رد: لأهل الخبره في البلاد الاندونيسيه يرجى الدخول للأهميه
اهلا اخي الجبل ممتاز للعائلات وجوه براد مو زي ماليزيا رطوبة وحار.
الجبل فيه منتزهات ممتازه ولكن قليله عندك عالم سفاري رائع جدا جدا وراح تنبسط فيه وهو عبارة عن حيوانات فيله واسود ونمور وووووووو.... وبعدها تدخل المنتزه وفيه عروض دلفين واسد البحر وعروض الكوبوي وعروض حيوانات.
وعندك الشلالات السبع ممتازه
وعندك حديقة الزهور ومزارع الشاي ومزارع الفراولة وبحيرة الليدو وبوجهة نظري كلهن منتزهات عادية.
نرجع للسكن اهم شي تأخذ لك فله فيها حارس وفيها حوش عشان تجلس فيه بهالبراد
والاسعار من 500 الى مليون روبية يعني من 150ريال الى 300 ريال واحرص يكون السكن بعيد عن الشوارع الرئيسية عشان ازعاج الدبابات. بالختام وجهة نظري اسبوع كثير على الجبل الا اذا انك رجال تبي الطبيعه وماتطفش من الجلسة بالبيت لان من الساعه 6 مساء كل شي يسكر ماعدا المقاهي و المطاعم
