أختكم الصغيرة وتبي مساعدتكم..

عرض العطلة
ن

نعومة قلب

:: مسافر ::
10 فبراير 2015
7
0
0
#1
السلام عليكم ورحمة الله وبركاااته..

اخواني وخواااتي جزاكم الله كل الخير على المعلومات اللي تقدمونها وربي
لا يحرمكم الأجر..

بداااية .. الأشخاص انا وعائلتي ومكونين من 7 اشخاص خمسة كبار وطفلين
الوجهة بإذن الله .. النمسا _> المانيا _> ايطاليا
مدة الرحلة 14 يوم باذن الله ... وقت الرحلة اخر شهر يوليو وبداية اغسطس

...........
ودي اسال عن كم نقطة واتمنى منكم تساعدوني بترتيبها
1/ تقسيم الأيام بين هذي الدول والمدن الممكن السكن فيها
2/ الفنادق ما ابي اسمائها لكن ابي المناطق اللي تصلح انه العوائل يسكنون فيها بكل دولة..؟؟
3 / وهي اللي متخوفه منه ..طريقة التنقل انا حسيت القطار حلوو لكن اخاف الواحد يضيع وما يدري
كيف الطبخه .. مثلاً من المطار للفندق هل فيه قطار(سؤال غبي لكن تحملونا) والا تاكسي..!! وكمان لما اكون بالفنق وابي اروح
للاماكن المشهوره كييف!؟ كمان بين الدول الثلاث !!؟

الصدق ادري الأسئلة كثيره لكن ما لي الا الله ثم انتم اخواني صغار ما راح يدبرون هالشغلة وانا قايله لابوي انا راح ارتب هالرحلة
منشان كذا ما ابي اخربطهم بشي .. خاصة اننا عايله وهذي اول مره نسافر لاوروبا!؟؟
اتمنى تساعدوني وجزاكم ربي جناته..
 
ترتيب حسب التاريخ ترتيب حسب الأصوات
#2
رد: أختكم الصغيرة وتبي مساعدتكم..

الله يوفقك اختي ويسعدكم برحلتكم

أولا عندي ملاحظة : 14 يوم على ثلاث دول تعب تعب جدا , لا انتم الي بتستفيدوا من الرحلة وتستمتعوا ولا انتم الي بتشوفون معالم كل مدينة تزورونها

وزيدي على ذلك انكم عائلة ومعكم طفلين , واي سفر بعده تحتاجون يوم راحة غير محسوب

فأنا من رأيي تخلون بس النمسا وألمانيا فقط , بدون ايطاليا بلد الحرامية والنشالين

ويكون جدولكم : فيينا 3 ايام , زيلامسي 6 أيام , سالزبورغ 2 ايام , ميونيخ 3 أيام

من المطار الى الفندق دائما يكون الافضل بالتاكسي لانه وصولكم من ارهاق وتعب تحتاجون راحة ثانيا مو فاضي بعد تعب الطيارة تعب قطارات !!

عند حجز فنادق في أحد المدن أختاروا الفندق الي جنبه اندرقراوند يسهل عليكم عملية التنقل لأي مكان في المدينة وبكل بساطة يعني بمجرد خروجكم من الفندق على طول للاندرقراوند بدون فرفرة وتعب

بالأضافة للمناطق الي تكون قريبة من المناطق المعروفة كضرب مثال في فيينا ( ساحة ستيفن بلاتز )

طبعا الاندرقراوند هو القطار الي تحت الارض ويتنقل داخل المدينة فقط
اما القطار المعروف الي ينقل بين الدول والمدن فهذا يكون في منطقة وحدة اسمها منطقة القطارات المركزية

في حالة رغبتكم استخدام الاندرقراوند في جهاز عند اي محطة تطبعون منه تذاكر لعدد الاشخاص وعدد الايام وبسعر رمزي بسيط وتقدرون تستخدمونها الى الف مرة باليوم

اما قطار الي ينقل بين الدول والمدن فتقطعون التذكرة من محطة القطارات المركزية او من الانترنت وهي مفتوحة طول اليوم بإمكانكم بأي وقت تستخدمونها بنفس اليوم الي حددوته


واي استفسار انا حاضر
 
تأييد 0 تصويت سلبي
#3
رد: أختكم الصغيرة وتبي مساعدتكم..

نعومة قلب قال:
السلام عليكم ورحمة الله وبركاااته..
وعليكم السلام ورحمة الله وبركاته

اخواني وخواااتي جزاكم الله كل الخير على المعلومات اللي تقدمونها وربي
لا يحرمكم الأجر..

بداااية .. الأشخاص انا وعائلتي ومكونين من 7 اشخاص خمسة كبار وطفلين
الوجهة بإذن الله .. النمسا _> المانيا _> ايطاليا
مدة الرحلة 14 يوم باذن الله ... وقت الرحلة اخر شهر يوليو وبداية اغسطس
عائله كبيره ومده قصيره ودول متعدده ربما تكون متعبه عليكم
الافضل الاقتصار على النمسا والمانيا
...........
ودي اسال عن كم نقطة واتمنى منكم تساعدوني بترتيبها
1/ تقسيم الأيام بين هذي الدول والمدن الممكن السكن فيها
3 ليالي فيينا 3 ليالي سالزبورغ 5 ليالي زيلامسي 2 ليله ميونيخ

2/ الفنادق ما ابي اسمائها لكن ابي المناطق اللي تصلح انه العوائل يسكنون فيها بكل دولة..؟؟
نفس اجابة السؤال السابق :biggrin:

3 / وهي اللي متخوفه منه ..طريقة التنقل انا حسيت القطار حلوو لكن اخاف الواحد يضيع وما يدري
كيف الطبخه .. مثلاً من المطار للفندق هل فيه قطار(سؤال غبي لكن تحملونا) والا تاكسي..!! وكمان لما اكون بالفنق وابي اروح
للاماكن المشهوره كييف!؟ كمان بين الدول الثلاث !!؟
المترو والنقل العام سهل الاستخدام وابتعد عن التكاسي
او اخذ سياره اخر يوم في فيينا وسلمها في مطار ميونيخ

الصدق ادري الأسئلة كثيره لكن ما لي الا الله ثم انتم اخواني صغار ما راح يدبرون هالشغلة وانا قايله لابوي انا راح ارتب هالرحلة
منشان كذا ما ابي اخربطهم بشي .. خاصة اننا عايله وهذي اول مره نسافر لاوروبا!؟؟
اتمنى تساعدوني وجزاكم ربي جناته..
أنقر للتوسيع...
كذلك انتم بحاجه الى شنغن نمساوي بما ان اكثر الاقامه في النمسا وبالتوفيق لكم
 
تأييد 0 تصويت سلبي
#4
رد: أختكم الصغيرة وتبي مساعدتكم..

و عليكم السلام
كلام الاخوان السابقين صحيح
لكن لي راي اخر لاني جربت السفرة
الى 4 دول مع بعض و لم ارى فيها شقاء مفرط
لان التنقل بين الدول هو متعة تابعة للرحلة
و لو تبغى اضافة ارجع الى هذا الرابط
فهو يشبه سؤالك و ممكن يفيدك
https://forum.arabtravelers.com/travel159469.html#post880203
و السلام عليكم
 
تأييد 0 تصويت سلبي
عرض العطلة
عرض العطلة