رد: عودة بعد فراق 8 سنوات فساعدوني
أهم نصيحة لك كونك رايح بالي ..
كثير من العرب والسعوديين يكون منسّق مع سواق لكامل الرحلة ومثلا يقوله اليوم وديني لرحلة التجديف .. طبعا يوديك وهناك تقطع التذكرة وراح تكون بمبلغ وقدره .. وهذا السبب الأول اللي خلا الناس كلها تقول بالي غالية .. لا والله ماهي غالية بس للأسف ماحنا فطينين !
الطريقة كالآتي .. في منطقة كوتا راح تلقى أكثر من 40 مكتب للرحلات وفي المناطق الثانية في بالي كمان راح تلقى .. مثلا انت ناوي تطلع بكرة التجديف وبعد بكرة الدبابات الصحراوية .. تروح ياحبيبي المكاتب حقت الرحلات ويعرضون عليك رحلة التجديف واليوم الثاني الدبابات مع الموصالات مع وجبة غداء وراح تكون أقل بكثير من التذكرة اللي تقطعها لما توصل نفس المكان ..
هذا الشي راح يوفر عليك قيمة سواق يوميا .. وراح يوفر عليك أكثر من نصف مبلغ التذكرة في كل رحلة .. عاد اضربها بعدد الرحلات وعدد أيام بالي وشوف كم توفر ..
طبعا كاسر ثم كاسر ثم كاسر وانت تحجز الرحلة .. نشف ريق اللي في المكتب يقولك مليون قوله 500 !
راح تشوف أوراقهم عليها أسعار بس من اول مايوريك الورفة قوله انا وانت عارفين ان هذا ليس السعر الحقيقي ! وانا اعرف الاسعار هنا .. لا تبينله انك غشيم ابدا ابدا ابدا !
راح تاخذ رحلة مع المواصلات من والى الفندق .. لما ترجع الفندق لو بتقضي لك اي غرض او سوق وتبغا تطلع استخدم تاكسي بلو بيرد .. المشوار رايح جاي ماراح يتجاور ال 80 ألف ..
بصراحة سكنت في فندق وماقدر انصحك فيه لأنه في مكان قذر هههههه
