ينقصها الترتيب و التخطيط اكتر لكن كانت اكتر رحلة ممتعة ليا و مفيدة ليا
اول مرة اسافر بلد فرق بينها و بين اهلى ٦ ساعات .، أكلمهم ف الصبح و هما ممكن يكونوا نايمين
وسعت مدارك الشخص و خلت تحس ان الدنيا مش مصر بس و مشاكل مصر بس
الدنيا اكبر من كدة بكتير

 

[Assma HaMed]

الدولة مصر
المدينة دهب
أخيرا جه اليوم اللي هشوف فيه جزء غالي علينا 'سينا '❤
الطريق مدته حوالي 10 ساعات هتشوف فيهم اجمل الجبال و نباتات خضرا عجيبة طالعة في وسط الصحرا و انت مستمع بالطريق فجأة كمين الكامين هناك كتيرة جدا لازم يكون معاك الرقم القومي أو جواز السفر طبعا المهم الطريق ممتع ..
وصلنا دهب الجميلة ع الطريق بحر وجبال ارتحنا ساعتين و بداتا التور

أول المزارات البلو هول اللي بيسموها مقبرة الغواصين هتركب عربيات 4✖4 هتنزل بلو هول المكان ساحر بمعني الكلمة جبل و بحر وهوا نضيف جمال ع البحر ❤ كافيهات كتير

لو حابب تعمل اكتيفيتيز هتعمل Diving لازم يكون معاك شهادة للغوص , ممكن تعمل snorkeling عادي أو تركب جمال .. هتطلع الجبل تتفرج على المنظر من فوق هتشوف حدود دول ااسعودية الاردن فلسطين
في دولة تانية مش فاكراها..

بليل زورنا جبل الطويلات حيث القاعدات الدائرية البدوية والشاي بالحبق .. و الشموع ع الجبال حوالينا والسماء زخم من النجوم ✳بعدين نطلع جبل الطويلات المثير و في جزء ضيق لازم تعدي منه بجنبك .. طلوع الجبل بليل ممتع حدا
بس عير مناسب للاطفاللازم كمان تلبسوا كوتشي مريح ولبس مريح عموما في طلوع الجبل ده .

بعد كده عندنا زيارة ثري بولز مكان في منتهي الجمال ممكن تعمل نفسي الاكتيفتي البحرية و تشوف الشعب المرجانية والكائنات البحيرة الجميلة و تشوف ابداع الله في الكون

و ممكن كمان تعمل سفاري على وقت الغروب أو الشروق
وطبعا هتزور الممشي السياحي كله كافيهات و مطاعم ع البحر وبازارات و كمان اهل البلد بيبيعوا فيه خامات هاند ميد زي المدليات و الشيلات والطواقي .. اشتروا منهم وخلي معاكم ذكري حلوة تفكركم بالمكان ❤

دهب لو عايز تستجم روح دهب لو عايز اكتيفيتز بحرية يبقى دهبلو عايز تخييم دهب لو عايز تصيف في مكان مختلف صيف في دهب ❤

دمتي يا سينا في القلب ❤
Tropital Dahab Hotel
Duration:3 days '6/7/8 OCt 2016
Link :
/Tropitel Dahab Oasis Hotel | Tropitel Dahab Oasis

Thanks
#South_sainai
#this_is_egypt

 

[Faten Tawfiq]

نيبال
من ١٢/٥/٢٠١٦
ل٢١/٥/٢٠١٦
اولا احب اقولكم ان احساس اول سفرية مش ممكن يتنسي وبحذركم من الادمان بعدها ...... لو هتسافر مع حد اختار الصحبه اللي تطلع معاهم انا ربنا كرمنى بمجموعه ماشاء الله عليهم انبسطنا جدا الحمدلله

ندخل بقى على المفيد
بس متنساش خليك بسيط ومتشيلش كتير واهم حاجه حاجاتك ووتر بروف وانت ماشي استمتع بالمناظر الطبيعيه وميبقاش هدفك امتى اوصل

هتبدا تنبهر من وانت في الطيارة وشايف الجبال والمناظر قدامك وقمم الجبال معديه السحاب
نيبال بسيطه جدااا هتكتشف دا اول ما تنزل من الطيارة المطار بسيط جداااا وكنا حاسين اننا صحيناهم من النوم الفيزا في المطار ب٢٥ دولار والاجراءات بسيطه جدا بس خلى معاك صورة

الدولار ب١٠٥ روبيه
وبلاش تبدلوا من المطار

الناس عموما في كل الفتره اللي قعدنا فيها ذوق جدا وطيبين ومش بتوع مشاكل

كاتماندوا العاصمه ... الكل اجمع انها مش ممتعه ممكن تشتري منها التجهيزات اللي نقصاك اسعارها افضل
فيها monkey timple ودا بتطلع له حوالي ٣٦٠ سلمه والقرود بتكون في استقبالك تحت والتكت ب١٠٠ روبيه يعنى حوالى ١٠ جنيه
وفي ... دربار سكوير ...
بس مدخلنهوش بصراحه بس كان عباره عن مبانى اثرية وطبعا الزلزال اثر عليها شوية كان ب١٥٠ جنيه

متتوقعوش كتير في العاصمه لا نظافه ولا مناظر والاغلبيه لابسين كمامات
نزلنا في فندق كان كويس happy home
والمطعم على الروف وسط الزرع ومناظر كاتماندوا كله قدامك
الكهربا بتقطع كتير خلوا بالكم يكون معاكم باور بانك كويس ومفيش ميه سخنه
ويفضل استخدامك كله يكون ميه معدنيه حتى لغسيل الاسنان

الرحله من كاتماندوا لبوخارا حوالى ٧ ساعات وهما ٢٠٠ كيلو بس الطريق صغير. وبتمشي بطيء بس طول وانت ماشي شايف مناظر طبيعيه وجبال طبعا اللي متعود على السواقه في مصر هيزهق خلى معاك كتاب او تسمع حاجه بتحبها وتاخدها من الاخر طيران داخلى ب١٠٠ دولار

بوخارا .... احلى كتيييير من كاتماندوا

نزلنا في فندق splendid كان نظيف واحلى
برضه الكهربا بتقطع كتير
الجو احلى كتير
في اسواق كتير وانواع شاي كتير
روحنا مطعم كان اكله حلو اوى اسمه بوخارا حلال لاند وطبعا فاصلوا في الشرا من المحلات وهتتصدموا لما تلاقوهم بيقفلوا من ٩

وفي هناك شلالات وفي بحيرة بتاخد منها مركب Bahari temple دفعنا حوالي ٢٠٠ الفرد يعنى ٢٠ جنيه

بعد كده الصبح اتحركنا لNayapul علشان نبدا التريكينج خلوا بالكم في تصريح وهيطلب منكم صور

هيا بعد بوخارا بحاولى ساعه ونص
اول يوم مشينا حوالي ١٧ كيلو منهم ٣٥٠٠ سلمه
طبعا طول الطريق مناظر طبيعيه جبال وشلالات وفي الطريق بيكون في استراحات للاكل والميه والشاي عندهم اساسي طبعا
من بعد الظهر تبدا تاخد بالك من المطر وخصوصا كل ما ترتفع
اليوم دا هتطلع سلالم مكنتش تتخيل تطلع نصها في حياتك كلها
الاقامه كانت في kamala الاكل طبعا اكل بسيط هحط لكم صور له: اول يوم مشي حوالي ٦ او ٧ ساعات
: ثانى يوم ل Ghorepani
مشى حوالى ٥ ساعات وسط مناظر وجبال تحفه هتبدا تشوفsouth Annapurna
و fishtail و Dhaulagiri
قعدنا في snowland كان ظريف وفي دفايه
ثالث يوم Tadapani بدانا من ٤ الفجر الصعود حوالى ساعه سلالم علشان نلحق نشوف الشروق من انابورنا
على ارتفاع ٣٢٠٠متر
ودا اروع حاجه في الرحله وصول الهدف ومشاهده الشروق
رجعنا تانى الفندق فطرنا ونزلنا بقى نكمل يومنا العادى كان حوالى ٥ او ٦ ساعات مشي برضه ووصلنا همالايا كاقامه كان معدم جدا لكن المنظر منه كان راااااااااائع قدام الجبال تماما
خلال اليوم بتعدى وسط غابات وشلالات ومناظر حلوة اوى ولو محظوظ هينزل عليك مطر وتلج
اليوم الرابع ..... Ghandruk
بدايه النزول وسط الغابات والمناظر حلوة والمشي كان اقل وسهل ووصلنا mushrom tea house
ودا قريب من المتحف والمعبد وممكن تاخد صور تذكارية بالزى النيبالي والاقامه كان الافضل نظافه واكل
اليوم الاخير مشينا حوالي ٥ ساعات علشان نرجع Nayapul ومنها ناخد عربيه تانى لبوخارا
رجعنا لبوخارا وكلنا في المطعم نفسه وعملنا شوبنج واتحركنا الصبح بدرى لكاتماندوا .... في الطريق لكاتماندوا وقفنا للrafting
كلفنا حوالى ٣٠ دولار بالغدا وكانت تجربه حلوة جداااا
وبعد ما خلصنا الطريق لكاتماندوا كان في انيهار ووصلنا الفندق ١ بليل فخلوا بالكم علشان مواعيد المطار اعملوا حسابكم في الوقت
اصعب حاجه بجد كانوا احساس الرجوع بجد الصفاء والهدوء والمناظر والطاقه اللي كنت فيها هترجع لحياتك تانى فرق شاسع بجد

