S
Sanad Khater
:: مسافر ::
يسعد مساكم جميعا انا من الاردن اسمي سند خاطر مسافر صغير عمري 23 سنه سافرت 10 دول و حابب اشاركم تجربة في السفر من منطقة هولييود في ولاية كاليفورنيا الامريكية . و بشكر الناس القائمين على هذا الجروب و الي منظمينه و مسيطرين على العدد الكبير الي موجود فيه و الي بخلي الجميع يستفيد
في البداية لما وصلت كاليفورنيا كان كل هدفي اني اشوف الجبل الي مكتوب عليه كلمة Hollywood المشهورة بكل الافلام العالمية و ما كنت متخيل اني اطلع على الجبل و اكون قريب منها و صرت اتصور بالشارع معتقد انو هذا افضل مكان رح اخد منو صورة و لكن حكيت بدي اجرب اوصل اقرب نقطة و ضليت ماشي مع الخريطة لما اكتشفت انو وصلت بوابه و مسموح التسلق مع انو الكل حكالي ما بتقدر توصل و دخلنا و اتعرفنا على ناس من انجلترا برضو كانو مفكرين زينا و اطلعنا مشي تقريبا ساعه لحد ما وصلنا المكان الي الكل بقدر يتصور منو و الصور موجوده بالتدريج من البوابه لأعلى نقطة الي بتطل على كل منطقة لوس انجلوس و في صورة لطفل موجودة ضمن الصور هذا ساكن جنب البوابه مباشره فكنا بنتحدث باب الكراج عنده فهو طلع يحكيلنا انتو ليش واقفين عنا طبعا احنا ضحكنا و اجت امو و اتعرفنا عليها و صورتو بعد ما اخدت اذنها لأنو في امريكا لازم الواحد يكون حذر شوي زيادة
أي سؤال عن ولاية كاليفورنيا اسألو و رح اجاوب كل اشي بعرفو
في البداية لما وصلت كاليفورنيا كان كل هدفي اني اشوف الجبل الي مكتوب عليه كلمة Hollywood المشهورة بكل الافلام العالمية و ما كنت متخيل اني اطلع على الجبل و اكون قريب منها و صرت اتصور بالشارع معتقد انو هذا افضل مكان رح اخد منو صورة و لكن حكيت بدي اجرب اوصل اقرب نقطة و ضليت ماشي مع الخريطة لما اكتشفت انو وصلت بوابه و مسموح التسلق مع انو الكل حكالي ما بتقدر توصل و دخلنا و اتعرفنا على ناس من انجلترا برضو كانو مفكرين زينا و اطلعنا مشي تقريبا ساعه لحد ما وصلنا المكان الي الكل بقدر يتصور منو و الصور موجوده بالتدريج من البوابه لأعلى نقطة الي بتطل على كل منطقة لوس انجلوس و في صورة لطفل موجودة ضمن الصور هذا ساكن جنب البوابه مباشره فكنا بنتحدث باب الكراج عنده فهو طلع يحكيلنا انتو ليش واقفين عنا طبعا احنا ضحكنا و اجت امو و اتعرفنا عليها و صورتو بعد ما اخدت اذنها لأنو في امريكا لازم الواحد يكون حذر شوي زيادة
أي سؤال عن ولاية كاليفورنيا اسألو و رح اجاوب كل اشي بعرفو