بدك تعرف ليش سمو سوريا "مهد الحضارات"... سوريا مليانة آثار : مدن قديمة - قلاع - جوامع و كنايس و معابد أثرية - أسواق و بيوت قديمة... و ما بيخلص الحكي عنها.
الرحلة يللي طلعنا فيها انا و العيلة كانت رائعة... هالمرة ما اجينا صيفنا، بالعادة منروح على مناطق اصطياف متل صافيتا و بلودان و الوادي.
هالمرة قررنا نشوف آثار سوريا.. لأنو كل مرة حدا بيقلنا بلدكون "مهد الحضارات" او بيقولو "مليانة آثار من كل حضارات العالم" و نحنا اهل البلد مو شايفينا.. قررنا ننزل عسوريا اجازة عائلية هالمرة و نعمل سياحة أثرية...
الشام و كل شي حواليها: صيدنايا - معلولا - شهبا - بصرى - و طبعا سوق الحميدية. سهرنا انا و بقية صبايا و شباب العيلة سهرة كتير حلوة بمطعم بالشام القديمة.
حمص و الوادي يللي حواليها: قلعة الحصن و دير مار جرجس و وصلنا بعدين على افاميا و كفينا عطرطوس لنشوف جزيرة ارواد و عمريت - يللي صرلون بحسب ما قالو 3 سنين عم ينقبو فيها - وتغدينا بصافيتا - ويا الله ما احلى صافيتا - وبعدين رحنا لنزور حصن سليمان، وعاللادقية.
اللادقية: قضينا عالبحر يوم من العمر و سهرنا عالشط و بعدين كفينا على حلب - شو بدي احكي عن حلب: زرنا الاسواق و القلعة و الخانات القديمة و الجامع الكبير. والسهرة كمان كانت حلوة بحلب القديمة.
تاني و تالت يوم كمان قضيناهون بحلب، طلعنا على ايبلا و معرة النعمان و عين دارة و المدن المنسية. متعبة بس تجربة حلوة.
المهم وقت وصلنا على تدمر شفنا كل الآثار و تغدينا بالاوتيل و المسا تعشينا بالخيمة. الاجواء كتير حلوة بالخيمة و رقصنا و دبكنا لوش الصبح. كان مليان اجانب بتدمر متل العادة
بس ما بتخلص الآثار شو ما شفنا... بحسب الموقع يللي اجينا عن طريقو هي كانت افضل مناطق و احلى مواقع أثرية لزيارة اسبوع واحد...
بعد الاسبوع "الأثري" اخدنا 3 ايام اصطياف.. و طبعا طلعنا على البحر لأنو ما شبعنا منو باللادقية. و الغدا كان بكسب و خلصت زيارتنا و كانت من رحلات العمر
كل اللي تاركين سوريا و مغتربين: يا جماعة بلدكون بيجنن تعو شوفوه...لا تخلو حدا يحكيلكون عنو، انتو حكو للعالم عن سوريا "مهد الحضارات"
الرحلة يللي طلعنا فيها انا و العيلة كانت رائعة... هالمرة ما اجينا صيفنا، بالعادة منروح على مناطق اصطياف متل صافيتا و بلودان و الوادي.
هالمرة قررنا نشوف آثار سوريا.. لأنو كل مرة حدا بيقلنا بلدكون "مهد الحضارات" او بيقولو "مليانة آثار من كل حضارات العالم" و نحنا اهل البلد مو شايفينا.. قررنا ننزل عسوريا اجازة عائلية هالمرة و نعمل سياحة أثرية...
الشام و كل شي حواليها: صيدنايا - معلولا - شهبا - بصرى - و طبعا سوق الحميدية. سهرنا انا و بقية صبايا و شباب العيلة سهرة كتير حلوة بمطعم بالشام القديمة.
حمص و الوادي يللي حواليها: قلعة الحصن و دير مار جرجس و وصلنا بعدين على افاميا و كفينا عطرطوس لنشوف جزيرة ارواد و عمريت - يللي صرلون بحسب ما قالو 3 سنين عم ينقبو فيها - وتغدينا بصافيتا - ويا الله ما احلى صافيتا - وبعدين رحنا لنزور حصن سليمان، وعاللادقية.
اللادقية: قضينا عالبحر يوم من العمر و سهرنا عالشط و بعدين كفينا على حلب - شو بدي احكي عن حلب: زرنا الاسواق و القلعة و الخانات القديمة و الجامع الكبير. والسهرة كمان كانت حلوة بحلب القديمة.
تاني و تالت يوم كمان قضيناهون بحلب، طلعنا على ايبلا و معرة النعمان و عين دارة و المدن المنسية. متعبة بس تجربة حلوة.
المهم وقت وصلنا على تدمر شفنا كل الآثار و تغدينا بالاوتيل و المسا تعشينا بالخيمة. الاجواء كتير حلوة بالخيمة و رقصنا و دبكنا لوش الصبح. كان مليان اجانب بتدمر متل العادة
بس ما بتخلص الآثار شو ما شفنا... بحسب الموقع يللي اجينا عن طريقو هي كانت افضل مناطق و احلى مواقع أثرية لزيارة اسبوع واحد...
بعد الاسبوع "الأثري" اخدنا 3 ايام اصطياف.. و طبعا طلعنا على البحر لأنو ما شبعنا منو باللادقية. و الغدا كان بكسب و خلصت زيارتنا و كانت من رحلات العمر
كل اللي تاركين سوريا و مغتربين: يا جماعة بلدكون بيجنن تعو شوفوه...لا تخلو حدا يحكيلكون عنو، انتو حكو للعالم عن سوريا "مهد الحضارات"