تجربتي مع الفيزا البريطانية .

[نيفين]

السلام عليكم ورحمه الله وبركاته ..

عساكم بخير يالربع ..

أولاً أحب أشكر (آخر فرصة) على مواضيعه المفيدة والي مالنا غنى عنها بصراحة ..

اتبعت الخطوات في الموضوع المثبت بالصور عن تعبئة الأبلكيشن والدفع عن طريق الفيزا ..

تقريبا 530 ريال من وجهه نظري اشوف انها غالية جداً لمده 6 شهور فقط ياليت يراجعون اسعارهم على الأقل مثل أمريكا ارخص ومدة 5 سنوات ..

ومره طلعت شنجن ب 300 ريال سنة ..


واخترت موعد عادي للعائلة .كان 8 فبراير الساعه 10 صباحا كان بـ الخبر مكتب الموحد مقابل بنك ساب _ قريب من ملعب الراكه ..

رحت مع زوجتي ودخلنا لمكتب الأستقبال أخذ صوره وحده وعبى بيانات واعطانا أوراق وقال نروح للكاونتر 3 لـ مكان المخصص للعوائل .. ومافي أحد كان فاضي .. خلصنا أمورنا وطلبت منا صوره وباقي الأوراق كشف حساب في البنك مع الأبلكيشن وأخذنا 10 دقايق وتم التوقيع ودفع مبلغ 15 ريال لـ إرسال رساله على الجوال ..


بعدها نروح للتبصيم انتظرنا كان في امامنا شخص .. وكل شخص يدخل بروحه مايصير تدخل مع زوجتك أو شي >هذا كلام الموظفه ..!

دقائق قليلة وخلصنا تبصيم والموظف أخذ صورة مع البصمات (ماكنت أدري ان هذي الصورة راح تصير بالفيزا) ..! ياخي اعظم من الصورة الموجودة في بطاقة الأحوال ..

التقديم مع كامل الأجراءات أخذت تقريباً نص ساعة أو أقل .. في نفس اليوم العصر ارسلو على الإيميل انه تم ارسالها إلى الرياض ..وبعدها ب 3 أيام تاريخ 11 فبراير ارسلو على الإيميل انه تم الأنتهاء من الفيزا ..! ماشاء الله سريعين ..

وبعد يومين أخرى أو 3 ارسلو على الجوال انه وصلت الجوازات وكان مسكرين طبعا الجمعة والسبت فـ رحنا الأحد تاريخ 15 فبراير .. يعني كل القصه من تاريخ التقدييم إلى تاريخ الأستلام 8 أيام بالتمام والحمد لله ..

لكن فيه ملاحظه ان تاريخ بدايه الفيزا مختلف عن يوم تاريخ السفر كنت كاتب 26 فبراير والفيزا انتهت 11 فبراير فـ حطو تاريخ 11 ..!



الأجراءات سهله ومافيه شي يوتر لاتخافون بس الأبلكيشن ممل لأنه طويل واسئله مالها داعي ..

وحاول ان تقدم على الفيزا بـ وقت مافيه أجازه انا سألت الموظفه كم وتطلع الفيزا قالت اسبوعين !

بس يبون ياخذون فلوس استغلال في كل شي عشان تاخذ مستعجل وتدفع زيادة..

وعرضت علينا كتيب مع تذاكر لو حابين نشتري عاملين خصم بس ماشريت ولا حتى شفت وش مكتوب ..

تحياتي ..​