A
Alaa Eldin Tamer
:: مسافر ::
بما ان ناس كتير سألت عن AIESEC فهحاول اكتب كل حاجة عنها في البوست دا
أولا ايه هي AIESEC
هي منظمة شبابية دولية غير هادفة للربح هدفها الأساسي هو نشر السلام بين العالم و اعداد شخصيات قيادية عن طريق انها بتخلي الناس تسافر بلاد تانية تتعرف على ثقافة جديدة و تشتغل في مشروع مع ناس من جنسيات مختلفة.
AIESEC موجودة في 126 دولة حول العالم
ايه الفرص اللي بتوفرها AIESEC؟
في 3 انواع من الفرص
1- Global Volunteer
و دي بتكون مشاريع تطوع بتساهم في أهداف التنمية المستدامة و هم 17 هدف حطتهم الامم المتحدة عشان تحلهم بحلول 2030. مدة السفر بتكون من 6-8 أسابيع و ممكن يسافر فيها طلبة و خريجين لحد 30 سنة و بابقى من غير فلوس و ممكن تشتغل في NGO او منظمة غير حكومية
(الصورة التانية فيها ال 17 هدف)
2- Global Talent
و دي بتكون زي فرص شغل لمدة من شهرين ل 12 شهر و بتكون بروفيشنال أكتر و الشغل فيها بيبقى في شركات كبيرة. بس مش في كل المجالات للأسف و بتبقى شروطها اصعب من التطوع
دي متاحة للخريجين فقط لحد 30 سنة برضه و بتكون مدفوعة
3- Global Entrepreneur
طبعا كلنا سمعنا عن ال Entrepreneurship او ريادة الأعمال. هنا انت بتشتغل في شركة صغيرة start-up بتاخد فيها خبرة عشان لما ترجع تبتدي ال start-up الخاصة بيك.
مدة السفر بتكون من 6-8 اسابيع و غير مدفوعة
ايه الدول اللي ممكن تسافرها؟
في دول في اسيا زي الصين و الهند و ماليزيا و اندونيسيا
في امريكا الجنوبية زي البرازيل و الارجنتين و كولومبيا
في دول عربية زي لبنان و المغرب و تونس
في دول افريقية زي كينيا
في دول اوروبية زي اوكرانيا و روسيا و تركيا و التشيك و المجر
ايه المصاريف اللي عليك؟
بيبقى عليك الطيران و الفيزا و مصاريفك الشخصية هناك. في مشاريع كتير بيوفرولك اقامة طوال الفترة اللي انت قاعد فيها و ممكن يوفرولك اكل كمان
الاقامة بتكون يا اما مع عيلة يا اما في سكن جامعة
و في مصاريف العقد مع AIESEC 1400 جنيه
طب ايه اللي يخليني اطلع حاجة زي دي ممكن ادفع فيها فلوس كتير؟
في أكتر من سبب يخلي الناس تحب تشارك في المشاريع التطوعية
1- انك بتشتغل مع ناس من جنسيات مختلفة بتتعرف عليهم و بتبقوا اصدقاء
2- غير انك بتتفسح فانت بتعمل حاجة مفيدة ممكن تغيرلك طريقة تفكيرك و تغير حياة ناس بيها سواء هناك او لما ترجع
3- مدة السفر بتكون طويلة مقارنة باللي رايح يتفسح و بتكون فرصة حلوة للطلبة اللي اول مرة تسافر عشان تاخد فكرة و بعد كده يسافروا لوحدهم
4- ممكن تلاقي نفسك حابب الحاجة اللي اشتغلت فيها و تفتحلك سكك تانية
5- زي ما قلت في البداية هدف AIESEC انها بتنشر السلام و بتطور المهارات القيادية عند الفرد و دا هتحسه هناك و هترجع شخصية تانية.
6- بتاخد في الاخر شهادة طبعا انك شاركت في المشروع و دي ممكن تفيدك بعد كده
طيب التقديم ازاي؟
انا حاليا شغال مع AIESEC جامعة القاهرة و هي في جامعات كتير على مستوى الجمهورية. اللي حابب يقدم مع جامعة القاهرة ممكن يتواصل معايا.