ملحوظه
الميه كل ما ترتفع هتغلى في كاتماندوا وبوخارا مثلا ب٥ جنيه هتوصل في القمه ل١٢
وبعض الاماكن ريفل لميه مغليه بسعر اقل فالافضل تطلب معدنيه جديده
الكانز والعصير بحوالي ٢٠
الاقامه بالاكل هتكلف من ١٥ ل٢٠ دولار في اليوم
الاكل الوجبه في المتوسط ب٣٥
الشحن والنت ب١٠ جنيه

ملحوظه متتفاجئش لما تلاقي طفل ٦ سنين شايل شنطته وطالع يجري وانت مش قادر تمشي عادى دا رايح المدرسة متتصدمش هو متعود
هتنبهر لما تكتشف انك تقدر تبعد عن التكنولوجيا والموبايل واخرك تستخدم الكام اه والله مش هتموت لما تسيبهم وتعيش ببساطه
هتبهر من امكانياتك وانك تقدر تعمل حاجه مكنتش تتوقع تعملها انك تمشي ٧٠ كيلو واكتر من ٤٠٠٠ سلمه وانت اصلا لو عديت الشارع مشي او طلعت دور من غير اسانسير تحس انك انجزت هيفرق معاك كتير بجد

 

[Mohamed Alsayed]

ايطاليا
روما
يولو ٢٠١٥
السفر علي الخطوط اليونانيه ترانزيت اثينا
الرجوع علي مصر للطيران
روماااااااااااا متحف مفتوح كل خطوه فروما تستحق انك تقف وتتفرج وتتصور بدايه احنا نزلنا فشقه عند حد اتعرفنا عليه من الفيس وطبعا كان بأجر لان الناس هناك بتصرف علي نفسها فين صغير وبيعتمدو علي نفسهم
البنت الصراحه كانت زوق جدا واستنتنا فمكان وصول الباص
والمكان كان مناسب جداااا كان جمب الفاتيكان كان بيفصل بينا وبين الفاتيكان شارع
الشارع عمري ما انساه اسمه كولا دي رينزو من ارخص واحلي شوارع روما فالتسوق
زيارتنا الاولي كانت لمطعم اسمه زنزاريا
من اشهر المطاعم ومش هتصدقو انها من ابسطها
المعامله تحفه والناس تجنن
ولاننا هنموت عالبيتزا الايطالي كان اختيارنا الاول
ولاني اول مقعدت سمعت الناس كلها بتطلبها بالبطارخ فزي العبيط طلبت زيهم وكانت استغفر الله العظيم وكعيت ودفعت عالفاضي من غير ماكل
بعد معملنا نفسنا كلنا انطلقنا بقي
واتجهنا للفاتيكان
مكان عظيم
والزوار فيه بالالافك كل يوم وطبعا هتلاقو مرشدين كتيررررررر جدا واغلبهم افارقه اتعرفنا علي واحد نيجيري منهم كان عوز ينصب علينا ولما عرف اننا مصريين ضحك وقالنا الحقيقه ودخلنا لوحدنا
زرنا بعدها الكولسيوم وهو من الاماكن اللي متنفعش تزور روما ومتشفهوش لانك بتعيش فجو فيلم gladiators
المكان تحفه بس لازم تبقي حاجز اون لاين عشان متضيعيش اليوم في طابور التيكت
الزياره التاله كانت لمعبد اسمه الباناثيون
مكان جميل
وللاسف كام قافل لاننا رحنا بدري بس المكان بتاعه جميل وتحفه جداااااا
اه
ومن اهم الاماكن نافوره تريفي
فونتانا دي تريفي
الساعه بخمسه جنيه والحسابه بتحسب
وانك تدي ظهرك للنافوره وترمي الكوين اللي فجيبك وتدعي بحاجه تتمناها جو لطيف يستحق التجربه
والغريب بقي
اني اول مره افتح التليزيون فروما لقيت محمد صلاح بيمضي العقد فانتقاله من فيورنتينا لووما
كان وشنا حلو عليه
الشوبنج
الشوبنج
الشوبنج
روماااااااا ملكه الشوبنج والماركات والنظارات
وطبعااااااااا كاي حد عاقل ظبطت نفسي ريبان وبوليس وزارا وما ادراك ما زارا مول كبيررررررررر
فيه كل شي ممكن تحتاجه
ومانجو من اهم واحلي اماكن الشوبنج فروما
التنقلات فروما بالمترو والباص اسهل واحلي وارخص
بس للاسف كاي مكان فاوروبا اخر معاد تقريبا الساعه٩ بالليل
من احسن لحظاتك فروما وانت بتاكل بيتزاوبتشرب كابتشيونو
وانت بتقول برونتوووووووو
روما
عشق لا ينتهي
روما حضاره عريقه وواقع مدهش
روما

 

[Ayman Maher]

الدولة : بلجيكا
المدينة : بووم
الحدث : Tomorrowland Music Festival
تاريخ السفر : 20/7/2016 لخد 24/7/2016
ورايح تاني السنة دي في نفس التاريخ .. ودي إجابة شوية أسئلة للي عاوز يروح تومورولاند
و Tomorrowland دي إيه أصلا ؟
ده ياسيدي يعتبر اكبر EDM Festival في العالم وبيتعمل كل سنة في بلجيكا وبيحضره حوالي 180 الف شخص من كل حتة فالدنيا. فيه برده Tomorrowland بتتعمل في البرازيل وأمريكا بس مش هايتعملوا في 2017 .. ولو عاوز تشوف شكل الFestival عامل إزاي اتفرج عالفيديو ده :

مين ممكن يروح Tomorrowland ؟
أي حد ممكن يروح Tomorrowland مادام أكبر من 18 سنة وبالنسبالنا كمصريين محتاج تقدم او يكون معاك فيزا شينجن
هي معمولة إمتى السنة دي ؟
معمولة خلال 2 ويك اند السنة دي عشان يقدروا يخلوا أكبر عدد من الحضور ييجي 21-22-23 يوليو , و 28-29-30 يوليو
طب واللاين اب إيه السنة دي ؟
الفيستيفال بيبقى فيه أشهر ال Djs في العالم ومش هايكفي البوست نذكرهم وممكن تشوف اللي أعلنو عنهم لغاية النهاردة من اللنك ده : https://www.tomorrowland.com/…/…/line-up/friday-21-july-2017
مدة الفيستيفال قد إيه ؟
الفيستيفال مدته 3 أيام (جمعة سبت وحد ) والخميس دايما بيبقى فيه حاجة إسمها The Gathering وده بيكون بدخل حتة إسمها Dreamville ودي اماكن الاقامة اللي بتقدمها Tomorrowland للي عاوز يبات جنب مكان الفيستيفال علطول
أجيب التذاكر ازاي : التذاكر بتاعت 2017 اتباعت خلاص .. اه والله اتباعت كلها في نص ساعة .. وممكن تجيبها سوق سودة دلوقتي من موقع www.viagogo.com
اللي لسة عنده أسئلة يسألني في رد عالكومنت ده وانا هاجاوبه

 

[Mohamed Alsayed]

اسبانيا
برشلونه
اغسطس ٢٠١٥
السفر والرجوع علي التركيه
برشلونه اجمل مدن العالم
برشلونه الذوق الرقي الجمال النظام كل حاجه حلوه فبرشلونه
مكان الاقامه فبيت حد اتعرفنا عليه عن طريق الفيس
كنت انا مسافر من مصر وصاحبي مسافر من قطر وهنتقابل هناك فالمطار
وهنستني تاني يوم واحد صاحبنا جاي من باريس
اليوم الاول
ابهااااااار من الشوارع ونظامها
زياره لارمبلا اشهر شوارع برشلونه في كل شي اكل لبس كل شي كل شي
وفي نهايه الشارع شاطئ برشلونيتا هحكي عليه بعدين لانه حكايه لوحده
قضينها تمشيه لاننا كنا مستنين صاحبنا بتاع باريس المشكله بقي اللي تضحك انه رصيده خلص وميعرفش المكان اللي هيسكن فيه
وتهنا من بعض
واللي يضحك اكتر اننا فعز يأسنا واحنا مشيين لقيناه قاعد عالرصيف طبعاااااا كانت مفجأه وحضناه حضن مطارات
رحنا لمطعم في شارع لارمبلا لان الشارع ده فيه كذا مطعم مغربي للاكل الحلال وبصراحه البنت المغربيه اللي قابلتنا فالمطعم زوق وشياكه وجمال مشفتش فحياتي خلتني كل الايام اللي قضتها فبرشلونه كلت عندها
اليوم التاني
سبب من اهم الاسباب زيارتي لبرشلونه
الكامب نووووووووو
ميسي ميسي ميسي ميسي ميسي
قضينا هناك اليوم كامل حلم حياتي اتحقق
وطبعا كنا حجزين من القاهره
الناس جوا بتعرف تجيب الفلوس ازاي
كل شي وكل صوره ببلاش
وانت بقي خارج يانجم ادفع بقي للصور اللي انت عوزها
والمدهش اننا دخلنا كل الملعب لفنا فكل شبر
حجره الصحفيين
حجره الملابس
ممر الاعيبه
المقصوره
نزلنا الملعب نفسه
اتصورنا مع كاس اوروبا كان برشلونه لسه كسبانه من شهر
والاستور بتاع الكامب نو نفسه متعه تانيه خااااالص فيه من المج لاي حاجه انت متخيلها
اليوم التالت
كان فندق w وشاطئ برشلونيتا
منصحش اي حد يروح الشاطئ ده لانه جهنم
لدرجه
اني تخيلت ان هيحصل تسونامي واحنا قاعدين فمشينا بسرعه
وكنا حاجزين من القاهره اسكوتر بتلفي بيه فالشاطئ واماكن فبرشلونه لمده ٣ساعات كان ممتع جدااااا جدااااا جدااااا
اليوم الرابع
انتوني جاودي والحديقه بتاعته
تحفه تحفه تحفه
لازم تزورها لما تروح بس مشكلتها فمكانها والمطلع اللي لازم تطلعه فلو انت تعبان بلاش
افتكر اني قلتلك بلاش
اه نسيت التليفريك
جميل جداا جدااا بيكون عند الشاطئ بيطلعك فوق الجبل المنظر فوق مش طبيعي
وبتشوف كل جنسيات الدنيا
والشوبنج فبرشلونه جميل جدااا بس غالي شويه
واهم شي فبرشلونه انك اول متزل تشتري كارد المواصلات وتتعامل بيه
لان اي تاكسي هيبقي خراب بيوت
برشلونه تستحق
برشلونه اجمل مدن العالم

 

[Mostafa T. Mohamed]

الهند..الهيمالايا..9/2016
انت عارف ان ارخص 3 مدن ممكن تروحهم في حياتك واحلاهم اللي هنتكلم عليهم في البوست ده
طيب انت عارف انك ممكن تسافر اسبوع اقامه واكل ومواصلات وكمان تطير فوق الهيمالايا ل 20 دقيقه ب 100$ بس...لا وترجعهم كمان
البوست ده عن تجربه شخصيه في الهيمالايا في الهند <3
------------------------------------------------
انا هبدأ بمنالي في الهند.. واللي هي فيها كل الصور اللي تحت دي ما عدا اخر صوره
منالي بالنسبالي هي احلى مدينه زرتها ف حياتي اولا رخيصه جدااا مع انها سياحيه من الدرجه الاولى ثانيا فيها كل الانشطه اللي ممكن تعملها
*الاقامه فيها في اوتيل كويس جداا ب 2$ للفرد وفي الهوستيل اللي هو 3 في غرفه ب 1$
*الاكل فيها رخيص جداا برضو يعني ممكن تاكل في الوجبه ب 1-3$ على حسب اكلك
(1)
انا رحت هناك اول يوم اتشقلبنا في المكان بعد كده حجزنا تاني يوم اننا نعمل الباراجليدنج
وهو انك تطلع فوق جبل عالي جدا وهووووب تنط النطه
هتفضل طاير فوق الهيمالايا لحوالي ربع ساعه وتستمتع باحلى منظر ف حياتك
طبعا هتقولي دفعت دم قلبك هقولك مفيش الكلام ده انا كنت ركبته ب حوالي 25$ لا غير.
خلصنا اليوم ورحنا على مكان نلعب ال ziplining وهو حبل مربوط كده بين ضفتين نهر سريع جدا انت بتبقى في النص والحبل بيطلع وينزل تتبل شويه في النهر وتطلع وهكذا ودي بقى يا سيدي كانت ب 2$
(2)
تاني يوم حجزنا canyoning
دي زي ما في الصور بتطلع فوق جبال وفي شلال نازل ويربطوك بحبال وتقعد تنزل مع الشلالات دي لحد تحت قعدنا حوالي 3 ساعات بس دي منصحش بيها لاي حد علشان خطر شويه انا عن نفسي اتبهدلت وانا بعملها
(3)
اخر حاجه ممكن تعملها في منالي انك تروح حته اسمها فاشيشت دي بالباص او التوكتوك او مشي براحتك 10 دقايق من نيو منالي
هتلاقي هناك معبد هندوسي وجوه Hot springs <3
ايوه ينابيع سخنه بتدخل تقعد فيها جايه من الطبيعه بعد كده بتطلع ربع ساعه كمان بين اشجار التفاح فوق جبل وتعوم في شلال كبير وتقدر تشرب منه كمان <3
(4)
في مكان اسمه Solang valley
ده اللي انا متصور فيه وانا قاعد وجنبي بيت كبير
ده فيه تيليفريك للي حابب يجربه انا رحت هناك للتصوير بس مركبتهوش
بصو انا والله ماهما اتكلمت عن منالي مش هعرف اوصفها صح بس هي فعلا جو للي عاوز ييروح مدينه يستريح ويعمل انشطه كتير فيها وبليل يقضى سهره حلوه
---------------------------------------------
تاني مدينه اسمها داراماشالا برضو الاقامه نفس الكلام هي منطقه الجبال اعلى شويه
بتركب باص لمنطقه اسمها ماكلوجان اما بتوصل هناك ودي فيها معبد بوذي كبير اسمه الدلاي لاما وكمان فيها منطقه الشلالات اللي برضو ممكن تعوم فيه
دراماشالا منطقه جميله جداا وبتتعرف على ثقافه جديده
--------------------------------------------
ثالث مدينه هي شيملا تقدر تروح تستمتع بس هناك وتقضي وقت جميل بين الجبال مع انها نفس طبيعه منالي
-------------------------------------------------
علشان نجمع الدنيا كده اولا المواصلات في الهند عن طريق موقع redbus.com
*الاقامه للسبع ليالي 14$
*المواصلات من دلهي ل شيملا بعد كده داراماشلا بعد كده منالي راجع لدلهي 40$ على افضل اتوبيسات موجوده طبعا انت ممكن تقلل التكلفه دي للنص او اكتر
*اكلك دي بتاعتك
*الانشطه Paragliding + ziplining حوالي 30$ بس برضو لازم تفاصل
-----------------------------------------------
نصيحه للناس اللي بتحب توفر زياده بقى اشترو اي لبس من منالي شتوي الجواكت الصوف انا كنت جايبها قبل التعويم ب حوالي 50-70 جنيه ولبس حلو جداا والله
من دلهي الشورتات كانت ب 8 جنيه والله العظيم والباك باك بتاعه السفر كات ب 100 جنيه
البنات طبعا الزيوت الطبيعيه هناك مغرقه الدنيا افضل مكان في دلهي
اماكن الزيارات في دلهي هعملها بوست مخصص ليها ونخلي البوست ده للطبيعه بس

 

[Ana Ḿąher]

الدوله : المملكه العربيه السعوديه
.
المدينه : المدينه المنوره
--------------------------------------
فى ليلة أذكرها جيدا حيث كنت جالس بجوار والدتى أشكو اليها يآسى وقله حيلتى فى إيجاد فرصة عمل توفر لى حياة مستقرة وكريمة وخصوصا فى ظل الأوضاع السياسية المسيطرة على البلد من ثورة وانقلابات سياسية .
إذا تنظر والدتى للسماء متضرعة لله طالبه منه أن يفتح لى أبواب الرزق وييسر لى سبل الحياة الكريمه.
ثم توجه نظرها إلى وتخبرنى بانى سأكون من سكان المدينة المنوره وعن قريب ،،وقد جاء بذهنى ان كلامها وسيله لتخفيف الم الياس والإحباط الذى كان يعترينى...
وإذا بعد تلك الليله بيومين يأتى اتصال من أحد الأصدقاء ليخبرنى بأنه يستطيع توفير فرصه عمل والسفر للمملكة العربيه السعوديه ويخبرنى بتجهيز بعض الاوراق المطلوبة للسفر وفى أيام قليله وتيسير من الله يتم سفرى بوقت سريع ...ولكن لم أنسى دعوة والدتى ..
وبعد وصولى للمملكه واستلام عملى بالرياض بثلاثه أشهر قررت أن أقوم بزيارة مكه ،وحين روئتى للكعبه وزيارتها انتابنى شعور كان مريح بقدر لا يوصف..وحين عودتى للرياض اذا اتفاجاء بنقلى من الرياض الى المدينه المنوره وقد كانت أول سابقه لمن هم مثلى فقد كنت حديث العهد بالعمل ولا يجوز لمن هم مثلى الانتقال إلى الفروع الكبيرة للشركة التى اعمل بها..وحينها تذكرت دعوه والدتى ادام الله نعمة وجودها بحياتى ..
وبالفعل انتقل لأكون من سكان المدينه المنوره ويرزقنى الله ماكنت أشكو منه وهو سبل الحياة الكريمة والمستقرة وسط من اثنى الرسول عليهم فى محبتهم واكون بجوار المسجد النبوى......
ومن سكنى بالمدينه المنوره وتيسير سبل الحياة الكريمة..بدأت بزياره عدة أماكن من المملكة ...
وف اخر كلامي اليكم بعيد عن الموضوع
اللهم اكتب ذياره بيتك الحرام وزياره رسول الله ( ص ) لكل مسلم ومسلمه لانه بجد اكتر مكانين ف الدنيا تقدر تشعر فيهم بالامان والراحه النفسيه

