ريوقي مع نبع الحنان

[المسافرون العرب]

صباحكم مسائكم خير
يوم من الايام قعدت امي من الصبح وقلت ها فيج ريوق برا قالت وين قلت انتي كشخي وامشي معاي
كشخت نبع الحنان وتوكلنا على الله​

​

​

​

نروح منطقة الري
على الدائري الخامس سابقا - حاليا طريج الشيخ زايد الله يرحمه
ونتوكل على الله ونروح حبيب الشعب
الافنيــــــوز​

اصله : لبناني -عالمي​

تقيمي : 10/10​

اسم المطعم : الحمـــــــــرا​

الاكل : من احلى مايكون ريوووق من كل ما لذ وطاب​

المكان : ممتاز بعد مايبيله بالافنيوز وبالاخص بغراند​

السعر : 9.5 د.ك للشخص بوفيه​

الخدمة : ممتازه​

المميزات : كل شي فوق التمام​

يالله نبتدي بالصور معاكم


صور من غراند افنيوز
طبعا الافنيوز مول غني عن التعريف وكل زوار الكويت لازم يزورونه لانه مول يبيله على الاقل نص يوم من غير سوق تقضون وقتكم فيه واماكن وايده لليهال تقدرون تخلونهم يلعبون
مثل ( بروي - ماجيك بلانت - كيدزانيا )
والافنيوز ينقسم الى عده اقسام
قسم اسمه المول - قسم السوق - قسم غراند افنيوز - قسم برستيج - قسم سوق الذهب
وفي بعد قسمين بالطريج يبنونهم مع فندقين 4 و 5 نجوم ومركز طبي للحلات الطارئة وان شاءالله يخلصون على سنه 2017 اذا الله اراد
هذي تبذه صغيره عن الافنيوز

مسائكم وصباحكم ورد من طاولتنا

وهذا اسم مطعمنا ونبع الحنان راحت للبوفيه

من الفرن لي الطاولة

وهذي اللي تسوي الصاج بالخلطات اللي تبونها

وهذيل طاولات داخلية

والحين صور من البوفيه


من قال فول بالشطة ولا عادي

المقبلات البارده

​