الشرط الوحيد فقط ان السن يكون اقل من 30 سنة
أتمنى اني اكون جاوبت على كل الأسئلة الأساسية عن AIESEC و اللي حابب يعرف اكتر ممكن يتواصل معايا
الصورة الأخيرة مع الناس اللي كان معايا في المشروع في اندونيسيا
كان معانا ناس من المانيا و الصين و كولومبيا و المكسيك و التشيك
أولا ايه هي AIESEC
هي منظمة شبابية دولية غير هادفة للربح هدفها الأساسي هو نشر السلام بين العالم و اعداد شخصيات قيادية عن طريق انها بتخلي الناس تسافر بلاد تانية تتعرف على ثقافة جديدة و تشتغل في مشروع مع ناس من جنسيات مختلفة.
AIESEC موجودة في 126 دولة حول العالم
ايه الفرص اللي بتوفرها AIESEC؟
في 3 انواع من الفرص
1- Global Volunteer
و دي بتكون مشاريع تطوع بتساهم في أهداف التنمية المستدامة و هم 17 هدف حطتهم الامم المتحدة عشان تحلهم بحلول 2030. مدة السفر بتكون من 6-8 أسابيع و ممكن يسافر فيها طلبة و خريجين لحد 30 سنة و بابقى من غير فلوس و ممكن تشتغل في NGO او منظمة غير حكومية
(الصورة التانية فيها ال 17 هدف)
2- Global Talent
و دي بتكون زي فرص شغل لمدة من شهرين ل 12 شهر و بتكون بروفيشنال أكتر و الشغل فيها بيبقى في شركات كبيرة. بس مش في كل المجالات للأسف و بتبقى شروطها اصعب من التطوع
دي متاحة للخريجين فقط لحد 30 سنة برضه و بتكون مدفوعة
3- Global Entrepreneur
طبعا كلنا سمعنا عن ال Entrepreneurship او ريادة الأعمال. هنا انت بتشتغل في شركة صغيرة start-up بتاخد فيها خبرة عشان لما ترجع تبتدي ال start-up الخاصة بيك.
مدة السفر بتكون من 6-8 اسابيع و غير مدفوعة
ايه الدول اللي ممكن تسافرها؟
في دول في اسيا زي الصين و الهند و ماليزيا و اندونيسيا
في امريكا الجنوبية زي البرازيل و الارجنتين و كولومبيا
في دول عربية زي لبنان و المغرب و تونس
في دول افريقية زي كينيا
في دول اوروبية زي اوكرانيا و روسيا و تركيا و التشيك و المجر
ايه المصاريف اللي عليك؟
بيبقى عليك الطيران و الفيزا و مصاريفك الشخصية هناك. في مشاريع كتير بيوفرولك اقامة طوال الفترة اللي انت قاعد فيها و ممكن يوفرولك اكل كمان
الاقامة بتكون يا اما مع عيلة يا اما في سكن جامعة
و في مصاريف العقد مع AIESEC 1400 جنيه
طب ايه اللي يخليني اطلع حاجة زي دي ممكن ادفع فيها فلوس كتير؟
في أكتر من سبب يخلي الناس تحب تشارك في المشاريع التطوعية
1- انك بتشتغل مع ناس من جنسيات مختلفة بتتعرف عليهم و بتبقوا اصدقاء
2- غير انك بتتفسح فانت بتعمل حاجة مفيدة ممكن تغيرلك طريقة تفكيرك و تغير حياة ناس بيها سواء هناك او لما ترجع
3- مدة السفر بتكون طويلة مقارنة باللي رايح يتفسح و بتكون فرصة حلوة للطلبة اللي اول مرة تسافر عشان تاخد فكرة و بعد كده يسافروا لوحدهم
4- ممكن تلاقي نفسك حابب الحاجة اللي اشتغلت فيها و تفتحلك سكك تانية
5- زي ما قلت في البداية هدف AIESEC انها بتنشر السلام و بتطور المهارات القيادية عند الفرد و دا هتحسه هناك و هترجع شخصية تانية.
6- بتاخد في الاخر شهادة طبعا انك شاركت في المشروع و دي ممكن تفيدك بعد كده
طيب التقديم ازاي؟
انا حاليا شغال مع AIESEC جامعة القاهرة و هي في جامعات كتير على مستوى الجمهورية. اللي حابب يقدم مع جامعة القاهرة ممكن يتواصل معايا.
الشرط الوحيد فقط ان السن يكون اقل من 30 سنة
أتمنى اني اكون جاوبت على كل الأسئلة الأساسية عن AIESEC و اللي حابب يعرف اكتر ممكن يتواصل معايا
الصورة الأخيرة مع الناس اللي كان معايا في المشروع في اندونيسيا
كان معانا ناس من المانيا و الصين و كولومبيا و المكسيك و التشيك
