رد: فزعة خبراء كيرلا
السلام عليكم يا فتى الخليج
الجدول الي انت حاطه ممتاز ومن ناحيه الفنادق انا بكيرلا ماسكنت بفنادق سكنت بالمنتجعات فقط انا رحت بالصيف على شهر يولويو ف الاجواء حاره وكان افضل اني اخذ منتجع وكل منتجع يوفر برك للسباحه
وكان المنتجع الي اخذته والي انصحك فيه في كوجي هو saja earth resort طبعا الغرف فيه مثل الاكواخ وكل غرفه فيها مدخل للمسبح والمسبح على شكل مربع حوالين كل الغرف الي موجوده بالمنتجع كلها تطل على مسبح واحد ويوفر المنتجع مطعم وقعده لشرب المشروبات او زي مايسمونها البار بس فيها عصاير الطبيعيه وبعض المشروبات الغازيه غير خرابيطهم وتقريبا كلفني 6 ليالي ب 43054 ربيه يعني يعادل تقريبا 200 دينار كويتي بلاش
وتقريبا جو الهند شبه ممطر سنوي يعني انصح انك تضبط وضعك بالملابس المطريه او تاخذ معاك مظلات ومع العلم انه اكثر الفنادق في الهند توفر المظلات لكثره هطول الامطار عليها ومونار هذي قصتها قصه انا ما اذكر المنتجع الي سكنت فيه بس بتكلم بشكل عام مونار قمه جبليه تقريبا ارتفاعها 3000 متر عن سطح البحر مساحات جبل مونار كلها خضراء بنبته الشاي الهندي توجد بعض البرك الطبيعيه في قمه الجبل وكمان يوجد محميات طبيعيه من الممكن انك تزورها وراح تشوف هناك انواع واشكال السياح الي تتوافد عليها وانت بصعودك للجبل راح تقابلك مزارع تربيه الفيلا ومن الممكن انك تركب فوقها
وهم بطريجك راح تقابلك مزرعه البهارات تنزل فيها وبتشوف انواع واشكال البهارات الهنديه بعينك من النبته نفسها وبعد ماتنتهي من الجوله فيها يدخلونك على متجر صغير يبيع بهارات وزيوت وخشب (صندل وغيره) المزرعه وهم رسومهم موغاليه ويوفرلك شخص يتحدث الانجليزيه يقوم ياخذ الجوله ويعرفك على كل نبته وشنو فايدته وستخداماتها سواء بالطعام او بالعلاج بالاعشاب و الجو بمونار غائم بارد جدا الغيوم تنزل على الجبل يعني ممكن تكثر حالات الضباب فيها بس هذا شي حلو لنك ماتشوفه بديرتك او بالخليج بشكل عام وانشالله اي معلومات اضافيه اتذكرها او القاها راح ابلغك عنها ب اسرع وقت ممكن والله يهنيك برحلتك ويتممها عليك :smile::smile:
