مشورتكم في ترتيب السفر

[noura91]

السلام عليكم

بعد العيد ان شاء الله ناوين نروح المانيا والتشيك

بس ودي ارتب واعرف كل شي من اللحين

التأشيره من وين نطلعها اسهل بحثت وقالوا التشيك اسهل !

وايش افضل نروح من الرياض لألمانيا ومن ثم التشيك او العكس ؟

وكيف نروح من المانيا للتشيك افضل سياره أو قطار ؟

وتقسيم الايام كم يوم في المانيا وايش الأماكن اللي لازم نروح لها ؟
واي اضافه عندكم ليت تقولونها الله يعافيكم

مشكورين مقدما

 

[spoil]

رد: مشورتكم في ترتيب السفر

مصممين على التشيك ؟؟
المانيا لازم تكون فترتكم فيها اطول اذا مصممين على التشيك لان الفرق بين البلدين مثل اللي ينزل من مرسدس ويركب ددسن

 

[WALEED15]

رد: مشورتكم في ترتيب السفر

وعليكم السلام ورحمة الله وبركاته
حبيت أعلق على موضوعك وأفيدك بحسب خبرتي البسيطة في هالموضوع طبعاً ماراح أتحدث عن الوجهة لأنه بالأول والأخير قرار شخصي

وبالنسبة للفيزا من واقع تجربه طلعيها من الألمانية متطلباتهم بسيطة جداً وسلسين في التعامل تعاملت معاهم كثير وآخرها الخميس اللي فات لولد عمي اللي ناوي يسافر شهر عسل لأوروبا قدمنا الخميس موعد vip وسلمنا لهم الجوازات واليوم أرسلو له جاهزه للإستلام من مركز التأشيرات

وبالنسبة لخطة السفر ما نتخلف عليها أبد لأنك لو عديتي من ١ - ٩ هو نفسه لو عديتي من ٩ - ١ بس الفرق الترتيب لكن من وجهة نظري الشخصية واللي تخصن أنا آفضل النهاية تكون ألمانيا عشان به آوت لت جميل زرته بميونخ اسمه انقلشتات فلج

بالنسبة لوسيلة التنقل الأعضاء فيهم الخير والبركة لكن القرار لكم يعني كم عددكم تقولين لي أكثر من ٤ أقول لك ما انصحك بالقطار بتاتاً تقولين لي ٢ أقول لك خوذي القطار وآنتي مغمضه وإذا كنتي محتاره بالقرار جيبي ورقه واكتبي محاسن ومساوء كل وحده منهم يعني مثال الخصوصية تحصلينه بالسياره ومو دايم تحصلينه بالقطار مثال ثاني المصاريف القطار ما فيه دفع ٌإلا الاشتراك ما بين الدول أما السيارة ضريبة دخول ضريبة خروج مواقف مو مجانية وكل نقطة تتركين به السيارة لازم ترجعين له عشان تأخذينه

بالنسبة لوين تروحين اللي يحددها الأماكن والمسار يعني أنا مثلاً واحد أعشق المغامرة فبهالحاله لازم أمر يوروبا بارك والسفرة والمدن اللي بتروحون لها هي اللي تحدد كل شي

وبالنسبة لتقسيم الأيام من وجهة نظري الشخصيه لا تقل عن ثلاث أيام أبداً في كل وجهة تروحون لها

تقبلي مروري

 

[amxma]

رد: مشورتكم في ترتيب السفر

ثانكس على المجهود وما قصرت

 

[2k8mahmud]

رد: مشورتكم في ترتيب السفر

السلام عليكم

بعد العيد ان شاء الله ناوين نروح المانيا والتشيك

بس ودي ارتب واعرف كل شي من اللحين

التأشيره من وين نطلعها اسهل بحثت وقالوا التشيك اسهل !

وايش افضل نروح من الرياض لألمانيا ومن ثم التشيك او العكس ؟

وكيف نروح من المانيا للتشيك افضل سياره أو قطار ؟

وتقسيم الايام كم يوم في المانيا وايش الأماكن اللي لازم نروح لها ؟
واي اضافه عندكم ليت تقولونها الله يعافيكم

مشكورين مقدما

السلام عليك .
انا مقيم في دبي وكنت في المانيا اسبوعين كامله. ما شاء الله بلد جميل جدا خاصة منطقه الجنوب. لاكن في المانيا اللغه هي عائق شوي للاجانب لان اللغه المعتمدة هي الالمانيه.
انا حصلت على الخدمات من مكتب في مدينة ميونخ لاخ فلسطيني . شخص محترم جدا . استاجرات سياره مع مترجم مرافق . القطارات في المانيا متعبه جدا واسعارها غاليه.
هذه صفحه المكتب:
travelandmedicine.com
Email: travelandmedicine@yahoo.de
هذه الشركة تقدم ايضا خدامات طبيه. ابعث الى الاخوان في المكتب ايميل, ممكن يساعدوك كثير



اتمنى اني ساعدتك قليلا.
السلام عليكم