الفزعه يالربع تكفون

[بونشاك]

السلام عليكم
مساء الخير تكفون يا اهل الخبره ناوي اروح لي 10 لاندونيسيا واول مره اروح لها انا والمدام اخوكم غشيم قفل متنك ههههههه كم ممكن تكون التكلفه اليوميه لكل شي سكن اكل تنقلات اهم شي الاماكن الي تناسب العوائل ماتهمني الفخامه قد النظافه بكل شي



الي عنده معلومات تكفون لايبخل على اخوه

 

[الهوآزنيُ النبيلْ]

رد: الفزعه يالربع تكفون

اهلا وسهلا بك اخي الكريم

ونتمنى لك رحلة سعيدة

اندونيسيا بلد رخيص سياحيا ، ولكن لابد من التخطيط السليم قبل الرحلة

حتى لاتقع عرضة للاستغلال

اولا : "المواصلات" يجب ان تنسق مع سائق تاكسي قبل سفرك وتحدد له موعد وصول الرحلة

وأسعار المواصلات هناك لاتتعدى يوميتها 400 ألف يورو تقريبا حوالي 120 ريال
ولو اتفقت مع السائق على ان يكون سائقك الخاص طوال ايام الرحلة لربما عملك "خصم"

ثانيا : السكن على حسب الموقع والنظافة هناك فلل ب400 ألف وب500 ألف روبيه وعلى حسب
والافضل لك ان تحجز سكن عن طريق الانترنت لمدة يوم او يومين وبعدها تذهب بنفسك لتختار السكن الذي يروق لك

ثالثا : الاكل والشرب يفضل انك تشتري المعلبات والرز من بلادك لأن البقالات السعودية غالية
اما بالنسبة للمطاعم العربية فهي متوفرة في اندونيسيا بشكل عام وفي بونتشاك بشكل خاص وأشهرها على الاطلاق مطعم الجزيرة

رابعا : بالنسبة لما يخص العوائل فقد وردني ان باندونغ محافظة نوعا ما ، وكذلك ذكر ان في الجبل مكان معين مخصص للعوائل

ولكن لاعلم لي به

تحية طيبة

 

[بونشاك]

رد: الفزعه يالربع تكفون

بيض الله وجهك وماقصرت ياسلاح
لاكن الروبيه او تدري ال١٠٠الف روبيه بكم ريال
اشكرك وانتظر من الاخوه ارآهم وفزعتهم بارقام سواقين ثقات وسكن مناسب
بالنسبه لموضوع العوائل انا عارف انو حنشوف ياما بلاوي لاكن اهم شي السكن مايصير حولنا اماكن عزاب هي الي ماتناسبنا الباقي كله نعرفه وامورهم هم ابخص

 

[تعبكـ راحه]

رد: الفزعه يالربع تكفون

اعجبني من مشرف بوابة مصر كاتب 400 الف يورو جلطني من هالكلمه

اعتقد اليوميه تتراوح من 800 ريال الى 1000 بالراحه


وراح تنبسط وايامك قليل فالافضل يكون بين جاكرتا وبونشاك وباندونق

والابتعاد عن بالي لن يبي لك سفر داخلي وراح ياكل من ايامك مع وجود ترفيئ كاممل في بالي

واي شي تبي ابشر اسئل

 

[حنان البندر]

رد: الفزعه يالربع تكفون

السواقين اغلبهم مابين 100 الي 120 من الصباح الين ماتقول بس

بس انت خطط من بدري واواكتب لك جدول للاماكن الي تبغي تروح لها
وضروري تمروا علي باندوق جميله منطقه اسمها شياتر وفندق فخم ورخيص سيروني 3 بالجبل

 

[بونشاك]

رد: الفزعه يالربع تكفون

اعجبني من مشرف بوابة مصر كاتب 400 الف يورو جلطني من هالكلمه

اعتقد اليوميه تتراوح من 800 ريال الى 1000 بالراحه


وراح تنبسط وايامك قليل فالافضل يكون بين جاكرتا وبونشاك وباندونق

والابتعاد عن بالي لن يبي لك سفر داخلي وراح ياكل من ايامك مع وجود ترفيئ كاممل في بالي

واي شي تبي ابشر اسئل

اشكرك ماقصرت صراحه اختصرت علي الموضوع كامل يعني نقول 900*10=9000
وتذاكر يعني مع بعضها وهدايا 15000

اشكرك اشكرك اشكرك

 

[بونشاك]

رد: الفزعه يالربع تكفون

السواقين اغلبهم مابين 100 الي 120 من الصباح الين ماتقول بس

بس انت خطط من بدري واواكتب لك جدول للاماكن الي تبغي تروح لها
وضروري تمروا علي باندوق جميله منطقه اسمها شياتر وفندق فخم ورخيص سيروني 3 بالجبل

ماقصرت يالامير
ادري مانت مقصر بس الظاهر التكلفه بتردنا بندور لنا دوله من 10 الآف وجاي كحد اقصى
صراحه اثلج صدري ردودكم وفزعتكم وحماسكم اخجلتوني لابعد حد