حابة اليوم اخبركم عن زيارتي لمول 360 الموجود في منطقة الزهراء جنوب السرة ، هو مول جديد تقريبا صار له 5 سنوات وفيه وايد محلات ومطاعم راقية وجيم و جيان هايبر ماركت، والاحلى ان الطابق الثالث في المول مخصص للترفيه لجميع أفراد العائلة ، و من المراكز الترفيهية اللي حبوها عيالي هو أنفانيتي فيه ألعاب وايد تونس مثل لعبة تسلق الجبال والكاروسل وسباق السيارات وحسيت ان اللي يميز هذا المركز عن غيره ان الالعاب فيه جديدة ومطورة وآمنة جداً للأطفال يعني ممكن تتركين ولدك يلعب ويستانس وانت مطمنة غير انه راقي عندهم كرنفال كل ويك اند يسون فيه الموظفين جو يونس الأولاد ويلبسون كاركترز ، واللي لفت نظري صالة فوق مخصصة لأعياد الميلاد ولأن عيد ميلاد ولدي حمني قرب سألت الموظف هناك عن تنظيم اعياد الميلاد وشرحلي ان كل شي ينظمونه في المركز من كيك وزينة وثيم ووجبات وحتى بطاقات لعب للأولاد عشان يستانسون بس يخلص عيد الميلاد .وبس خلصوا الأولاد لعب تعشوا في مطعم إنفانيتي وكان أكلهم لذيذ ونظيف ، المكان كامل ومتكامل ورح اعتمد هذا المكان دايما لترفيه ولعب عيالي. وهذي بعض الصور من إنفانيتي
