استفسار عن استخراج الشنغن الألماني من جدة

[أبو أحمد الحربي]

السلام عليكم ورحمة الله وبركاته

بإذن الله بعد عدة أشهر راح اسافر للنمسا وطبعا حتكون نقطة الوصول والمغادرة على الأغلب هي ميونخ

وبالتالي لا بد من استخراج الشنغن لألمانيا لان دخولي عليها

فهل من الممكن استخراجه من جدة ؟ بدون السفر للرياض؟
وإذا ممكن الأمور المطلوبة ...

 

[سامح]

رد: استفسار عن استخراج الشنغن الألماني من جدة

نعم ممكن من خلال المكتب الموحد وهذا شرح لحجز موعد في المكتب الموحد

طريقة حجز موعد لدى مكتب التأشيرات الموحد لإستخراج فيزا الشنغن
الطريقة سهله جدا ولا تحتاج منك الا سواء دقائق فقط ..

انا شاهدت عدت شروحات وحقيقة كانت تكفي وتوفي ..
لكن شكل الموقع تغير وحبيت اشرحه من جديد .. واترجم بعض الصفحات عشان تدري وش انت قاعد تسوي

بسم الله
ادخل على هالموقع واتبع الصور
Germany Visa Information - Saudi Arabia - Home

اضغط على اللي محدد بالاحمر ومعناه .. جدول المواعيد

بعدها بتطلع لك هالصفحة .. فيها اربع خيارات مشروحه في الصوره

اضغط على " حجز موعد جديد "
اللي هو الخيار الأول

( بالنسبة للكلام اللي فوقه .. فهي بعض التعليمات ومنها يقول انك تقدر تحجز المواعيد اما عن طريق الموقع هذا او عن طريق الذهاب للمركز نفسه وحجز موعد )

بعد الضغط على الخيار الاول

الاول معناها وين تبي تروح له .. اي مركز انت موجود قريب منه
اللي تحت طبعا معناه رحلة قصيرة ومافيه خيار ثاني اساسا

بعدها اضغط Submit

بعدها تطلع هالصوره

طبعا هي بعض الشروط اللي انزل تحت وعلم على " اوافق "


وبينقلك بعدها لـ هالصورة

مشروحه في الصورة .. اذا ضبطت كل الخيارات اضغط على Submit

طبعـا هالصفحة فيه لها اكثر من شكل

يعني مثلا احيانا يعطيك رسالة خطأ .. ومعناها يقول مافيه مواعيد مثل هالصورة

وهذا معناها ان هذا المركز اللي اخترته ما فيه مواعيد مجدولة يعني ما تقدر تحجز الحين

واذا جتك الصورة هذي

معناها ان اقرب حجز في التاريخ ٢٣/١١/٢٠١٤ .. اذا تبي تتابع اضغط على Submit

طيب .. نفرض انك تبي تختار تعبي لـ شخصين او ثلاثة مرة وحده ..
مثلا انا اخترت شخصين بجرب في مركز جدة .. ورفض تطلع لي هالتحذير

يقولي ما اقدر ما اقدر اعبي لشخصين دفعة وحده ..

لكن غيرت وحطيت الخبر وقالي ما فيه مشكلة

بكمــل على اني اخترت فقط لشخص واحد .. وضغط على Submit
بتطلع لي هالصفحة

جميع الاشياء موضحة في الصورة .. حتى اللي الاسطر اللي فوق ترجمتها لكم

عبها واضغط على Submit

-----------
بعدها بيطلع لك هالصورة

وهي مرحلة اختيار اليوم .. اللي عليه اليوم الأخضر هذا متاح تحجز فيه ..
اليوم اللي يعجبك اضغط عليه .. بينقلك لـ هالصورة

تختار الساعة اللي تبي ..
يبدأ من تسع وربع .. إلى وحدة ونصف

اذا اخترت هذولي كلها .. بينقلك لـ هالصفحة

هذي الصفحة خاصة انك تتأكد من المعلومات اللي ادخلتها وتتأكد منها مضبوط
ولاحظ المبلغ اللي لازم تدفعه ١٢٥ لكل شخص .. موضح في الصورة كل شي

اضغط على Proceed Payment
الآن بينقلك لصفحة خاصة عشان تدخل معلومات بطاقتك اللي بتدفع منها

وهي كذا ..