 

[Marmar Eisa]

الدوله:الهند
المدينه:دلهى /اجرا/جايبور(المثلث الذهبى)
المده:14يوم
التاريخ:23/12/2016_4/1/2017 طازة
المزارات:القلعه الحمرا_مسجدجاما_بوابه الهند_قطب منار_قصرالرئيس الهندى_متحف غاندى_معندهندوسى_البرلمان الهندى_سيتى سنتر_تاج محل_chokhi dhani مكان رهيب فى جايبور_birla mandir_متحف جايبور_hawa mahal_متحف قصر المدينه_amber fort_القصر المائى
# الهند
بسم الله انا حاحكى سفريتى مع الهند سمعت كميه سلبيات عن البلد الواحده فيهم تخلى الواحد مايسافر بس كالعاده مشيت ورا احساسى وكان من اهدافى انى اروح الصين او الهند انا بعتبرها اول سفريه لان السعوديه فى خساباتى مش سفريه كانت فريضه والموضوع كان سهل جدا ...المهم سمعت قبل ماسافر ان الناس ف الهند ريحتها وحشه وان اكلهم زباله وان مافيهاش حاجه تتزار ولا مناظر حلوة الخ ...اتكلت على الله.....ندخل الهند بقى انا عملت زى الناس مع ان دى ماكنتش خططتى وزرت المثلث الذهبى وكان عندى وقت ازور اماكن تانيه بس اتصدمت ان كل مكان كان بعيد حوالى 8 ساعات واكتر وممباى كانت حوالى 22ساعه بالقطار بالتالى ماحصلش وكمان الشوبينج خدنى جامد فقررت اقضى باقى الوقت بدلهى دلعى كانت مسقط راسى كنت اسافر منها وارجع لها تانى كنت مرتاحه فيها جدا نظلت ف فندق وليس هوستيل الفرق كان بسيط الهوستيل ب450والفندق 700 بس الفندق فى خدمه وبالنسبه لى راحه لما سافرت جايبور نزلت بهوستيل بس ماكنش كويس خالص من ناحيه النظافه مع انه كان ب450 فقررت اقعد ف جايبور يومين فقط ...بالنسبه بقى لكل ايلى سمعته عن الهند قبل ماسافر عن نفسى ولا شميت ريحه وحشه ولا كلت اكل وحش ولا شىء حتى المزارات روعه كنت حسه انى جوا فيلم ولحد الان مش مصدقه انى رحت وجيت بس للامانه حصلت معايا موقف واحد خاص بالاكل والريحه الوحشه بس عاوزة اقول ان الحياه اختيارات وانت بتبقى سبب المواقف فى يوم حجزت مع شركه سياحه وطلعت مع سياح مزارات كتير كان يوم تاج محل سافرنا اجرا واحنا ف طريق العودة زرنا كذا مكان منهم نعبد دخلنا انا مافهماش حاجه من ساعه ماددخلت لحد مااستأذنت وخرجت لان ماعجبنيش الوضع انهم بيعبدوا حاجه غريبه كده وكانوا بيقوو كلام غريب وريحه كانت وحشه كنا اتوبيس كامل كلهم قعدوا كملوا بس انا خرجت وطلعت الاتزبيس انتظرتهم وكان ف الاتزبيس بعض الهنديات مانزلوش اصلا شكلهم فاهمين تانى موقف فى يوم رحت سيليكت مول دا زى سيتى ستارز بس على اكبر بكتيررر وفيه كل المطاعم المغروفه فطلب تشيكن بس ماطلعش تشيكن ماعلينا وده اليوم الوحيد ايلى جالى مغص ومعداى لم تتقبل الشىء ايلى اكلته ايلى انا عرفته ....لكن غير كده اكلهم تحفه انواع العيش انواع الفراخ التندورى والبريانى ايلى باكلهم ف سيتى ستارز انواع مكرونات ببهارات وشطه تحفه عصير القصب والموز ايلى ريحته فجه ماشاء الله الفاكهه خلوة اوى ...اه ملحوظه بمناسبه الشطه كل مكان رحته بيسالنى عاوظة بشطه ولامن غير بصوا هو ايلى من غير شطه زى الاكل ايلى بشطه عندنا فططبعا طبعا لازم تطلب بدةن شطه حتى لو بتحب الاكل مشطشط اخر حاجه الشوبينج والناس دايما تسال على التكلفه والماديات باختصار لو بتعرف تقتصد 300دولار يكفوك لكن لو حد ايده مخرومه زيى يبقى 500دولار فل اوى ..الهند تشتهر بالتوابل والشطه والشنط الهاندميد ولقيت موببلات حلوة بس مش الانواع بتاعتنا شواحن وباوربانج اصلى made in vitnam السارى بقى ايوا بقى للبنوتات ...ملحوظه ماتشتريش حاجه من قلعه او من مزار بتبقى غاليه حاتلاقيها فى الاسواق ارخص بكتير وطبعا الفصال علشان هما بيفتكرونا راكبين الفيل يعنى اشتريت شنطه سفر قالى 4500 خدتها ب1500وعرفت ان اتضحك عليا كمانفاصل فاصل فاصل https://www.booking.com/directions.en-gb.html?hotel_id=239754
دى صوره من رحلتى للهند كنت بحاول اطلع هنديه فى الاخر لقيتنى شعبان عبدالرحيم استايل

 

[Mario Samir]

النمسا
ڤيينا
( الصورة من رحلة الي northeasternmost )
من ٣ فبراير الي ٨ فبراير
الاقامة couchsurfing
٥ فبراير قمت بزيارة northeasternmost و هي مدينة في النمسا كلها جبال ، المكان يبعد ساعتين و نص من ڤيينا
٦ فبراير قمت بزيارة hallstatt و دي مدينة بها جبال الالب ، المكان يبعد ٣ ساعات و نص من ڤيينا

 

[Basma Mahmoud]

الدولة : تايلاند
المدينة : بوكيت
انا بسمة 19 سنة لسه طالبة سافرت لوحدي تايلاند (بوكيت ) 5 تيام
اولا : اجراءات فيزا تايلاند ( سهلة اووووووووووووووي )
1-كشف حساب بنك لاخر سته شهور اخره 10000 جنية و يكون عليه حركة سحب و ايداع
2-صورة شخصية 4*6 خلفية بيضا
3-حجز فندق مبدئي
4-حجز طيران مبدئي
5-تصور كل الورق و الباسبور صوره
6- 300 جنية
7-شهادة قيد من الكلية و ترجميها عند اي مكتب ترجمه ( انا ترجمت في مكتب نعمه للترجمه في شارع قصصر النيل ب 50 جنية )
و تروحو السفاره قدام قسم الدقي في الجيزة

ثانيا : برنامج الرحلة:
اول يوم :وصلت بانكوك (مطار Suvarnabhumi) الساعة 10 الصبح تقريبا كنت حاجزة طيارة تانيه لبوكيت في نفس اليوم الساعة 3 العصر بس من مطار الداخلي ( مطار amari don muang) اخدت اتوبيس مجانا بيوصل بين المطارين اسمه (shuttle bus)
اول لما وصلت سحبت فلوس منatm (.كنت بستخدم كارت debit بنك اهلي ) علشان ماحولتيش دولارات من مطار السعر بيكون اقل من بره كتير
وصلت بوكيت الساعه 4 و نص تقريبا من المطار في ميني باص بتديلوه العنوان بتاع الاوتيل بتاعك بيوصلك ( 180 بات للفرد)
وصلت الفندق بتاعي فندق تحففففة بجد نظيف مكانه قريب اوي من كل حاجة الفندق كان في منطقة patong beach اسمه phunara ب 400 بات في اليوم الاوضة دبل و 300 بات اوضة سنجل ( صوره موجودة تحت )
اول يوم كان ضايع بالنسبالي الصبح نزلت بالليل مول (jungceylon ) و لفيت في الشارع (bangla road) و طبعا كنت جعانه جدا اول لما وصلت كان معايا تونة من مصر قامت بالواجب اول يوم و حجزت رحلة تاني يوم و اشتريت (cover waterproof) ب 50 بات من اي محل في السوق هينفعك كتير في كل رحلات المية و جبت (rainning coat ) ب 50 بات علشان لو الدنيا مطرت خليهم معاك في الشنطة علي طول اليوم

