ساعدوني عشان محتاسه دلوقتي عايزه اطلع شهر عسل...

  • بادئ الموضوع بادئ الموضوع Nelly Eid
  • تاريخ البدء تاريخ البدء
عرض العطلة
N

Nelly Eid

:: مسافر ::
#1
ساعدوني عشان محتاسه
دلوقتي عايزه اطلع شهر عسل ف اول اغسطس ومزنيتي تقريبا 15 الف وكنت بفكر فقبرص
ياريت لو حد طلع قبرص يقولي كل مميزاتها وعيوبها رخيصه ولا غاليه وعايزه اساله علي كذا حاجه كمان
وياريت لو حد تاني عنده اقتراحات تانيه ياريت يفدني بيها وياريت لو حد طلع شهر عسل اي مكان يقولي تجربته
عايزه مكان فيه بحر وسهر وفسح وشوبينج مش حر اوي ومش غالي طبعا واكله كويس
 
#3
تركيا او ماليزيا ويا مسهل مين عارف يمكن الدولار ساعتها يكون ظبط شويه خشي مع موقع سكاي سكانر دا للطيران وموقع بوكنج للفنادق وشوي ايه النظام هتطبط معاكي ولا لاء ومبروك مقدما
 
#4
بنص المبلغ دا جوه مصر حتتبسطوا اوي وحتروحوا اماكن كتير دا احسن ما تروحوا كام يوم برة والفلوس تزنق معاكم ومتعرفوش تعملوا حاجة
 
#5
المشكلة ان اقل تذكرة مش حتبقى اقل من ٤٠٠٠ جنيه يعني توتال انتوا الاتنين ٨٠٠٠ والاقامة فيا الليلة لو فندق ٣ نجوم مش اقل من ١٥٠٠ جنيه ده اقل حاجة يعني ٥ ليال ٧٥٠٠ يعني كدا محتاجة تزودي ٥٠٠ عن المبلغ ااي معاكي
لو قبرص لازم فيزا حتتكلف ليكوا انتوا الاتنين٣٠٠٠
وحتحتاجوا هناك مش اقل من ٥٠٠٠ جنيه مصاريف وده بمعدل ١٠٠٠ جنيه في اليوم يعني ٥٠ دولار
رأيي خليكي جوا مصر
 
عرض العطلة
#7
تركيا احسن بلد ممكن تروحي تقسيم او اكسراي في اسطنبول الجو جميل اوي طول السنه واسعار الملابس والاجهزه رخيص جدا بربع الاسعار هنا اما تزاكر الطيران سعر التزكره ذهاب وعوده من غير ترانزيت يعني ساعه ونصف تبقي في مطار مصطفي اتاتورك علي مصر الطيران 2800 الفرد واسعار الفنادق الغرفه المذدوجه حوالي يبدء من 30 دولار بالافطار واحسن فندق هادء ورخيص في ميدان اكسراي قلب اسطنبول فندق مدريد كاشف بحر البسفور
وفي تقسيم هلتون
وممكن تدخلي علي موقع بوكيت ترافل احجزي
تركيا بلد اوربي بطابع عربي جميله
 
#9
انا قعدت ١٠ ايام في المغرب حوالي ١٧ الف كل حاجة وحلوة جدا وفي جورجيا بس تلج وبرد جدا مش شايفها حاجة ممتعة
 
#10
المبلغ مش قليل بس الجنيه المصرى اللى مبقاش ليه قيمة امتى ممكن تلاقى مكان تقدرى تسافرى فيه يكلفك ال15 الف تذاكر و اوتيل بس لسه بقى مصاريفكو هناك فا اقعدى احسبيها و فكرى فى تونس و المغرب والاردن وانتى بتحسبيها ممكن تقدرى تروحى بلد منهم و الفلوس تكفى
 
عرض العطلة
#11
أول أغسطس ( لما روحت المغرب ) كان الوقت اللى سعر التذاكر بيتكسر فيه ! و أظن أنكم لو اتنازلتم عن مستوى الفندق شوية ممكن يغطوا مع المغرب.
الأردن واجهة شوفت ناس نصحت بيها و رخيصة جدا و ارخص حاجة السفر بحرى و أظن هتبقى تجربة جديدة و ممتعة ان شاء الله
 
#13
توديكي
تركيا
ولو زودتي ميزانيه ل 20 الف
توديكي ماليزيا او تايلند أو قبرص أو اليونان
وممكن تركيا وجورجيا فنفس وقت
 
#14
ملكيش دعوة بالكومنتات المحبطة دوري في Skyscanner. Net علي ارخص طيران و علي booking.com
هوتيل 3 نجوم و شوفي ايه الاماكن اللي ممكن تتراح في قبرص و ان شاء الله هتظبط معاكي
 
#15
روحي تركيا المصاريف هناك مش كتير والجو تحفة في اسطنبول وفي تلج في بورصة ممكن تطلعيها يوم هي قريبة من اسطنبول في رحلات بيتكلف الفرد حوالي 40 يورو بطروح بورصة و جزيرة الاميرات و رحلات عشاء على باخرة في البسفور بردو في حدود ال 40 يورو .. بجد هتستمعي هناك ولو عند اي استفسار اتفضلي لاني لسة راجعه من 3 اسابيع من هناك...
 
عرض العطلة
#19
أنا سافرت قبرص كتير وحافظها تقريبا
بس عموما 15 الف يدوب تذاكر طيران وفندق
لسه بقا المصاريف وطبعا باليورو
وهناك مطعم جاحد مأكولات بحرية اسمه ocean basket وموجود في كل المدن هناك
ويفضل الحجز لأنه دائما بيكون مليان
 
#20
بصى انا روحت قبرص ... جميلة جدا و حتة من اوروبا و الجو تحفة مش حر اووى و البحر رائع و اماكن كتير تنزلى تعملى شوبينج فيها دة غير منظر الجبال و الطبيعة الرائعة ... فى 2014 الفرد كان عامل 5000 بالطيران و الانتقالات و الفندق بالفطار .... الاكل رخيص مش غالى لدرجة انى جبت اكل و مشروبات كتير و انا جاية و فيه اسواق بتتعمل مرة فى الاسبوع .... كل يوم فى منطقة ..... لبس و اجهزة و شنط و كل اللى نفسك فيه .... دلوقتى سعر الفرد زاد شواية بسبب الدولار لكن بردو انتى جوة الميزانية
 
عرض العطلة
عرض العطلة
عرض العطلة
أعلى أسفل
عودة
قائمة