بيخيرك بنوع بطاقتك ..هل هي فيزا او ماستر كارد

انا اخترت فيزا مثلا .

بيفتح لي هالصفحة

جميع المعلومات مترجمها امام كل سطر ..

وبكذا بيفتح لك صفحة .. اللي هي معلوماتك تطبعها
او انها بتجيك رسالة على الايميل تطبعها من الايميل
او تاخذ الرقم المرجعي الطويل .. وتذكرون الخيارات اللي عطانا إياها في البداية

هذي

اختر الاخيرة منها وحط الرقم المرجعي الطويل واطبع ..

طيب ودي اتفلسف شوي

لو فرضا اني اخترت بعبي لشخصين دفعة وحده او لثلاثة دفعة وحده .. الدفع بيصير ١٢٥ او لكل واحد ١٢٥ .. ؟
الجواب كالتالي ..


اخترت اني اسوي لـ ثلاثة ووافق النظام

وطبعا مثل الخطوة الاولى كل واحد بسطر مستقل عادي ..

بالنسبة للخطوة اللي بعدها .. انا رجعت واخترت شخصين بس للتجربة بس

مثلا بدل الثلاثة اخترت اثنين وعبيت بياناتهم كلهم وكل شي بينقلني لصفحة التأكيد هذي

هنا عبيت لشخصين .. والمبلغ صار ٢٥٠ .. يعني لكل واحد ١٢٥ ريال
ما يتغير شي بالنسبة للدفع .. بس خيار انك تعبي لاكثر من شخص يوفر عليك الوقت


وعادي بينقلك للدفع نفس الصور اللي قبل ..
الحين انتهينا من حجز الموعد ..
--------

نفرض الحين انك انشغلت وتبي تغير موعدك ..
هنا تختار الخيار الثاني من هالصورة ..

" تعديل موعد قائم "

بيطلع لك هالصورة

حط المعلومات اللي موضحة بالصورة .. ويتيح لك تختار موعد جديد حسب المتوفر

.----
كذلك للإلغاء نفس الطريق تختار الخيار الثالث .. ويتكنسل

 

[أبو أحمد الحربي]

رد: استفسار عن استخراج الشنغن الألماني من جدة

الله يرحم والديك ويوفقك دنيا وآخرة ويسعد قلبك أخوي ... فعلا شرح كافي ووافي بيض الله وجهك
طبعا اللي أعرفه انو لازم يحضر جميع المسافرين ... لاني بحجز لشخصين شهر عسل بإذن الله تعالى
فهل أقدر احجز لكل شخص يوم عادي ؟ ولا الشخصين بنفس اليوم لازم ؟

وجزاك الله كل خير كفيت ووفيت

 

[سامح]

رد: استفسار عن استخراج الشنغن الألماني من جدة

تقدر تحدد موعد لكل شخص علي حدة والافضل ان الاثنين يكونان سويا

 

[أبو أحمد الحربي]

رد: استفسار عن استخراج الشنغن الألماني من جدة

تقدر تحدد موعد لكل شخص علي حدة والافضل ان الاثنين يكونان سويا

بيض الله وجهك والله يرحم والديك .. ماقصرت حبيبي الله يسعدك

 

[سامح]

رد: استفسار عن استخراج الشنغن الألماني من جدة

وياك يارب ابو احمد
نمتني وضع تقرير عن رحلتك بعد العودة ان شاء الله تعالي
رحلة سعيدة وموفقة لك وللاسرة

 

[أبو أحمد الحربي]

رد: استفسار عن استخراج الشنغن الألماني من جدة

وياك يارب ابو احمد
نمتني وضع تقرير عن رحلتك بعد العودة ان شاء الله تعالي
رحلة سعيدة وموفقة لك وللاسرة

أكيد بإذن الله تعالى ... انا صاحب منتدى سابق وبإذن الله أعدلكم تقرير ممتاز

سفرتي حتكون في شهر أغسطس بإذن الله تعالى لمدة 15 يوم شهر عسل وهي أساسا للنمسا مرورا بألمانيا كم يوم

شاكر ومقدر لك تعاونك واهتمامك أخي الكريم .. الله يحفظك

 

[Meshari]

رد: استفسار عن استخراج الشنغن الألماني من جدة

كم مدة التأشيرة من السفارة الالمانية اذا كانت هذي هي المره الاولى لاستخراج الشنقن.. 6 شهور ام سنة؟؟؟