-تاني يوم :الصبح الميني باص بيجي ياخد من الفندق الساعة 8 الصبح روحت (phi phi island ) ب 1800 بات علشان كنت واخده مركب سريع ركبنا ( البسو مايوة تحت الهدوم و معاكي فوطة ) اول حاجة في الرحلة هتنزلو تعمله (snorking ) في وسط الشعب المرجانية و سمك الملون حاجة فوق الخيال كدة و بعدين هتوصله علي الجزيرة هينزلكو الغدا و بعد الاكل هتلفو شويه في الجزيرة و هتتحركو تاني بالمركب لجزيرة تانيه اسمها (maya bai ) بنلف شويه يجي ساعه برضوة و بعدين بننزل تاني لجزيرة مش فاكره اسمها نعقد ساعتين تقريبا اللي عايز يركب بانانا بوت ب 500 بات و البيتش باجي ب 1000 بات ( الحاجات ديه موجوده في باتونغ بتيش برضوة الاسعار موجودة في الصور تحت ) و اللي عايز يعقد علي رملة بيعقد و ناس بتاجر كرسي علي ميه تحت شمسية ب 100 بات و ينزلو الميه
سؤال مشهور : هنسيب شنطتنا و فلوسنا فين سيبها في المركب لو نازل سنوركينج عادي و انت علي الشط لو ناوي تنزل المية بلاش تاخدهم معاك سيبهم في المركب مش ناوي خدهم معاك و حط الموبايل في كفر اللي قولنا عليه المهم
نصيحة: قبل ماتركب المركب هيقولولك اجر زعانف اللي بتتلبس في الرجل ديه علشان الشعب المرجانيه و بتاع ديه اشتغاله محديش ياجره ب 200 بات علي الفاضي
و هترجع الفندق تاني علي 6 المغرب ريحت شويه و نزلت تاني لفيت في السوق و كلت فاكهه كتيير في حدود 100 بات و الكريب و الايس كريم كل دة لازم تجربه بجد تحففه

-تالت يوم روحت رحلة (rafting ) ب1600 بات برضوة بتيجي عربية
تاخد 8 الصبح من الفندق و تروحه الاول كهف كدة في قرود و تصوره و تروحه مكان الرافتينج بعد كده
نصيحة : و انتو رايحين خده لبس تاني معاكو زياده لبس كامل من كله حاجة بالداخلي كمان لانكو بتتغرقو مايه في الاول جامد و بعدين بقيت الرحله ناشفة و بتحطو شنطتكو و الفلوس في لوكر كدة و معاك المفتاح متخافوش
هتروحو الاول (ziplining ) و بعدين بينزلك الرافتينج في النهر و ترجعو تغيره هدومكو و تاكلو و بعدين ترووحو تركبه الفيل و بعده البتيش باجي و ترجعو العربيه و تروحو خلاص علي الساعه 5 تقريبا تريحو شويه و
تنزلو برضوة تلفو لو عايزين تروحو مول اسمه (central festival ) لو حد حابب يعمل شوبينج اسعاره حلوة اووي تروحو بتاكسي او توكتوك او موتسيكل لو بتعرفو تسوقه متوسط المبلغ رايح جاي بالتاكسي 800 بات لو توكتوك 600 بات و موتسيكل تاجيره اليوم كله ب 200 بات
( نصيحه اتعلمو سواقة العجل ضروري هتوفرلكو فلوس كتير اووووووي اللي عايز يتعلم يقولولي ممكن اساعده اعرف مكان بيعلم عجل في قاهره و اسكندرية )

-رابع يوم: ممكن تروحو (james bond island ) ب 1600 بات برضوة طول اليوم بتروحو الجزيرة تتصوره و تاكلو و بتركب مركب في البحر كدة بتجدفه فيه و تدخلو جوه كهوف و كدة و بيرجعكو علي 6 المغرب برضوة
و نزلت بالليل اجيب شويه حاجات من السوق ذكري من البلد افيال و تيشرت و حاجات كدة متوسط الاسعار للحاجات ديه حوالي 150 بات

-خامس يوم : كان معايا بنات من الجروب هنا اخدنا تاكسي و اتقسمنا فيه اخد طول اليوم 1000 بات
روحنا اول حاجة بيت مقلوب هناك كدة اسمه (teelanka baan) ب 350 بات كل العفش فيه ملزوق في السقف و شكله تحففه في الصور
و جمبه ( اوتليت ) دة فيه محلات لكل الماركات المعروفه باسعار مش رخيصة اوي بس اقل من مصر دة للناس اللي بتحب الشوبينج
و بعدين روحنا معبد مشهور هناك اوي اسمه (wat chalong ) ببلاش
و بعدين روحنا اعلي مكان في بوكيت بتشوف البلد كلها من فوق تحففة اسمه ( Ranghill)
و ممكن تروحه قبل دة كله ( caron beach ) حلو اووي و الفيو من هناك خرافه و لو حابين تنزلو الميه خده مايوة بقي و كدة

#البنت_بتاعت_الفيل #الصغنونة

 

[Nabila Hunny]

الدولة:الأردن
المدن:عمان،جرش،عجلون،البترا،وادي رم،البحر الميت
المدة:
من 08 ل 13 فبراير 2017
التأشيرة:
أخذتها من سفارة الأردن بالرباط من فترة بعدما اتصلت بهم.
و اول سؤال طرحوه علي:كم عمرك؟
و لأني سني بالنسبة لهم مقبول.
احتجت أقدم فقط:شهادة العمل+جواز السفر +صورتين.
طبعت لي التأشيرة مجانا على جواز سفري صالحة لمدة شهر و دخول واحد فقط.
-الحجز:
عملت حجز على فندق نهر الأردن على booking
لأني قرات هنا أنه سيطلب مني في المطار.
و لغيته بعد ذلك.
-الأقامة:
سعدت باستضافتي عند العزيزة Emy Attili
عبر موقع الكاوشسورفينغ.
قدمت لبيتها كضيفة و غادرت كاخت و فرد من العائلة.
-استفدت من تقرير Ayman Maart
و من لقاءاتنا في مصر فكان ايمن نعم الأخ و السند لي طول مدة الرحلة و يطمئن علي هناك.

-العملة:الدينار الأردني
خذ بالك في المطار بياخذو عمولة كبيرة جدا.
لو حتصرف 100 دولار حياخذوا منها 10 دولارات.فبلاش تصرف مبلغ كبير.
-الطيران:
حجزت باكدج من شركة سياحة في الرباط شامل للطيرات كازا-القاهرة
القاهرة-عمان
عمان-القاهرة
القاهرة -كازا
8600 درهم
حوالي 850 دولار

-مدة الرحلة:من القاهرة ساعة وربع

-الدينار الأردني غالي.
دولار=70 قرش
و سعر الصرف يتغير على حسب المبلغ المراد صرفه

-الجو:مشمس و بارد.
و في أخر يوم مطر.

-الانتقال من المطار لعمان مضمون من خلال باصات.
ثمنها:2،90
دينار.
تظل لغاية نص الليل.
تاخذك للمجمع الشمالي و من هناك تمشي لأي مكان.

-وصلت بالليل.
-ثاني يوم ا رتحت و طلعت مع أماني فسحتني فرحنا لمنطقة عبدون
و المول
و شارع الرمبو
و عزمتني علىالكنافة النابلسية عند حبيبة.
فذقت الكنافة الحقيقية مش الكنافة اللي بيبوعها لنا في المطاعم السورية في الرباط على انها نابلسية!
و رحنا على شركة سياحية.حجزت لرحلة البترا و واد رم.
شركة المواكب.
الرحلة ب 15 دينار
شاملة للمواصلا ت و التأطير مع عشا و سهرة ديجي

-اليوم الثالث:
التجمع الساعة 06صباحا من قدام مخابز السفراء.
الانطلاق نحو البترا.
الوصول الساعة 10.
في شباك التذاكر وريت الجواز المغربي فحجزت التذكرة بدينار واحد فقط.
في حين الغير العرب يدخلون ب 50 دينار.
شكرا لوزارة السياحة الأردنية التي تعامل العرب معاملة الأردنيين في مواقع كثيرة.
ممتنة لكم.

