الخطوة الاوله
الميزانية
نحدد المبلغ اللي ناؤي نسافر فيه طبعا اذا المبلغ غير متوفر نقوم بعمل الخطوات هذي ونشوف كم هي الميزانيه
الخطوة الثانيه
المدة ومسار رحلتي من فين ابداء وفين انتهي
نقوم بتحديد فترة الزمن وكم يوم ورسم جدولي باستخدام خرايط قوقل
الخطوة الثالثه
الطيران
سواء طيران خارجي او داخلي
نقوم بعمل المعادله التاليه
الميزانيه - الطيران = الباقي
نصورها ونضعها في ظرف مستقل
الخطوة الرابعه
متطلبات السفر او الدوله
مثل التاشيره فيزا مسبقة الدفع يفضل ثنتين من باب احتياط قارمن اذا كنت ناؤي استاجر سيارة رخصه دوليه
نقوم بعمل المعادله التاليه
المتطلبات - الباقي ( اللي في المعادله الاوله ) = الباقي *
بعد هذي الخطوات خذها مني خمسين في الميه ارتحت من موضوع السفر يفضل عملها قبل السفر من اربع الي ستة اشهر
الخطوة الخامسه
المواصلات
المواصلات
هي وحده من الاتي ايجار سياره او قطار باص بين مدينه واخره او مترو ترام او تكسي او ايجار سايق مع سياره ....
ايجار السيارة : يفضل اخذ تامين شامل ونضع بعين الاعتبار ان المكتب يسؤي بلك للتامين على المبلغ ...
نشوف كم المبلغ ونضعه على جنب عشان بعد مانخلص من الخطوات اقوم بوضع المبلغ في الفيزا هذي النقطه اذا حبيت تستاجر السياره ...
القطار :
ادخل على موقعهم في النت واشوف كم السعر طبعا هذا اذا حاب تنتقل من مدينة لاخره باستخدامه اضع المبلغ على جنب نفس طريقه ايجار السيارة ...
المترو الترام :
يفضل استخدامه في المدن الكبيره مثل فيينا ميونيخ اسطنبول تحصل كروت للاستخدام مثلا 48 ساعه او 72 ساعه وشوف ع حسب ايامك تحصل كشتات تبيعها
...
تكسي :
يفضل استخدام العداد
ايجار سياره مع السايق :
راح يكون حسابه يوميا ويفضل ان تخلي البنزين عليك اسئل وابحث عن كم سعرهم في اليوم عن طريق النت اخذ بعين الاعتبار يوم الوصول والمغادره احاسبه في
المشوار ..
نستخدم المعادله التاليه :
المواصلات - الباقي * ( من خطوة المتطلبات ) = الباقي **
كذا خلصنا من الطيران المتطلبات المواصلات
الخطوة السادسه
الفنادق
لايقل عن اربع نجوم اركز جدا في الاختيار مكان مناسب لاابخل فيه لانه وسيله راحتك ..
اركز على الفنادق اللي تعطيني تخفيض لدحول الاماكن السياحيه يهمني جدا في خطوة المصروف اليومي اذا وجد ..
استخدم قوقل ايرث لكشف المكان اللي حوله يفضل على شارع حرك وليس داخلي ..
بعد ماختار الفندق المناسب اقوم في مقارنت سعره مابين موقعه ع النت او مواقع الحجز مثل بوكينق او المكاتب السياحيه ..
اخلي الدفع عند الوصول ..
اضع المبلغ مع اخذ بعين الاعتبار ان هناك تامين ياخذه الفندق اخلي المبلغ ع جنب عشان اضيفه بعدين في الفيزا ..
كذا خلصنا من حجز الفندق وارتحنا منه ...
نستخدم المعادله التاليه
الفنادق - الباقي ** (من خطوة المواصلات ) = الباقي ***
الخطوة السابعه
المصروف اليومي
تقسم عدد الايام اللي ناوي نجلس فيها مع المبلغ الباقي من خطوت الفنادق كذا المبلغ المتبقي هو مصروفي اليومي. يشمل الاكل ودخول الاماكن السياحيه.
عدد الايام تقسيم الباقي ***( من الفنادق ) = مصروفي اليومي
كذا خلاص انهيت موضوع سفري باقي خطوة اخيرا وسهله جدا ..
الخطوة الاخيره
الاماكن السياحيه وخططتي في السفر
طبعا سبق وان حددت في الخطوة الثانيه مسار سفرتي ..
اقوم في البحث عن الاماكن السياحيه سواء عن طريق المنتديات وتقارير الاعضاء او المواقع الاجنبيه كل مدينه على جنب استخدم خرايط قوقل واشوف من خلال مابحثته عن اماكن سياحيه قربها مع بعض احدد له مسار يومي وهكذا في اليوم الثاني طبعا ع حسب الفتره اللي ناوي اجلسها اشوف الاماكن المهمه اخذ بعين الاعتبار ان هناك رسوم لدخول اغلب الاماكن السياحيه اشوف يمكن الفندق يوفره لي بالتخفيض لان دخول المكان يعتبر من مصروفي اليومي احاول ان لايزيد عن مصروفي اليومي مثلا ادخل مكانين بسروم اعلى من مصروفي اليوم كذا الخبط جدولي
نقاط مهمه
2- اضع ضرف خارجي اضع فيه صوره من حجوزات الطيران طبعا المبلغ خلصت منه ...
1- اضع ظرف مستقل فيه صور من الجواز الرخصه الدوليه التاشيره اي شيء من متطلبات السفر ...
3- اضع ظرف فيه مبلغ المواصلات عشان اقوم بوضع المبلغ في الفيزا كذا اعتبر انهيت موضوع المواصلات .
4- اضع ظرف فيه مبلغ الفنادق وصووره من الحجوزات كذا انهيت موضوع الفنادق .
5- اضع ظرف لكل مدينه يشمل صوره من حجز الفندق + جدولي اليومي + المصروف اليومي لكل يوم ( عشان اضيفه في الفيزا مستقبلا )
الغرض من هذي الظروف عشان اعرف ايش لي مثلا الطيران خلاص انهيته المواصلات برضوا انهيته الفنادق برضوا انهيتوه المصروف اليومي انهيته بعدها اقدر احط المبالغ في الفيزا وخلي الظروف معي واتوكل ع الله واسافر ...