بالنسبة لكاتب المقال ده، مافيش حاجة أحلى عنده من حتة ستيك حلوة؛ المشكلة أن عدد قليل من مطاعم القاهرة عندهم الحتة دي، فلو هـ نتكلم عن الاستمتاع الكامل بطبق، حاجات قليلة تقدر تنافس قطعية لحم متسويّة medium-rare.
من وقت وصوله لسيتي ستارز السنة اللي فاتت، "بندروزا ستيك هاوس -Ponderosa Steak House" يعتبر واحد من المطاعم اللي بـ تركّز على اللحوم، المطعم هو امتداد لسلسلة مطاعم أمريكية، وكثير مننا هـ يفتكره بالستيك هاوس الموجود جنب ديزني ورلد في أورلاندو.
المطعم الموجود في الدور الرابع من المرحلة الثانية عبارة عن ديكورات خشب خفيفة مع إضاءة قوية. ألواح الخشب المغطية للحوائط ماشية كمان مع الترابيزات والكراسي.
أول لما دخلنا، قابلنا جرسون لطيف وصلنا لترابيزة فاضية، وبعدين قدم لنا المنيوهات وبسرعة مشي علشان يجيب زجاجة مياه.
المنيو الشبيهة بمنيوهات أغلب المطاعم الأمريكاني في القاهرة بـ تقدم تشكيلة كبيرة من الأطباق والمقبلات، تشمل لحوم، وفراخ وسي فوود، طلبنا من المقبلات طبق فرايد شريمب (45 جنيه) ومعه تشيكن وينجز (40 جنيه).
بالنسبة للأطباق الرئيسية، طلبنا Sirloin Steak (280 جرام) بـ 110 جنيه مع طبق السي فوود (130 جنيه). وقت تحضير الأكل كان معقول جدًا وأجواء المطعم كانت بعيدة عن الدوشة والزحمة.
مقبلاتنا وصلت مع تشكيلة صوصات منها تارتار، ومارينارا ورانش، الوينجز والجمبري كانوا مقليين كويس وغرقانين في الزيت، وقدروا يحافظوا على قرمشة لذيذة، الأحسن من وجهة نظرنا منهم كان التشيكن وينجز، اللي كانت نكتها أقوى.
بعدها بحاجة بسيطة وصلت الأطباق الرئيسية، كنا طلبنا الستيك medium-rare مع طلب جانبي من البطاطس المهروسة والفاصوليا الخضراء، الستيك كان زي طلبنا بالضبط، وقدر يحافظ على درجة ممتازة من العصارية والنكهة الطبيعية. البطاطس المهروسة، اللي عليها زبدة وشوية جبنة، كانت دسمة ولذيذة، أما الفاصوليا الخضراء المتبلة كانت بسيطة بس لذيذة.
طبق السي فوود، المكوّن من سلامون، جمبري مقلي ومشوي مع نفس طلب البطاطس ومعاه أرز بني، أكيد هـ يشبّعك. السلامون ستيك 150 جرام المتبّل بالليمون، الشبت والزبدة كان متسوِّي بامتياز. أما الجمبري المقلي، فكان نسخة من المقبلات، والجمبري المشوي كان شارب أكثر من التتبيلة اللذيذة وأكيد كان الأحسن لو هـ نقارن بينهم.
صحيح أسعار بندروزا شكلها غالي شوية، لكنها أكيد بـ تنعكس على جودة الأكل، مع طقم موظفين روعة وأكل أروع، العيب الوحيد في بندروزا غالبًا هو وجوده في مول زحمة بشكل لا يحتمل.
من وقت وصوله لسيتي ستارز السنة اللي فاتت، "بندروزا ستيك هاوس -Ponderosa Steak House" يعتبر واحد من المطاعم اللي بـ تركّز على اللحوم، المطعم هو امتداد لسلسلة مطاعم أمريكية، وكثير مننا هـ يفتكره بالستيك هاوس الموجود جنب ديزني ورلد في أورلاندو.
المطعم الموجود في الدور الرابع من المرحلة الثانية عبارة عن ديكورات خشب خفيفة مع إضاءة قوية. ألواح الخشب المغطية للحوائط ماشية كمان مع الترابيزات والكراسي.
أول لما دخلنا، قابلنا جرسون لطيف وصلنا لترابيزة فاضية، وبعدين قدم لنا المنيوهات وبسرعة مشي علشان يجيب زجاجة مياه.
المنيو الشبيهة بمنيوهات أغلب المطاعم الأمريكاني في القاهرة بـ تقدم تشكيلة كبيرة من الأطباق والمقبلات، تشمل لحوم، وفراخ وسي فوود، طلبنا من المقبلات طبق فرايد شريمب (45 جنيه) ومعه تشيكن وينجز (40 جنيه).
بالنسبة للأطباق الرئيسية، طلبنا Sirloin Steak (280 جرام) بـ 110 جنيه مع طبق السي فوود (130 جنيه). وقت تحضير الأكل كان معقول جدًا وأجواء المطعم كانت بعيدة عن الدوشة والزحمة.
مقبلاتنا وصلت مع تشكيلة صوصات منها تارتار، ومارينارا ورانش، الوينجز والجمبري كانوا مقليين كويس وغرقانين في الزيت، وقدروا يحافظوا على قرمشة لذيذة، الأحسن من وجهة نظرنا منهم كان التشيكن وينجز، اللي كانت نكتها أقوى.
بعدها بحاجة بسيطة وصلت الأطباق الرئيسية، كنا طلبنا الستيك medium-rare مع طلب جانبي من البطاطس المهروسة والفاصوليا الخضراء، الستيك كان زي طلبنا بالضبط، وقدر يحافظ على درجة ممتازة من العصارية والنكهة الطبيعية. البطاطس المهروسة، اللي عليها زبدة وشوية جبنة، كانت دسمة ولذيذة، أما الفاصوليا الخضراء المتبلة كانت بسيطة بس لذيذة.
طبق السي فوود، المكوّن من سلامون، جمبري مقلي ومشوي مع نفس طلب البطاطس ومعاه أرز بني، أكيد هـ يشبّعك. السلامون ستيك 150 جرام المتبّل بالليمون، الشبت والزبدة كان متسوِّي بامتياز. أما الجمبري المقلي، فكان نسخة من المقبلات، والجمبري المشوي كان شارب أكثر من التتبيلة اللذيذة وأكيد كان الأحسن لو هـ نقارن بينهم.
صحيح أسعار بندروزا شكلها غالي شوية، لكنها أكيد بـ تنعكس على جودة الأكل، مع طقم موظفين روعة وأكل أروع، العيب الوحيد في بندروزا غالبًا هو وجوده في مول زحمة بشكل لا يحتمل.