-زيارة البترا تستدعي لياقة بدنية و قدرة على المشي.
و طبعا ماء و قبعة ضد الشمس الحارقة مع جاكيط بسبب البرد!
بيقولو المدة ساعتين و نصف.
لكن هي تستدعي اكثر!
خرجت منها جريا للحاق بالباص الذي كان سيغادر على الواحدة.

-نزلنا للفندق للغداء(اختياري)
انا و عملا بنصيحة ايمن،أخدت معي سندويتشات.

-بعد ذلك توجهنا نحو وادي رام.
يحكى انه مذكور في القرأن الكريم.

-يحمع من عندنا الدليل مبلغ 12 دينار لزوم الدخولية 05
و الجولة بالسيارة البيكأب 07.

-يستقبلنا البدو في مدخل المخيم و نتجه نحو منطقة الرمال ثم لمنطقة اخرى لمشاهدة الغروب.

-نعود للمخيم للسهرة مع الديجي ثم العشاء

-بعد ذلك نعود لعمان.
نصل على الساعة الواحدة صباحا.

-اليوم الرابع:جرش و عجلون

اركب للمجمع الشمالي حيث الميكروباصات موجودة لجرش و عجلون.
التذكرة دينار و عشرة.
ينزلك جنب جرش.
-
الدخول للعرب بدينار.
جرش مدينة كبيرة رائعة.
حيث المسارح الرومانية الكبيرة.
بعد ذلك،أغادر للذهاب لعجلون.
اركب سيارة خاصة بدينار لعجلون و منها طاكسي بتعريفة موحدة دينار و نص.
يصعد بي للقلعة.
و هناك ايضا نعامل معاملة الاردنيين و ادفع ربع دينار للدخول.

القلعة صرح أسلامي شامخ و منها ترى فلسطين.
و لا أدري لمجرد رؤية جبال نابلس نزلت دموعي!
كيف اكون قريبة من فلسطين و لا أستطيع دخولها؟

-أعود لعجلون و منها لعمان.

-اليوم الخامس:البحر الميت.
كنت محظوظة لأن صديقة اخت أماني و هي صديقة للعائلة وافقت على أخذي للبحر الميت بسيارتها.
يقع البحر الميت على بعد ساعة بالسيارة من عمان.

منطقة من عجائب الدنيا و معجزة من معجزات الخالق!

نزلنا في منتجع عمان السياحي حيث استمتعت بالبحر و الطين.
و الرفقة الطيبة.
رسم الدخول لغير الاردنيين 12 دينار.
و فيها دوش بارد.
و لازم تاخد معك ملاية تجلس عليها.
عدنا لعمان.
نزلت جنب المسرح الروماني.
الساحة الهاشمية.
ثم طلعت لجبل القلعة.
دخلت للقلعة حيث منظر عمان من فوق تحفة!
زرت ايضا متحف الأثار هناك.
بعدها التقيت باختي الغالية اماني و نزلنا عملنا شوفينغ و شوبينغ.
فاشتريت زعتر من محل النتشة الذي نعته لي ايمن و هو مقابل مطعم هاشم.
واخذت كاب سوداء عليها طرز بالشكل التقليدي.
و عدنا للبيت.
-بالليل تعشينا "المنسف"
خضرته ست الحبايب أم أماني على شرفي.
تسلم يدها و جازاها الله عني كل خير.
المنسف هو الاكلة التقليدية الاردنية.
بالليل حضرت حالي للعودة .
ركبت الباص بعدما وصلت معايا اماني و اختها بالسيارة للمجمع الشمالي.

الأردن بلد راقي و رائع و يستحق الزيارة.

وأهم شيء لازم يكون عندك حد فيه.

و انا الحمد لله عندي فيه عيلة أماني و التي صرت فردا منها.

ممتنة جدا لصديقي و أخي أيمن على مساندته و نصائحه الذهبية.
و لأماني:اختي الغالية و عائلتها الطيبة.
و لأيمان الصديقة الخدومة المرحة.

حياكم الله!
يعطيكن العافية.

هذا تقريري عن الاردن.
تجربة حب و اخوة.
تجربة بلد وجدت فيه عائلة تحتضنني و تحسبني بنتا من بناتها.
حمدا لله.

 

[Mshmsha Salem]

السلام عليكم
الصوره دي كانت في المانيا بمدينة هانوفر
من الفتره 12/1/2017 الي 14/1/2017 وبنفس اليوم سافرت الي باريس لحد يوم 21/1/2017
كنت بزياره لمعرض هانوفر الدولي مش عارفه اكتب ايه اممم
كل اللي اقدر اقوله انها بلد جميله جدا ورخيصه يعني مثلا الأوتيلات في بتبدأ من 20 ال34 يورو حسب المكان وايجار الشقق عرفت هناك من زميله بولندية انها بتكون بدئا من 450 يورو بالشهر
زرت اماكن كتيره المتحف بهانوفر وروحت بحيره كده حلوه اوي بسي اكتر الاماكن ترددت علها كانت هافباهوف هيا المحطه الرئيسيه بهانوفر والتكيت المترو كانت بي 1 يورو و90 سنتي وممكن تاخد مجمع 10 تذاكر بي 14 يورو تقف التذكره بي 14 يورو و 45 سنتي تقريبا اوفر بصراحة وبتقضي بيها ساعه من وقت مابتختمها وبالنسبه للاكل فمعظم المحلات بتقفل الساعه 8 بالليل ممكن المخبوزات بينزل من سعرها عالساعه 7 بالليل عشان مش يبات شئ بالمحل لتاني يوم وفي خصومات بتكون بشهر 1 وشهر 6 اشهر المحلات بهانوفر بريمارك C&A بسي بريمارك ارخص بصراحة وجبه الغدا بتبدأ من 4 ونص يورو حلوه تكفيك عرفت بردوا معلومه انك لوقاعد فقتره ممكن تبدل ازاززيز الكوكا كولا والمياه من سوبر ماركت Lidl h, Idel هوا موجود بردوا بمحطه هافنهوف هيا عامله شبه محطه التحرير او وسط البلد عندنا مليانه هدوم ولبس ومطاعم وكل شئ بتحتاجه اه التواليت بي 1 يورو ممكن تدخل تواليت ماكدونالدز وتدي الراجل 10 سنتي او 20 سنتي انت ورقزه بقا معاك فالطبق بتاعه لما تطلع ايه تاني وسافرت من المحطه دي اخدت الاتوبيس لفرنسا نزلت محطه بورت مايوه بباريس فيها باتوبيس ريفلكيس باص كانت وقتها التكيكت بي33 يورو الوقت 9 ساعات اخدته الساعه 12 بسي هوا جه متاخر الساعه 12 وي نص ووصل بينا الساعه 9 الصبح باريس واتفسحت بباريس روحت برج ايفل ومتحف اللوفر والشنزلزيه بسي انا كمشمشه حبيت المانيا اكتر بصراحة الاسعار بباريس اغلي من المانيا السيط ولا الغنا يعني شارع الشانزلزيه مليان محلات في منهم H&M GAB ZARA وفي بريمارك رخيص جدا وبردوا نفس الحوار التيكت ساعه من وقت ختمها بسي في مناطق بتعمل التكيت بتاعها لو برا باريس 8 يورو ونص حسب المكان اللي انت قاعد فيه والمحطه الرئيسيه للتبديل اسمها سان لازار والحمد لله كنت ناويه اقعد واشتغل لقيت الموضوع صعب لازم يكون معايا ورق او اتزوج حد معاه ورق عشان اعمل ورق ع حسابه او اقعد من 7 اعوام ل 10 اعوام واحتفظ بكل شئ عشان لما يحين الوثت يكون معايا اثبات ان كنت فالبلد من الفتره دي كلها وبالنسبه للشغل هناك انا اشتغلت تنضيف بيوت 3 ساعات طلع عيني عند ست مصريه كانت الساعه بي8 يورو بسي شفتني بنت ناسي ادتني 10 يورو فال 3ساعات الساعه اصلا بي16 يورو بسي انا عشان ممعيش ورق فباخد نص السعر فنصيحة متشتغلوش عند مصريين خليكم عند اجانب بيوتهم انضف كفايه بسي مش هتحطلك كلور يقطع نفسك للتنظيف ههههههههه والحمد لله رجهت لارض الوطن من مطار شارل ديجول بباريس وكل البلدين نظام واحترام وتقدير اه وعقبالك كل حد نفسه يسافر يسافر ويحقق امنيته الايجار في باريس الشقه الاستديو بدءا من 700 يورو بينهم وبين المدينة ساعه لحد 1050 يورو لو جو باريس بقلب باريس ويارب اكسب لايكات بقا ملكمشي
www.booking/fantasee.com كان حجز الاوتيل بهانوفر
www.Expedi.com حجز التيكت
www.airbnb.com

 

[Abu Aylla]

الدولة : مصر
المدينة : شرم الشيخ - دهب - نويبع - طابا ... (رحلة شهر العسل).
الحقيقة بالرغم من إنى سافرت كتير خارج مصر ولله الحمد لكن حابب أشارك بتجربة عن مصر ..... مش بس لأنى بعتز بكل رحلاتى فى مصر ولكن الصراحة إن هذه الرحلة كانت من أجمل رحلات حياتى لأنها كانت مع الإنسانة الى بحبها.
الفترة من 2014/3/5 الى 2014/3/12.

