هولمز و الروشنه

[المسافرون العرب]

مساكم الله بالخير
حبيت احيي اهل مكه و زوار الكويت الغالية واهلنا من السعودية والخليج​

​

​

​

واستقبال خاص وعشا خاص لعضونا الراقي شارلوك هولمز و زوجته​

اشلون تواعدنا مع هولمز و زوجته الغالين​

لما حط هولمز استفسار في بوابتنا وقال انه راح ايي الكويت قلنا ياهلا ومرحبا انتوا الداشين واحنا الطالعين وبالعين مكانكم .. طبعا قروبنا الحلو في الواتس اب اشتغل ها شلون وين لازم نضيف ضيفونا ونقاشاتنا لما عرفنا موعد وصولهم قالوا نتفق على يوم ونضيفهم ..​

استقرينا على اليوم وكلنا اتفقنا عليه ومو متعارض مع احد ,, عقب طبعا بما انه مشرفنا الغالي مايعجبه اكل الخواجات على قولته

قالوا البنات لازم مطعم كويتي وبعد بحثي والتحري عن المطاعم الكويتية وغير المعتاده قلت عندكم مطعم كويتي في فندق سفير الفنطاس والمطعم ممتاز بما انه هولمز من محبين العيوش قلنا خلاص تم ..​

ومن جهه ثانية امونتنا كانت تجهز هدية لضيوفنا وعلى اتصال مع زوجة هولمز عشان نرتب الموعد والعشا وبنفس الوقت ياخذون استشارات

​

والحبيبه ام حسين كانت تجهز الهدية بعد لضيوفنا وخل يسامحونا على القصور

​

تواعدنا يوم الاثنين تاريخ 23/3/2015 الساعه 8 م على العشا في فندق السفير​

تم الوصول الى المطعم في الوقت المحدد من قبل امون واختكم كويتية وام حسين اما ضيوفنا مساكين ضيعوا وطلع لهم القارمن فندق سفير اللي على الخليج بس بعدين وصلوا الحمدلله عندنا ودلوا الطريج وبما انهم اول مره ديرتهم الكويت ..​

الحين انقل لكم بعض الصور من المطعم وعشانا​

اسم المطعم : الروشنه (كلمة كويتية وهي عباره عن شباك وله عتبه داخليه ويحطون عليها المبخر والمكحلة والمرش والمشط يعني تعتبر من ديكورات البيت القديم في الكويت )​

وهذي الصور​

المدخل​

​

الباب هذا باب كويتي قديم ونسميه باب بوخوخه​

باب 'بو خوخة' وهو يعد الباب الأشهر في الكويت، وكان يوضع على واجهة بيوت الميسورين في ذلك الحين، ويمتاز هذا الباب بأنه باب كبير في جوفه باب صغير للاستخدام اليومي، أما الباب الكبير فيفتح إذا أراد أهل البيت إدخال الحاجيات والمؤن، وينقسم باب 'بو خوخة' إلى أنواع منها باب 'بوخوخة وحدة' في الوسط وباب 'بو خوختين'
منقول من تاريخ الكويت​

​

​

وهذي الضيافه عند المدخل​

​

​

هذا شكل الروشنه اللي على الطوفه​

​

​

​

​

​

الطلبات​

سلطة فتوش وجرجير - سمبوسه - كبب - مجبوس لحم - مربين - برياني دياي - طبق زفر مشوي

مكون من زبيدي وياعيني عليه وهامووور وربياااان وام الربيان وعيش طبق ملكي اعتبره انا

​

​

​

​