من شرم الشيخ الى طابا : هى شواطىء الريفييرا المصرية وبحكم زيارتى لفرنسا عدة مرات أقدر أقول إن فى شواطىء في جنوب سيناء فى مصر أجمل من بعض شواطىء الريفييرا الفرنسية.

الفندق : فى شرم الشيخ : فندق نعمة إن .... 3 نجوم .... فى قلب خليج نعمة.
فى طابا : هيلتون طابا.... 5 نجوم.
مميزات الفنادق:
فندق نعمة إن -- شرم الشيخ:
1- سعر الليلة وقتها كان 220 جنيه للفردين بالفطار والعشاء .... حاليا على بوكنج 240 جم بالفطار(السعر نزل بعد ما كان ب 280 جم لان الدولار نزل شوية)..
2- الفندق فى قلب خليج نعمة.
3- الفندق له شاطىء خاص فى مجموعة الشواطىء الموجودة بخليج نعمة.
4- الفندق بموقعه المتميز بيوفرلك فلوس كتير كنت ممكن تصرفها على التاكسيات لان خليج نعمة هو قلب شرم الشيخ.

فندق هيلتون طابا: سعر الليلة وقتها كان 450 جم للفردين بالفطار لانه كان عرض وقتها لكن حاليا يزيد طبعا عن كده.
وهذا الفندق ذات موقع ممتاز يطل على 3 دول هم فلسطين والأردن والسعودية.

البرنامج :
اليوم الاول: وصول شرم الشيخ + راحة + جولة حرة ليلا(فى خليج نعمة).
اليوم التانى : استرخاء تام على الشاطىء وجولة حرة ليلا(فى خليج نعمة).
اليوم الثالث: حمام السباحة بالفندق + سفارى فى الصحراء + جولة حرة ليلا(فى السوق التجارى القديم).
اليوم الرابع: رحلة بحرية الى جزيرة تيران(120 جم للفرد من 9 الى 5 بالغداء).
اليوم الخامس: كان مخصص للأنشطة البحرية (التيوب : 50 جم للفرد) +( البراجوت : 100 جم للفرد) + تسوق.
اليوم السادس : مغادرة شرم الشيخ فى الصباح الباكرمتجها الى دهب ثم نويبع حيث تم زيارة بعض الشواطىء فى دهب ونويبع ثم إتجهنا مساء اليوم إلى طابا.
اليوم السابع : فى طابا والمغادرة صباح اليوم الثامن.

 

[Ahmed Ashraf]

ليتوانيا
كاونس
من ١٣ يناير ٢٠١٧ الى ٢ فبراير ٢٠١٧
الاقامه : مع Aiesec كانو موفرين السكن + couchsurfing.
انا مبعرفش اكتب تفاصيل عن رحلات و كده بس كل اللى اقدر اقولو ان قبل ما اسافر مكنتش اعرف ايه ليتوانيا دى اساسا (بلد فى اوروبا عشان اللى ميعرفش بس بعد ما رحت عاوز اقولوقو انها من اروع الاماكن اللى شفتها
تقدر تعمل skating over lakes فى الشتاء و فى الصيف ممكن تروح ال sea sides بما ان البلد على البحر ..
مناظر طبيعيه تحفه..
لازم تروح ليتوانيا )

 

[Hesham ElBadry]

الدوله: تونس <3
المدينه: تونس العاصمه
تاريخ السفر: من 4 اغسطس 2016 الى 12 اغسطس 2016
السفر و الرجوع على مصر للطيران
مكان الاقامه: بيت اهل زوجتى
مجرد دخولك المجال الجوى لتونس و انك تشوفها من الطياره, المنظر باهى برشا, التخطيط الصح للاراضى, الجبال واللون الاخضر ولون البحر... منظر يشرح القلب ويفتح نفسك
الجوازات اصلا مافيهاش زحمه ولا تعقيدات ولا وشوش كئيبه مبوزه وتقريبا كل الموظفين مبتسمين فى وشك وبعد ما تخلصهم وقبل ما تروح تجيب شنطك تلاقى بتوع شركة Orange واقفين بيدى لك خط PrePaid هديه على بسبورك
تطلع من المطار تلاقى فى نظام لسواقين التاكسى.
تطلع على الطريق من المطار, طريق نظيف وواسع, شايف جبال وسحب وسماء نظيفه زرقا وخضره حواليك فى كل مكان, مش هاكدب واقول مافيش زباله فى البلد بس مقارنة باللى عندنا هنا تكاد لا تذكر.
الجو هناك الصبح اكتر من رائع مع نسمة هواء ساقعه جدا و فى عز الظهر فعلا حر ودرجة الحراره اقصاها 33 فاعمل حسابك انك هاتشترى دبوزة ماء على الاقل وبالليل ممكن توصل لحد 20 او 18 ومافيش رطوبه, بالليل شئ طبيعى انك ممكن تتغطى رغم انك فى اغسطس. هناك فعلا بتتنفس هواء نقى بدون تلوث.
هانتكلم على الفسح:
اول حاجه تروحها فى تونس هى سيدى بوسعيد, عباره عن جبل, تحت فى ميناء لليخوت و فى كافيهات وفوق كافيهات كتيره برشا وباهيه ياسر غير ان المنظر من فوق لا يوصف, ممكن تطلع لفوق عن طريق الدروج للقهوه العاليه بس متعبه شوى ولما هاتطلع فوق هاتبقى قاعد وشايف كل ال view تحت بالبحر كله قدامك و الجبال والسفن اللى جايه من اوروبا. اول حاجه لازم تاكلها فى سيدى بوسعيد هى (البمبلونى) مش هاوصفها بس نصيحه لازم تاكلها و ادعيلى.
ممكن تسافر من تونس العاصمه للحمامات, سوسه او نابل و دى مدن سياحيه زى شرم الشيخ وقريبه مش بعيده, تاخد ساعه بالكرهبه او ال Car (الكرهبه اللى هى العربيه و ال Car اللى هى الاتوبيس).
هتشرب حاجه جيب Boga Cidre و دى معشوقتى والمفضله بالنسبه لى حاجه كده زى شويبس كريم صودا بتاعت زمان على أحلى أو Apla تفاح مش Normal نووورمال (مش عادى).
تونس مشهوره بسوسا وجربا والحمامات كأماكن سياحيه و شواطئ... لكن فى برشا اماكن تانيه احلى وفاضيه اكتر زى بنزرت, مهديه. غار الملح, سيدي على المكي, قليبيا اللي زرقان بحرها اكتر من المالديف , توزر, نابل برضوا لون مية بحرها شفافة لدرجة انك شايف السمك الصغير حوليك, طبرقه و غيرهم... ضرورى تيجى هنا خصوصا فى الصيف الجو تحفه طول الوقت.
التوانسه شعب مضياف لأقصى درجه, اشهد لهم بذلك وابصم بالعشره.
عادى جدا انك تلاقى وانت فى التاكسى اغانى مصرى او و انت ماشى فى السوق فى منطقة باب بحر او حتي محلات شارع الحبيب بو رقيبه تلاقى المحلات مشغله اغانى مصرى وهنا تظهر اهمية الفن والأغانى المصريه لما تعرف إن شعب كامل مأثر فيه عادل إمام وعبد الحليم و إنت محبوب ومفهوم بسبب ده, التوانسه عارفين كل حاجه عن مصر فاستعد لمناقشات سياسيه فنيه ثقافيه بحته.
اتفرج على الاثار هناك, روح المسرح الرومانى فى تونس قرطاج, متحف Bardo او سافر للجم واتفرج على المسرح الرومانى (معلش بعيده شويه, 3 ساعات تقريبا بالكرهبه او ال Car)
ممكن و انت في الحمامات تروح البرج القديم Le Fort المنظر من فوق ياسر برشا.
روح اقعد في كافيه في Lac de Tunis و استمتع بمنظر الميه قدامك وهدوء برشا والطيران التونسي بيعدي من فوقك عشان ينزل المطار.
اكتر الكلمات التونسيه المستعمله: برشا و صحه: خلصت اكل؟ صحه صحه, عملت حاجه باهيه (حلوه) لنفسك؟ صحه عليك, عملت حاجه باهيه ليهم؟ يعطيك الصحه.
عادى جدا تيجى تطلع من المطعم و حد قدامك ماتعرفهوش تلاقيه بيقولك صحه و اذا الدنيا بالليل تلاقيه بيقولك تصبح على خير, و اذا حد خبط فيك من غير قصد تلاقيه يطبطب على كتفك ويقولك سامحنى.
نصيحه اخويه, اذا راكب مع سواق تاكسى اوعى تولع سيجاره لانك كده هاتغرمه 150 دينار لمجرد انك عايز تشرب سيجاره مع العلم ان هناك ماينفعش توقف تاكسى وتقول له يوصلك مكان ويقولك لا.
هناك التاكسي انواعه Passat, Jetta, Polo, Golf, Peugeot, Citroen و كله اخر موديل.
هناك ممكن تركب القطر او المترو "فوق الارض" او ال Train (كلهم مكيفين) و باهيين برشا، بس دير بالك اذا هاتركب ال TJM لأن ممكن اذا معاك شنطه في ايدك او علي كتفك او حد لابس سلسله تتشد منك، ال TJM كيف كيف المترو بس درجه اقل وبيعدي علي مناطق ساحليه وسياحيه في تونس زي سيدي بوسعيد، حلق الواد، قرطاج، و الجدير بالذكر ان اكبر و اطول زحمة كراهب ممكن تقف فيها هاتكون ٣ دقايق و ده اسمه في وقت الذروه و خروج الموظفين في وسط تونس.
اكتر الاكلات التونسيه هتلاقي فيها (عضم) البيض و (التن) التونه وطبعا (الهريسه) الشطه التونسى, لازم وانت فى تونس تاكل (لبلابى, فريكاسيه, بمبلونى, ملاوى, بريك, طاجين, كسكسى تونسى و الملوخيه التونسيه اللى بتتعمل فى 6 او 7 ساعات, نواصر و كسكروت تونسى معشعش) و طبعا المشروبين الاساسيين فى تونس هما Boga Cidre و ال Citronade الزوز المحببين الي قلبي
انصح بشده السفر لتونس، هاتتفرهض (تتفسح) واموركم كلها هاتكون مريقله ومن كتر جمال الطبيعه هناك في كل مكان هاتقول "يا حليلي ناي أبي حني"
صدق من سماكى تونس الخضراء <3

 

[Nada Demasy]

الدولة: اندونسيا
المدينة: بالي(جزيرة)
السفر من 2 ديسمبر 2016 الي 11ديسمبر 2016
الفندق:
Holiday Inn Express Bali Raya - Kuta
Check out Holiday Inn Express Bali Raya Kuta on Booking! /★★★ Holiday Inn Express Bali Raya Kuta, Kuta, Indonesia

Ibis Styles Bali Petitengent-Seminyak
Check out Ibis Styles Bali Petitenget on Booking! /★★★ Ibis Styles Bali Petitenget, Seminyak, Indonesia
الاوراق:
للطلبة فيزا من سفارة اندونسيا + تصريح امني
شروط الفيزا:
‎2 صورة شخصية
اثبات قيد من الجامعة عربي او English
كشف حساب بنكي 6 شهور
بتخلص خلال 48 ساعة
خطوط الطيران:
السعودية
ترانزيت
رحلة الذهاب:الرياض
رحلة العودة:جدة
*عن بالي
الجو:رطوبة عااية اوي و حر و مطر
العملة: روبية اندونسية
1 $ = 13,150 to 13,900 Rupees
Average: 13,300
اللغة: Balinais لغة محلية غير اللغة الرسمية
لاندونسيا
المواصلات:افضل وسيلة ايجارً Motorbike او Uber
*اشتري خط اول ماتخرج من المطار هيوفر عليك حاجات كتير اوي
يوم1:
Rafting in white river
ف اوبود
بنعمل Hiking لمدة 45 دقيقة تقريبا علشان ننزل للنهر بعد كده Rafting و بتروحوا تلعبوا تحت شلالات صغيرة و في شلال كبير ف نص الطريق بعد كده Hiking تاني
يوم2:
Bali Pulina Coffe Planet
ده مكان بيتزرع فيه القهوة و بتتعمل من مكونات Organic تماما و بتشوفهم وعم بيعملوها ، شوفت هناك Luwak animal اللي بيتعمل منه اشهر قهوة ف بالي و موجودة ف اماكن كتير
بيجيبواTester لاكتر من نوع قهوة قدامك و بتجرب كله و لو حبيت تاخد فنجان بعد كده بتشتري عادي و عندهم موز محمر يجنن و المكان كله جميل اوي و بتشوف منه ال Rice Terrace
Rice Terrace
و ده مكان زارعين فيه رز علي شكل متدرج و بتنزل تتمشي جواه و تاخد صور براحتك
يوم3:
Elephant Ride
باينه من اسمها بتركب فيل و تلعبوا سوا و تحضنوا بعض
Ubud Monkey Forest
بتلعب مع الMonkeys و تاكلهم موز بس في شويه تعليمات زي ان مينفعش نبص ف عيونهم اوي او نحط ايدنا ف جيبنا او ناخد حاجات معمة معانا علشان هتتسرق من الMonkeys
Tegenungan waterfall
اكبر و احلي شلال شوفته
يوم4:
Uluwatu temple
معبد جميل جدا علي البحر
Pandawa beach
شاطئ حلو و فيه موج كده كان لطيف جدا و اخدت صور لطيفه
Padng Padng beach
معروف هناك بردو باسم Julia Roberts علشان صورت فيه فيلم Eat , Pray , Love و اسمحولي ف نص التقرير انصحكم تشوفوا الفيلم الجميل ده
Jimbaran beach
الحب كله احلي Sunset تحضره و انت شايف الجزيرة كلها و سي فود يجنن و مزيكا و في Romantic dinner و حركات لكن انا ك مصرية كنت قاعده اكل وًاتفرج ع الRomantic عند ناس تانيين
يوم5:
Waterbom
دي ملاهي مائية تحفا و ممتعه جدا و فيها تنوع ف الالعاب و Pool و حاجة كده ع شكل River صغير بتمشي فيها بعوامات كده so chilling و في مساچ حلو
Discovery mall
ف وش waterbom ع طول مول لطيف ع البحر صغنن شويه بس فيه حاجات لطيفه
يوم6:
Kuta Beach
Surfing
Kuta Square
لو شوبنج ع خفيف سوفينر و تتعرف ع البلد اكتر و كده و السهرة ف Hard rock طبعا
يوم7:
Potato head beach club ‍
ده ف سمنياك pool ع البحر و مزيكا بقي طول اليوم مكان حلو اوي حبيته
يوم8:
Private pool
كان ف ڤيلا ف سمنياك و كان حلو اوي احساس الخصوصية و انك ف pool pool واخد راحتك فيه و جاكوزي و كده وسط الطبيعه بقي
Seminyak square
صغير شويه بس الشارع جنبه كويس و كله محلات و في حاجات هاند مايد كويسة و كان دمه خفيف عموما و مختلف و اجانب كتير عندهم stores فيه
الاكل:
معجبنيش الاكل الاندونيسي خالص غير السي فود بس غالي شويه لانهم يكاد يكونوا مبيستخدموش توابل حتي التوابل مختلفة لو موجودة
جربت مطعم عربي اسمه الخيمة معجبنيش اوي و بردو مطعم ايطالي مكنش قد كده ولا التايلاندي ..
الاكل الحلال صعب شويه و اضمن حاجة الinternational food لان كله حلال و طعمه كويس
و pizza hut جامدة جدا عندهم و المكان الوحيد ف بالي اللي فيه بيبسي مش كوكاكولا
و burger king كويس بس مفيش عيش ، مكانه رز
هم عموما بيفطروا رد و نودلز و سوسيس فراخ و طعمهم غير الchinese خالص ف منصحش تحجزوا الاوتيل بالفطار لان هيبقي صعب افطر بمعرفتك احسن
Bread talk
اكبر Bakery هناك و عنده حاجات كويسهو تنفع فطار و معندهمش كافبه هتعرفه غير starbucks و بينقذ كتير عموما
ايس كريم بتاعmcdonalds وحش جدا
اكلات و مشروبات مينفع تتفوت:
موز محمر
درة مشوي
Gelato (hand madeIce cream)
كاجو sea salt
قهوة الGinseng ️
الMango
الSalaka
البطيخ الاصفر
مشروب جوز الهند
اماكن تانيه ف بالي ينفع تزورها و activates لو انت نشيط شويتين او محتاجهم :
Dreamland beach
Tanah lot Temple
Bali Hai
Bali Volcano Trekking
Bird Park
Butterfly park
Elephant park

الشوبنج جبت حاجات طبيعيه جدا تحفا متتعوضش زي:
Organic Virgin coconut oil
Organic Argan oil Shampoo
Bath salt
Fragrance oil
Natural handmade soap

Apps هتحتاجها للسفر:
Easy Currency
Currency converter
Google Maps
Uber
Careem
Grab Car
Go Gek
Couch surfing
Trip advisor
Family locator